2024-06-14
HomeIdazkaritzakIdazkaritza FeministaSestaon izandako hilketa sexista salatzeko mobilizazioekin egin dugu bat

Sestaon izandako hilketa sexista salatzeko mobilizazioekin egin dugu bat

Emakume bat hil zuten atzo Sestaon. LABek bat egiten du Euskal Herriko Emakumeen Mundu Martxak deitutako protestekin. Astelehenean, mobilizazioak izango dira Donostian (Bulebarra, 19:30), Iruñean (udaletxeko plazan, 20:00), Gasteizen (Andra Mari Zurian, 20:00) eta Bilbon (Arriagan, 19:30).

Hauxe da Euskal Herriko Emakumeen Mundu Martxan egindako irakurketa:

EZ DIRA BI ASTE PASA Melodie Masse hil zutela —zortzi hilabeteko haurdun zegoen— Uztaritzen, eta orain, Noelia BESTE EMAKUME BAT ERAIL DUTE SESTAON! ASKI DA!

Noelia Noemi zuen izena, eta arma zuriz egindako zauriak zituen. Genero indarkeriaren hipotesia du Ertzaintzak. Aurten gizonen eskuetan hildako seigarren emakume euskal herritarra litzateke (Berria).

Aurten, Euskal Herrian, bortizkeria sexistaren ondorioz hildako laugarren emakumea da; horrez gain, beste bi andre euskal herritar ere hil dituzte azken hilabeteetan atzerrian. Nazkatuta gaude. Emakumeok, emakume izate hutsagatik amaigabeko indarkeria matxista pairatzen dugu egunero, begirada, keinu edo gutxiespen sotilenetik, erailketaraino. Indarkeria matxistak ez du mugarik, bizi garen sistema kapitalista patriarkalaren funtzionamenduaren ezinbesteko tresna delako, eredu honek sortzen dituen pertsonen arteko botere harremanak mantentzeko erabiltzen duen baliabidea. Hemendik doakie gure elkartasun eta babes guztia azken egunetan biolentzia honen muturreko adierazpenak bizi izan duen emakumearen familia eta senideei.

Inoiz baino argiago dago indarkeria matxista lehen mailako arazo politiko, sozial, ekonomiko eta kulturala dela. Ez direlako modu isolatuan eta bakartuan ematen diren erasoak; bizi garen jendartearen antolaketa sexistak ahalbidetzen eta sustatzen duen indarkeriaren erabileraz ari baikara. Indarkeri sexistaren aurkako borrokan, beraz, agente sozial, politiko eta instituzional guztien ardura ezinbestekoa da. Guztiona da erantzukizuna, pertsonala zein kolektiboa.

Pasibotasunak ez du balio. Garaia da hitzetatik praktikara pasatzeko. Ez garela Berdintasunean bizi aski badakigu, indarkeria sistemarteko anitzek kolpatzen gaituzte: prekarietateak, indarkeria fisikoak, erailketa matxistak… Honen aurrean feminista izango den aldaketa bultzatzen jarraituko dugu.

MOBILIZAZIOETAN PARTE HARTZEKO DEI EGITEN DUGU! BIHAR, SESTAON ETA ASTELEHENEAN EHKO BAZTER GUZTIETAN!

Honekin batera autodefentsa feministarako deia egiten dugu, gure bizitzak direlako jokoan daudenak. Feministok martxan jarraituko dugu, elkarrekin, borrokan denak aske izan arte!!!!
 

 

 

AZKEN ALBISTEAK | ÚLTIMAS NOTICIAS

Udal administrazioan euskararen normalizazioa mugatu nahi duen azken epaia gogor salatzen dugu

Euskal administrazioa euskalduntzeko prozesuaren aurka pairatzen ari garen oldarraldiaren baitan beste epai baten berri jaso dugu. Kasu honetan, Bilboko Administrazioarekiko Auzien Epaitegiaren eskutik etorri da; izan ere, Galdakaoko Udaleko Gizarteratzeko eta Laneratzeko Teknikari lanpostu bat egonkortzeko prozesuan 3. hizkuntza-eskakizuna ezartzea atzera bota du.

GUITRANSek Gipuzkoako errepide bidezko salgaien garraioaren hitzarmenaren negoziazioa blokeatuz gero, errepideak blokeatzeko deialdia egingo dugu

Gaur eratu dugu LAB, ELA, CCOO eta UGT sindikatuOk eta GUITRANS patronalak Gipuzkoako errepide bidezko salgaien garraioaren hitzarmenaren negoziazio mahaia. 2024 urtea hastearekin batera ekin genion sindikatuok hitzarmen berri baten negoziazio bideari. Izan ere, 2009ko abenduaren 31az geroztik hitzarmenik gabe dago sektorea eta lan-baldintza zeharo desarautuetan ari dira 6.000 langiletik gora.

Europako epaiak langileoi enplegu publikoa egonkortzeko borrokan beste tresna bat ematen digu

EBJA Europar Batasuneko Justizia Auzitegiaren sententziak argi uzten du administrazioek hartutako neurriek ez dutela behin-behinekotasunaren arazoa konpontzen eta neurri eraginkorragoak eskatzen ditu.