2026-02-06
Blog Page 970

Lanbidek kudeatutako laguntzetan %15 murriztearen aurka mobilizatu gara

admin
-
0
Lanbidek kudeatutako laguntzetan %15 murriztearen aurka mobilizatu gara


Lanbideren diru-laguntzak jasotzen dituzten pertsonak, prekariotasuna, etxegabetzeak eta pobrezia luzatzearen aurka lan egiten dute gizarte-kolektiboak eta hainbat eragile sindikal jendaurrean agertu gara Eusko Jaurlaritzaren Bilboko ordezkaritzaren aurrean, eta adierazi dugu nazkatuta gaudela Eusko Jaurlaritzak urte hauetan ezarri dituen murrizketa-politikekin.

Aurretik ere gogaituta zeuden, baina egoera kgainezka egin du Enplegu eta Gizarte Politiketako Sailburu Beatriz Altolazabalek erabakik duenean Eusko Jaurlaritzak ez duela LGSaren %8a igoko Lanbidek kudeatzen dituen diru-laguntzetan; izan ere, igoera hori legez bete beharrekoa da. Honako hauek dira Lanbideren laguntzak: pentsioen osagarria, laneko diru-sarrerak osatzeko errenta, Diru-Sarrerak Bermatzeko Errenta eta etxebizitzaren laguntza osagarria.

Horrez gain, duela 5 urtetik %7ko murrizketa egiten da ozta-oozta bizi diren 64.000 familiak laguntza horien bitartez jasotzen dituzten zenbatekoetan. Gainera, kopuru hori oso urrun dago EAErako pobrezia-atalasearen 1.200 euroetatik.

Hori dela eta, mobilizazio honen bitartez, iragarri nahi dugu elkarretaratzea egingo dugula asteazken honetan, urtarrilaren 18an, Eusko Legebiltzarraren aurrean, Beatriz Artolazabal sailburuak legebiltzarrean egingo duen aurkezpenean zehar. Aurkezpen horretan, hasi berri den legealdi honetako programa azalduko du, eta nola ez, murrizketak izango dira nagusi.

Kontuan izan behar da Eusko Jaurlaritzak berak egindako ikerketan arabera azken urteotan gora egin dutela, bain enplegua dutenen bat langabezian dauden familian artean, pobrezia- eta bazterkeraia-indizeek eta hilabetearen amaierara iristeko zailtasunek. Besteak beste, Eusko Jaurlaritzak berak diru-laguntza sozialak murriztu izanak eragin du egoera hori. Diru-laguntza horien bitartez, pertsonek gutxieneko diru-sarrera batzuk izatea berma daiteke bizitza pixka bat duinagoa izan dezaten, eta horiek murrizteko erabaki politikoaren ondorio da egoera dramatiko hau.

Gainera, lotsagarriak eta toleraezinak dira horrelako adierazpenak. “Ezin dugu DSBE igo eta lan-merkatura sratzeko pizgarria kendu”. Hori erabat faltsua da. Lanbideren datuen arabera, bizikidetza-unitateen %20k -12.504- enplegu prekarioa dute eta DSBErekin osatzen dute beren soldata eskasa; laguntzen %25 -15.817- pobrezia-pentsioak ordaintzeko erabiltzen dira; beste %20 zenbateko txikiko langabezia-sorospena osatzeko erabiltzen dira, oraingo egoera prekarioaren ondorioz.

Hau guztia dela eta, muzrrizkeen aldeko apustu politiko honi aurre egiteko…

  • ESKATZEN DUGU Lanbidek kudeatutako laguntzetan LGSaren %8 igo dezatela.
  • ESKATZEN DUGU datozen aurrekontuetan ez ditzatela %7 murriztu DSBE eta gure gizarteko pertsona pobretu eta prekarizatuentzako gainerako laguntzak.

 

 

 

Gaixotasun baja hartzeagatik Aguraingo DHL EUSKAL LOG enpresako langile bat kaleratu dute

admin
-
0
Gaixotasun baja hartzeagatik Aguraingo DHL EUSKAL LOG enpresako langile bat kaleratu dute


Aguringo DHL EUSKAL LOG enpresako LAB, ELA eta CCOOeko atal sindikalek gaixotasun baja hartzeagatik langile bat kaleratua izan dela salatu dute. Hilaren 12an elkarretaratzea burutu zuten "DHL-Euskalog despidorik ez lemapean".

"COMUNICADO DE ELA, LAB y CCOO A LA PLANTILLA DE DHL EUSKAL LOG

La dirección de empresa ha vuelto a despedir a una compañera.

Lo ha hecho con un burofax como ya nos tiene acostumbrados y el motivo del despido que exponen en el es que esta persona ha cogido la baja 29 días laborales durante 2016.

Desde las secciones sindicales abajo firmantes estamos totalmente en contra de este y todo tipo de despidos que atentan contra los derechos de los trabajadores.

Si la dirección de DHL euskal log no va a respetar nuestros derechos, nos tendrá enfrente y por ello creemos que vuelve a ser el momento de la unión de la plantilla ante este suceso, ¡¡!!

Delegados sindicales de ELA, LAB Y CCOO"

 

 

 


Kalera irten gara azken heriotz istripua salatzeko

admin
-
0
Kalera irten gara azken heriotz istripua salatzeko

A.R.J. 24 urteko langilearen heriotza salatuz elkarretaratzea egin dugu Sopelan, enpresaren egoitza nagusiaren aurrean, euskal gehiengo sindikalak deituta. Istripu gehienen atzean lan baldintzen prekarietatea dago: formakuntza falta, lan erritmo bortitzak, azpikontratak, lan gainkargak,… Istripuak saihesteko neurri egokiak behar dira eta aplikatu daitezen exigitzen dugu.

Langileok ezin dugu onartu urtero istripu kopurua igotzea. Krisiaren aitzakiarekin prekaritatea areagotu egin da eta neurri zuzentzaileak hartzea alde batera utzi dute, eta hortik dator istripuen gorakada. Hau dela eta, enpresei eta administrazioei lan baldintza egoki eta seguruetan lan egiteko eskubidea exijitu behar diegu.

 

 

 

Preso eta iheslariei babesa eman diegu Iruñean

admin
-
0
Preso eta iheslariei babesa eman diegu Iruñean


Euskal presoak eta iheslariak etxeratzeko aldarria kalera eraman du gaur LABek, goizean egindako manifestazioaren bitartez.

Bilboko biharko manifestazio nazionalaren atarian, LAB kalera irten da gaur goizean, esukal preso eta iheslari politikoen alde. Euripean, hirigunea zeharkatu dute hainbat lagunek, banderolak eskuetan.

Hainbat herritan protesta egin du LABek asteotan.

 

 

 

Darpon sailburuak osasun sareko pilaketei buruz Gasteizko Legebiltzarrean azalpenak ematea eskatzen dugu

admin
-
0
Darpon sailburuak osasun sareko pilaketei buruz Gasteizko Legebiltzarrean azalpenak ematea eskatzen dugu


Sailburuaren agerpen parlamentarioa beharrezko ikusten du LABek, hala nola, egindakoagatik eta esandakoagatik ardura onartzea dimisioa aurkeztuz.

Osasun sarean gertatzen ari den pilaketa egoera jasanezinari buruzko azalpenak eman beharko lituzke Darpón Jaunak Eusko Legebiltzarrean. Eta agerraldi honetan, pairatzen ari garen egoera honetara heltzeko benetako arrazoiak argi azaldu.

Osakidetzako langileok zein LAB sindikatuak jakin badakigu soberan arrazoi hauek zeintzuk diren. Besteak beste aipa ditzakegu gabonetan egun libreak hartzen dituzten langileak ez ordezkatzea eta ez kontratatzea; solairuak ixtea eta oheak gutxitzea; anbulatorioetako ordutegia murriztea eta agendak ixtea; gripeari aurre egiteko aparteko pertsonala ez kontratatzea; anbulantzien zerbitzua pribatizatuta egotea, kobratzen duten zerbitzua ez ematea eta urriak diren langileak esplotaturik egotea dakarrena. Darponek berak onartu egin du hau bere adierazpenetan, esan duenean gripe kasuak aurreko urteetakoen antzekoak direla, baina lehenago heldu direla, “oporretan”. Gehitu beharko genuke, oporretan “Osakidetzak bere zerbitzu guztiak murriztuta dauzkanean, langileak ez ordezkatzeko kontratazioaren bidez”.

Kasu honetan, Osasun Sailaren propaganda ahalguztidunak ezin izan du errealitatea ezkutatu. Eta hau izebergaren punta baino ez da. Hemen daukagu Osakidetzan jaun eta jabe den murrizketen, azpijokoen eta partxeen politikaren emaitza. Gezurrak hanka motza du. Eta oraingoan, agerian gelditu da nabarmen. Zergatik esan digute behin eta berriro zerrendetan ez zegoela kontratatzeko langilerik, eta bat-batean 200 langile baino gehiago kontratu dutela esan? Zergatik ez dituzte ireki duela bi aste orain irekitzen ari diren oheak?

Bada garaia Darponek azalpenak eman ditzan, egindakoaz eta esandakoaz ere bai. Izan ere, oso larria deritzogu berak daukan ardura adierazpen matxistekin estali nahi izateari, Osakidetzako langile gehienak emakumeak izanik ordezkatzeko politika zailagoa dela ulertaraziz, onartu gabe bere exekutiboaren berdintasunaren aldeko konpromiso falta. Bestaldetik, ordezkari sindikalok pilaketak daudenean “esku hartzen gelditzera” animatzen duenean, oso maila baxuko populismo merkea egiten ari da sailburua. Darpon jauna, Osakidetza egunero aurrera ateratzen bada langileok gure lanpostuetan egiten dugun gain- esfortzu eta “esku hartzei” esker baino ez da, ordezkari sindikalonak barne.

Beraz, Sailburuaren agerpen parlamentarioa beharrezko ikusten dugu, hala nola, egindakoagatik eta esandakoagatik ardura onartzea dimisioa aurkeztuz.

 

 

Mobilizazioak, La Milagrosa ikastetxea ixteko arriskuaren aurrean

admin
-
0

La Milagrosako ikastetxeak 350 familia eta 39 langile ditu. Matrikula beteta dauka (0 urtetik 16 urtera) eta ixtearen mehatxua dauka, eraikinaren alokairuaren prezioan ados jartzen ez badira edo afera honetan parte diren instituzioak eta pertsonek ere gelditzen ez badute gelditzen; Miranda Fundazioa, Hezkuntza saila, Barakaldoko Udala eta Alkateak, hain zuzen ere. Honela gauzak, bihartik aurrera ikastetxe eta Miranda Fundazioaren aurrean egunero egongo diren elkarretaratzeetan parte hartzera dei egin dio La MIlagrosa Ikastetxeko langileen asanbladak Barakaldoko herriari eta Hezkuntza komunitate osoari. Horretaz gain, urtarrilaren 17an, 17:30etan, Barakaldoko Udaletxearen aurrean mobilizatuko dira, eta, urtarrilaren 19an, 18:00etan, Bilbon dagoen Hezkuntza Sailaren aurrean.

Hau ez da kontu berria zoritxarrez, eta egoera honetara heldu baino lehenago, familia eta langileek aurreko urteetan ixtearen mamua ere pairatu behar izan dute. Kristau Eskola barruan dauden Hijas de la Caridadeko Monjek 50 urtetan hezkuntza proiektu hau kudeatu dute, eta fundamentuzko arrazorik gabe bere jarduna aldebatera uztea erabaki zuten alokairuaren igoeraren aitzakia izan gabe. Fundazioko Patronatoko kideek, arazoa arindu beharrean, alokairua igotzea erabaki zuten beste hezkuntza proiektu bati ateak itxiz. Hau axolagabekeria! Hori dela eta, 40 langile langabezira joan daitezke eta 350 familia aukeratutako hezkuntza eskaintza gabe geratuko dira.

Horretaz gain, Barakaldoko Udalak eta alkate andreak ere erantzunkizuna daukate egoera honetan, alkatea Miranda Fundazioko 1. presidenteordea den heinean eta egoera hau ekiditeko ezer ere egin ez duenean. Barakaldoko Udalak, langabeziak bereziki zigortutako udalerrian, beste 39 langile langabezira bidaliko ditu eta hezkuntza eskaintza bat ezabatuko du herritik.

Miranda Fundazioaren jarrera ere salatu nahi dugu, interes ekonomikoak herriaren hezkuntza interesen aurrean lehenetsi dituelako. Izan ere, Fundazioaren opakotasuna salatu nahi dugu hartutako erabaki eta funtzionamenduan.

La Milagrosa Ikastetxea itunpeko zentru bat da eta betebehar batzuk ditu Hezkuntza Sailarekiko. Hori dela eta, Sailak ere erantzunkizuna dauka ikastetxe hau ixten bada eta familiak eta langileak kalean uzten baditu.

Hau guztia ikusita, langileen asanbladak Barakaldoko Alkate Andreari, Hijas de la Caridadeko Monjei, Miranda Fundazioari eta Eusko Jaurlaritzari bil daitezela eskatzen dio, Barakaldon hezkuntza eskaintza eta 39 lanpostu ere ez galtzeko.

Izan ere, bihartik aurrera ikastetxe eta Miranda Fundazioaren aurrean egunero egongo diren konzentrazioetan parte hartzeko dei egiten diogu Barakaldoko herriari eta Hezkuntza komunitate osoari.

Horretaz gain urtarrilaren 17an 17:30etan Barakaldoko Udaletxearen aurrean mobilizatuko gara eta urtarrilaren 19an 18:00, Bilbon dagoen Hezkuntza Sailaren aurrean (Gran Via 85).
 

 

 

Aurrekontu solidarioagoak aldarrikatuko ditugu asteazkenean, Gasteizen

admin
-
0
Aurrekontu solidarioagoak aldarrikatuko ditugu asteazkenean, Gasteizen


Euskal Herriko hainbat eragile sozial eta sindikalek, LABek barne, elkarretaratze bat egingo dute asteazkenean, hilak 18, Gasteizen. Hain zuzen ere, Eusko Legebiltzarraren aurrean bilduko gara, 10:00etan, agintariek prekarietatera eramaten gaituztela salatzeko.

2017. urteko aurrekontuen eztabaida dela eta, hainbat euskal eragile sozial eta sindikalek, LABek barne, protesta egingo dute asteazkenean Gasteizen, Eusko Legebiltzarraren aurrean. Elkarretaratzea 10:00etan izango da, eta, murrizketak salatzeaz gain, aurrekontu solidarioago baten aldeko aldarria egingo dute.
 

 

 

Astelehenean elkarretaratzea egingo dugu Bilbon, murrizketen aurka

admin
-
0
Astelehenean elkarretaratzea egingo dugu Bilbon, murrizketen aurka


Hainbat eragile sozial eta sindikalek elkarretaratzera deitu dute astelehenerako, urtarrilak 16, murrizketen aurka protesta egiteko. Hain zuzen ere, EAJ eta PSE eskubideen aurka ari direla salatuko dute, eta gizarte politika justu eta solidario bat aldarrikatu. LAB dago elkarretaratzea deitu duten eragileen artean.

Erakundeek legea bete dezatela eskatuko dute, besteak beste, astelehenean elkartuko diren eragileek. Diru Sarrerak Bermatzeko Errenta %8 igotzea eskatuko dute, Lanbidearteko Gutxieneko Soldata beste. 

Elkarretaratzea Bilbon izango da, 10:15ean, Eusko Jaurlaritzaren egoitzaren aurrean.

 

 

 

Tubos Reunidos Industrialeko Aldi Baterako EEEa bertan behera uztea eskatzen dugu

admin
-
0

Tubos Reunidos Industrialeko LAB eta ELAko sail sindikalek Aldi Baterako EEEa bertan behera uztea eskatzen diogu. Hain zuzen ere azken hilabeteetan sartutako eskariak eta egin diren lan ordu gehigarriek agerian utzi dute batzordeko gehiengoak hasieratik esan bezala, Tubos Reunidos Industrialeko Zuzendaritzak aurkeztu eta Eusko Jaurlaritzak abala eman zion espedientea ez dagoela justifikatuta.

TRIko LAB eta ELAko atal sindikalen prentsa-oharra

Tubos Reunidos Industrialeko LAB eta ELAko sail sindikaletatik, enpresako zuzendaritzari langile gehiengoari ezarri zion Aldi Baterako Enplegu Erregulazio Espedientea bertan behera uztea eskatzen diogu, azken hilabeteetan sartutako eskariak gehitu direlako eta bere eragina oso eskasa izaten ari delako.

Espedientea ezarri zutenetik, bataz besteko 12.500TN sartu dira hilabete bakoitzean, aurreko 12 hilabeteak hobetuz. Gainera, egiten ari garen produktuak balio handigoakoak dira. Honi gehitu behar zaio petrolioaren prezioa bikoiztu egin dela eta bere prezio baxua izan zela, Tubos Reunidosek bere txostenean, espedientea ezartzeko arrazoietariko bat.

Lanaldiei begiratuta espedienteak izan duen eragina ez da %5,5era ailegatu, hauetariko nahikotxo antolakuntza arrazoiengandik izan direnean eta ez eskari eskasiagatik. Espediente hau enpresak nahi eta indarrean dugun hitzarmenak ematen ez dion langileen malgutasunean bakarrik oinarritzen da, eta honekin, Amurrioko enpresan planifikazioan eta ekoizpenean egiten ari diren errakuntzak zuzentzen ahalegintzean.

Honi gehitu behar zaio, urtarrila eta otsaileko hilabeteetan normaltasunez lan egin dela komunikatu duela Zuzendaritzak eta 2016ean, 6000 aparteko ordu egin direla . Datu guzti hauek frogatu besterik ez dute egiten, batzordeko gehiengoak hasieratik esan bezala, Tubos Reunidos Industrialeko Zuzendaritzak aurkeztu eta Eusko Jaurlaritzak abala eman zion espedientea ez dagoela justifikatuta. Honegatik guztiagatik, Tubos Reunidos Industrialeko Zuzendaritzari eskatzen diogu langileei ezarritako Aldi Baterako Enplegu Erregulazio Espedientea bertan behera utz dezan.

 

 

 
1...969970971...1,590Page 970 of 1,590

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus