2024-04-20
HomeEkintza SozialaEuskal Kutxen likidazioa bizkortzen ari da. Hilak 30 baino lehen gauzatu nahi...

Euskal Kutxen likidazioa bizkortzen ari da. Hilak 30 baino lehen gauzatu nahi dute.

Ekainaren 11an, goizeko 10:30ean, giza-katea egingo da, Albiako Lorategietatik abiatu, Sabin Etxea aurretik, eta Aldundian – BBK-n amaituko da.
Operazio hau oztopatu behar dugu. Horretxegatik erantzun sozial zabala eta irmoa piztu eta sustatu dugu. Honen harira, LAB kidea den “Euskal Finantza Sistema Publikoaren aldeko eta Kutxabank pribatizatzearen aurkako Plataformak” animatzen zaitu giza-kate honetan parte hartzera.

Gaur egun, EAJ, PP eta PSE alderdi politikoen laguntzaz, Euskal Kutxa Kutxabanken erabakitzen duten horiek erabaki dute azeleragailuari sakatzea, handitzen ari den hiritarren presioa eragozteko.
Aldebakartasunez, EAJk eta hura babesten dutenek, BBK-ren egungo kudeatzaileekin batera, erabaki dute ekainaren 30a baino lehen BBK banka-fundazio bihurtuko dutela.
Erabaki horrek garrantzia handia izango du Euskal Kutxen etorkizunarentzat eta hauek sortu duten Banku berarentzat, Kutxabankarentzat alegia.
Besteak beste, PP eta EAJren botoekin onartu zen (Kutxa eta banka-fundazioen abenduaren 27ko 26/2013 legean ezarria betez) banku-fundazio bilakatze horrek ondorioak ekarriko ditu. Kutxabanken akzioak egun hauen jabe Euskal Kutxak dira, baina erabaki horren ondorioz behin-betikoz kontrol publikotik kanpo geratuko dira.
Administrazioez, langileez eta ezarleez osatutako antzinako batzarrak desagertuko dira, eta 15 pertsonez osatutako patronatua eratuko da. 15 lagun hauen %25a, asko jota, erakunde sortzaileetako kideak izan daitezke, eta kideen %50a baino gehiago finantza eta ekonomia esparruko ospe eta sona “aitortzen zaien” pertsonez osatuko da.
Modu honetan aukeratuko diren pertsonek erabakiko dute nola eta noiz salduko diren Kutxabankeko akzioak. Haiek erabakiko dute Euskal Herrian euren aurrezkiak Euskal Kutxetan gordailutu dituzten milaka eta milaka lagunen aurrezkiez.
Jakin badakigu, EAJk eta PPk bultzatu duten erabaki politiko batez ari garela. Horrela, Kutxak-Kutxabank pribatizatzeko behar diren lege-erreformak eta Kutxetan gordailutu den euskal aurrezkien 60.000 milioi baino gehiago bankarien eta espekulatzaileen esku uztea hitzartu dute.
Lapurreta honen aurka dihardugunok, premiaz eta irmotasunez erantzun behar dugu.
Borroka hau irabaziko dugulako, Kutxabank pribatizatzeari ez! Euskal Finantza Sistema Publiko baten alde.
 

 

 

AZKEN ALBISTEAK | ÚLTIMAS NOTICIAS

LABek ez du sinatu EAEko anbulantzietako aurreakordioa, hilabete luzetako borrokan planteatutako gutxieneko hobekuntzak ez baititu jasotzen

Anbulantzietako langileentzat Osakidetzako lankideekiko homologazioa eta soldataz haragoko bestelako hobekuntzak alde batera utzi dituzte azken asteetan LABi bizkar emanda aritu diren ELA, CCOO eta UGTk. LABek ez du sinatu aurreakordioa.

Patronalaren eta instituzioen utzikeriak dirauen bitartean prekaritateak hiltzen jarraitzen duela salatu dugu Gasteizen

Iragan asteburuan bi Euskal langileren heriotzen berri izan dugu, garraiolari bat Lleidan eta langile autonomo batena, Gasteizen. Gure elkartasuna eta besarkada beroena hurbilekoei.

Euskal Herriko Pentsiodunen Mugimenduak iragarritako Herri Ekimen Legegileari babesa adierazi dio LABek, gutxieneko pentsioak 1080 eurotara premiaz osagarritu daitezen

Atzo, apirilak 19, milaka euskal pentsiodun atera ziren kalera. Gasteizen egindako mobilizazioan, 1080 eurotako gutxieneko pentsioa behingoz berma dadin 170 udaletan baino gehiagotan aurkeztutako mozioak izan zituzten hizpide, baita horren segida izango den lantzen dabiltzan Legez besteko Proposamena ere. LABek mugimenduaren aldarriekin bat egiten du eta ekimen berri hau babesten duela adierazi du.