LABLangile Abertzaleen Batzordeak

Erandioko Cables y Alambres Especiales S.A. enpresako langileak aspalditik bizitzen ari diren egoera larria salatzen dute LAB eta ELAk.

Inbertsio nahikoen faltak eragiten du langileek oso baldintza prekarioetan egin behar izatea euren lana, instalazioen eta makinen egoera nergarriak modu zuzenean eragiten baitie langileen osasun eta bizitzari. Aurten 25 lan-istripu izan dira, pasa den irailean lanean hil zen langilea ahaztu barik. Honi gehitu behar zaio iaztik hona etengabeko atzerapenekin ordaintzen dizkietela nominak.

2015eko martxoan erosi zuen Vicinay taldeak enpresa hau, eta erosketarekin batera 10 milioi eurotako inbertsioa iragarri zuten, 40 kontratazio berri eta produkzioaren %70eko igoera erosketa ondorengo 5 urteetarako.

Hala ere, orain arte egindako inbertsioa oso urruti dago aipatutako kopurutik eta edozein kasutan ez dator beharrizan urgenteneekin bat. ABLE bidez egiten dira kontratazioak eta nahi da produkzioa handitzea zaharkituta geratu diren makina batzuekin eta nahikoa ez den langile taldearekin. Zentzu honetan, langileen apustu tinkoa egiten dute proiektu industrialaren alde ahalegin itzelak eginez, segurtasun aldetiko baldintza txarrak gorabehera, inposatzen diete produkzio mailak lortzeko, eta honek ez die bermatzen ezta soldata sasoiz jasotzea ere.

Cables y Alambres Especiales S.A. erosteko operazioa Vicinay taldea, Bizkaiko Foru Aldundia eta enpresako akziodunen arteko akordio baten bidez egin zen.

LAB eta ELAk ulertzen dugu Eusko Jaurlaritza eta Aldundia ikusle hutsak bailiran ari direla jokatzen, euren erantzukizunarekiko utzikeriaz jokatuz. Ez da nahikoa akordioa sustatu eta argazkiak ateratzea, beharrezkoa da ondorengo jarripena akordio hauek bete egiten direla bermatzeko.

Hau nahikoa izango ez balitz, Erandiko HAPOaren aurrerapenak zehazten du itsasadarraren ondoan ez dela enpresa egongo, bere lekuan etxebizitzen eremu bat proposatuz. Vicinay Taldeari konpromisorik exijitu gabe lur industriala urbano bezala errekalifikatzeko arriskuaren aurrean, enpresa-batzordea Erandioko udala eta gainontzeko udal taldeekin hitz egiten hasi da, eta bilera eskatu dio honezkero Vicinay Taldea eta Eusko Jaurlaritzari.

Egoera honetan, guztiz beharrezkoa da tartean dauden alde guztiekin akordio eta konpromiso sendoak lortzea, proiektu industrialaren aldeko benetako apustua lortzeko, 130 langileentzako enpleguari eusteko eta hauentzako laneko segurtasun baldintza duinak lortzeko.
 

Enpresak lau lan zentro ditu, bi Asturiasen eta bi Nafarroan. Guztira 59 langile dira eta horietatik 32 langile Iruñeko eta Altsasuko lan zentroetan banatzen dira. LAB sindikatuak Altsasuko lantegian du ordezkaritza. Triman Minerals S.A enpresa entramatu konplexu baten parte da: Moncayo Real Estate SLU taldea. Talde horrek Nafarroan beste lantoki bat du hiruzpalau langilerekin; Trituraciones Moviles SAU izena du eta Fiteron dago. Langile horiek ere arriskuan dute beren burua. Beraz, Nafarroan osotara 35 langile izan daitezke kaltetuak.

Enpresak maiatzaren 9an ekin behar zion kontratuak behin-behinean etengo zituen Enplegua Erregulatzeko Txosten (EEE) baten kontsulta epeari. EEE hori estatu mailakoa izan behar zen eta taldeak dituen 59 langileei eragin behar zien. Enpresak baldintza bat jarri zuen EEEa sartzeko: lantoki guztietako langileek babestua egon behar zuela kontsulta epea hasi bezain laster, eta bestela ez zuela sartuko.

