2026-01-19
Blog Page 814

Diskriminazioa eragin dezaketen adierazgarriei buruzko informazioa eskatu diegu enpresei

admin
-
0
Diskriminazioa eragin dezaketen adierazgarriei buruzko informazioa eskatu diegu enpresei

Emakume eta gizonen soldata berdintasunaren aldeko eguna da gaur, eta, astelehenean egin genuen agerraldian iragarri bezala, Hego Euskal Herriko hainbat enpresatan eskaera bat erregistratzen ibili gara goizean goizetik. Eskaeran, soldata arrakalaren erradiografia zehatz bat egiteko helburuarekin, informazio hau eskatu diegu enpresei: lanak nola antolatzen dituzten sexuen arabera, gizonen soldataren batez bestekoa eta emakumeena, zein kontziliazio neurri eta nortzuk eskatzen dituzten, zuzendaritza karguetan zenbat emakume eta zenbat gizon dauden eta kontrataziorako eta promoziorako sistemak, besteak beste. Datuak bilduta, egoeraren azterketa egin ondoren, diskriminazio egoerak zuzentzeko proposamenak egingo dizkiegu enpresei eta instituzioei.

Gizon eta emakumeen arteko soldata desberdintasuna lan munduan ematen den diskriminazio nabarmenena da. Izan ere, Hego Euskal Herrian, emakumeek gizonek baino 7.680 euro gutxiago kobratzen dute urtean. Beraz, emakumeen soldata %33,6 handitu beharko litzateke, gizonenarekin parekatzeko. Salaketa hau Hego Euskal Herriko hainbat txokotara eraman dugu gaur, pankartaz josi baititugu eskualdeak.

Soldataren arrakalari aurre egiteko ekimenari dagokionez, eskaera industria sektorean erregistratu dugu batez ere, baina administrazioa gisako arlora ere eraman dugu idatzia: Billboko eta Gasteizko udaletara, kasu. 

Enpresa hauetan erregistratu dugu eskaera, besteak beste:

1. ABC Compresores (Eibar)
2. Ados
3. AENA
4. AERNNOVA
5. AGURAINGO UDALA
6. Aita Menni egoitza durango
7. Alcad,
8. Alcampo,
9. AMBUIBERICA
10. AMBULANCIAS ezkerraldea
11. Amcor,
12. AMEZTOI ANAIAK SL
13. APB
14. APDEMA
15. Aqualia
16. ARABAKO FORU ALDUNDIA
17. Arania zornotza
18. Arcelor Olaberria
19. AREKA
20. Argixao egoitza
21. Arteca
22. Artiach
23. Asaser
24. ASTIGARRAGA KIT LINE
25. Automobiles Mugarri.
26. AUZOLAN
27. Ayra Cardam
28. AZPEITIAKO UDALA
29. BALENCIAGA
30. BBVA
31. Beissier
32. Bergarako udala
33. BESA
34. BIDELAN
35. BIELE
36. Bilboko Udala
37. BISTA EDER
38. Bizkotxalde
39. BOMBAS AZKUE
40. BOMBAS ITUR
41. Bosch
42. BPXPORT
43. Bruss durango
44. CAF
45. Carrefour ezkerraldea
46. Carrefour,
47. Cegasa (Oñati)
48. Cementos Lemona
49. Chinchurreta (Oinati)
50. Cie Amaya zornotza
51. Cie Recyde (Elgeta)
52. Clece
53. Closa
54. COMISION ANTISIDA
55. Condesa Fabril
56. Couth
57. Doistua
58. Domiberia
59. DULANTZIKO UDALA
60. Echesa
61. EGAÑA,
62. EHU
63. Ekialdebus,
64. El Caserio
65. Elay (Bergara)
66. ELECTRO TAZ
67. ELEKTRA S.A.
68. ELESA
69. Eskoriatza udala
70. Esnelat
71. estanda
72. EULEN
73. Eurest
74. EUSKO JAURLARITZA
75. Expertus,
76. Fagor
77. FCC-GMSM
78. Ferro
79. Ferrovial
80. Forging products zornotza
81. FORJAS DE IRAETA
82. Foseco izurtza
83. FRESMAK
84. FRONERI ARAIA
85. GAIKER
86. Garbialdi
87. GASCA
88. GASTEIZKO UDALA
89. General Mills
90. Geslagun
91. Gestamp bizkaia abadiño
92. GFI
93. GH
94. GIGABAR
95. Giroa
96. GKN
97. GLUAL
98. GOHITA
99. GOIALDE
100. GRAFICAS OTZARRETA
101. GTS
102. GUASCOR
103. Guibe
104. Gurutzeta ospitala
105. HAURRESKOLAK PARTZUERGOA
106. Hernaniko Udala
107. Herro
108. HETTICH IBERIA
109. Heziketa Berezia Gipuzkoa
110. HEZKUNTZA DELEGARITZA
111. Huertas de Peralta
112. IBM
113. IDE
114. Igepak
115. Ika Tekniker
116. IKEA
117. Ikor
118. Impacto
119. Indar
120. INDAUX
121. INDESA
122. INDUSTRIAS ARTZUBIA
123. Industrias GOL Berriz
124. INDUSTRIAS ORMOLA
125. Ingeteam
126. Inviza, clínica Asunción
127. Inyectametal abadiño
128. Izadi,
129. J.J.A. PRODUCCIONES
130. Jaso itsasondo
131. Jema Energy
132. JUARISTI
133. Justizia administrazioa
134. Kelvion
135. KONECTA
136. Limpiezas villar
137. Magoteaux
138. Magoteaux
139. MAGUI
140. Man
141. MAQUINARIA ELKOR
142. Marcal
143. Mariskone,
144. MASTERCLIN
145. MECANIZADOS OSATU
146. MECANIZADOS TAR
147. Mecauto,
148. MENDIARAIZ
149. MERCEDES
150. Michelin
151. MICHELIN
152. Mubea Inauxa
153. MURUA
154. Nakulas,
155. Natra Oñati (Oñati)
156. Naturgas
157. Navarra Maquinaria Agricola
158. NIE
159. Niessen,
160. Nuevo Futuro
161. OBE HETTICH
162. Orbeki
163. Orbinox
164. Ordiziko kiroldegia
165. Ormazabal
166. OSAKIDETZA (Olagibel, Txagorritxu, Santiago)
167. Osakidetzako zerbitzu zentralean
168. OTEZURI
169. PANIFICADORA ARTADI SL
170. Papelera Zicuñaga
171. Papresa
172. Pasaban
173. Pasaiako portua,
174. Pelzer
175. PG Prevencion
176. Plastigaur
177. Plastikos alai,
178. Polmetasa (Arrasate),
179. Posta Gipuzkoa
180. Pronutec zornotza
181. Provedis
182. REP. AUTO IRAETA
183. Residencia Valle del Roncal
184. Roar,
185. Rothenberger abadiño
186. Sach
187. Salva,
188. SAM
189. SAMMIC
190. SAN JOSE ZAHAR EGOITZA
191. SAN JUAN ZAHAR EGOITZA
192. SAN MARTIN ZAHAR EGOIT
193. Sanitas Residencial Lizarra
194. Sanitas Residencial Lizarra
195. SANTA ANA ZAHAR EGOITZA
196. Santurtziko udaletxea
197. Sasieta
198. Senlle
199. SERLASAk
200. Sestaoko Udaletxea
201. Sidenor
202. SIDENOR
203. simply ezkerraldea
204. Sin Fronteras
205. Sortzen zornotza
206. SSI
207. staples
208. Stef zornotza
209. Sunrise
210. Talleres Mitxelena
211. TALLERES ONDOZABAL
212. TAMAR
213. Tasubinsa
214. TECNALIA
215. Tecnichapa
216. Tesa,
217. Thysshen
218. TMC
219. Tremefil Izagirre
220. Tubacex
221. Tubos Reunidos
222. TUVISA
223. Ubis
224. UNI2
225. Uni2 servicios integrales
226. UPV/EHU Ibaeta
227. Urkabe benetan,
228. UROLA ERDIKO MANKOMU.
229. UTE aubide
230. UTE interiores
231. UTE LARRIALDIAK MAIZ
232. UTE LUDOLAND ORTZADAR
233. UZ S. Coop
234. Valoriza Servicios a la Dependencia S.L
235. Vega
236. Xilema Araba
237. Xilema Nafarroa
238. Xupera
239. Zardoya,
240. ZB
241. ZELAI AZPI
242. ZESTOAKO UDALA
243. ZUMAIAKO UDALA

