LAB SINDIKATUA

2019/01/16 :: 23:55

Azken Eguneraketa:2019/01/16 :: 14:03

HIZKUNTZA
Hemen zaude: ARLOAK EMAKUMEAK

Emakumeak

Sindikatuko emakumeon batzarra egingo dugu ostiralean, martxoaren 8ra begira

E-posta Inprimatu PDF fitxategia

Martxoaren 8ra begira gaude. Hala, feminismoaz eztabaidatzeaz gain, greba feministaren lanketari buruz ariko gara. 

Nafarroako Auzitegiak La Manadaren inguruan hartutako azken erabakiaren ondoren, epaitegietan emakumeontzat justiziarik ez dagoela berretsi nahi dugu

E-posta Inprimatu PDF fitxategia

Gaur, epaia irmoa izan arte Nafarroako Auzitegiak San Ferminetako erasotzaileak baldintzapeko askatasunean jarraituko dutela erabaki du.

Benetako inplikazioa exijitzen diogu Osakidetzari Berdintasun Planaren inguruan

E-posta Inprimatu PDF fitxategia
Osakidetzak gizon eta emakumeen arteko berdintasun plan bat eduki behar zuen orain dela 10 urte, legeak behartzen duen moduan. LABek behin eta berriro salatu du egoera.

Elkartasun osoa bidaltzen diegu Huelvan lan esplotazio egoera eta sexu abusuak salatu zituzten Marokoko emakume migranteei

E-posta Inprimatu PDF fitxategia

Epaileak artxibatu egin du abusu sexualak salatu dituzten Marokoko emakume langileen kasua. Erabaki hau salatzeko mobilizazioekin bat egiten dugu; tartean, Donostian bihar, abenduak 19, egingo den elkarretaratzearekin (19:00etan, Bulebarrean).

Martxoaren 8ko greba feministara begira gaude sindikatuko emakumeak

E-posta Inprimatu PDF fitxategia

Martxoaren 8ko greba feministaren prestaketa lanen harira, enpresa eta sektore desberdinetako LABeko kideak Iruñean bildu gara gaur. Hain zuzen ere, bertaratutakoek greba feministari begira zein ekarpen egin dezakegun gogoeta egin dugu.

Sistema kapitalista heteropatriarkal honetan ez dago emakumeontzat justiziarik

E-posta Inprimatu PDF fitxategia

Argentinako mugimendu feministak emakumeen eta disidentzien greba plurinazional batera deitu du gaurko, herrialde osoan, bortxaketaz akusatuta zeuden hiru pertsona aske gelditu ondoren. Gaur jakin dugu, aldi berean, "la Manada" auziari buruzko epaia.

Eusko Jaurlaritzak eta Emakundek soldata arrakala txikitzeko onartutako Estrategia eta Plan Operatiboa arduragabea dela salatzen dugu

E-posta Inprimatu PDF fitxategia
Onartutako plana defendaezina da, edozein neurri hartuta ere ez da guztiz aldatuko, sistema kapitalistan ez baitago emakumeon egoera aldatzeko edo hobetzeko neurri posiblerik, sistema bera ikutu gabe. Lan munduan emakumeok pairatzen ditugun diskriminazioak ez dira akatsak, baizik eta faktore estrukturalen ondorioak. Beraz, martxan jarri beharreko neurriek erradikalak eta estrukturalak izan beharko lukete. Erantzukizun politiko kontua da, ez borondatezkoa. LABek beste eredu berri baten alde borrokan jarraituko du.

"Gure genealogia feministak"

E-posta Inprimatu PDF fitxategia


"Gure genealogia feministak" liburuak Euskal Herriko mugimendu feministaren kronika bat kontatzen du; eta bideo honetan, kronika horren laburpen txiki bat egin du Euskal Herriko Emakumeon Mundu Martxak. Miren Aranguren, Edurne Epelde eta Iratxe Retolaza dira liburu honen egileak. Emakumeon Mundu Martxak XI Nazioarteko Topaketen harrera ekitaldirako prestatu zuen laburpen bideoa. 

Emakumeontzako justizia aldarrikatu dugu Hego Euskal Herriko epaitegien aurrean

E-posta Inprimatu PDF fitxategia

LABek mobilizazioak egin ditu gaur Bilbo, Donostia, Gasteiz eta Iruñeako epaitegien aurrean, Emakumeenganako Indarkeriaren Kontrako Nazioarteko Egunaren atarian. Emakumeontzat justizia eskatu dugu eta salatu, gaur gaurkoz, oraindik ere emakumeok pairatzen dugun indarkeria matxista ez dela lehentasun bat eragile politikoentzat.

Entzutegi Nazionalak OTRAS sindikatuaren estatutuak baliogabetzearen kontra gaude

E-posta Inprimatu PDF fitxategia
OTRAS sindikatuaren legeztatzean gobernuak sindikatua atzera botatzeko hartu zituen erabakiak edo gaur bertan Entzutegi Nazionalak hartutako erabakiak, prostituzioaren gaia agenda politiko eta mediatikoan sartu du berriro. Eta bistakoa da eztabaidak gatazkatsua eta oso korapilatsua izaten jarraitzen duela.

Epaitegien aurrean mobilizatuko gara ostiralean, emakumeentzat justizia aldarrikatzeko

E-posta Inprimatu PDF fitxategia

Agerraldi bat egin dugu Bilbon, azaroaren 25ari begira antolatu ditugun ekimenak aurkezteko, hots, Emakumeenganako Indarkeriaren Kontrako Nazioarteko Egunerako deitutako mobilizazioen berri emateko, ostiralean gauzatuko ditugunak. Era berean, Emakumeen Kontrako Indarkeriaren Epaitegien egoera jasotzen duen txosten bat osatu dugu, eta horren aurkezpena egin dute LABeko Zehar lerrotako arduradun Arantza Vazquezek, Idazkaritza Feministako idazkari Eli Etxeberriak, sindikatuko Justiziako arduradun Alaitz Jauregik eta Loreto Cabo delegatuak. Egoeraren diagnostikoa ez ezik, hutsuneak konpontzeko proposamenak ere planteatu ditugu txostenean. 

Mobilizaziora deitu du Emakumeon Mundu Martxak, azken erailketa matxista salatzeko

E-posta Inprimatu PDF fitxategia

Iruñean elkarretaratzea egingo dute gaur (Udal plaza, 20:00) eta Bilbon (Arriaga, 19:00), Donostian (Bulebar, 19:00) eta Gasteizen (Andra Mari Zuria, 19:30) bihar.

Asier Nieblaren heriotza salatzeko bihar Urnietan egingo den elkarrateratzearekin bat egiten dugu

E-posta Inprimatu PDF fitxategia
Bihar urriak 20, elkarretaratzea egingo da 12:00etan, Urnietako San Juan plazan Asier Niebla Martinezen hilketa salatzeko, bertako Udalak deituta. LABeko kidea urriaren 11an hil zen, abuztuaren 12an Donostian izandako eraso matxista baten ondorioz.

LABek bere elkartasuna eta babesa erakutsi nahi dio hildakoaren senide eta ingurukoei eta dei egin nahi du kontzentrazioan parte hartzera.

Indarkeria sexistaren aurrean mobilizatzeko beharra azpimarratu du sindikatuak.

Gure sinadura erretiratu dugu Kutxabankeko Berdintasun Planetik, marketin hutsa delako

E-posta Inprimatu PDF fitxategia

LABek elkarretaratze bat egin du gaur, Bilboko Gran Via 30eko egoitzaren aurrean, Kutxabanken berdintasunik ez dagoela salatzeko. Bertako delegatuek eta LABeko Idazkari Feministako idazkari Elixabete Etxeberriak hartu dute hitza. Azken honek adierazi du azken boladan berdintasun planak ez betetzea norma bihurtzen ari dela: "Oso erraza da planak egitea, betetzea ez hainbeste".

Badator Feministon Herria!

E-posta Inprimatu PDF fitxategia

Geroz eta gertuago dago Emakumeon Mundu Martxaren XI. Nazioarteko Topaketa, urriaren 22tik 28ra izango baita Bilbon. Hala, gaur agerraldi bat egin dute egitarauaren xehetasunak emateko; urriaren 27ko Feministon Herriko jardueren berri emateko, besteak beste. Hain zuzen ere, egun horretan, Bilboko Areatzan elkartuko dira Euskal Herriko mugimendu feminista eta Nazioarteko Topaketara etorri diren emakume guztiak, eta nolako herri feminista eraiki nahi duten erakutsiko diote munduari. 

Kontziliazio politikak oraindik ere emakumeon kontura egiten dira eta Aldundiek, gainera, egoera hauek areagotu egiten dituzte

E-posta Inprimatu PDF fitxategia
Aste honetan Auzitegi Gorenak Gizarte-Segurantzatik jasotako amatasun prestazioak PFEZetako ordainketatik salbuetsita daudela deklaratu du. Foru Ogasunek, Estatuko erabakiei lotu gabe, beren erabaki propioak hartzeko burujabetza izan behar dutela uste dugu. Hori esanda, era berean, bizitza erdigunean kokatuko duen eredua aldarrikatzen dugu. Zaintza lanak zentrora ekartzeaz ari gara. Hau da, lan hauek modu korresponsable batean aurrera eraman daitezen neurriak hartzeaz, benetako kontziliazio neurriak bultzatzeaz. Ildo horretatik, Foru Ogasunei eskatzen diegu zaintza lanei aurre egiteko ezarriak dauden prestazioetan erretenitutako dirua itzuli dezaten. Ogasunek erabaki hau hartu ezean zilegi iruditzen zaigu horrelako prestazioa jaso izan duten pertsonek erreklamazioa Ogasunei bideratzea, eta LABetik horrela egin dezaten aholkatu diegu gure afiliatuei.

Prekarietatearen errealitate prekarioena

E-posta Inprimatu PDF fitxategia

Urte luzez egon gara emakumeok etxean giltzapetuta, gure lanak omen zirenak egitera kondenatuta, gizonezkoenak omen ziren esparruetatik kanpo. Borroka handiz lortu genuen egoera hori atzean uztea, ez guztiz hala ere: lan munduan ere esparru berezietara konfinatu gaituzte, zenbait enplegu galarazi eta prekarietatearen prekarioena guretzat gorde. Sektore feminizatuetako langileek bertatik bertara ezagutzen dute errealitate hori. Hala, LAB bidelagun hartuta sektore desberdinetan borrokan diren hainbat emakume bildu ditugu, euren azalean bizi duten bidegabekeria irudikatzeko.

Erabakitzeko lehenengo territorioa gure gorputza da!

E-posta Inprimatu PDF fitxategia

Irailaren 28 honetan, “Abortuaren despenalizazioaren aldeko borrokarako eguna” den honetan, LABetik gure elkartasuna eta babes osoa helarazi nahi diegu munduan zehar gure gorputzetan erabakitzeko eskubideen alde borrokan dauden gure ahizpa guztioi.

Emakumeon Mundu Martxak kalera irtetzeko deia egin du azken erailketa matxista salatzeko

E-posta Inprimatu PDF fitxategia

Sei emakume erail ditu indarkeria matxistak aurten Euskal Herrian. Azkena Maguette Mbeugou izan da, 25 urteko emakumea. Bilbon erail du bere bikotekide ohiak. Hala, erailketa hau salatzeko mobilizaziora deitu du Euskal Herriko Emakumeon Mundu Martxak.

Page 1 of 12

Gure zerbitzuak hobetzeko, gure eta hirugarrenen cookieak erabiltzen ditugu, eta iraunkorrak direnez, erabiltzaileei buruzko estatistikak ematen dizkigute. Nabigatzen jarraitzen baduzu, cookie horiek erabiltzea onartzen duzu.

Informazio gehiago hemen.

Pribatutasun politika / Política de privacidad
.