Urtarrilaren 9an argituko da XEYrentzat eroslerik den ala ez. LABen ustez, proiektu industrial bat eta lanpostuen bermea jarri behar dira diru guztiaren gainetik, pertsonak diruaren gainetik. XEYk erabaki okerren ondoriozko zorpetzeak ito du, baina bere jarduerak irabaziak ematen zituen azken urteetan. Proiektu berri bat martxan jarri liteke. Ezin dugu espekulatzailerik onartu. Erosleren batek langileak hartzeko konpromisoa hartuko balu, eskeintza hori lehenestea eskatzen dugu. Lanpostuen aukera ekarriko lukeen proiektu bat izango litzatekeelako irtenbide onena langileentzat, hartzekodunentzat eta eskualdearentzat.
Urteak sufritzen igaro ostean, pasa den Abuztuaren 2an egikaritu zen aspaldian gezurren, transparentzia ezaren eta informazio ezkutatzearen politiken ondorio lazgarria: XEY ofizialki itxia izan zen eta 140 langile langabeziara kondenatu zituzten. Kale gorrian utzi zituzten.
Hau nahikoa ez, eta akzioen %30aren jabegoa Eusko Jaurlaritzaren esku zegoela jakitea, langileontzako helduleku baino, gaur egun esku pribatuak inongo berme sozial eta industrialik gabe ornitzeko eta alde soziala eta euskal industria sarea babestu eta egonkortzeko inongo politikarik ezaren adibide garbi eta mingarri bat izan da. Guztion dirua txeke zuri bat bailitzan erabilia izan da, inongo konpromezurik ezarri ez eta jarraipen minimorik ere egin ez zaiona instituzio honen partetik.
XEY Hartzekodunen Konkurtsoan dago, eta Administradore konkurtsalaren papela jorratzen duen NORGESTION taldeak, epailearen onespenez, Enpresako aktibo osoak 2 lotetan banatzea aurreikusi du, nahiz eta LABek dena batean likidatzeko eskaera egin zien. Alde batetik marka eta makinaria, eta bestetik pabeiloia likidatuko dituzte.
Urtarrilaren 9an amaituko da lehenengo fase hau eta ondorioz, XEYrentzat eroslerik ba ote datorren jakingo dugu. Baina denborak gainera datozkigun honetan, lanpostuen eta espekulatzaileen etorreraren inguruan gure kezkak areagotu soilik ez dira egiten.
Izan ere, LABek uste du erabaki honek espekulatzaileei atea irekitzen diela, aukera egongo baita egiten den eskeintzaren arabera, XEY marka erabiltzeko enplegurik sortu gabe, ez baidute langileak kontratatzeko obligaziorik ezarri marka erabili ahal izateko, edo pabiloia erosteko.
Proiektu baten sarrera eta eraikuntzara zuzendutako likidazio plana baino, ahalik eta diru gehien ateratzera zuzendutako plana dela deritzogu. Lanpostuen bersorrera eta etorkizunera begirako proiektu erakargarri bat bertara aurkeztea zailtzen duen plan bat dela nabarmendu nahi dugu.
