Nafarroako Gobernuari eskatzen diogu berehala indargabetu dezala Eztabaida Sozialerako Nafarroako Kontseilua, eta diseinatu dezala jendarte-eragileekin, eragile politiko eta ekonomikoekin batera Enplegu Plan eraginkorra, Nafarroako errealitateari eta langileriaren interesei benetan erantzunen diena.
Servicio Navarro de Empleo – Nafar Lansarearen Gobernu Kontseiluan, gaurko egunez, 2017-2020. urteetarako Nafarroako Enplegu Planaren Politika Aktiboen agiria onartu izanaren harira, LAB sindikatuak, prentsa-ohar honen bidez, ezagutarazi nahi ditu gure sindikatuak haren aurka bozkatzeko erabili dituen arrazoiak.
1.- Eztabaida Sozialeko Nafar Kontseiluari ez. Harrezkero salatu genuenaren haritik, jendartean ezaguna dena, LAB sindikatuak salatu eta kritikatu zuen Nafarroako Gobernuaren erabakia, Eztabaida Sozialeko Kontseiluan kokatzen zuena Nafarroako Enplegu Planaren negoziazioa. Organo horren bidez, alde batetik, benetako iruzurra egin zaio langileriari, azken finean, UGT eta CCOO sindikatuen eta CEN patronalaren egiturak finantzatzeko balio izan duelako bakarrik, eta bestetik, egiazko porrota suertatu delako, sortu zenetik ez delako baliagarria suertatu langileriaren arazoak konpontzeko eta haren premiei erantzuteko, errealitateak berak erakusten duenez.
Beraz, beste behin ere Nafarroako Gobernuari aipatu Eztabaida Sozialerako Kontseiluaren indargabetzea eskatzen diogu, benetan aldaketa politiko eta sozialaren aldeko jarrera bat erakusteko eta ez, ordea, CEN, UGT eta CC.OO.k interesak asetzeko.
2.- UGTren, CC.OOren eta CENren Eztabaida Sozialak “bahitu” duen enpleguko Politika Aktiboei ez, Nafarroako Enplegu Planaren negoziazioa Eztabaida Sozialeko Kontseiluan kokatzearen ondorio delako. Honela, “Enpleguaren Kalitatea”, LABen ustez, funtsezko gaia dena (haren bidez neurri zehatzak eta eraginkorrak hartzen direlako langileriak pairatzen duen prekaritateari aurre egiteko), edukiz hustu dute (UGTk, CCOOk eta CENek eskatuta), Eztabaida Sozialerako Kontseiluan bakarrik eztabaida dadin.
3.- Europaren eta Madrilen zuzentarauen arabera egindako Enpleguko Politika Aktiboei ez. Aitzitik, langileria nafarrak Nafarroako errealitatearekin bat letorkeen enplegu eraginkorra sortzeko egiazko estrategia eraginkorraren beharra du.
Bestalde, eta aurrekoaren kontrapuntu gisa, LABek egindako ekarpenen garrantzia aipatu nahi du, azkenean, Nafarroako Gobernuak sartu egin baititu 2017-2020. urteetarako Nafarroako Enplegu Planaren Politika Aktiboen azken txostenean:
1. Laneratzea errazten du eta aukera berdintasuna bermatu. Genero berdintasuna eta baztertzearen aurkako neurriak. Jardute ildo hau funtsezkoa da, Nafarroan, kontratatzean eman den bazterketa funtsezko zutoinetako bat izan delako erregimena sostengatzeko, UGT, CCOO eta patronalaren bitartez.
2. Servicio Navarro de Empleo – Nafar Lansarearen eraldaketa, errefortzua eta modernizazioa. Atal honi dagokionez, sobera ezaguna da ere LABek gai honi ematen dion garrantzia, SNE-NLn gure parte- hartzea bera, bertan ematen den kudeaketa publikoaren garapenera baldintzatuz.
Honen harira, oso onuragarria deritzagu enpleguko zerbitzu publiko baten aldeko hautuari, horretarako, “Enplegu Zerbitzuen kudeaketa publikoa sendotzeko, haren mailakako ezartzea egiteko eta SNE-NL-ren eredu berria garatzeko behar den gardentasuna sendotzeko” Lan taldea sortzeaz gain, Nafarroako enplegu politika aktiboen kudeaketa publikoa eta gardena sustatu behar da.
Oso onuragarria deritzagu ere Nafarroako Gobernuko Sailen arteko koordinazioa eta administrazio publikoen, elkarteen, partzuergoen eta beste erakunde publikoetako moten arteko lankidetza sustatzeko bideratu diren neurriei. Onuragarria deritzagu ere, Erakunde publikoek parte hartzen duten programei esleitu aurrekontua eta bere zentro publikoetan inbertsioa handitzea.
