2023-12-07
HomeEkintza SindikalaSuhiltzaileak Iruñean mobilizatu dira, Nafarroako Gobernuak baso-suteekin izandako utzikeria salatzeko

Suhiltzaileak Iruñean mobilizatu dira, Nafarroako Gobernuak baso-suteekin izandako utzikeria salatzeko

Nafarroako Gobernuak antolatu duen “Baso-suteak: analisia, gogoeta eta erronkak” izeneko jardunaldiaren hasiera aprobetxatuta, LAB-Suhiltzaileak arloko kideek elkarretaratze bat egin dute Tres Reyes hotelaren parean.

Elkarretaratze horren bidez salatu nahi izan dute ezen, ekaineko suteen ondoren Gobernuak zenbait neurri hartuko zituela agindu bazuen ere, ez duela ezer egin Suhiltzaileen Zerbitzua hobetzeko eta uda honetan gertaturiko baso-suteei eta antzeko egoera larriei aurre egiteko.

AZKEN ALBISTEAK | ĂšLTIMAS NOTICIAS

Lizarran erditzeko zerbitzua itxi izana Osasun Departamentuaren aurreikuspenik ezari egozten diogu, haren utzikeria eskualdeko osasun zerbitzu publikoak desegiten ari baita

LAB sindikatuan hilabeteak daramatzagu Lizarrako Osasun Barrutiko osasun zerbitzu publikoen egoera larria salatzen, eta duela aste batzuk informazio kanpaina bat egin genuen datu ofizialen bidez frogatzen zuena Estellerriko herritarrak sufritzen ari direna egiazkoa dela, eta ez sentsazio hutsa. Orain, aurreko gerentearen kudeaketa tamalgarriak eta Osasun Departamentuaren ekimenik ezak eskualdeko ospitalea erditzeko zerbitzurik gabe utzi dute, zerbitzua berreskuratzeko datarik gabe, bere garaian etxeko ospitalizazioarekin gertatu zen bezalaxe.

Estatuan baino gutxiago ordaindu beharko dutenez, Fortuna Handien gaineko Zergaren inguruko akordioak patronalari eta kapital errentei mesede egiten die

Ditugun eskumenak presio fiskala areagotu eta zerga sistema sakonki eraldatzeko baliatu behar direla uste dugu LAB sindikatuan. Hala, EAJ-PSEren gobernuak Elkarrekin Podemosekin egindako akordioa ez da inondik inora ere nahikoa, eta kontrako norabidean doa.

Salatzen dugu atzo Erandion hildako langileak 66 urte zituela eta bakarrik ari zela soldadura lanak egiten

Lankide, senitarteko zein lagunei elkartasuna adierazteaz gain, lan-erreformek prekaritatea areagotu baino ez dutela egin nabarmendu du sindikatuak, lan-osasuna bermatu behar duten instituzioek gaiarekiko duten axolagabekeria kritikatzeaz gain.