Gaur, apirilak 21ean, laneko heriotza baten berri izan dugu. Igandean, Gestamp taldeko Europa Iparraldeko dibisioko prebentzio zerbitzuen arduradunak, laneko bileran zegoela, bihotzekoa izan zuen eta bertan hil zen. Lan-istripu ez traumatikoa Matriceria Deusto lantegian izan zen, Zamudion.
Honekin, gutxienez 27 langile hil dira Euskal Herrian lanean urtea hasi denetik eta beste bi langilek, Alberto eta Joaquinek, desagertuta jarraitzen dute Zaldibarreko Zabortegian otsailaren 6tik.
Bizi dugun pandemia egoera honetan, egungo presioa eta tentsio egoerak areagotzen dira, istripu hilgarriak gora doaz eta lan-baldintzak okerrera. Horren erakusgarri alarma egoera ezarri zenetik Euskal Herrian hildako langileen zerrenda luzea, gutxienez 8, azken langile hau kontatuta. Horreela pasa den astean langile bat hil zen Arrigorriagako Talleres Berasateguin eta beste bat Pasaiako portuan. Apirilaren 11an, Lesakako Arcelor Mittaleko beste langile bat. 7an, nekazaritzako langile bat Behe Nafarroako Oregarren. Apirilaren 4an, IMQko osasungintza langile bat. Martxoaren 23an, Asfaltiako beste bat AP-8an eta martxoaren 18an Galdakaoko ospitaleko erizain bat.
Lehenik eta behin, LAB sindikatutik gure elkartasuna eta babesa helarazi nahi diegu senide, gertuko eta lankideei.
Azken hau bezalako lan istripu ez traumatikoak ere lan-istripuak dira. Ez dira kasualitatez laneko orduetan izaten, zorte txarragatik edo enpresariek dioten moduan, lanarekin zerikusirik ez dutela.
Lan-baldintzak, presioa eta estresa dira bihotzeko istripuak sortarazten dituzten faktore garrantzitsuenetakoa, eta laneko istripuen arrazoi nagusienetakoa bilakatu dira.
Azken istripu honen eta laneko istripu guztien atzean langile klasearen lan- eta bizibaldintzak daude. Lan-baldintza txarrak, hala nola gehigizko erritmoak, presioak, autoritarismoa etab., estresa sortzen dutenak eta honen ondorioz, langileei patología ezberdinak sortarazten dizkietenak eta batzutan, heriotza ere bai.
Lan duina eta bizitza duina izateko eskubidea dugu, lanetik etxera osasunez eta bizirik itzultzeko eskubidea dugu. Argi dagoena da hau edo beste edozen lan-istripu ez direla gertakari isolatuak, langileen osasuna eta bizitzaren aurretik enpresarien irabaziak lehenesten dituen eredu produktibo baten isla baizik.
LABen argi dugu mobilizazioa eta borroka direla lan-istripuen gaitz indibidual familiar eta sozial honekin amaitzeko ditugun arma bakarra, norabide aldaketa behar dugulako,
eredu aldaketa bat, langile-klasearen osasuna eta bizitza izango dituena elementu nagusi moduan.
Horregatik, LABetik dei egiten diegu langile guztiei lan-baldintza duinen alde borrokan egitera.