2026-01-12
Blog Page 1284

Renfe eta ADIFeko enpresa batzordeek “Barik” txartelaren ezarpenean zuzendaritzak erakutsitako jarrera salatu dute

admin
-
0

Renfe eta ADIFeko enpresa batzordeek  Ancho Metrico deritzon tren sarean "Barik" txartela ezartzeko prozesuaren aurrean bi zuzendaritzak erakusten ari diren interes eza eta antolakuntza kaskarra salatu dute.

RENFE eta ADIFeko ENPRESA BATZORDEEN OHARRA
Renfe-Operadora eta Renfe (Servicio Ancho Métrico) eta ADIF eta ADIF (Red Ancho Métrico)-eko enpresa batzordeek iritzi publikoari orohar, eta Bilbotik Balmaseda eta Karrantzarako tren-bidearen erabiltzaileei bereziki, gure egonezina adierazi nahi diegu administrazioak “BARIK” txartela Ancho Metrico deritzaion tren-bidean (lehengo FEVEN) ezartzeko prozesuaren aurrean erakusten ari diren interes ezaren eta antolakuntza kaskarraren aurrean.

Erabiltzaileei eragozpenak eta kalte ekonomikoak ez eragitearren RENFE-Operadora eta ADIFeko zuzendaritzei eskatzen aritu gara behar diren kudeaketak egin ditzatela “BARIK” sistema ezartzeko Creditransaren iraunaldia amaitu aurretik, ezarpen horrekin bidaiarientzako zerbitzua hobetuz eta Bizkaiko garraio publiko osoan garraio titulu eredu bakar bat ezarriz.

Enpresa Batzordeetako ordezkariok enpresei behin eta berriz sistema ezartzeko instalazioa bizkortzeko eta Creditransaren indarraldia amaitu aurretik prozesua amaitzeko eskatu eta gero, ulertezina zaigu ikustea nola RENFE-Operadora eta ADIFen kasuan egin duten, baina Ancho Métrico (lehengo FEVE) sarean oraindik ez dagoen eginda.

Duela gutxi RENFE-Operadorako (Ancho Métrico zerbitzua) zuzendaritzak adierazi zigun “BARIK” sistema 2014ko martxo hasierarako martxan izango zela Ancho Métrico sarean; era berean, beste garraio publiko batzurekin batera erabiltzeko asmoa zuten erabiltzeei sortuko dizkieten eragozpenen aurrean, “sentitzen zuela” adierazi zigun. Ez gatoz bat jarrera horrekin, eta zuzendaritzari eskatu diogu bilatu dezala formula bat FEVE bestelako garraio publikoekin batera erabili behar duten erabiltzaileei kalteak ez eragiteko.

Bestalde, Bizkaiko Garraio Publikoen kontsortzioko kide diren administrazio publikoei dei egiten diegu beharrezkoak diren kudeaketak egin ditzatela Enkarterriko eskualdeko biztanleen eta Bizkaiko gainerako lurralde historikoan bizi diren herritarren artea tratu desberdina egon ez dadin eta mantendu dezaten Creditrans txartel bakarra garraiobide guztiak baldintza berdinetan egon arte.

Bizkaia, 2013ko abenduak 3

 

LAB sarean
{module[111]}

Banketxeek euskarazko zerbitzua emateko betebeharra ez dutela betetzen salatu du LABek

admin
-
0
Banketxeek euskarazko zerbitzua emateko betebeharra ez dutela betetzen salatu du LABek

LABek Bankak bezero euskaldunoi euskarazko zerbitzua emateko betebeharra – dekretu bidez ezarria-  ez duela betetzen eta honen aurrean Eusko Jaurlaritzak ez duela ezer egiten salatu du gaur Bilbon. Euskararen normalizazioa eskatuz, sindikatuak Popular, Sabadell, BBVA eta Banco Santander banketxeetan euskarak duen trataera irudikatzeko parodia burutu du.

