2025-12-27
Blog Page 1207

TMAko langileen kontrako jazarpenari STOP!

admin
-
0
TMAko langileen kontrako jazarpenari STOP!

LABek gogorki salatu nahi du Etxebarriako Talleres Mecanicos Arakistain (TMA) enpresako langileak jasaten ari diren errepresioa. Datorren ostegunean, hilak 17, elkarretaratzea burutuko du Bilboko Epaitegien aurrean "Enpleguaren defentsan, langileon borroka ezinbestekoa" lelopean.

TMA, Patxi Arakistainek Etxebarrian zuen enpresa zen eta 2013ko apirilean Rafael Zabala Fernandezek enpresako boterea hartu zuen.

PATXI ARAKISTAIN eta RAFAEL ZABALA FERNANDEZek, TMA suntsitu eta langileak kalera bota zituzten, 8 hileko greba mugagabe baten ondoren:

• Enpresaren itxiera eman orduko, Rafael Zabalarekin hainbat akordio egin zituzten, langileekiko zorrak kitatzen hasteko, PRECOn bertan. ZABALAK EZ ZUEN ADOSTUTAKOA BETE.

• Langileak 4 hileko zorrarekin kaleratuak izan ziren eta FOGASAk ordaindu zuen (langile batzuek 4.000 € ere galdu zituzten orduan). ZABALAK EZ ZUEN EZER ORDAINDU.

• Kaleratze indemnizazioak FOGASAk ordaindu zituen (18.000 €ko topearekin, langile batzuren indemnizazioa 60.000 eurotakoa zenean). RAFAEL ZABALAK EZ ZUEN EZER ORDAINDU.

• Rafael Zabala Fernandezek, langileekin adostu zuen, bukatuta zeuden pieza batzuen salmenta, langileekiko zuen zorra kitatzen hasteko. Hori ere ez zuen bete.

• Konkurtso prozesuan, enpresak hainbat irregulartasun egin ditu (administratzaile konturtsalak ere egiaztatzen du hau epaitegian aurkeztutako txostenean): materialaren salmenta administratzailaren baimenik gabe, makinak desagertu dira, kapiala mugitzea administratzailearen baimenik gabe, epaile aginduak ez betetzea,…
 

Hau dena gutxi balitz, Rafael Zabala Fernandezek, salaketa penalak jarri zituen hainbat langileren kontra, lan gatazka kalera ateratzeagatik eta legalki komunikatutako manifestazio eta kontzentrazioen aurrean.

Momentu honetan, 7 langileren kontrako salaketak daude eta epaitegiek, salaketak batzen ari dira sumario bakarrean. 

Baina Rafael Zabala Fernandezek haratago jo nahi izan zuen eta bi langileren kontra (bata langileen ordezkaria izandakoa enpresa itxi arte), urruntze neurri kautelarra eskatu zuen. Gernikako epaitegiak eskaera ukatu bazuen ere, lan gatazka kolektibo baten aurrean bi pertsonan kontrako neurri kautelarrak zentzurik ez zuela argudiatuz, Bizkaiko audientzia probintzialak neurria onartu du. Beraz, epaiketaren zain dauden bitartean bi langileri urruntze agindua ezarri diete.

Guzti hau, beraien lanpostuak eta eskubideak defendatzeagatik.

Ostegun honetan, uztailak 17, izango da epaiketa, Bilbon. Eta horri lotuta ELKARRETARATZEA egingo du LABek 10.30etan Bilboko epaitegien aurrean (Buenos Aires kalea). 

LAB Sindikatuak argi du, enpleguaren defentsan, langileen borroka ezinbestekoa dela. Langileak dira, beraien lanpostuen defentsa bermatu dezaketen bakarrak.

LAB Sindikatuak, gogor salatu nahi du gaur eguneko legediak enpresariei ematen dien inpunitatea eta langileen babes eza. Enpresariek edozer egitea libre duten bitartean (langileen bizitzak suntsitu ditzazkete), langileak beraien eskubideen defentsan borrokatzeagatik eta enpresarien irregulartasunak kontralatu nahi izateagatik epaituak izango dira eta aldentze neurriak sufritu behar dituzte. 

Ezin ditugu onartu langileriaren kontrako injustizia gehiago. Langile klasea kriminalizatzeari utzi behar zaio, horrelako enpresariak babesten diren bitartean. 

Justiziak ezin ditu biktimak kriminalizatu eta errudunak babestu, nahikoa da!
 

 

 

Ez dago berrikuntzarik Hiriko eta Epsilon kasuetan

admin
-
0

LABek argi esan nahi du ez duela inongo berrikuntzarik sumatzen Hiriko eta Epsilonen eman den kudeaketa publikoan. Berriro ere agerian geratzen da gobernu baten kudeaketa eredua, diru publikoa esku pribatuetara pasatzera dedikatzen den gobernu eredua. Diru publikoa esku pribatuetara kontrol barik, berme barik; berriro ere klientelismoa sustatzen da eremu publikoaren kudeaketaren bidez.

Emergentzia sozialeko egoera honetan, pobreziaren hedapena nagusitzen ari den momentu honetan, publikoak ziren 60 milioi euro zaborretara doaz. 60 miloi hauek kudeaketa eredu baten porrotaren adierazle argiak dira, pribatizazioan oinarritutako ereduaren porrota. Ez gaude herri proiektu baten porrotaren aurrean, kudeaketa eredu zehatz baten porrotaren aurrean gaude. Gogorrena da porrot hau opor fiskalen sententzia eta gero eta Euskal Herriko langileen aurrezkiak pribatizatu nahi direnean, Kutxabanken eraldaketarekin, ematen dela. Kudeaketa eredu honek aurrera egiten du porroten gainetik, beraz, galerak sozializatu eta irabaziak pribatizatzen duen eredu neoliberala aurrera doa, jakinda lapurreta bat dela. Sindikatu honek erantzukizun politikoak eskatzen ditu.

Teknologiaren aldeko apustua, balio erantsiaren aldeko apustua egin behar dugu, noski baietz. LABek benetan apustu hori egiteko behar den determinazioa eskatzen dio eremu politiko-instituzionalari, apustu erreala eremu publikotik, ez diru publikoa pribatizatuz. Determinazioa eta kontrola, herri apustu bat egitera bagoaz, bermatu behar dugulako apustu horrek sortuko dituela eremu industrialak behar dituen barne sinergiak. Aski da, espekulatzaileak kanpora, egin dezagun behingoz ekonomia errealaren aldeko apustua.
 

 

 

Mendaroko RTS lantokian mobilizazioak hasi dituzte enpresa hitzarmenaren alde

admin
-
0
Mendaroko RTS lantokian mobilizazioak hasi dituzte enpresa hitzarmenaren alde

Komiteak aurkezturiko plataformaren aurrean enpresak hartutako jarreraren aurrean RTS lantokiko langileak mobilizatzeko erabakia hartu dute. Atzo egindako 4 ordukoa lanuztearen ondoren, datorren astean eta zuzendaritzaren jarrera aldaketarik ez badago, asanbladak berretsitako 3 greba egun iragarri ditu komiteak.

Lanuzteen bozketan 78 langilek alde bozkatu zuten eta 35ek kontra.

Komitea osatzen duten 3 sindikatuek ( CCOOO, LAB, ELA) enpresaren zuzendaritzari plataforma bateratua aurkeztu zioten. Langileen eskaerak 3 oinarri dituzte: 1. KPI ari loturiko soldata igoerak. 2. Lan erreformaren aurkako klausulak, alderdi biek sinaturikoak bete egingo delaren bermea izan dezaten langileek. 3. Enpresa hitzarmenak, herrialdeko hitzarmenarekiko lotura izan dezala.

Hurrengo astean, enpresak jarrera aldatzen ez baldin badu, beste 8 orduko 3 greba egun egingo dute langileek, astelehen, asteazken eta ostiralean. Lanuzte hauek, era ezberdinetako mobilizazioen bitartez ezaugarrituko dira: manifestazioak, kotxe karabanak, akanpadak…

Esan beharra dago azken 2 urteetako datu ekonomikoen arabera enpresako jabeek ia 1,5 miloi eurotako irabazien banaketa egin dutela.
 

 

LABek armada sionista israeldarrak Palestinako herriaren aurka Gazan egiten ari den sarraski berria salatzen du

admin
-
0

Gaza, gaur egun, munduko aire zabaleko kartzela handiena da, munduko biztanle dentsitate altuena duena, non ia 2 miloi palestinar bizi diren lur-zerrenda estu batean. Honela izanik, Gazaren aurkako edozein erasok biztanleria zibil – umeak barne – ugariaren erailketa suposatzen du, 2009an, 2012an gertatu eta egun gertatzen ari den bezala.

Mendebaldeko ikus-entzunezko ofizialek diotenaren aurka, bereizi-gabeko bonbardaketa hauek ez dira 3 kolonoen auziaren erantzuna, zapalkuntza inperialista sakontzeko eta herri Palestinarra zatitu eta ahultzeko interesen azken trikimailua baizik.

Egun hauetako 88 zibilen erailketak eta 500 baino gehiagoko zaurituak Gazaren biztanleriaren aurkako azken bidegabekeria da. Israelek egindako bidegabekeria berri bat mendebaldeko gobernuen ez-ikusiaren laguntzaz. Berriro ere gogoratu beharra dago Gazako biztanleriak 2006 geroztik bidegabea eta ankerra den blokeo bat jasaten ari dela, urte horretan eduki zituzten hauteskundeetan Hamas alderdia hautatu izanagatik. Argi geratzen da Israeldar gobernuak eta beraien aliatuak diren mendebaldeko gobernuek zer ulertzen duten “demokraziatzat”.

Bidegabea den egoera honen aurrean, LABek Palestinar herriarekin elkartasuna adierazi nahi du eta armada sionistak egiten ari den sarraski berri honi amaiera eman diezaioten exijitzen du. Era berean hurrengoa exijitzen dugu:

– Bidegabea den Gazako biztanleriaren aurkako blokeoari amaiera eman diezaiotela.
– Azken sarraski honen arduradunak nazioarteko instantzietan epaituak izan daitezela.
– 1948 geroztik Palestinar herriak jasatzen duen egoerari irteera negoziatu eta zuzena ematea, preso politikoen askatzea eta errefuxiatuen herriratzea baliatuz.

Egoeraren larritasunaren aurrean LABek Israeldar estatuaren aurkako BDS kanpainari gure sostengua adierazi nahi dio eta Euskal Herriko langileria eta jendearteari kanpaina horrekin eta hurrengo egunetan Euskal Herrian deituko diren mobilizazio desberdinekin bat egiteko deialdia zabaltzen du.
 

 

 

LABek Bizkaiko Suhiltzaile Etxeetan dagoen langile falta salatzen du

admin
-
0

Laneko Osasun Batzordeak uztailaren 2an egin zuen bileran, suhiltzaile-etxeetan dagoen arazoa azaldu genuen: langileak falta dira, plaza hutsak ez direlako betetzen eta bajak eta bestelako gorabeherak ez direlako ordezkatzen.

Egoera kezkatzeko modukoa da, eta uste dugu kinka larrian egon baino lehen konpondu behar dela. Bere garaian, plazak betetzeko sistema bat adostu zen dotazioa bermatzeko, baina ez da betetzen suhiltzaile-etxe guztietan, eta egoera oso kezkagarriak ematen ari dira: Derion, adibidez, pertsona bat gutxiago dago txanda guztietan.

Egoera larria izan arren, badirudi oraingoz ez dutela arazoko konpontzeko asmorik. Funtzio Publikoaren zuzendariordeak uko egin dio LABek planteatuko gaia Laneko Segurtasun eta Osasun Batzordean aztertzeari. Argudio gisa, esan du ez dela segurtasunaren arloko gai bat (!!!) eta, planteatzekotan, negoziazio mahaian planteatu beharko litzatekeela.

Beste behin ere, begirune eza erakutsi du organo bateratu honekiko; bere kortijoan izango balitz bezala aritzen da batzordean, eta ez du nahi eztabaidarik arriskuagatik erantzun bat behar duten arazoen inguruan.

Gure ustez, egoera konpontzeko modua aztertu behar da. Beste administrazio batzuetan (Donostiako Udala, adibidez), behar diren plazak betetzeko, Estatuak jarritako oztopoen aurrean, urteko programa-kontratuak egin dituzte, egoera nolabait konpontzeko.

Aurrekoaz gainera, Aldundiaren plangintza faltaren ondorioz, gaur egun, 2013ko plazen deialdia amaitzeko urte erdi falta denean, plaza hutsen kopurua (46) deialdian sartutako kopuruaren (23) bikoitza da. Bizkaiko Foru Aldundiari proposatzen diogu indarrean dagoen deialdian plaza kopurua handitzeko, horretarako aukera baitu. Orain arte epaimahaik bete dituen ordu guztiak (1.500 baino gehiago) konpentsatzeko modu bat izango litzateke.

Edonola ere, ez dugu etsiko eta behar den foro guztietan planteatuko dugu gaia, uda ostean arazoak larriagotu egingo direla uste baitugu.
 

 

 

EITB.com-en langileen legez kanpoko lagapena izan dela onartu du Bilboko Lan-Arloko epaitegiak

admin
-
0

M4Fko langileek EITBNET auzitara eraman zuten langileen legez kanpoko lagapena salatzeko. Langileek lehen auzialdiko epaitegietan garaipena lortu dutela jakitera eman nahi du M4Fko Enpresa Batzordeak (LAB).

Media For Future enpresak lana erregulatzeko txostena aurkeztu zuen 2013an, eta 2014an hartzekodunen konkurtsoa planteatu du. Erabakiek etorkizun beltza aurreikusten dute langileentzat, baina ez dute etsiko. Horrela, M4F sortu denetik eman diren irregulartasunak hasieratik salatu dituzte langileek.

M4Fko langileek irregulartasunak salatzen urteak eman dituzte eta lehen auzialdiko epaitegiaren sententziak beste behin ere agerian utzi ditu. EITBren zuzendaritzak M4F konpainian duen parte-hartze txikia erabili du argudio bezala erantzukizunak ezkutatzeko. Badirudi epaileak guztiz kontrakoa uste duela:

“Resulta probado que MEDIA FOR FUTURE SL para la ejecución de los servicios contratados se limitaba a poner a sus trabajadores a disposición de EITBNET S.A., sin poner en juego ningún medio material ni ninguna organización propia. Así de lo actuado resulta acreditado que todos los medios materiales que eran necesarios para que se desarrollara la actividad eran propiedad de EITBNET así como las aplicaciones informáticas imprescindibles para el desarrollo de las tareas diarias…”

“En conclusión entiende esta juzgadora que concurre un claro supuesto de cesión ilegal de mano de obra, toda vez que la organización empresarial de MEDIA FOR FUTURE SL no se ha puesto en juego, limitándose su actividad al suministro de manos de obra necesaria para el desarrollo del servicio, servicio que es íntegramente concebido, organizado y puesto en práctica por la empresa EITBNET”.

“Lo que claramente se evidencia es que a raíz de la actuación de la Inspección de Trabajo, que ya en mayo de 2013 concluye la existencia de cesión ilegal de trabajadores, y a raíz de la demanda interpuesta por los trabajadores, las demandadas (M4F y EITBNET) hay tratado ‘muy torpemente’ de borrar huellas del tráfico ilícito, separando a los trabajadores, reubicándolos en espacios diferenciados, y creando la apariencia formal de una dirección y organización de su trabajo, que en la práctica se ha demostrado que ni existe ni ha existido nunca”.

“Estimando íntegramente la demanda debo declarar y declaro la existencia de cesión ilegal entre MEDIA FOR FUTURE Y EITBNET, teniendo por hecha la elección de la actora en adquirir la condiciones de indefinido-no fijo en la empresa cesionaria EITBNET SA”.

Honenbestez, M4F 2014ko abenduan ixtera itxaron gabe langileen legez kanpoko lagapenari konponbide bat berehala emateko eskatzen dio Enpresa Batzordeak EITBko zuzendaritzari. EITBk egoera konpontzeko saiakerarik egiten ez badu, udako oporraldia pasa eta gero eitb.com zerbitzurik gabe uzteko ekintzak aurrera eramango dituzte langileek, 2013ko udan egin bezala. Orduan langileek hilabete bat baino gehiago eman zuten greban.

Baionako Auzitegia
Bestalde, M4Fn izandako beste irregulartasun larri baten berri eman nahi du Enpresa Batzordeak. Kasu honetan ere langileak salaketa aurkeztu eta garaipena lortu du auzitegietan. 2008tik 2012ra arte eitb.com-ek kazetari bat izan du Baionako egoitzan, frantsesez albisteak idazteko. Berriemaileak M4Fk azpikontratatuta egiten zuen lan.
Langilea kaleratu egin zuten eta irregulartasuna agerian geratu zen. Enpresak ez zuen Frantziako legedia errespetatu; izan ere, Espainiako araudiari atxikitako kontratu mota egin zion Frantziako Gizarte Segurantzari ordaintzea saihesteko.

Frantziako Estatuak irregulartasuna atzeman eta M4F auzitara eraman zuen Baionako langilea Frantziako legedia errespetatu gabe lanean izateagatik. Epaiketa egin eta Baionako Auzitegiak M4F zigortu du. Kazetariak Frantziako kontratua izan behar zuela erabaki du epaileak. Horrela, M4Fk 5.000 euroko isuna ordaindu beharko dio Frantziari, eta 10.000 euroko kalte-ordaina langileari.

Epaiaren berri izan eta gero, jaso beharreko soldata eskatuko du langileak; izan ere, kazetariek Frantzian Espainian baino soldata handiagoa dute. Ondorioz, urteetan jaso ez duen aldea eskatuko dio langileak M4Fri epaitegietan.
 

 

 

LABek EITBko bere ordezkari batek anonimo baten aldetik pairatutako mehatxuak salatzen ditu

admin
-
0

Ohar honen bidez LABek EITBn duen ordezkari bat anonimo baten aldetik pairatzen ari den mehatxuak salatu nahi ditu. Astebete baino gutxiagoan barruan kaka zuten pakete bana birritan bidali dira ordezkari honen izenean, lehen aldian EITBk Bilbon duen egoitzako LABen bulegoaren aurrean utziz, eta bigarrenean ordezkari bearen izenean ere bidalia, kasu honetan gezurrezko bidaltzaile bezala EHBILDUko parlamentari baten izena erabiliz.

Kikiltzeko saiakera hauek apirilaren 29an Administrazio Kontseiluak hartutako erabakiaren testuinguruan ematen dira, zeinaren bitartez 49 lanpostutako LPE bat adostu zela. Akordio hau gezur eta difamazioen bidez kritikatua eta boikoteatua izan da gaur egungo EAJko presidentea Andoni Ortuzarrek EITB zuzentzen zuen garaian era irregularrean kontratatuak izan ziren langileetako batzuen aldetik.

LABen aldetik gardenak eta guztion parte hartzea behar duten kalitateko zerbitzu publikoen alde egiten dugun borroka sindikalaren kontrako halako mehatxurik ez dugula onartuko adierazi nahi dugu. Urteak daramatzagu komunikabide publiko honetan urteetan eman izan den kudeaketa eredu ilunzale eta opakoa salatzen. Baita kontratazioaren eremuan ere, non urteetan “atzamarrez” egindako kontratazioa lehenetsi izan den, LPDk eta hauen ondorioz sortzen ziren lan poltsek ematen zuten gardentasuna saihesten zela, Eusko Irratia kasu. Irizpide garbiak ezartzen ez diren kontratazio eredu hau hain zuzen administrazio publikoan ematen diren hainbat ustelkeria eta bezerokeria moten oinarria da. Eredu hauxe da kontrol eta parte hartze publikoa baztertzen duena, eta jendartean mesfidantza sortu eta kalitateko zerbitzu publikoaren eredu bat higatu egiten du.

Baina ikusten ari garen bezala badirudi hainbatek eredu ilunzale honetaz baliatzen jakin izan dutela eta enpresa publiko batean lanean sartzeko aukera berdintasunaren alde ez daudela, eta bakoitzaren merituak era objektiboan frogatuko dituen LPD bat egitearen aldekoak ere ez direla. Batzuk EITB euren txiringitoa dela uste dute eta halaxe dena berean gelditzearren honelako ekintza sasi-mafiosoak erabili ditzaketeela. Eredu ustel horrixe dario kiratsa eta denbora luzez usaindu du gaizki, batzuk hain gustura sentitu diren eta orain eroriko den eredua.

Hauxe zen LABek sinatutako akordioaren helburu nagusietako bat, behin-behinekotasuna hain handia den garai batean era finkoan 49 lanpostu bermatzeaz gain. LABetik aldetik kalitateko zerbitzu publikoak sortzeko temati jarraituko dugu, non eta sarbiderako aukera berdintasuna lehenetsiko den, jendartearen zerbitzura eta honen kontrolpean, baita EITBn eta Eusko Irratian ere. Zentzu honetan datozen egunotan azken gertakizunak epaitegian salatuko ditugu.

 

 

 

Huelga y movilizaciones contra los despidos en la empresa Arriaundi

admin
-
0
Huelga y movilizaciones contra los despidos en la empresa Arriaundi

El lunes 7 de Julio tuvo lugar la segunda reunión del periodo de consultas después de que la dirección de Arriaundi S.L. pusiera sobre la mesa un ERE de Extinción para la sección de panadería. La última propuesta por parte de la empresa no llega ni de lejos a las expectativas que había por la parte social ante lo cual la plantilla llama a secundar las movilizaciones previstas para esta semana.

A todas luces, es una propuesta insuficiente para LAB. No ha habido planteamientos acordes con el mantenimiento del empleo o las salidas no traumáticas en ningún momento y lo peor es que ni siquiera se lo han planteado.

Una vez conseguida la sumisión de los delegados de ELA y CCOO en la sección de panadería, firmando una rebaja salarial permanente, la sección de pastelería les sobra. Les sobra por que los trabajadores y trabajadoras de la sección de pastelería han tomado la determinación de luchar por sus puestos de trabajo y no por la opción de agachar la cabeza como lo han hecho los delegados de ELA y CCOO.

Los y las trabajadoras de la sección de pastelería están respondiendo ante la impunidad, chulería y arrogancia demostrada por la dirección, con una huelga. Una huelga secundada por el 100% de la plantilla.

A la dirección de ARRIAUNDI les sobran estos trabajadores y trabajadoras están defendiendo sus puestos de trabajo. Por si fuera poco la empresa aprovecha para sustituir a los trabajadores huelguistas por gente contratada en una ETT, y lo más grave del asunto, aprovecha para desmantelar la sección de pastelería, mientras sus trabajadores y trabajadoras están de huelga. Vaciando el local, almacenando material de panadería etc…

Tenemos claro que como trabajadores y trabajadoras debemos defender nuestros puestos de trabajo por encima de todo y lo haremos. Lo haremos haciendo todo lo posible para que la impunidad y la prepotencia no se lleven por delante 15 puestos de trabajo.

Hacemos un llamamiento a secundar las movilizaciones que llevaremos a cabo durante toda esta semana:

– El miércoles 9 de julio, de 18h a 19h en la calle ARRILUZE (EN TABIRA) DURANGO.
– El jueves 10 de julio, de 12h a 13h en ARRIAUNDI S.L (POL UAI n4- 9) IURRETA.
– El jueves 10 de julio de 19h a 20h en Goienkale (Durango).
– El Viernes 11 de julio de 12h a 13h en Andra Mari (Durango).
 

 

LABek bat egiten du Ibaiganeko langileek gaurko deitutako mobilizazioarekin

admin
-
0

LAB sindikatuak bat egiten du Ibaiganeko langileek ikastetxearen itxieraren aurka gaur deitu duten mobilizazioarekin eta aldi berean dei egiten dio Kristau Eskolak-i plantila sareko beste ikastetxeetan birkokatu dezan. Protesta goizeko 11.30etan Bilboko Gran Vian izango da, Jaurlaritzaren egoitzaren aurrean eta LABek bertan parte hartzera deitzen du.

Aurreko ekainaren 16an Bilboko Ibaigane Ikastetxea itxiko zutela iragarri ziguten. LAB Sindikatuak, berehala Hezkuntza Sailari eta Kristau Eskolari bilera bat eskatu zion jakiteko zein izango den 39 langileen etorkizuna eta ikastetxe horretako familiena ere. Familien etorkizunaz prentsatik jakin izan dugu baina, 15 egun baino gehiago pasa direnean LAB Sindikatuak salatu nahi du ez duela izan batzartzeko inolako deialdirik, ez Kristau Eskolaren aldetik, ezta Hezkuntza sailetik ere; oraindik ere, langileek ez dakite hurrengo ikasturteko egoera zein izango den.

LABek Kristau Eskolari langile guztiak birkoloakatzea beste zentru batzuetan exijitzen dio.
 

 

 
1...1,2061,2071,208...1,583Page 1,207 of 1,583

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus