2025-12-21
Blog Page 1277

Bizkaiko Kontserberetako langileen greba abenduaren 18an

admin
-
0

LAB, ELA eta UGT sindikatuek deituta Bizkaiko kontserberetako langileek abenduak 18an greba egingo dute beraien egoera salatzeko eta Bizkaiko Kontserberetako hitzarmenaren alde. 18an hitzarmenaren ultraktibitatea defendatzeko lehenengo epaiketaren eguna izango da.

Langile hauek 2013ko uztailaren 7arte Bizkaiko arrain kontserba eta gazituen hitzarmenpean erregulatzen zituzten beraien lan baldintzak. Aldiz, data honetatik aurrera (negoziazio kolektiboaren erreforma medio), patronalak ( CEBEK eta NORPESCO) negoziazio mahaia alde batera utzi eta hitzarmen estataleko lan- baldintzak aplikatzen hasteko esan zien enpresei. Ondorioz, enpresa gehienak jada hitzarmen estataleko lan baldintza batzuk aplikatzen hasi dira, gutxinaka estatalera joz.

Bai 2003ko efikazia orokorreko hitzarmenak zein 2007ko efikazia mugatuko hitzarmenak ultraktibitatea dutela defendatzen dugu. Beraz, orain arte Bizkaian genituen lan-baldintzak aplikatzen jarraitzeaz gain, negoziazio mahaia ireki eta langileon lan-baldintzak kaxkartuko ez dituen Bizkaiko arrain kontserba eta gazituen hitzarmena exigitzien diogu patronalari.

Beharrezkoa dugu sektoreko langile guztientzat oinarri izango den hitzarmena eta aldi berean, ez dugu nahi Madriletik inposatutako lan-baldintzarik. Euskal herriko kalitatezko produktu hauek egiten jarraitzeko gure lan-baldintzak guk negoziatu nahi ditugu. Langileoi artisau lan honen errekonozimendua zor zaigu.

Guzti honegatik, abenduaren 18an Bizkaiko hitzarmenaren ultraktibitatea defendatzeko lehenengo epaiketaren egunean greba egitea erabaki dugu LAB, ELA eta UGT sindikatuek. Egun horretan goizean ELKARRETARATZEA egingo dugu hiru sindikatuok deituta Bilbon, epaiketa egiten den unean, sozial arloko epaitegien aurrean (Barroeta Aldamar 2), goizeko 11.15etan. Arratsaldean manifestazioa egingo dugu Bermeon, 18.00etan.

Hemendik aurrera borrokan jarraituko dugu, negoziazio mahaia ireki eta Bizkaiko kontserberetako hitzarmena barriztu arte.
  

LAB sarean
{module[111]}

Tolosaldea kalera irten zen eskualdeko enpleguaren defentsan

admin
-
0
Tolosaldea kalera irten zen eskualdeko enpleguaren defentsan


Milaka pertsona irten ziren pasadan larunbatean LAB eta ELA sindikatuek deituta Tolosaldean ematen ari den enplegu suntsiketa salatzeko. Tolosan egin zen manifestazioan eskualdean heuren lanpostuen defentsan borrokan diren enpresa ezberdinetako langileen aldarrikapenak entzun ziren, besteak beste, Endaki, Marie Brizard, Antalis Kanguros…

Eskualdean sare industriala eraberritzeko apustu estrategikorik ez dela egin salatu zuten manifestariek larunbatean Tolosan. Alternatibarik eza horrek industriak deun pisua galtzeko arriskuan jarri duelarik.

ELA eta LAB sindikatuek egoera honen aurrean ez dutela itxiera bat bera ere ontzat emango adierazi zuten, "ez dugu kaleratze bakar bat onartuko".


Enplegu politika eraginkorren beharra aldarrikatu zuten eta eta bide horretan borrokan jarraituko dutela iragarri zuten. Borroka horretan herritarrei mobilizazioetan parte hartzeko deia luzatu zien eta instituzio ezberdinei, bakoitzari dagokion erantzukizunetik, egoera honen aurrean posizionatu eta dagozkien urratsak emateko eskatu zieten.