Bankak ingeles hizkuntza bankako jardueran ezartzeko inbertsio handiak egin ditu azken urteetan, bere programak eta sistemak itzuliz eta langileak trebatuz, Euskal Herrian ere bai. Baina euskara, aitzitik, baztertzen jarraitzen du.

Bankak ez du betetzen Eusko Jaurlaritzak 123/2008 Dekretu-Legean ezarritako betebeharra, hau da, bankako bezeroek hala eskatuz gero idatziz zein ahozko zerbitzua euskaraz ematea. Dekretu hori ez betetzeagatik jatorrizko bertsioan ezartzen ziren isunak (enpresa handientzat, batez ere) PSE-PPko aurreko Eusko Jaurlaritzak kendu zituen, dekretua bera indargabetuz. Baina oraingo PNVko Jaurlaritzak ez ditu isunak berrezarri, euskerarekiko konpromiso eskasa azalduz ere. Ondorioz, bankak inmunitate osoa du legea ez betetzeko, betiko modura.

LABetik egoera hau salatzen dugu, eta lan munduan eta bankako jardueran espreski euskararen normalizazioa egia izan dadin arautegi zorrotza eskatzen dugu, diru gehien duten enpresa handietatik hasita.

Euskaldunok ere maileguak hartu eta aurreztu egiten dugu. Euskarazko zerbitzuak nahi ditugu. Euskal Herriko bankan, euskaraz! 

LAB sarean
{module[111]}

Oso jarraipen zabala izan du grebak itunpeko irakaskuntzako gizarte ekimeneko ikastetxeetan

admin
-
0
Oso jarraipen zabala izan du grebak itunpeko irakaskuntzako gizarte ekimeneko ikastetxeetan


ELA, CC.OO, STEE-EILAS, LAB eta UGT sindikatuek deituta milaka langile irten dira kalera lan-baldintza duinak eskatzeko eta inolako murrizketarik gabe ikastetxe guztietan aplikatuko den EAEko hitzarmena aldarrikatzeko.

Gaur abenduaren 3 eta 4rako deiturik dagoen grebaren lehen eguna da. 250 ikastetxeetatik gorako ia 12.000 langile deituak zeuden grebara Eusko Jaurlaritza eta Itunpeko irakaskuntzako Gizarte Ekimeneko Kristau Eskola eta AICE-IZEA patronalak inposatzen ari diren murrizketak salatzeko eta EAEko hitzarmena eta bere aplikazioa ikastetxe guztietan eskatzeko.

Grebak oso jarraipen zabala izan du eta sektoreko ikastetxe gehienetan izan du eragina grebak, salbuespen gutxi batzuk izan ezik. Grebak eragin handiago izan du lurralde eta eskualde batzutan, Bizkaia kasu, baina oro har oso jarraipen zabala izan du. Goizean goizetik elkarretaratzeak eta manifestazioak burutu dira ikastetxe herri eta hainbat eskualdeetan eta jarraian milaka pertsonak hartu dute parte Donostia, Gasteiz eta Bilbon burutu diren manifestazio jendetsuetan.

Grebara deitu duten ELA, CC.OO, STEE-EILAS, LAB eta UGT sindikatuek, beste behin ere, patronalei eskatzen die berehala alde batera utz dezatela Estatuko hitzarmena, EAEko hitzarmena bere osotasunean aplika dezatela eta hitzarmena berritzeko negoziazioari ekin diezaiotela inolako murrizketa planteamendurik gabe eta lan-erreformaren aurrean ikastetxe bakoitzean beteko denaren beharrezko bermeekin.

Patronalak beraien inposaketak alde batera utzi eta inolako murrizketarik gabe hitzarmenaren berritzea negoziatzeko prest agertzen ez diren bitartean ez digute mobilizazioa beste biderik uzten.

