2024-04-16
HomeEkintza PolitikoaTxus Matinen etxeratzea eskatzeko eta konponbidearen aldeko elkarretaratzea martxoaren 27an

Txus Matinen etxeratzea eskatzeko eta konponbidearen aldeko elkarretaratzea martxoaren 27an

Datorren martxoaren 27an LABek konzentrazioa egingo du Basauriko Anbulategian Txus Martinen etxeratzea eskatu eta konponbidearen garaia dela aldarrikatzera. Mobilizazioa eguerdiko 12:30etan izango da.

Konponbide garaia da
Euskal preso eta iheslaria politikoak herrira!

TXUS MARTIN ETXERA!

Euskal Preso Politikoen Kolektiboak, gatazkaren ondoriok gainditzeko bidean, eta hau integrala izan dadin, konpromisoa adierazi du askotan alde guztien pairamen eta mina aitortzeko eta presoen bueltarako forma malguak bilatzeko.

Euskal Herria ez da normalkuntza politikora helduko Estatuek ehundaka preso politiko bahiturik mantentzen dituzten bitartean. Salbuespen neurri politiko eta judizialak alde batera uztearekin bat, espetxe politika ere aldatu beharra dago.Estatuek legeak bete behar dituzte: preso politikoak Euskal Herriratzeko zein gaixotasunak dituzten presoak askatzeko eskatzen dizkiegu, garaia da eta.

Horrelako kasua da Txus Martinena, Basauriarra. Bere osasun egoera oso larria da, trastorno eskizoafektiboa jasaten ari da, tratamendu latza duen gaixotasun psikikoa. Kartzelan isolamenduaren politikak badu ardura osasun egoera horretan, gaur egun ia-ia itzulezina.

Hori dela eta, eskatzen dugu bere askatasuna tratamendu egokia izateko, konfidantzazko giroan eta senideengandik hurbil. Horrela gomendatzen dute medikuek eta zentzu horretan, hainbat instituziok hori eskatu dute, Basauriko Udalak ere bai.

Gatazkaren ondorioak eta arrazoiak behingoz konpontzeko eta konponbide hori justu eta iraunkorra izan dadin, premiazkoa da konpromiso eta akordio berriak lortzea batez ere politikoak, baina baita sindikal eta sozialak. Txus berriro gurekin izan dezagun, modu bakarra daukagu eta gu denon esku dago, euskal herritarrok garelako konponbidearen bidea hartzeko erabakia behartu behar eta ahal dugunak.

Beraz, LAB sindikatuak dei egiten dizue mobilizatzera Euskal Preso Politikoen eskubideen alde, sakabanaketa politika amaitzeko; eta Txus Martin eta gaixotasunak dituzten preso guztiak askatzeko. Gure herriak benetako bake eszenatokia behar eta merezi du,herri zein lantokietan aldarrikatu eta horren alde lan egin dezagun.

 

 

 

AZKEN ALBISTEAK | ƚLTIMAS NOTICIAS

Ernaik gazte blokea osatuko du Maiatzaren Leheneko IruƱeko manifestazioan

Ernai gazte antolakundeak gazteentzat bizi baldintza duinak aldarrikatuko ditu Maiatzaren Lehenean, eta bat egingo du LABek deitu duen mobilizazio nazionalarekin. 11:00etan Trinitarios plazatik abiatuko den gazte blokean parte hartzera dei egin diete gazteei. Gazteen mobilizazioak Sarasate pasealekuan egingo du bat LABen manifestazioarekin.

Envases Metalurgicos de Ɓlava enpresan bi langile kaleratu dituzte azken 6 hilabeteetan

Pasa den martxoaren 27an egin zuen Laudioko enpresak azken kaleratzea.

Kontzentrazioa Bizkaiko Grafikagintza sektoreko patronalaren aurrean

Apirilaren 29an eta 30ean eta maiatzaren 22an eta 23an greba deitu dugun LAB-ELA-CCOO-UGT sindikatuok CEBEKi eskatu diogu datorren osteguneko bileran sindikatuen plataforma bateratuari erantzun positiboa emateko.