Eskubide Sozialen Aldeko Euskal Herriko Pentsionisten Plataformak hilean 1.080 euroko gutxieneko pentsioak eta EAEn Pentsio, Babes Soziala eta Dependentzia kudeatuko dituen Erakunde Publiko propioa sor dadin eskatzeko sinadura bilketa aurkeztu zuten atzo. Pentsionisten egoera asko okertu da eman diren murrizketak medio, egunetik egurera eros ahalmena galtzen ari dira. Ekimen honekin Europako Kartak aholkatzen duen moduan, Gasteizko Parlamentuan dauden ordezkariei eta Eusko Jaurlaritzari pentsio duinen alde, Aurrekontuen baitan beharrezko diren osagarriak onar ditzatela eskatzen zaie.
Eskubide Sozialen Aldeko Euskal Herriko Pentsionisten Plataformak – OHARRA
PENTSIO DUINAK: 1080€ HILEKO. PENTSIOAK ETA BABES SOZIALA BERMATZEKO KUDEAKETA HURBILA
Hego Euskal Herriko 300.000 pentsionista erdiak ia hilean 600€tara ez dira heltzen eta bien bitartean Banku eta multinaziolak irabazi erraldoiak egiten ari dira. argi dago aberastasuna ez dagoela zuzen banatuak eta bidegabekeria honi amaiera eman behar zaiola, oarain arte gure politikoak albora begira badaude ere. Pentsio duin bat bermatu beharra dago inor oinarrizko premiak ase gabe gera ez dadin: aterpea, beroa, elikadura…
Zure sinadura eskatzen dugu Gasteizko Parlamentuan dauden gure ordezkariei eta Eusko Jaurlaritzari eskatzeko onar dezatela Aurrekontu Publikoen baitan pentsioak hilean 1.080€tara arte hel daitezen behar den osagarri, kopuru hori aholkatzen baitu Europako Karta Sozialak.
Gure ustez ere kppuru hori da pentsionistek gurean duintasunez bizitzeko behar dutena: oinarrizko premiak, elikadura, etxebizitza, argindarrra…
Halaber, gure pentsioen kontuan gardentasuna nahi dugu eta kudeaketa hurbila. Eta horretarako Babes Sistema eta Gizarte Segurantza propioak nahi ditugu. Azken aldian etengabeko aldaketak medio pentsionisten egoera asko okertu da alargunen eta umezurtzen ahulezia, 2011z gero gure pentsioak izoztuta edo %0,25 bakarrik igota gero eta eros ahalmen eskasagoaz.
Horregatik, sina ezazu pentsio duinak eskatzeko, geroa bermatze aldera Sistema propio baten alde.