Etiquetak Lan osasuna idazkaritza

Etiketak: lan osasuna idazkaritza

Arrantzaleen biziak babestu behar dira, armadoreen interes ekonomikoen gainetik

Frantziako kostaldean arrantzan ari zen Ondarroako 'Kaxarra' itsasontziko arrantzale batek bizia galdu du, bertan gertatutako istripu baten ondorioz.

Langile migrante baten lan heriotza salatu eta Nafarroako landa eremuko esplotazioa...

Elkarretaratzea egin dugu Iruñean, Lan Ikuskaritzaren egoitzaren aurrean, iragan irailaren 15ean Zarrakaztelun gertatu zen 62 urteko langile migratzailearen heriotza salatzeko eta Nafarroa Garaiko landa eremuan izaten diren esplotazio eta prekaritate egoerak buka daitezen berehalako neurriak jar ditzaten eskatzeko.

Naftomar itsas-enpresa 81.000 euro ordaintzera zigortu dute amiantoaren ondorioz gertatu zen...

Duela gutxi jaso dugu Bilboko Lan arloko 5. Epaitegiko epaia. Honek, amiantoaren ondorioz sortutako gaixotasun baten eraginez hil zen merkataritza-ontzi bateko mekanikari baten oinordekoei 81.000 euro ordaintzera zigortzen du Naftomar itsas-enpresa.

Prekaritateak hil egiten duela azpimarratu dugu Jaurlaritzaren aurrean

40 langile hil dira gutxienez Euskal Herrian lanean edo lanaren ondorioz aurten, horietatik 5 abuztuan bertan. Horren aurrean, mobilizazioa egin dugu gehiengo sindikalarekin batera Eusko Jaurlaritzaren Bilboko egoitzaren aurrean. Laneko heriotzen aurrean patronala eta administrazioek duten erantzukizuna salatu dugu eta prebentzio neurri eraginkorrak eskatu ditugu odoluste hau gelditzeko.

Aurten lau langile hil dira jada altueratik erorita, saihestu zitezkeen heriotzak...

Odolusteak ez du etenik. Larunbatean behargin bat hil zen Derion, altueratik erorita. Konpontzen ari zen teilatutik erori zen. Aurten, gutxienez 40 langile langile hil dira lanean Euskal Herrian, horietatik 5, abuztuan. Honen aurrean, gehiengo sindikalarekin aterako gara kalera abuztuaren 24an, 12:00etan, Bilboko Eusko Jaurlaritzaren egoitzaren aurrean (Gran Via, 85).

Lanetik onik eta bizirik bueltatzeko eskubidea dugula aldarrikatu dugu Jaurlaritzaren aurrean

Laneko istripuak ez dira zerbait isolatua, ekonomia langile klasearen osasun eta bizitzaren gainetik jartzen dituen eredu produktiboaren isla baizik. Horrela, mobilizazioa egin dugu gehiengo sindikalarekin batera Eusko Jaurlaritzak Donostian duen egoitzaren aurrean, “Prekaritatea hiltzailea, lan istripu gehiagorik ez” lemarekin. Lanetik onik eta bizirik bueltatzeko eskubidea dugula aldarrikatu dugu bertan, eta neurri eraginkorrak eskatu dizkiegu administrazioei 6 egunetan 3 langile hil dituen eredu hau gelditzeko.

Zein pauso emateko prest daude administrazioak egoera eta eredu hiltzaile hau...

Atzo, abuztuak 17, langile bat hil zen Urretxuko Almacenes Usabiaga enpresan, femwich orga batek harrapatuta. 6 egunetako epean Euskal Herrian hiltzen den 3. langilea izan zen atzokoa. Izan ere, abuztuaren 16an Moyua enpresako 54 urtetako I.S.A. hil zen Ormaiztegin eta abuztuaren 12an, Donostiako Garbiketa Aldi Baterako Enpresa Elkarteko (ABEE) M.S.L. hil zen Gipuzkoako hiriburuan. Heriotza hauek salatzeko, gehiengo sindikalak mobilizazioa egingo du ostiralean, abuztuaren 20an, 12:00etan Donostiako Eusko Jaurlaritzaren egoitzaren aurrean (Andia, 13).

Asteko hirugarren lan heriotzaren berri izan dugu; enplegu lan zentro berezi...

Aste gogorra izaten ari da euskal langileriarentzat. Beste hildako baten berri izan dugu. Lantegi Batuak zentro bereziko 39 urteko langile bat hil zen asteazkenean Loiun, ondoezak jota. Aurten Euskal Herrian, gutxienez, 27 langile hil dira.

Haurdunaldian lan-ingurune osasungarria bermatzea ezinbestekoa dela aldarrikatu dugu FREMAP eta Ausolan...

Emakumeen* Osasunaren Nazioarteko Egunaren etorrerarekin, salatu dugu eskola jangeletako emakume bati ukatu zaiola haurdunaldiko arriskuagatiko prestazioa, bere lanpostuan arriskurik ez dagoela argudiatuta.