Bizkaiko grafikagintzako hitzarmenaren negoziazio mahaia lehen aldiz bildu zenetik hamar hilabete igaro dira. Maiatzaren 23tik hona 10 bilera egin ditugu, azkena atzo, martxoaren 14an, eta ezin dugu esan akordioa orduan baino gertuago dagoenik.
Patronalak negoziazioa berak nahi dituen gaietara baldintzatzen jarraitzen du, eta atzerapausoetan tematuta dago. Orain arte, akordiorik gabeko malgutasun handian eta gehiegizko konpentsazio eta xurgapen klausula batean tematu da. Gainera, atzoko bileran berriro ere argi utzi zuen soldata taulak ez direla KPIaren arabera eguneratuko. Horrek esan nahi du sektoreko langileek erosteko ahalmenaren galera handia izango dutela eta, ondorioz, pobreagoak izango direla.
Hamargarren bilera honetan, negoziazio mahaian ordezkaritza dugun lau sindikatuok balorazio negatibo bera egin dugu.
LABek CEBEKi adierazi dio oso oker dagoela uste badu aurrekoa baino txarragoa den hitzarmen bat sinatzeko deitu genuela negoziazio mahaia 2023ko maiatzean.
Negoziazio mahaiaren blokeoaz baino ezin dugu hitz egin.
Berriz diogu jauzi bat egin behar dela Bizkaiko grafikagintza sektorean. Aliantza egokiak sortu behar ditugu langileak antolatzeko eta aktibatzeko, eta berehala jarri behar dugu borrokarako planteamendu bat, helburu bakartzat Bizkaiko grafikagintzako hitzarmen kolektibo on bat izango duena.
LAB borrokarako prest gaude Bizkaiko grafikagintzakon, sektoreko langileei beharrezko bide horretan laguntzeko, eta gardentasunez, erantzukizunez eta konpromisoz egingo dugu.