 

 

 

Jose Antonio Santano ere miseriazko pentsioen arduraduna da

admin
-
0
Urtarrilaren 31ean Irungo udaletxean burututako udal batzan, pentsioak bermatzearen inguruko mozio bat aurkeztu zen. Aldeko botoa eman zuten EH BILDU, PSE, SI SE PUEDE IRUN zein PNVk, eta PPren abstentzioarekin, Jose Antonio Santano alkate duen Irungo Udala Estatu Espainiarrari pentsio legea aldatzea eskatzeko konpromisoa hartu zuen, KPIaren igoeran bermatzeko, 2013ko pentsio erreforma deuseztatzeko bai eta 2010 zein 2012ko lan erreformak baliogabetzeko ere.

LAB sindikatuak ondorengo hausnarketa helarazten du:

Zalantzarik gabe akordio hau irungo herritarren susperraldi egoera batean dator. Astelehenero biltzen diren ehundaka pentsionisten antolakuntza eta mobilizaziorik gabe ezinezkoa litzateke hainbat alderdiren babesa, eta beraz, mozioa bera onartzea.

Garrantzitsua iruditzen zaigu udalak herritarren eskaerak biltzeko eta estatu espainolaren eta bere PPko gobernuaren pulitika publiko atzerakoei aurre egiteko tresna izatea. Baina Irungo langileoi gogorarazi nahi diegu erabakion atzean izen-abizenak badaudela, zeinak horrelakoen aurrean zuritze bat bilatzen duten.

Deigarria da Santano eta bere kideen kasua, hots PSOErena. Erreformak deuseztatzeaz hitz egiten digute eurak izan zirenean bidea ireki zutenak. Ahaztu al dute Zapateroren Gobernua izan zela pentsioen erreforma egin zuena 2011ean, non jubilazio adina 67 urtetara atzeratu zuten? Edo behin baino gehiagotan bozkatu dutela 1.080€ko gutxieneko pentsioaren kontra?

Eta PNV? Bere klase interesak tinko defendatzen: banka eta enpresariak. Elite ekonomikoen menpe eta dekretu zein murrizketa sozial, laboral eta politikoak gauzatuz agintzen duten gobernuak sostengatzen ditu eta Euskal herrian inposatu arauok. Gainera, PSOE et PP bezala, 1080€ko gutxieneko pentsioaren kontra azaldu da, plan pribatuak defendatuz, eurek bezalako soldatatzarrak dituztenek ordaindu ditzaketenak, eta ez langileok.

Austeritatearen aitzakian, PP eta PSOEk, gurteleko eta Andaluziako EREen alderdiek, bankarekin aliatuz, eurenak eta bi egin dituzte pentsiodunak geroz eta pobreago jarrai dezagun, pobreziaren mugatik behera dagoen miseriazko pentsioak jasoz. Sistema publikoa ezabatu nahi dute pribatizazioaren aldeko hautua eginez, finantza eragileen pozerako.

Gure pentsioak ez ditu bankaren zerbitzura dagoen espainiar pentsio sistema ustelak bermatuko.

LABen ustez, konponbidea eraldaketa integral batean dago. Euskal Herriaren burujabetza politiko eta ekonomikoa aldarrikatzen dugu, zeinak urteetako lanaren ostean duintasunezko zahartzaro bat bermatzeko pentsioak eskaintzeko gaitasuna izango duen.

Hau da bizitza duin baterako aukera bakarra, lan harremanetarako eta babes sozialerako euskal sistema publiko baten eraikuntza, zienak gutxieneko hauek barnebildu beharko lituzke:

– Euskal Gizarte Segurantza integrala
– Eskuduntza ekonomiko eta araugile osoa
– Kalitatezko Enplegurako Politika Aktibo zein Pasiboak
– Gutxieneko Pentsioa 1.080 euro
– Zerbitzu publiko gehiago eta hobeak
– Lanaren banaketa, 35 ordu.
– Emakumeonganako soldata diskriminazioaren ezabatzea, baita pentsioetan ere. – Soldata interprofesionala 1200 euro
– Menpekotasun pertsonei bidezko harrera
– Pentsio sistema propioa

Eta Hego Euskal Herriko pentsiodunen plataformak eskatu bezala, KPIaren berreskuratzea pentsioen igoeran, Rajoyek inposatutako 0,25arekin haustea eta gutxieneko pentsioa 1080€tan ezartzea.

Gutxieneko hauekin gure pentsioak bermatuak daude. Diru nahikoa badago euskal jendarte oparoago, solidarioago eta berdintasunezkoago bat eratzeko. Eta ez badute dirua aurkitzen, bila dezatela iruzurgileen errenta aitorpenetan edota paradisu fiskaletan.

Gure pentsioen biziraupen mehatxuen aurrean mobilizatzea dagokigu.

Dei egiten ditugu langileak kaleak okupatzen eta Irungo mobilizazioetan parte hartzen jarrai dezaten. Baina ez daitezela hitz goxoekin engaina, gogoan izatea zeintzuk diren orain arte murrizketen bidea hautatu dutenak eta 1080€ko gutxieneko pentsioen kontra bozkatu dutenak.

 

 

 

Lan Ikuskaritzan salatu ditugu errauste planta eta Anoetako obretan dauden lan-baldintza prekarioak

admin
-
0
Lan Ikuskaritzan salatu ditugu errauste planta eta Anoetako obretan dauden lan-baldintza prekarioak

Joan den otsailaren 16an LAB sindikatuak errauskailu zein Anoetako obra lanetan aritzen den EPB azpikontrataren aurkako hainbat salaketa jarri zituen. LABek egiaztatatu ahal izan duenez, azpikontrata honek eraikuntzako hitzarmenak baimentzen duena baino soldata baxuagoak eta lanaldi handiagoak ezartzen ditu.

Sektorean eraikuntzako enpresa handien aldetik azpikontrata hauetara jotzea lan kosteak merketzeko asmoz praktika orokorra da. Gogoratu nahi dugu bi obra hauek Donostiako Udalak eta Gipuzkoako Aldundiak sustatutako obrak direla. Bi erakunde hauek oso prezio merkean lizitatzeaz gain, hitzarmenaren aplikazioa zailtzen duena, ez dute inongo neurririk ezartzen hitzarmena betetzen ari den ala ez egiaztatzeko.

Halaber, jakinarazi nahi dugu LAB sindikatuak Donostiako alkatea den Eneko Goiari salaketa hauen kopia eman diogula egoera honekin buka dezan.
 

 

 

Ikasle Abertzaleak erakundeak Arrasaten deitutako manifestazio nazionalaren inguruko gogoeta

admin
-
0
Ikasle Abertzaleak taldeak manifestazio nazionala deitu du Arrasaten otsailaren 22rako, Arizmendi ikastolako ikasleen grebarako eskubidea aldarrikatzeko. Gu ez gara nor mobilizazio horren zilegitasunaz jarduteko; erakunde bakoitzak badu bere ekimenak diseinatu eta bideratzeko eskubide osoa. Hala ere, manifestazio nazionala deitu izanak, Arizmendiko ikastolako auzia nahiz oro har hezkuntza sistemaren nolakotasuna kokatu du eztabaida publikoaren erdigunean eta gauzak horrela LABek egiten duen irakurketa plazaratzeko komenigarritasuna ikusi dugu.

Arizmendi ikastolako ikasle ordezkariek barne araudia aldatzeko eskari zilegia egin dute, DBHko ikasleen greba eskubidea aitortua izan dadin. Ikastolak araudia aldatzeko prozedura martxan jarri du eta LABetik espero dugu ikasleen eskaria aintzat hartzea. Ikasle Abertzaleak-en ustez, ordea, martxan jarritako prozedura ez da zilegia: “Zuzendaritzak espero gisa jokatu du, horrelako kasuetan burgesiaren interesak (egungo egoeraren egonkortze eta erreprodukzioa) defendatzen dituen edozein gestorek bezala, zapalduok engainatzeko edozein trikimailu, mehatxu eta gezur erabiliz”. Gertatutakoa orokortuz, hezkuntza instituzioen inguruko kritika erabatekoa egiten du IAk: “izan kooperatiba, ikastetxe publiko edo katolikoa ere, badakigu, egungo esplotazio eta zapalkuntza egoerak erreproduzitu, gestionatu edo asko jota erreformatxoak egiteko tresna direla hezkuntza instituzioak”.

Lehenik eta behin, neurriz kanpokoa iruditzen zaigu ikastetxe jakin batean eztabaidagai dagoen araudi bati horrelako dimentsioa ematea, Arizmendi Ikastola bailitzan Euskal Herriko burgesiaren tresna nagusi eta langileriaren etsai; areago eta gehiago, esan bezala, ikastetxeko ikasleen ordezkarien eskariz zuzendaritzak araudi hori aldatzeko prozedura martxan jartzea onartu duenean. Gauzak horrela, Arizmendiko ikasleen eskariekin bat egiten dugu baina ez diogu babesik emango IAk deitutako manifestazio nazionalari.

Bigarrenik, ez dugu hezkuntzaren gainean IAk egiten duen irakurketa konpartitzen. Egia da egitura politikoaren kontrola duen elitearentzat, hezkuntza, indarrean dauden baloreak eta jarrerak birproduzitzeko mekanismoa dela. Aldiz, zanpaketarik gabeko jendartea sortu nahi dugunontzat, hezkuntza mundua hobetzeko prozesua izan daiteke; mendeetan zehar eliteen mesedetan eraikitako arrazakeria, patriarkatua eta klasismoa deseraikitzeko aukera; gizabanakoa nahiz jendartea ahalduntzerako tresna. Euskal Herrian dugun hezkuntza, bere adierarik zabalenean, sakoneko tira-bira horren ondorio da, alegia, eliteen eragina ez ezik zanpaketa ezberdinen kontzientzia izan duten herritarren eragina ere badauka. Euskal Herrian lan eta borroka ugari egin da euskarazko irakaskuntza hedatu, euskal curriculuma martxan jarri, hezkidetza sustatu edota langileen seme-alabek hezkuntza duina izan dezaten. Emandako urratsak balioan jarri eta urrats berrien alde borroka eginez eraikiko dugu hezkuntza sistema propioa.

 

 

 

Confebaskek eta EAJk ez dute proposamen bat bera ere egin soldata arrakalaren arazoari aurre egiteko

admin
-
0
Confebaskek eta EAJk ez dute proposamen bat bera ere egin soldata arrakalaren arazoari aurre egiteko

LABek elkarretaratze bat egin du gaur, Lan Harremanen Kontseiluaren aurrean, Bilbon, “Gure lanak balioa du, 7680 euro gutxiago. Emakumeok planto!” leloarekin. Hain zuzen ere, mobilizazio hau Eusko Jaurlaritzako Justizia eta Lan Departamentuak emakume eta gizonen arteko soldata arrakalari buruz hitz egiteko deitutako bilera egin bitartean gauzatu dugu. Bileran, LABeko bi kide izan dira, Batzorde Exekutiboko Arantxa Vazquez tartean, eta Gasteizko Legebiltzarrak egindako legez besteko proposamenaren inguruko irakurketa eta soldata arrakalari aurre egiteko neurriak proposatu ditugu. Confebaskek eta EAJk, berriz, ez dute ezer proposatu. Are eta gehiago, patronalak esan du soldata arrakalaren arazoa ez dela bere erantzukizuna, eta ez duela diskriminaziorik ikusten; EAJk, bere aldetik, patronala ez duela interpelatuko adierazi du. Martxoaren 12rako deitu dute hurrengo bilera, eta LABek egunotan baloratuko du bertara joan ala ez.

"Iragan otsailaren 1ean genero desparekotasuna eta lan merkatuaren inguruko Legez Besteko Proposamena onartu zuen Eusko Legebiltzarrak alderdi politiko guztien aldeko botoarekin. Besteak beste, honako proposamena onartu zen: Eusko Jaurlaritzak dagokion foroetan eztabaida sakona sustatzea eragile sozialekin batera emakumeen eta gizonen artean dagoen soldata jauzia gainditzeko neurriak hartze aldera, eta neurriok berdintasun-planetara hedatzea, batik bat enpresa ertain eta txikien planetara. Neurri horiak ekintza-planaren partea izango dira."
 
Hauxe da Lan Harremanetarako Kontseiluaren egoitzan egindako bileraren gonbidapenak dioena. Bada, LAB sindikatuak 1999 urtetik darama emakume eta gizonen arteko soldata arrakala salatzen. Ez gara lehenengoak izan. Mugimendu feministak orokorrean, baita lan munduan ere, mendeak daramatza diskriminazioak salatzen, soldata arrakala ageriena izanik.

Beraz, hau ez da ezer berria, eztabaida soziala aspaldi zegoen piztuta, baina boteretik ez da entzun izan nahi. Eta eztabaida ez da soldata arrakala bere horretan eta modu isolatuan aztertua. Arazoa arrakala sortzen duen sistema da.

Aurten Martxoaren 8ko greba feministaren iragarpenarekin eta Islandiak arrakalaren kontrako legea onartuz eztabaida asko indartu da eta gaia agenda politiko eta mediatikoan kokatu da.

Horregatik, gaur egin den bilera deialdia guztiz oportunista ikusten dugu.

Eusko Legebiltzarrak onartu berri duen Legez Besteko proposamena guztiz eznahikoa ikusten dugu:

• Ez du lan munduan eta soldaten alorrean eragin dezaken neurririk aurreikusten. Izatez, ez dago interpelaziorik egoeraren ardura zuzena duen patronalari begira
• Jaurlaritzak bete beharko lituzkeen konpromisoak jasotzen ditu.
◦ Emakumeak animatzea soldata arrakala salatzera. Hau da, instituzio publikoak ez du zuzenean esku hartuko, emakume langilearen bizkarrean jartzen du urratsa emate. Eta noski, ez du jartzen salaketak izango duen bideaz.
◦ Zaila da soldata arrakala salatzea enpresa bakoitzean ematen den benetako egoera bere osotasunean ezagutzen ez bada. Egoeraren informazioa enpresak daukatu, ez plantillako emakumeek.
◦ 6 hilabetetan ekintza plana aurkeztuko duela dioa akordioak. Eragile sozialekin batera arrakalaren inguruko eztabaida sakona sustatzeko konpromisoa bereganatuz.

Politika publikoek porrot egin dute diskriminazio egoerekin amaitu eta berdintasunaren aldeko urratsak ez dira eman eta Lan eta Justizia Sailak ez du inolako iniziatibarik hartu egoera hauek bideratzeko. Beraz orain eztabaida soziala pil pilean dagoenean Legez besteko proposamen hau Lan eta Justizia Sailarentzat gaurko bilera erabat oportunista deitzeko aitzakia ederra bilakatu da.

Ez da kasualitatea otsailaren 21ean, soldata arrakalaren aurreko egunean eta greba feminista baten testuinguruan, horrelako bilera bat deitzea.

LABeko ordezkariek soldata arrakalaren egunaren testuinguruan ordezkaritza duen enpresa guztietan soldata arrakala aztertzeko eskaerak erregistratuko ditugu. Estatistikek bistakoa egin dute arrakala dagoela eta handia dela, gure helburua atzean dauden arrazoietara jotzea da. Arrakalaren arrazoiak zeintzuk diren aztertzea, azalaratzea eta borrokatzea izango da helburua. Hauek dira eskatu ditugun datuak:

• Nola dagoen banatua langile multzoa sexuen arabera enpresaren antolakuntzan.
• Zenbat den gizonen soldataren batazbestekoa eta zein emakumeena.
• Kontratu partzialak, emakume eta gizonen bataz bestekoa.
• Behin behineko kontratuak, emakume eta gizonen bataz bestekoa.
• Adin txikikoak eta menpekotasunak dituzten pertsonak zaintzeko baimenak eta lanaldi murriztuen eskaerak: gizon eta emakumeen batazbestekoa.
• Zeintzuk dira kontziliatzeko eta ardurak partekatzeko neurriak enpresan.
• Zuzendaritza karguetan dauden gizon eta emakumeen batazbestekoa.
• Lanbide talde bakoitzean dauden gizon eta emakumeen batazbestekoa.
• Kontratatzeko eta promozionatzeko sistemak.
• Azpikontratuak diren enpresekin dagoen soldata arrakala kategoria berdinen arteko soldata arrakala enpresa azpikontratatuak daudenean.

Testuinguru honetan eta arrakalaren kontra benetako neurriak hartzeko bidean, LAB sindikatutik eskakizun hauek egiten ditugu:

• Confebaskeri enpresetan soldata arrakalaren ikerketa bermatu dezala. Azterketaren ondorioz arrakala gainditzeko egiten diren neurriak sustatzeko konpromisoa bereganatu dezala.
• Berdintasun planak egitearen derrigortasuna enpresa guztietara zabaldu dadila, 250 langile edo gutxiago eduki arren.
• Kontziliaziorako eta korresponsabilitaterako* benetako neurriak hartu daitezela.
• Administrazioan aitatasun baimena amatasun baimenarekin parekatzeko hartu den neurria enpresa pribatuetara zabaltzea eta derrigorrezkoa egitea.
• Zerbitzu publikoen garapena ziurtatzea. Murrizketa guztiak atzera botatzea eta azpikontratazioarekin amaitzea frogatua dagoelako eragin zuzena dutela emakumeengan. Publikotik betetzen ez diren zaintza lan guztiez emakumeak arduratu behar dira oraindik orain.
• Zaintza lanen aitortza politikoa, ekonomikoa eta soziala.
• Etxeko langileentzat lan baldintza duinak eta zaintzarako dirulaguntza berdinak
• Zaintzarako sistema publikoa
• Zaintzeko, ez zaintzeko eta zaindua izateko bermatuko diren neurriak martxan jartzea, unibertsalak eta singularrak
• Haur eskolak doakoak izan daitezela
• Negoziazio kolektiborako eskubidea ziurtatzea hori izango delako neurri eraginkorrak lan merkatuan inplementatzeko bidea.
• Estatalizazioaren kontrako neurriak hartu ditzala.
*korrespontsabilitatea: ez ulertuta soilik gizonen eta emakumeen artean, baizik eta familia, komunitatea eta zerbitzu publikoen artean.

Bukatzeko, eta Martxoaren 8aren bezperetan gaudela kontutan hartuz, Confebeskeri eta Jaurlaritzari eskatzen diogu ziurtatu dezatela EAEko lan zentroetan emakumeon greba eskubidea errespetatuko dela.

 

 

Greba mugagabe bati ekin diote ST3 elkarteko langileek

admin
-
0
Greba mugagabe bati ekin diote ST3 elkarteko langileek

Joan den otsailaren 15ean, EDE taldeak ST3 elkartearekin lehenbailehen eta ahalik eta erarik traumatiko eta definitiboan amaitzeko asmoen aurrean, ST3ko langileek eurek asanblada bat egin zuten. Greba mugagabea egitea erabaki zuten bertan, gaurtik abiatuta. Hala, elkarretaratze bat egin dute elkartearen egoitzaren aurrean, bizi duten egoera jasanezina salatzeko: zenbait hilabete daramatzate kobratu gabe eta lanean jarraitu dute euren lanpostuekin zer gertatuko zen jakin gabe. EDE Taldeko arduradunek ST3 likidatzea eta bertako langileen kontratuak amaitzea eskatu dutela joan den otsailaren 12an jakin zuten langileek.

Gertaerek hartu duten abiadurarekin, informazio faltaren eta EDE taldeko arduradunek ST3 itxi eta kontratatutako langileak etxera bidaltzeko duten asmoen aurrean, ST3ko langileek ikusi dute greba dela geratzen zaien aukera bakarra. Honekin ikusarazi nahi dutena da euren lanak zein garrantzitsuak diren EDE taldea osatzen duten beste entitateetako langileentzat.

LAB, ESK, CNT eta ELAko atal sindikaletatik gure babes osoa ematen diegu ST3ko langileei, bat egiten dugu greba deialdiarekin eta langileekin egongo gara antolatzen dituzten mobilizazio guztietan.
 

 

 

Pasaiako Porturako hiru plaza berriren aukeraketa prozesua bertan behera utzi dute

admin
-
0
Ricardo Peñaren kudeaketa negargarriaren ostean, PNVk izendatutako kudeatzaile berriak, portuko zein langileon egoera penagarriari entzungor eginda, aurrekoaren nagusikeria berdinarekin egin du harrera. Hain justu, portuak behar duenaren kontrako jarrera erakusten du. LABek behin eta berriz aldarrikatu du ezinbestekoa dela portuko eragile ezberdinen arteko elkarrizketa, lan baldintza duinak errespeturik eta noski, ordezkaritza sindikalarekin harremanak eginik.

Pasaiako Portuko LABeko Sail Sindikalak, Estatuko Portuak, 2017an Pasaiako Porturako onartutako eskaintza publikoa (Erosketa eta Portu Zerbitzuetan 3 lan postu finko) bertan behera utzi izana salatu nahi du.

2017ko abenduan tribunala eratu zen eta dagoeneko publiko egin da deialdia. Batetik, otsailaren 9an PPAko webgunean eta bestetik, otsailaren 11ean 3 prentsa ezberdinetan. Gainera, dagoeneko dozenaka pertsona apuntatu dira.

2018ko Otsailaren 20ean, PPAko lehendakari berriak, Felix Garciandiak, langile eta portuko eragileen aurrean oraindik aurkeztu ez denak, bere lehen ebazpena sinatu du: ezarritako baldintza oro betetzen dituen 3 lan postuen eskaintza deuseztatzea.
 

 

 

Donostiako autobus geltokiko BM supermerkatuaren aurrean egingo dugu protesta igandean

admin
-
0
Donostiako autobus geltokiko BM supermerkatuaren aurrean egingo dugu protesta igandean

Donostiako autobus geltokiko BM berria jai egunetan irekitzen ari da. Supermerkatuko arduradunek hala iragarri zuten inaugurazioa aurretik eta hala egiten ari dira ateak zabaldu zituenetik. Horregatik, berriro mobilizatzea erabaki dugu, urtarrilean egin bezala. Hala, igande honetan, otsailak 25, elkarretaratze bat egingo dugu supermerkatuaren aurrean, 11:30ean, "Jai egunetan, denok jai" leloarekin.
 

 

 

Mobilizaziora deitu dugu Fundiciones Garbin izandako beste lan-istripu baten aurrean

admin
-
0
Atzo gauean Abadiñoko Fundiciones Garbin izandako lan istripu larri baten berri izan dugu. Azpikontrata batentzat lanean ari zen langile batek besoa galdu du. LABek babestu egiten du datorren ostegunerako, otsailaren 22an, Garbiko enpresa-batzordeak deitu dituen lanuzteak. 04:00etatik 06:00etara eta 12:00etatik 14:00etara izango dira. 12:00etatik aurrera, bi orduko kontzentrazioa egingo dute leku horretan bertan.

LAB sindikatutik, lehenik eta behin, gure babes osoa erakutsi nahi diogu larri zauritutako langileari, eta gertatutakoa guztiz baztertzen dugula eta horren aurrean gure amorru guztia adierazi.

Azken urtean bi sute izan ditugu enpresa honetan, eta duela bi hilabete, beste lan istripu batek besoa moztu zion langile bati. Horregatik segurtasun eta osasun arloan Fundiciones Garbin lanean ari diren 150 langileen lan-baldintzak salatzen ditugu eta konponbide bat eskatzen dugu berriz horrelakorik gertatu ez dadin. Gaurko istripuaren arrazoiak ikertzea ere eskatzen dugu.

Ordezkaritza sindikalak salatu du enpresan ez direla segurtasun neurriak betetzen, Lan Ikuskaritzan zein Gizarte Segurantzan, baina enpresak ez du ezer egin. Salaketa hau egin genuenetik bi langile egon dira lanean istripu larriak izan dituztenak, hortaz, enpresa erruduna da beharrezko neurriak ez hartzeagatik.

Fundiciones Garbik, historikoki nahiago izan du irabaziak gehitzea langileen laneko segurtasunean inbertitzea baino. Prekarietatea egunerokoa da lanean eta honen ondorioz, gaur izandakoa bezalako istripu larriak daude. Ez da posible lanera joatea bizitza jokoan jartzearen sinonimo izatea.

Eusko Jaurlaritzan egiteko garrantzitsua du Eusko Jaurlaritzak. Bere zeregina, besteak beste, lan-segurtasuneko neurriak betetzen direla ziurtatzea izan beharko luke. Errealitatean, bestela gertatzen da. Imanol Pradalesek, Aldundiko Ekonomia eta Lurralde-Garapeneko arduradunak, duela 5 hilabete lantegia bisitatu ondoren, titular polita utzi zigun, “gizakientzako arriskua zero da”. Zertara etorri zen benetan, argazkia ateratzeaz gain? Ordua da Jaurlaritzak langileon segurtasun eta osasunaren inguruko erantzukizuna har dezan.
 

 

 
1...813814815...1,585Page 814 of 1,585

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus