Pasa den abenduaren 15an LABen Zerbitzu Publikoetako Federazioak Mutualitateen lege berriaren inguruko mintegia burutu zuen. Honen helburua 2015eko urtarrilaren 1etik martxan dagoen lege berria ezagutzea zen, baita honen ondorioak ere, hots, mutalitateek duten gertakari arrunten kontrola, martxan dagoena 2015eko abenduaren 1etik.
Mintegiaren helburuak trebatze ideologikoa eta sindikala izan ziren. Bere egituraketari dagokionez, lehenik, mutualitateen ereduaren gaineko azalpen juridiko- praktiko egin zen. Bigarrenik, ekintza sindikalaz mutualitateen kontrako borroka nola bideratu aztertu zen. Hirugarrenik, kasu praktikoak landu zituzten: Gasteiz, Donostia eta Iruñeko Udalekoak. Amaieran eztabaida egin zen.
Osasungintza, irakaskuntza, administrazioa eta sozio-komunitarioko delegatuen parte hartzea izan zen mintegian.
LAB Zerbitzu Publikoen Federazioak markatutako helbururako, hau da, zerbitzu publikoen defentsarako positiboki baloratzen da mintegia lehenengo pauso moduan.