TOLOSALDEKO ENPLEGUAREN ALDE LANGILEOK BORROKAN

Azken mendean Tolosaldeko industria papergintzari lotua egon izan da. Horren adibide 80. hamarkadan geneukan sare industriala: 2000 lanpostu zuzen papergintzako 13 enpresetan banaturik eta beste 2000 lanpostu baino gehiago papergintzarekin lotura zuten beste 35 lantegien artean banatuta. Papergintzaren eta ondorioz Tolosaldeko ehun industrialaren gainbehera 80. hamarkada bukaeran hasi zen, orduan hasi eta gaur egunerarte iraun duena.

90. hamarkadan gaur egun indarrean jarraitzen duten aldarrikapenekin hasi ginen eskualdeko sindikatu eta eragileak: Tolosaldeko arazo sozioekonomikoaren aurrean bertako industria eta enplegua bermatuko zuten erabaki eta plan estrategikoen beharra.

Admnistrazio desbedinen erabakiek ordea oso bestelako ibilbide bat izan dute. Enpresarien mesedera planifikaturiko neurriak nagusitu dira lanpostuen inongo bermerik gabe lurzoru merkea enpresaren lekualdatzearen ordainetan eskainiz. Ez da benetako proiekturik egon eta inork ez du bere gain hartu plan estrategikoa garatzeko ardura.

Ondorioz, gaur egun soilik papergintzara dedikaturiko 400 lanpostu zuzen dauzkagu 4 enpresetan banaturik. Papergintzarekin lotura zuten beste hainbat enpresa ere itxita dauzkagu: Gorostidi, Perot, Winkler, Emusi…

Azken lau urtetan, Tolosaldean, 500 lanpostu zuzen baino gehiago suntsitu dira industrian. Azken hilabeteetan desindustrializazio prozesu hau azkartu egin da, hain zuzen ere, Espainiako gobernuak inposaturiko erreforma laborala indarrean jarri zutenetik. Gure eskualdeko ekonomia, hamarkada luzeetan industria produktiboan oinarrituta egon dena, gure begien aurrean txikitzen ari dira, eta oso azkar gainera.

Multinazionalek, epe motzera jokatzen dute, lantegiak erraz eta merke ixteko aukera ikusten baitute, eta irabaziak azkarrago lortuko dituzten lekuetara eramaten ari dira lana. Multinazionalen akziodunentzat negozio borobila, gure herritarrentzat hondamendia.

Multinazionalen eta enpresari handien inpunitatearen aurrean, langileok borroka desorekatu batean aurkitzen gara. Gure lanpostuak defendatzeko erresistentzia dinamikak aurrera eramanez, arazoak gizarteratzen, baina borrokan dena emanda ere, aukera gutxi dauzkagu gure lan postuei eustea.

Sektorearen gainbeherarekin eskualdean ez da sare industriala eraberritzeko apustu estrategikorik egin. Ondorioz industriak pisua galtzen du egunez egun, inolako alternatibarik lantzen ez den bitartean.

Guk argi dugu: ez dugu itxiera bat bera ere ontzat emango, ez dugu kaleratze bakar bat onartuko. Enplegu politika eraginkorrak behar ditugu eta bide horretan borrokan jarraituko dugu.

Bide honetan ordea alde guztien konpromisoa behar dugu. Deia bertako herritarrei mobilizazioetan parte hartzeko eta instituzio desberdinei, bakoitzari dagokion erantzukizunetik egoera honen aurrean posizionatu eta dagozkien urratsak emateko.

LAB-ELA

  

LAB sarean
{module[111]}

LABek Osakidetzak askatasun eta jarduera sindikalen kontrako neurriak abiatu dituela salatu du

admin
-
0

Osakidetzako PNVren administrazioa zentroetako protestak isildu nahian temati dabil, horretarako askatasun sindikalaren kontra joz eta gure lanean oztopoak ipiniz. Estrategia honen azken adibidea, gauetik goizera eta abisatu barik Osakidetzako zuzendaritzak burutu duen email kopuruaren izugarrizko murrizketa izan da.

Kontuan hartzen badugu zenbat langile gauden Osakidetzan eta zer-nolako dispertsio geografikoa dagoen, erraz uler daiteke sindikatuok burutzen dugun jarduera informatiboa hein handi batean emailen bitartez egiten dugula. Beraz, Osakidetzak oraingoan ezarritako murrizketak gure jarduera baldintzatzen du erabat. Arazo teknikoak aitzaki, badira bi aste murrizketa ezarri zenetik eta oraindik orain bere horretan dirau.

Baina PNVren ofentsiba ez da emailetara mugatzen. Darpon jaunaren Osasun Arloa sindikatuen kontrako “0 tolerantzia” politika erabiltzen ari da hain “gestore onak” diren PNVkoak gobernura heldu zirenetik bertatik. Jarrera hauetako batzuk

• Basurto zein Gurutzetako ospitaleetan itxialdian zeuden langileak indarrez kanporatu, neurriz gaineko polizia operatiboa erabilita.
• Edozein motako jarduerak egiteko oztopoak zentro gehienetan.
• Ipinitako kartel zein orri informatibo guztiak momentuan kendu.
• Mota guztietako filtroak ordenagailuetan, askotan internet erabiltzea ia ezinezko bihurtzen duena (ia ezinezkoa da sindikatuaren beraren web-orrialdean gutxieneko baldintzetan ibiltzea).

Eraso horiek guztiak, Darpon jaunaren kanpaina pertsonalarekin batera, zeinak komunikabideen aurrean ez duen aukerarik galtzen sindikatuen kontra aritzeko, Osakidetzako zentroetako murrizketen kontrako protestak estali nahian.

LABek ez du askatasun sindikalaren inolako murrizketarik onartuko. Bada garai Osakidetzak uler dezan gatazka amaitzeko bidea ez dela sindikatuon eskubideak murriztea, baizik eta negoziazioa, langileon lan-baldintzen murrizketekin amaitzea eta osasun publikoa defendatzea.
 

LAB sarean
{module[111]}

EAEko Mahai Orokorraren eraginpean dauden lan zentroetan mobilizazioak bihar

admin
-
0
EAEko Mahai Orokorraren eraginpean dauden lan zentroetan mobilizazioak bihar

Bihar, abenduak 17, EAEko Mahai Orokorraren eraginpean dauden lan zentroetan mobilizazioak daude iragarriak ELA, LAB, STEE-EILAS eta ESK sindikatuek deituta. Honekin batera, arratsaldeko 18:30etan manifestazioak egingo dira Bilbo, Donostia eta Gasteizen.

Arratsaldeko manifestazioak

Bilbo: 18:30etan Plaza eliptikatik
Donostia: 18:30etan Bulebarretik
Gasteiz: 18:30etan Andra Mari Zuritik

 

LAB sarean
{module[111]}

 

Zabor-janaren multinazionalen aurkako manifestazioa Abadiñon

admin
-
0
Zabor-janaren multinazionalen aurkako manifestazioa Abadiñon

LAB, CCOO, ESK, ELA, EHNE-BIZKAIA, ERNAI, + DENDAK eta Biduko Udal zinegotziek deituta zabor-janari ezetz esateko eta abeltzaintza eta nekazaritza sostengarriaren alde manifestazioa egin zuten larunbatean Abadiñon.

Zabor-janik ez! 
Zabor-janariaren bi multinazionalek, Burger King eta McDonald´sek, Abadiñon denda bana ipintzeko proiektuak aurkeztu dituztela jakin dugu azken asteotan. Zehatzago berba eginez, esan behar da Burger Kingen proiektua Eroski berak aurkeztu duela.

Erakunde eta pertsona askok uste dugu honek gure eskualdean eragin kaltegarria izango lukeela. Multinazional hauek nekazaritza eta elikadura industriala bultzatzen dute eta gure produktuek jasaten dituzten prezio beherakaden eragileak ditugu. Merkatari legez aurkezten dira, ostalaritza aktibitatean aritu ahal izateko. Euren irabaziak handitzen dituzte lan baldintzen prekarizazioa bultzatzen dutelako, eta euren produktuen prezio merkea eskeintzen duten kalitate eskasean oinarritzen da.

Gure apustua abeltzaintza eta nekazaritza sostengarria dira, kalitatezko elikagaien aldeko apustua egiten dugu, elikagaiok maila lokalean kontsumituak izan daitezen. Behar beharrezkoa da elikagaien ekoizpena, bertako merkataritza (harategiak, dendak…) eta herrietako ostalaritza bultzatzea.

Multinazional hauek langileekiko duten jarrera eta etengabeko eskubide urraketak asko kezkatzen gaitu.

Zabor-kontratuak dira nagusi, ordutegien malgutasun osoarekin eta soldata miserableen menpe. Eskainitako lana gutxitan izaten da behin betikoa eta, nagusiki, gazteenei zuzendutako ordukako postuak izan ohi dira.

Asko izango dira erabili nahi izango dituzten argudio maltzurrak:

– Lan-postuak sortzera datozela. Gure herrietan zenbat denda edo taberna txiki itxi beharko dira bi multinazional hauek irekiz gero? Zer da sortuko dena eta zer galduko dena?

– Egun bizi dugun langabeziarekin, edozelako lanpostuak beharrezkoak direla. Duintasunez bizitzeko eskubidea dugu, nahiz eta "krisi" honen izenean kontrakoa sinestarazi nahi diguten. Horregatik, gu guztion helburua egun dagoen lan prekarioarekin bukatzea izan behar da eta, ez horrelako lanpostu gehiagoren sorrera onartzea.

Guzti horregatik, eta aipatu gabe gelditzen den beste askogatik, idatzi hau sinatu dugun erakundeok abenduaren 14ko manifestazioan parte hartzera gonbidatzen dugu jendartea.

LAB · CCOO · ESK · ELA · EHNE-BIZKAIA · ERNAI · + DENDAK · BILDUKO UDAL ZINEGOTZIAK

 

 

LAB sarean
{module[111]}

Olentzerok ikatza ekarri dio Adegiri

admin
-
0
Olentzerok ikatza ekarri dio Adegiri


Gaur Euskal Herrian aski ezaguna eta maitatua dugun Olentzerok berak ere bat egin nahi izan du Gipuzkoako metalgintzako langileen borrokarekin. Arrazoiak merezi zuela eta, aurten inoiz baino lehenago jaitsi da Olentzero menditik Donostira.

LABeko metalgintzako kideak herrialdeko hitzarmenaren aldeko mobilizazio eta aldarrikapenetan urrats berriak ematen hasi dira, protesta berriak antolatuz eta indartuz.

Gaur Euskal Herrian aski ezaguna eta maitatua dugun Olentzerok berak ere bat egin nahi izan du Gipuzkoako metalgintzako langileen borrokarekin. Arrazoiak merezi zuela eta, aurten inoiz baino lehenago jaitsi da Olentzero menditik Donostira.

Urte osoan zehar, eta bereziki uztailaren 7az geroztik Adegik izandako jarrera dela eta haserre azaldu da Olentzero: “Jaso ditut pila bat gutun Gipuzkoako metalgintzako langileenak eskatuz Herrialdeko hitzarmena. Ongi! Beste alde batetik, jaso ditut gutun gutxi batzuk Adegiko kideenak Gibelalde, Apezetxea, Zamakola… Jendilaje hauenak, eskatuz Madrileko lan erreforma Gipuzkoako metalgintzako hitzarmenean sartzea. Nola onartuko du Olentzerok, euskalduna izaki, Madriletik erreforma hona ekartzea? Oso haserre nago, oso haserre!!”

Eta horregatik, ikatza utzi du Adegiren egoitzan. Kiloka ikatz, Adegiren jarrerak besterik merezi ez duelako.

Olentzerok elkartasuna adierazi die langileei: “Nahiz eta ikazkina izan, eta ez izan metalgintzako langilea, bat egiten dut Gipuzkoako metalgintzako langileokin. Aurten gainera, inoiz baino opari gutxiago dago umeentzako, jendilaje honek Gipuzkoa guztia prekarietatera kondenatu nahi duelako…”

LAB sindikatuak antolatutako protesta baketsu eta umoretsuari amaiera emateko, mezu argia utzi die Olentzerok Adegiko kideei: “Apezetxea, Gibelalde, Zamakola… Hurrengo urtean txintxoak izan! Txintxoak izan, bestela, hurrengoan ere ikatza izango duzue!”
  

LAB sarean
{module[111]}

Eskubide Sozialen Karta osatzeko prozesua dagoeneko 70 herritara zabaldu da

admin
-
0

Abenduaren 14 honetan Euskal Herriko Eskubide Sozialen Kartak urrats berria eman du eraketa prozesuan- Larunbatean Bilbon elkartu ziren sindikatu eta eragile kopuru andana horren lekukorik argiena da. Hainbat hilabete igaro dira maiatzaren 25ean Eibarren lehen batzar nazionala egin zenetik, eta prozesua aurrera doa, urrats sendoak emanaz.

Honen lekuko da eztabaida Euskal Herrian zehar izaten ari den oihartzuna. Dagoeneko, eztabaida dinamizatzeko 70 talde sortu dira herri eta eskualdeetan eta 22 auzoetan ere, horietatik 21 Gipuzkoan, 27 Bizkaian, 3 Araban eta 19 Nafarroan.

Honetaz gain, 29 aurkezpen publiko egin dira Euskal Herrian, 11 Gipuzkoan, 8 Bizkaian, 1 Araban eta 9 Nafarroan.

IV. Asanblada Nazional honetan, eztabaida prozesuak hemendik aurrera eman beharreko urratsen inguruan eztabaidatu da, Talde Sustatzaileak aurkeztutako egutegi-proposamena landuko delarik.

Prozesu hau bultzatzen ari garen sindikatu eta jendarte eragileak berretsi nahi dugu mobilizazioaren beharra eraldaketa sozialerako tresna gisa. Horregatik, ezinbestekoa da gizarte osoaren mobilizazioa Karta honen eztabaida eta osaketa prozesuan.
  

LAB sarean
{module[111]}

LAB presenta un mural con los 293 maestros y maestras represaliados en el 36 frente a la sede de UPN

admin
-
0
LAB presenta un mural con los 293 maestros y maestras represaliados en el 36 frente a la sede de UPN

Con el objetivo de denunciar la campaña totalitaria de UPN y PP contra la educación navarra, LAB ha desplegado un mural de 6 metros con los nombres y apellidos de los maestros y maestras represaliados en el 36.

El portavoz para Navarra, Igor Arroyo, ha recordado la represión desatada tras el golpe fascista de 1936: "Una de las obsesiones de los fascistas consistía en el control ideológico de la enseñanza. Si bien la represión en general se localizó en la zona sur de Navarra, las represalias contra maestros y maestras se extendieron de norte a sur por toda la geografía navarra. Durante el franquismo, el adoctrinamiento de los ñiños y niñas fue sistemático, con la obligación de cantar el Cara al Sol incluido. Se trataba de introducir, con sangre si era necesario, aquello de la "unidad de destino en lo universal", así como los roles sexistas, en la mente de cada alumno y alumna. 40 años después de la muerte de Franco, ha quedado patente que UPN y PP no han roto con su pasado franquista.

La obsesión ideológica por controlar la enseñanza pervive en personas como el Consejero Iribas, miembro de una secta conservadora, o la Presidenta Barcina". Según denuncia LAB, el propio Ministro Wert hizo apología del adoctrinamiento cuando dijo que el objetivo de la LOMCE era españolizar a los alumnos y alumnas.

UPN asume de cabo a rabo ese objetivo de españolizar Navarra y también muestra su animadversión respecto a la coeducación y la igualdad de hombres y mujeres: su única aportación a la LOMCE ha consistido en asegurar la financiación de los centros del Opus Dei que segregan por sexos. Frente a esta cultura adoctrinadora, LAB reivindica el legado de los maestros y maestras republicanas, que intentaron avanzar en el pensamiento crítico y la libertad de enseñanza. Arroyo ha resaltado la necesidad de seguir trabajando por una educación propia, crítica, emancipadora y coeducadora, a pesar de los recortes impuestos por UPN y de campañas totalitarias como la que hemos vivido estas semanas.
 

LAB sarean
{module[111]}

AHTaren lanak behingoz gelditzeko momentua dela deritzo LABek

admin
-
0

LAB sindikatuaren ustez sekula ez ziren hasi behar, baina oraingoan proiektuaren sustatzaileei ere, arduraz jokatzeko momentua heldu zaiela deritzogu. Izan ere, inoiz baino zentzu gutxiago du proiektuak.

Momentu honetan, EAEko Lehendakariak euskal Ykoaren lotura bermatuta dagoela badio ere, Madrilgo Sustapen Ministerioak Euskal Ykoa Burgosekin dirua baldin badago lotuko dela dio. Confebaskek proiektua ezinbestekoa dela deritzo. Gure ustez, proiektuaren lanak gelditzeko momentua da, horixe da gobernu ezberdinei exijitzen dieguna eta orain arte ere sarri exijitu izan dieguna.

Nafarroan proiektuaren etorkizuna guztiz kolokan dago, izatez lanak guztiz gelditurik egon beharko lirateke bai legezkotasun arrazoiengatik ere, izan ere Nafarroako Gobernuak ez du bete nafarrek proiektuari buruzko informazio publikoa jasotzeko eskubidea, eta informazioa ezkutatzeagatik Nafarroako Justizia Auzitegiak zigortu du. Frantziar Estatuak aspaldi iragarri zuen AHTa ez dutela beraien lehentasunen artean, eta orain Espainiar Estatuko Sustapen Ministerioaren iragarpen honekin argi geratzen da tren honek hondamendira baino ez garamatzala, inolako puntu geografikorekin batzen ez gaituelako.

Datorren urterako gobernuak aurkezturiko EAEko aurrekontuetan proiektu honetarako beste 366milioi aurreikusten dira. Testuinguru honetan Urkulluren gobernuak horrekin aurrera egiten badu PP eta PSEren laguntzarekin, argi geratuko da herritarron, langileon zerbitzura barik, EAJ, PP eta PSEren laguntzaz Confebasken zerbitzura dagoela. Diru xahuketa hori, beste garai batzuetan zikina izan bada, garaiotan are zikinagoa da, eta aipatu behar da, oraindik proiektua erabat bukatzeko gastatu behar diren 10.000 milioi euroetatik erdia ere ez dela gastatu, eta ez hori bakarrik, behin proiektua bukatuta, mantentze gastuek behin betirako hipotekatuko lukete euskal jendartea.

Diru kopuru itzel horrekin, zerbitzu publikoetan inbertitu, berauek garatu eta enplegua sortu daiteke, baina Urkulluren gobernuaren asmoa bestelakoa da antza denez, nahiago dute gutxi batzuen interes ekonomiko pribatuaren alde egin, ingurumena txikituz, garraioaren arazoa konpondu gabe jarraituz eta guztiz elitista den proiektua langileon eta herritarron kontura aurrera ateraz.
 

LAB sarean
{module[111]}
1...1,2761,2771,278...1,582Page 1,277 of 1,582

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus