Beste lan heriotzaren berri izan dugu. Getariako Indaux enpresako 34 urteko langile bat larunbatean izan zuen lan istripuak eragindako zaurien ondorioz zendu da.
Odolusteak ez du etenik , 2021 urtea hasi denenetik, gutxienez 20 langilek bizitza galdu dute lanean edo lanaren ondorioz, laneko istripu hilgarrien tasa urtetik urtera handitzen ari da. Gainera, ezin dugu ahaztu Joaquin Beltran Zaldibarko zabortegian desagertuta dagoela duela 15 hilabetetatik.
Lehenik eta behin, LAB sindikatutik gure elkartasuna eta babesa adierazi nahi diegu hildako langilearen familia eta gertukoei .
Gaur gertatutakoa ez da berria. Urtero istripu hilgarrien %20a inguru harrapaketengatik edo kolpe bidez izaten dira, baina hau ezaguna izan arren, enpresetan ez dituzte neurriak hartzen honelako istripuak berriro gerta ez daitezen.
Administrazio publikoek jarraitzen dute langileen segurtasuna eta osasuna serioan hartu gabe. Enpresetan prebentzio legeak eta prebentzio neurriak betetzen direla jakiteko ez dute kontrolik egiten. Horren erakusgarri laneko istripuak eta heriotzak.
Argi daukagu lan istripuak ez direla zoriak edo kasualitateak sortuak, ematen diren lan harremanen, prekarizazioaren, lan arautegiaren, segurtasun neurrien faltaren eta azpi- kontratazioaren emaitza dira. Administrazio publikoei exigitzen diegu istripua iker de- zatela, arduradunak seinalatzea eta egindakoagatik ordainaraztea.
Langileok bizi ahal izateko egiten dugu lan eta ez ahalegin horretan bizia galtzeko. Langile bat hiltzea ez da lanaren ezaugarri bat. Lan istripuak patronalak lan egiteko orduan ezartzen dizkigun baldintza kaskarrak eta lan egiteko moduen emaitza dira.
LAB sindikatutik argi dugu, bizi eta lan duinak behar ditugu, lanetik onik eta bizirik bueltatzeko eskubidea dugu. Badakigu norbanakoena, familiena eta gizarte osoarena den gaitz honekin bukatzeko bide bakarra borroka eta antolakuntza direla, lan harremanen eta joko arauen aldaketatik etorriko dela aldaketa. Eredu berri bat gauzatu behar dugu, langileon bizitza eta osasuna lehenetsiko dituena. LAB sindikatutik lanean eta borrokan jarraituko dugu langileon eskubide , segurtasun eta osasunaren alde.
Inaux-eko enpresa batzordeak, ostirala, bi elkarretaratze deitu ditu, biak 12etan, bata Getariako frontoian eta bestea Indaux enpresak Aian duen lantokiaren pareko rotondan. Dei egiten diogu langile klaseari salatze mobilizazioetan parte hartzera.