2024-05-22
HomeEkintza SindikalaUko egiten diogu CCOOk CEARen sustatutako estatu-esparruan parte hartzeari, eta berretsi egiten...

Uko egiten diogu CCOOk CEARen sustatutako estatu-esparruan parte hartzeari, eta berretsi egiten dugu Euskal Herriko esku-hartze sozialeko sektorearekiko apustua eta konpromisoa

Beste behin ere salatzen dugu estatalizazioa iraunaraztea langileak prekarizatutako egoera batean mantentzeko mekanismo bat dela, kasu honetan, CEAReko plantilla. Hartutakoa, erabaki-esparruak oztopatzen dituen akordioa da, eta ordezkatzen ez gaituen estatu-esparrua bermatzen du. LABek ez du onartuko edo legitimatuko lan-baldintzen estatalizazioa indartuko duen negoziazio-esparrurik, eta ez du parte hartuko langileen prekarizazioa betikotzen edo areagotzen duen akordioetan.

Garrantzitsua da azpimarratzea Hego Euskal Herri osoko CEAReko plantilla greba, lanuzteak eta mobilizazioak antolatzen ari dela eskakizun berdinarekin, esku-hartzeko sozialeko hitzarmen sektorialen aplikazioa, haien baldintzak lurralde bakoitzeko sektoreko lankideen baldintzekin parekatzeko helburuarekin. Era berean, LAB sindikatua Hego Euskal Herri osoan mobilizatzen ari da esku-hartze sozialeko langileen sektorearen eskubideak berritzeko eta hobetzeko. Hau da gure apustua. Benetako negoziazio kolektiboa Euskal Herrian. Une honetan, gure plangintza eta dinamika argia da esku-hartze sozialeko sektorean. Izan ere, horregatik gara sektoreko lehen indarra Nafarroan eta Gipuzkoan, eta Hego Euskal Herriko lau lurraldeetan borrokari eutsi diogu.

LABen estatalizazioaren aurkako apustu sendoa egiten dugu eta sektore honen funtsezko lan publikoa aitortzearen alde borrokatzen jarraituko dugu. Negoziazio kolektiboa eta esku-hartze sozialeko langileen antolaketa bultzatzen jarraituko dugu, baina, batez ere, sektore honetako langileen lan- eta bizi-baldintzen aurkako atzerapauso eta eraso oro salatzen jarraituko dugu.

AZKEN ALBISTEAK | ÚLTIMAS NOTICIAS

Euskal hitzarmenen lehentasuna bermatuta, esparru propioaren eraikuntzan urrats gehiago eskatu ditugu

Aurreko erredakzioa hobetzeko LABetik egin genituen eskarietako batzuk aintzat hartu dira; ondorioz, Euskal Herriko langileek bertako hitzarmenen lehentasuna bermatu ahal izango dute.

Osakidetzako zuzendaritzak eta Osasun Sailak ikuztegiak publifikatzeari ekin behar diote, LABek lortutako EAEko Justizia Auzitegi Nagusiaren epaiaren ondoren

Eskaera formal bat aurkeztu dugu Osasun Sailean, Osakidetzan ikuztegi lanak publifikatzeko behar diren elkarrizketei ekiteko asmoz.

Gasteizko Francisco Vitoria institutuan lan-osasun arloko prebentzioa bermatzeko exijitu dugu

Ikastetxeko langileek eta sindikatuok elkarretaratzea egin dugu Gasteizko Hezkuntza Ordezkaritzaren aurrean. Hezkuntza Sailak eta ikastetxeko zuzendaritzak uko egin diote arrisku psikosozialen ebaluazioa egiteari.