Lantoki guztietako langileen ordezkariek ezezko borobila eman diote enpresari eta enpresak ez du EEErik sartu. Hortaz, egoera honetan langileek kobratu gabe jarraitzen dute. Argi utzi nahi dugu enpresak ez zuela dokumentazio osoa aurkeztu eta gainera guk Nafarroako lantokiei eragiten dio EEEa Nafarroan negoziatzea eskatu dugu. Laburbilduz, enpresak ez du EEErik aurkeztu, ez da kontsulta epea hasi, eta une honetan ez dakigu zein den enpresaren asmoa.

Beste alde batetik, enpresak duela hilabete batzuk Sodenara jo zuen finantzazio bila proiektu bat aurrera ateratzeko asmoz. Dakigunez, Sodenak enpresa babestu du finantziazioarekin, baina proiektuak ez du aurrera egin.

Enpresa ixteko arriskuan dago, baina badakigu alternatibak egon, badaudela, bai taldea aurrera ateratzeko eta baita Nafarroako lanpostuak babesteko ere. Altsasuko langileok konbentzituta gaude Altsasuko lantokia bideragarria dela.

Horregatik guztiagatik, egoeraren larritasuna ikusirik, salaketa publiko egin nahi izan dugu. Egungo zuzendaritzari exijitu nahi diogu zor duen guztia ordain dezala, egon daitezkeen alternatiba guztiak lagun ditzala eta irtenbide bat bila dezala langileek bizi duten emergentzia egoerari aurre egiteko. Eta Sodenari ere exijitu nahi diogu proiektu berri bat aurrera ateratzeko behar den guztia egin dezala.

Azkenik, adierazi nahi dugu etorkizunean alternatibarik egon behar badu, egungo zuzendaritzak ezin duela jarraitu.

Patronalak jarraitzen du malgutasunaren inguruan atzera pausoak planteatzen, aldi baterako desgaitasunen baldintzak okertu nahi ditu eta uko egiten du jarraitzen du sektoreko langileoei azken urteetan lapurtu dieten dirua itzultzeari.

Patronala publikoki atsekabetzen da sindikatuen soldaten inguruko aldarrikapenak errealitatetik urruti daudela eta ez direla bideragarriak. Ez da adierazpen hauek egitean lotsagorritzen publikoki harrotzen direnean sektorearen aurreikuspen onez eta 2016an 1.300 milioi eurotako irabazi garbiak izateaz.

Azken batean, patronalak ez du inolako borondaterik sektore lan-baldintzak duinduko dituen aurrera pausoak ekarriko lituzkeen hitzarmena negoziatzeko. Azken bileran beste behin ikusi dugu patronalarentzat hain erosoa den negoziazio kolektiboaren blokeo estrategian.

LABetik jarraitzen dugu esaten ez dugula edozelango hitzarmenik onartuko eta ondorioz, enpresa zein sektorean eduki duinak defendatuko ditugula, hala nola:

– Egungo lan-baldintzetan atzera pausorik ez.
– Lan zein negoziazio kolektiboaren erreformetatik babestuko gaituzten neurri eta klausulak jasotzea.
– Prekarietateari aurre egiteko neurriak jasotzea.
– Emakumeen kontratazioa eta gure lan-baldintzaj duinduko dituzten neurriak jasotzea.
– Subrogazioa bermatuko duten klausulak jasotzea.
– Lana eta aberastasunaren banaketa bermatuko duten neurriak jasotzea.

Datorren astelehenean, maiatzaren 28an dago aurreikusita negoziazio mahaiko hurrengo bilera. Patronalak negoziatzeko blokeatzeko estraregiarekin jarraitzen badu LABek argi du bestelako urratsak eman beharko direla. Konfrontazio barik ez da Bizkaiko metalgintzako langileentzat hitzarmen duinik egongo. Lan duina, hitzarmen duinak.