Modu berean, berriro ere Eusko Jaurlaritzari dei egiten diogu gatazka honetan duen ardurari hel diezaiola eta murrizketak politikak alde batera utzita gatazkari konponbidea emango dion irteera aurki dezala langileak sakrifikatu gabe eta hezkuntza sistemari eta lan-baldintzei egonkortasuna emanez.
Honen harira, langileei dei berri bat egiten diegu biharko egunean, lanuztea egiteaz gain, Gasteizen 11:30etan Lakuako Eusko Jaurlaritzaren egoitzatik abiatu eta Legebiltzarrean bukatuko den manifestazioan parte har dezaten, Eusko Jaurlaritzari erantzukizuna eskatzeko eta legebiltzarrean lantzen ari diren aurrekontuetan murrizketak alde batera utzi eta egoera honi ere irtenbidea emango dion baliabideak kontutan har ditzaten.
  

LAB sarean
{module[111]}

LANEUS egitasmo estrategikoa gaurkotzeko HAUSNARKETA PROZESUA

admin
-
0
LANEUS egitasmo estrategikoa gaurkotzeko HAUSNARKETA PROZESUA

EUSLAB bada LAB sindikatuak euskararen normalizazioan eragiteko duen egitasmo estrategikoa. Egitasmoak honako 2 esparru barnebiltzen ditu: SINEUS (sindikatuaren barne mailan euskara normalizazio bidean jartzeko egitasmoa) eta LANEUS (lan mundua euskalduntzeko egitasmoa).

laneus Langileok aldaketa euskaraz, kalean zein lanean, askatasunean
Hausnarketa prozesurako dokumentua 

Continue

Lan mundua euskalduntzeko prozesu parte hartzailea aurkeztu du LABek

admin
-
0
Lan mundua euskalduntzeko prozesu parte hartzailea aurkeztu du LABek

LAB sindikatuak lan mundua euskalduntzeko estrategia egokitzeko 2014 urtean martxan jarriko duen prozesua aurkeztu du gaur, Euskararen egunean. Egitasmoak lan mundua euskalduntzeko LABen LANEUS ildoa gaurkotu eta egungo ziklo berrira egokitzeko hausnarketa eta eztabaida bultzatu nahi du. Proiekzio publikoa izango du eta webgunean gaiarekin interesatua dagoen edonork ekarpena egiteko aukera izango du.

LANEUS. LAN MUNDUA EUSKALDUNDUZ, ETORKIZUNA EUSKARAZ ASKATASUNEAN
Lan mundua euskalduntzeko estrategia egokitzeko prozesua

Lan munduak hizkuntzen normalizazio prozesuan berebiziko garrantzia du (edozein hizkuntzak bete beharreko 4 funtzio nazionaletatik bat lan mundua da, administrazioa, hedabide eta hezkuntzarekin batera).

Hori horrela, lan munduan euskarak bizi duen errealitatea ezagutzea guztiz beharrezkoa da beronen garapen zein hedapena ziurtatuko duten Hizkuntza Politika eragingarriak zimentu sendoen gainean eraikitzeko. Bada, gure herriko instituzioei ez zaie komeni lan munduan euskarak bizi duen egoeraren gordintasuna agertzea, jakin badakitelako, orain arte egin dutena hutsaren hurrengoa dela eta euskara lan munduan normalizatuko bada, egungo egoeratik abiatuko diren Politika eragingarriak beharrezkoak izango direla. 

Lan munduan inposatzen ari diren politikek lan harremanak aldatu egin dituzte. Ondorioz, sindikalgintza eredu berria ezinbestekoa da, eta horrek lan munduan hizkuntza normalizazio prozesuan ere eragina du. 

