2024-04-23
HomeEkintza SindikalaUdal eta foru administrazioko langileek euskararen aurkako erasoak salatzeko mobilizazioak egingo dituzte

Udal eta foru administrazioko langileek euskararen aurkako erasoak salatzeko mobilizazioak egingo dituzte

Euskalgintzaren Kontseiluak azaroaren 4an Bilbon deitutako manifestazioan parte hartzeko deia zabalduko dute, oldarraldi judiziala gaitzetsi eta hizkuntzaren normalizazioan aurrera egiteko helburuz.

EAEko Justizia Auzitegi Nagusiko Administrazioarekiko Auzien Aretoak Araba, Bizkaia eta Gipuzkoako toki-erakundeetan hizkuntza ofizialen erabilera instituzionala eta administratiboa normalizatzeari buruzko 179/2019 Dekretuaren aurkako ebazpena eman du berriki. Ebazpen honek 2016ko Udal Legea garatzen zuen dekretuaren zenbait artikulu baliogabetu ditu.

LABen ustez, eraso oso larria da eta toki administrazioko langileei are beharrezkoagoa zaie azaroaren 4ko manifestazioa indartzea.

Udal eta foru administrazioko langileek epaileen eraso ugari pairatu dituzte. Langileei ez zaie bermatzen euskaraz lan egiteko eskubidea. Herritarrei, oro har, urratu egiten zaie zerbitzu publikoa euskaraz jasotzeko eskubidea.

Euskararen erabileraren kontrako oldarraldi judiziala bete-betean nozitzen ari dira udal eta aldundietako langileak. Hala, nabarmentzekoak dira hizkuntza eskakizunak ezartzearen aurka egiten duten ebazpen judizialak.

Hori guztia dela-eta, azken urteotan oldarraldi orokor hau pairatu duten zenbait udal zein foru erakundetan, LABek mobilizazioak sustatu ditu azaroaren 4ko manifestazioari atxikimendua adierazteko: Uliazpi eta Gipuzkoako Foru Aldundia (urriak 31, ELArekin batera) Laudioko Udala (azaroak 2), Barakaldoko Udala (azaroak 2, ELArekin batera) eta Iruñean (azaroak 3), Hezkuntza Sailaren aurrean.

Azaroaren 4an, larunbata, 17:00etan Bilboko Euskalduna Jauregitik abiatuko da Euskalgintzaren Kontseiluak deitutako manifestazioa, eta honakoa izango da lelo nagusia: “Oldarraldiaren aurrean, euskararekin bat, euskaraz bat”. Udal eta foru administrazioko langileak bertan izango dira.

AZKEN ALBISTEAK | ĂšLTIMAS NOTICIAS

ZF LEMFORDER TVAn kaleratzerik ez dugu onartuko

LABetik Ermuko ZF LEMFORDER TVA enpresako langile gazte baten kaleratzea salatzen dugu. Enpresak langileari deitu zion antzinatasunagatik hurrengo errelebo kontratua izatea tokatzen zitzaionean, baina, ordea, enpresak jakinarazi zion egun hori zela enpresan lan egingo zuen azken eguna.

Babestu egin dugu oraindik aitortua ez zuten Osasunbideko osasun langileentzako Lanbide Karreraren ezartzea, baina osasun arlokoak ez diren langileei zabaltzea eskatzen dugu

Gaur eguerdian Iruñean egin den Osasunbideko mahai sektorialean, LAB sindikatuko kideok aldeko botoa eman diogu C eta D mailetako osasun langileentzako Lanbide Karreraren lege proiektuari. Lege proiektu hau LABek bere garaian Osasun Departamentuarekin lortu zuen akordioaren gauzatzea da, eta neurri garrantzitsua da horren onura jasoko duten 3.000 pertsona baino gehiagorendako. Hala ere, bidegabetzat jotzen dugu osasun arlokoak ez diren langileak kanpoan gelditu izana; beraz, borrokan jarraituko du Osasunbideko langile guzti-guztien lan baldintzak erabat duindu arte.

Osakidetzak ez du Euskara Plana betetzen eta iluntasunez jokatzen du konpromisorik eza ezkutatzeko

Osakidetzak urteak daramatza bere pasibotasunarekin EAEko osasun sistema publikoa benetan euskalduntzea eragozten. Propaganda engainagarriaz harago, eta bertako langileek beren zereginak euskaraz egin ahal izateko euskalduntze prozesua eragozteaz gain, ez du bermatzen erabiltzaile euskaldunek arreta euskaraz jasotzeko duten eskubidea.