Wind Energy Casting Fundiciones enpresako langileak greba mugagabean daude, hitzarmen duin baten defentsan. Gasteizko Legebiltzarraren aurrean egin dute gaur protesta, eta bihar, 18:30ean, manifestazio bat egingo dute, Aguraingo San Juan plazatik abiatuta. Joan den astean, Aguraingo lantegiko langileak Itziarrera gerturatu ziren, enpresa taldearen egoitza nagusira.
Esaten dute KPI hartuko dutela kontutan pentsioak igotzeko, baina oparotasun ekonomiko sasoietan baino ez, honek babesa emango lieke PPk 2013an egindako pentsioen erreforman sartutako aldaketei. Ordurako, krisian zegoen pentsioen sistema eta hortaz, pentsionisten buru gainean jarraituko du Damoclesen ezpata honek.
Ez da KPI pentsio guztientzat bermatzen ezta 1.080 eurotako gutxieneko pentsioa ere, Euskal Herrian aldarrikatzen ari dena pentsionistak pobreziaren atalasetik behera egon ez daitezen, Europako Karta Sozialak adierazten duen moduan.
Ezin dugu “ahaztu” ezta azken urteotan “gora” egiten duen eros-ahalmenaren galera bat dagoela edo nola euskal instituzioek, Gasteiz zein Iruñeko gobernuek, pentsioak osagarritu ditzaketen, Babes eta Gizarte Segurantzako Sistema Propioa izan dezagun arte, orain zein etorkizunean pentsio duinak bermatuko dituena.
Ez gaitzatela engainatu. Ez dugu hitz politik nahi. Pentsionisten aldarrikapenak onartzen dituztela erakutsiko duten ekintzak nahi ditugu. Hauek, EAJ eta PPk akordioa egin arren, ez dira engainatzen utzi eta pentsio duinak eta 1.080 eurotako gutxieneko pentsioak aldarrikatzen jarraitzen dute.
Badakigu hori benetan lortzeko modu bakarra gure apustua den Sistema Propioa lortuta izango dela baina bitartean, euskal instituzioak ezin dira geratu beste alde batera begira eta egiteko ugari dituzte, pentsionista pobreak egon daitezela ekiditeko.
Euskal Herriko Eskubide Sozialen Kartako eragile sozial eta sindikatuok elkarretaratze jendetsu bat egin dugu gaur Gasteizko Legebiltzarraren aurrean. Hain zuzen ere, abian jarritako gutxieneko errenta eta etxebizitza eskubidearen aldeko Herri Ekimen Legegilea babestu dute bildutakoek, eta EAJ eta PSE proposatzen ari diren Diru Sarrerak Bermatzeko Errentaren erreforma murritzailea kritikatu dute.
Ekainean zehar SATSE, CCOO eta UGT sindikatuak garapen profesionalaren alde mobilizatuko dira modu bateratuan. LABek mobilizazioetan parte ez hartzea erabaki du hurrengo arrazoietan oinarriturik:
• “Batasun sindikalaren” gaineko mesfidantza, kontuan hartuta azken urteotan osatu genuen intersindikala EPE hau sinatu zuten sindikatuek apurtu zutela (SATSE, SME eta UGT), langileok desmobilizatu eta Osakidetzari “oxigenoa” eman eta “negoziatzailearen” irudi propagandistakoa elikatuz. Modu bateratuan lan egin baino lehen, LABek gertatutakoaz azterketa kritikoa eskatu zuen, berriro gauza bera gerta ez zedin, baina hau ez da posiblea izan.
• Garapen Profesionalari bagagozkio, LABen abiapuntua oso irakurketa kritikoa da. Egia da Osakidetzak deialdiak gelditu izanak langileon artean ezberdintasunak sortu dituela, baina era berean, ezin dugu ahaztu langileon artean alde gehien sortu dituena garapen profesionala bera izan dela, soldata arrakala izugarri handituz eta langileok desmobilizatuz. Horregatik, abiapuntu bezala kokatzen dugu eredu berria sortzeko negoziazioa.
• Azkenik, uste dugu ezin garela mobilizatu soilik Garapen Profesionalaren alde. Ezin dugu ahaztu oraindik hainbat murrizketa pairatu behar ditugula eta, batez ere, ez dela negoziaziorik existitzen. Izan ere, edozein batasun sindikalek aipaturiko aldarrikapenak hartu beharko lituzke bere gain.
LABek egoki ikusten dituen medioak erabilita jarraituko du honakoak exijitzen:
• Garapen Profesionaleko mailak aitortzera eta ordaintzera behartzen duen epaia luze barik betetzea.
• Uda ostean garapen profesional eredu berri eta justuagoa martxan ipintzeko negoziazioa irekitzea.
Garapen Profesional honek, beste batzuen artean, honakoak jaso beharko lituzke:
o Jefature nbalorazio subjektiboak alboratzea.
o Plantilla osoaren eskubide izaera izatea.
o Soldata igoera baino haratago joatea.
o Soldaten igoera linealak jasotzea, kategorien arteko soldata arrakala gutxitzeko.
o Formakuntzaren balorazio modu justu eta orekatuan gauzatzea, gaur egun bizi dugun formakuntzaren “negozioarekin” amaitzeko eta denontzat aukera berdinak ziurtatu aldera, gaur egun Osakidetzako ikastaroak jasotzeko aukera handirik ez daukaten langile zein kategoria guztientzat ere.
Korsikan izan da LAB pasa den asteburuan, Bastia hirian, STC sindikatuaren 11. Biltzar Nagusian, hainbat sindikaturekin batera gonbidatuta. Bada, Biltzar Nagusiaren harira, bertaratutako Estaturik gabeko Nazioetako Sindikatuen Plataformako kideek Espainiako estatuaren inguruko adierazpen bat adostu dute.
Hain zuzen ere, honako sindikatu hauek sinatu dute adierazpena, guztiek aipatutako plataformako kide: LAB (Euskal Herria), CSC (Katalunia), CSS (Sardinia), SAVT (Aosta), STC (Korsika), UGTG (Guadalupe), UGTM (Martinika) eta USTKE (Kanakia). Hauekin batera, CNT-F eta Union Syndicale Solidaires sindikatuek ere eman diote babesa testuari.
Adierazpenaren bitartez, “Espainiako Estatuaren jarrera autoritario eta errepresiboa” salatu dute; “batez ere, Katalunian ematen ari den inboluzio demokratikoa eskubide zibil eta politikoei dagokienez”. Eta honako hau exijitu dute: preso politiko guztien askatasuna, exiliatuen itzulera eta abian diren prozedura judizialak bertan behera geratzea.
Atzo egin bezala, Bizkaiko Etxez-etxeko Laguntza Zerbitzuko langileek lanuzteak egin dituzte gaur, sektorearen defentsan eta zerbitzu zabal eta hobea eta enplegu gehiago eta hobea eskatzeko. Lanuzteekin batera, manifestazio bat egin dute Bilboko udaletxetik Bizkaiko Foru Aldundiraino.
Mobilizazio eguna izan da gaur Orozkon, Arcanorreko langileek deituta. Hain zuzen ere, bi orduko lanuzteak egin dituzte herrian eta manifestazio isila gauzatu dute, maiatzaren 30ean gertatutako lan istripuaren ondorioz hildako Arcanorreko langileak gogoan izateko eta lan heriotzak salatzeko.
