Atzo Lanalden enpresan % 70eko jarraipena izan zuen enpresa batzordeak deituriko lanuzteak. Lanuzte hauek lan hitzarmena eta lan harremanen kontseiluan adostutako akordioak behin eta berriro urratzeagatik, mehatxuengatik eta kaleratzeengatik salatzeko deialdia luzatu du batzordeak.

Bertako langileek, lanuztearen bitartez argi eta garbi erantzun diote enpresari bide okerreteik doala. Gaurko ere, martxoak 28, lanuzteak daude deituta, goizeko 11etatik 12ak arte eta arratsaldeko 17etatik 18ak arte Bilboko (Pablo Alzola 2) eta Derioko (seminario zaharra) eraikinetan.

Batzordeak enpresa bezeroak diren Eusko Jaurlaritza (SOS 112 eta Trafico 011), Foru Aldundia (Bizkaibus), Bilboko Udala (010, Alhondiga), Kutxabank, Euskaltel, Fagor, Naturgas (EDP) edo Lagun Aro jotzen ditu Lanaldenek duen jarreraren erantzule, beraien isiltasunak Lanaldenen jokabidea indartzen baitu. Enpresak bortizki apikatzen du lan erreforma langileen egoera prekarioa areagotuz.

Enpresaren jarrera aldatu ezean Lanaldeneko langileek lanuzteekin jarraituko dute lan harremanen normalizazioa lortu arte.