Gaur gaurkoz ezinbestekoak zaizkigu:

  • Erabakitzeko eskubidea, politika propioak EHaren garapenaren mesedetan.
  • Euskal Esparru sozioekonomikoa, lan harremanak euskaraz izateko berme gisa.
  • Aldaketaren beharra agerikoa da. Eredu alternatiboa euskaratik eta euskararentzat eraikia behar du izan edo ez da benetako aldaketa gauzatuko).
  • Askatasuna. Baldintza demokratiko berberak edukitzea ofizialak diren hizkuntzek. Soilik orduan aukeratu ahal izango dugu euskara askatasunez (gaur egunean, espainola zein frantsesa inposatzen zaizkigu)

Euskararen normalizazioa helburu, LAB sindikatuak Euslab egitasmo estrategikoa du abian (euskararen normalizazioa estrategikotzat, barne zein kanpo mailan). Barne mailan, SinEus egitasmoarekin dihardu sindikatuak lanean. Azken urteetan SinEus ildoaren aldeko desoreka egin bada ere, unea iritsi da LanEus, alegia, lan mundua euskalduntzera bideratutako LABen estrategia, indartzeko. 

2014.urtean zehar, LAB sindikatuak lan mundua euskalduntzeko estrategia egokitzeko prozesu oso bat martxan jarriko du, gaur, abenduaren 3an abiatzen dena.

Helburuak:

  • LAB sindikatuak lan mundua euskalduntzeko duen estrategia eraginkortu eta errealitatera egokitzea. Burujabetza ariketa praktikoa egiteko garaia da.
  • Inposatu diren erreforma ezberdinek lan munduan izaniko ondorioak kontutan hartuta, lan mundua euskalduntzeko eragin gune ezberdinak identifikatzea eta gune bakoitzean kokatzen ditugun ardatz nagusiak zehaztea.
    • Lan zentroetan ezin gara negoziaketa kolektibora mugatu. Eskualdeko estrategien baitan lan munduaren euskalduntzea ere kokatu behar dugu.
    • Krisialdi ekonomikoak prekarietatean eta pobrezian sakontzen duen neurrian, euskararen normalizazioan izaten ari duen eragin negatiboa ere mahai gaineratu behar dugu. Aldaketaren beharra inoiz baino agerikoago den honetan, aldaketa baliatu behar dugu euskararen normalizazioan urrats sendoak egiteko.
    • Azkenik, uste dugu lan munduaren euskalduntzearen aldeko indar metaketa egin behar dugula, botere harremanak eraldatu eta kapitalari bataila irabazi behar diogu. Horretarako, ordea, herri gisa egingo dugun bidea adostasunetan eraiki behar dugu eta aliantza berrietarako baldintzak sortu.
  • LAB sindikatuak lan mundua euskaldundu dadin, langile klasea (eta bereziki LABeko militanteak) estrategiaren erdigunean kokatuko du (langileak subjektu aktibo).

Lan mundua euskalduntzeko estrategia berrituaren ezaugarriak:

  • Proiekzio publikoa izango duen estrategia.
  • Irekia, inklusiboa. Ekarpenei ateak zabalik, informazio publikoa. Berrikuntza gisa, webgunean gaiarekin interesatua dagoen edonork ekarpena egiteko aukera izango du.
  • Parte hartzailea.
  • Prozesu dinamikoa.
  • Integrala.
  • Efektu biderkatzailea izateko bokazioa duena. Langile klasean eta euskal sindikalgintzan.

Inflexio puntu nagusiak:

2014ko Urtarriletik ekaina bitarte

  • ▪ Aurrez aurreko harremanak sindikatuko militanteekin: egituratan dabiltzanekin (zuzendaritza, sektore-federazioak, eskualdeak, emakume-gizon pareko…) eta euskalgintzan/ lan munduaren euskalduntzean eragiten duten kideekin.
  • ▪ Eztabaida taldeak. Sindikatuko hainbat kiderekin zein ekintza sindikalari loturiko berezko egituratan.

Uda

  • Jasotako ekarpenekin txostena berregituratu.

Iraila

  • Ikasturte hasierarekin batera sindikatuak estrategia berritua bere egiteko prozedura garatuko du.

Urria/ azaroa:

  • Konferentzia eragile sindikal, sozial eta politiko ezberdinei lan mundua euskalduntzeko estrategia aurkeztu eta partekatzeko helburuarekin. 
LAB sarean
{module[111]}

laneus Langileok aldaketa euskaraz, kalean zein lanean, askatasunean
Hausnarketa prozesurako dokumentua eta ekarpenak

 


Kristau Eskolak negoziazioari uko egin dio

admin
-
0

Gizarte Ekimeneko greba egunen bezperan Eusko Jaurlaritzako Lan Sailan bilera izan zuten sindikatu eta Gizarte Ekimeneko Ikastetxeetako patronalek. Sektorean dagoen gatazka bideratzeko pausuak ematea bilatzen zuen bilera Kristau Eskolek zapuztu egin dute. LABek jarrera honen aurrean abenduaren 3 eta 4ko greben deialdien garrantzia berretsi du.

Atzo goizean, Eusko Jaurlaritzako Lan Sailan bilera izan dugu sindikatuak eta Gizarte Ekimeneko Ikastetxeen patronal ezberdinen artean; bertan Lan Saileko Zuzendaria egon da. Hasiera baten, bilera honen helburua, greben inguruko zerbitzu minimoen ingurukoa zen. Baina, Lan Sailak gure sektorean dagoen gatazka bideratzeko pausuak eman nahi zituen eta bertatik akordio batekin edo adostasun batekin ateratzea zen helburu.

Lan Sailak, dagoen gatazka konpontze aldera, alde bietako arrazoiak entzun ostean bitartekari lana saiatu da egiten eta hurrengo proposamena luzatu digu:

• Mahai negoziatzailea zabaltzea, 2009ko lan hitzarmena oinarria izanik eta bertan lan erreformaren puntuak blindatu: ultraktibitatea eta “deskuelgeak”.
• Orain arte egondako zorrak negoziatu eta hemendik aurrera sortuko direnak baita (LABek eta Ikastolak dugun akordioaren antzekoa lortzea)
• Patronalaren aldetik, sententziari errekurtsorik ez jartzea (Kristau Eskolak argi utzi du galdutako azkenengo sententzia errekurrituko dutela).

Izan ere beste aukera bat mahai gainean ipini dugu, Mahai Negoziatzailea dagoen bitartean eta sententzia irmo izan arte (Madrileko Auzitegi Gorenak erabaki arte) bertoko lan hitzarmena aplikatzea zentro guztietan borondate onaren seinale bezala. Sindikatuen eta Lan Saileko ordezkarien harridurarako, Kristau Eskolak baztertu du aukera on bat dagoen korapiloa askatu ahal izateko eta uko egin dio negoziazioari, ez zela horretaz hitz egiteko momentu argudiatuz. K.Ek erakutsi du bere helburu bakarra abenduaren 3 eta 4ko greba boikoteatzea eta desmobilizatzea zerbitzu minimoak igoz.

Atzo goizean Kristau Eskolak izan duen jarrera lotsagarria eta arduragabekoa izan da. Horretaz gain, K.Ek eduki duen jarrera salatu nahi dugu. Alde batetik, zuzendaritzen artean eta komunikabideetan zabaldutako mezuarengatik eta gero beste aldetik , sindikatuekin daukaten ez negoziatzeko jarrerarekin. Gatazkaren konponbidean aukera paregabea izan dugu eta mespretxatu dute. Zein da K.Eren helburua? Akaso ez du gatazka hau konpondu nahi? Langile, familia eta ikasleenganako errespetua izatea
exijitzen diegu.

LAB negoziatzeko eta akordioak lortzeko prest agertu da beti, besteak beste, ikastolen kasuan erakutsi dugun bezala. Baina Kristau Eskolaren aldetik emandako ikuskizuna ez dugu inolaz ere onartzen. Horregatik biharko eta etziko greben deialdiak berresten ditugu eta inoiz baino arrakastatsuak izan behar dira.

Beste aldetik, greba egunetan egin behar diren zerbitzu minimoak direla eta, Kristau Eskolak proposamen bat luzatu dio Lan Sailari, non esaten duen DBH, Batxilergoan eta Ziklo Formatiboetan 4 gelako dozente bat ezarri behar den eta HH eta LH 3 gelako dozente bat ezarri behar dela. Argi eta garbi esan beharra dugu K.Een helburua ez da ikasleen segurtasuna, greba boikoteatzea baizik. Hala eta guztiz ere, biharko eta etziko grebetarako betiko zerbitzuak mantenduko dira. Kristau Eskolak errekurtsoa jarriko duela adierazi digu (hurrengo deialdiei begira).
  

LAB sarean
{module[111]}

LABek negoziatzeko exijentzia eta murrizketen inposaketari kritika eramango ditu osakidetzako sektore mahaira

admin
-
0

Osakidetzak Sektore Mahaia deitu zuen joan den ostiralean, Osakidetzaren II Euskararen Planaren harira. Era berean, gaur, asteartea, beste mahai bat dago deituta. LAB gaurkoan ere aldarrikapen berekin joko du sektoreko mahaira; murrizketetan atzera egitea exijitzera. 

LAB helburu argi batekin joan zen ostiraleko bilerara: mahai gainean berriro ere ipintzeko negoziazio errealaren beharra eta dekretu bidez gure lan eskubideen kontra buruturiko murrizketa ezin larriagoak salatzeko. Gainera, Osakidetzari euskararekiko benetako konpromisoa exijitu diogu, argi baitago Euskara Planarekin batera borondate politikoa eta egitasmoa sustatzeko aurrekontua nahitaezkoak direla. Orain arte PNVk ez du ez bata ez bestea izan. Izan ere, gaia Mahai Sektorialera eramana izan da LABen bultzadaz; hori bai, negoziatzeko betarik gabe, deialdi kaxkarrarekin eta inolako idatzizko konpromiso barik.

Osakidetzaren asmoa argazki polita lortzea bazen, LABek zapuztu egin dio abagunea, mahaira eramanez Osakidetzako langileon aldarrikapenak. Bada garaia kendutako guztia bueltatzeko eta Lan Baldintzen Akordio berria negoziatzen hasteko.

Pilota Osakidetza eta PNVren teilatuan dago oraingoan. Ez badiote uzten murrizketak gauzatzeari, eta batez ere, lanaldia luzatzeari, LABek ez du negoziatzeko aukerarik ikusten. Eszenatoki honetan, osasun sarean gatazkek areagotu baino ez dute egingo; ez soilik langileon aldetik, baizik eta erabiltzaileon aldetik ere.

Izan ere, azken hilabeteotan egin bezala, LABek sektoreko sindikatuei dei egiten die jarrera komuna adosteko Osakidetzaren inposaketaren bidea aldatze aldera. Gure lan-zentroetan borrokan gauden bitartean, ez dira ulergarriak sindikatu batzuen Osakidetzarekiko epelkeria. Lan zentroetan murrizketen kontra elkarturik bagaude borrokan, jarrera berbera mantendu beharko genuke mahai sektorialean.

Hala, gaurkoan berriro LABek sektore mahaira joko du aldarrikapen berekin: atzera egitea murrizketetan –eta batez ere, lanaldiaren luzapenean-; eta Akordio berri baten benetako negoziazioa, egutegi eta edukiekin. Era berean, sektoreko mahaian dauden beste sindikatuei (SATSE, SME, ELA, CCOO eta UGT) Osakidetzaren aurrean posizio komuna eta tinkoa hartzeko oinarrizko proposamena luzatuko diegu, asteartean bertan.
  

LAB sarean
{module[111]}

Gipuzkoako Garbiketa hitzarmena inoiz baino beharrezkoagoa

admin
-
0

Patronalaren Langileen Estatutua inposatzeko alde bakarreko erabakiaren aurrean, sindikatuek gatazka kolektiboko prozedura judizialari ekin zioten Gipuzkoako Garbiketa Hitzarmenaren defensan. Azaroaren 27an hitzarmenaren ultraktibitateari buruzko epaia argitaratu zen.

Joan den uztailean, estatu mailako garbiketa patronalak, ASPELek, Gipuzkoako Garbiketa Hitzarmenaren mahai negoziatzailearen partaideei jakinarazi zien, uztailaren 8az geroztik, aipatu sektorean ezarriko zen hitzarmena estatu mailako garbiketako hitzarmena izango zela, eta hartan arautzen ez dena, Langileen Estatutua.

Patronalaren alde bakarreko erabaki honen aurrean, sindikatuok gatazka kolektiboko prozedura judizialari ekin genion, eta azaldu genuen Gipuzkoako garbiketako hitzarmenak bere ultraktibitateari eusten ziola, eta hortaz, aurrerantzean ere, aipatu sektorean erabili behar den hitzarmena izaten jarraitu behar duela. Atzo, azaroak 27, aipatu prozedura judizialaren epaia argitaratu zen; haren ondorioak nahiko argiak dira:

• Alderdien artean akordiorik lotuko balitz, edonoiz lotuko dela ere, Gipuzkoako Garbiketa Hitzarmena aipatu sektoreko langileei ezarriko zaien hitzarmena izango dela.
• Aipatu akordioa lotuko ez den bitartean, erabiliko den hitzarmena Gipuzkoako Garbiketarena izango dela, estatu mailako Garbiketa hitzarmenak arautzen dituen gaietan izan ezik, non halakoetan, azken hori ezarriko baiten.

Aipatu epaiaren ondorioz, langileen eta sindikatuen esku dago erreformaren ondorio nagusienetako bat, negoziazio kolektiboaren zentralizazioa alegia (hots, Gipuzkoako garbiketa langileen lan baldintzak Madrilen arautzea), gerarazi ahal izana.

Hortaz, inoiz baino beharrezkoagoa gertatuko zaigu aipatu hitzarmenaren negoziazioa ixten utziko digun akordioa lortzea, erreforma geraraziko duena eta langileen eros-ahalmenari eutsiko diona; hau gertatzen ez den bitartean, Gipuzkoako garbiketako langileei, neurri batean, estatuko hitzarmena ezarriko zaielako.

Une egokia da aurrera pausoa emateko eta ASPEL patronalari argi eta garbi adierazteko, ez badu negoziazio mahaian darabilen jarrera aldatzen eta ez badu akordioren bat lotzeko eskaintzarik egiten, langileok eta sindikatu guztiok ekimen irmoagoei ekingo diegula patronalaren iritzia aldarazteko. Dagoeneko, LAB premisa hori lantzen ari da, eta mobilizazio bateratuak bultzatuko ditu sektorean, inongo egoerarik baztertu gabe.

Hala ere, epai honen edukiak gure negoziazio kolektiboaren esparrua blindatuko duen akordioa lotzearen premian berresten gaitu.
  

LAB sarean
{module[111]}

 

El comité de empresa pide implicación a las instituciones para que una empresa viable como Kider no se cierre

admin
-
0

El comité de empresa de Kider S.A. denuncia que Caixa Bank y la familia Lecertua ponen en riesgo el futuro de más de 1.000 puestos de trabajo relacionados con el grupo Kider y hacen un llamamiento para que las instituciones se impliquen.

NOTA DEL COMITÉ DE EMPRESA DE KIDER S.A

CAIXA BANK Y LA FAMILIA LECERTUA PONEN EN RIESGO EL FUTURO DE MÁS DE 1.000 TRABAJADORES RELACIONADOS CON EL GRUPO KIDER S.A.

El Grupo Kider cuenta con cinco centros de trabajo repartidos por Euskal Herria (Amurrio y Barakaldo), una plantilla directa de 400 trabajadores y genera 800 puestos de trabajo más de manera indirecta. Su actividad consiste en el diseño, fabricación y comercialización de mobiliario y equipamiento comercial.

La plantilla de Kider lleva casi un año viviendo una pesadilla constante, provocada por la ineptitud de su dirección y la decisión de sus accionistas (Caixa Bank y familia Lecertua) de abandonarlos a su suerte.

Dicha pesadilla comenzó en el mes de Enero cuando la Dirección presentó un ERE de extinción para 147 trabajadores y trabajadoras. La respuesta dada por la plantilla obligó a la Dirección a retirar el ERE de extinción. El movimiento siguiente de la Dirección fue presentar el pre-concurso de acreedores en el mes de Febrero.

Durante el preconcurso se inició un proceso negociador en el que a través de un programa de bajas voluntarias incentivadas la plantilla cerró un acuerdo con la Dirección de la Empresa y su Consejero Delegado para acometer la reestructuración de la misma. Este acuerdo fue incumplido de manera unilateral al decidir Caixa Bank y familia Lecertua (principales accionistas) no poner el dinero al que se habían comprometido con el PRECO como testigo. Los accionistas han manifestado su desinterés por mantener la actividad de Kider y dedicarse a otros negocios: Los Lecertua en Suiza y Caixa Bank a meterse en el bolsillo el dinero del rescate bancario.

Tras el fiasco del preconcurso la empresa solicita en julio el concurso de acreedores y actualmente la plantilla se encuentra en una empresa en la que los accionistas han confirmado su deseo de marcharse, la dirección esta en estado de hibernación y son los trabajadores y trabajadoras los que tienen que tirar del carro para que esta empresa no se desmorone. Los esfuerzos de la plantilla están encaminados a la llegada de un inversor que posibilite la continuidad de la actividad.

Esta es una muestra de la clase empresarial que tiene Euskal Herria, banqueros rescatados con dinero público y accionistas como la familia Lecertua que coquetean con el poder económico y político de este país pero que ponen pies en polvorosa con los bolsillos llenos a las primeras de cambio.

Desde el Comité del grupo Kider le preguntamos al Gobierno Vasco y a las Diputaciones de Araba y Bizkaia si en esto consiste su política industrial, banqueros sin escrúpulos y gente “de bien” que tras llenarse los bolsillos se marchan convirtiendo Euskal Herria en un desierto industrial.

Este Comité pide implicación a las instituciones para que una empresa viable como Kider no se cierre, si de verdad apuestan por el tejido industrial de Euskal Herria, que lo demuestren aquí y ahora. La situación actual es crítica, los trabajadores y trabajadoras de Kider en solitario no pueden sacar este proyecto adelante. Es necesario que las instituciones de este país se mojen de verdad. Aquí no hacen falta y no son suficientes buenas palabras hacen falta acciones y hechos consumados.

Los trabajadores y trabajadoras de Kider no vamos a dejar que esta empresa se muera y por ello las 400 familias que tenemos nuestro sustento directo en Kider, hacemos un llamamiento para que el Gobierno vasco y las diputaciones de Álava y Vizcaya se impliquen, ya que de no hacerlo y adoptar la misma postura que Caixa Bank y los Lecertua, el valle de Aiara y Ezkerraldea avanzarán un poco más hacía la miseria, la desesperación, la pobreza y la falta de oportunidades que ya campan a sus anchas gracias a las sucesivas reformas laborales y la falta de vergüenza de algunos empresarios e inversores, para los cuales la frase "Crear riqueza" no tiene sentido si no se refiere exclusivamente a riqueza para ellos.

Bilbao a 29 de noviembre de 2013.

Firmado el Comité de Empresa del Grupo KIDER S.A.
ELA-LAB-ESK-USO-UGT-CCOO
 

 

LAB sarean
{module[111]}
1...1,2831,2841,285...1,583Page 1,284 of 1,583

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus