2024-03-28
HomeLan Osasuna IdazkaritzaLan istripuakGrupo Sarralleko SARCOIL enpresako langile batek lan istripua izan du

Grupo Sarralleko SARCOIL enpresako langile batek lan istripua izan du

Jakin dugunez Grupo Sarralleko SARCOIL enpresako langile batek lan istripua izan du. Lehenik eta behin, salatu nahi dugu lan istripu bat ematen denean izaten ohi den informazio eza. Tartean heriotzik ez badago ere, duten larritasuna albo batera utziz, datu hauek ez dira publiko egiten. Azpeitia Bizi eta Lan taldeak, bihar 19:00etan Azpeitiko plazan kontzentrazioa deitu du eta LABek bertan parte hartzeko deia luzatu nahi die langileei.

Urola-Kostako LABen irakurketa
LAN ISTRIPUAK STOP!
PREKARIETATEAK HILTZEN DU!

Jakin dugunez Grupo Sarralleko SARCOIL enpresako langile batek lan istripua izan du. Lehenik eta behin, salatu nahi dugu kontu hauekin dagoen informazio eza. Tartean heriotzik ez badago, datu hauek ez dira publiko egiten duten larritasuna albo batera utziz.

Honetaz gain, zoritxarrez Urola-Kostako LABeko kideok aspaldi gatoz esaten bizi dugun egoera oso larria dela. Jasan ditugun erreformek lan baldintzak eskazten dituzten honetan, gure bizia jokoan jartzeko aukerak handitzen dira. Lan munduan bizi dugun segurantza ezak (edozein momentuan kaleratua izateko beldurra, …), presioak, etabarrek istripuak izateko aukerak handitu besterik ez dituzte egiten. Egunerokoan dugun kargak (hipotekak, familia, …) ez digute gure lanean zentratzen uzten eta lehendik ere bizi ditugun prekarietate egoerak handitu besterik ez dira egiten.

Egoera orokorra larria den arren, kasu honetan zehazki larritasuna are eta handiagoa da. Sarcoi enpresa, Grupo Sarrallen barruan kokatzen da eta momentu honetan Grupo Sarralle eskulan merkea lortzera bidean, erroforma baliatuaz egoera muturrera eramaten ari da. Soldaten jaitsiera eta orduen igoerak dira kalean gehien entzuten ditugun erreformaren ondorioak. Baina lan osasunari begira ematen ari direnak are eta larriagoak dira. Enpresak egin behar dituzten inbertsioak ez dituzte egiten eta lehen esan bezala langileoi sartzen dieten presioak ez du batere laguntzen. Eta beste aldera begiratzeak ez du balio. Istripuen errua langileei botatzen ohituak gaude baina ardura enpresena da, eta hori ezin dugu ahaztu. Gure lanaren truke irabazten dituzten mozkinak ez dira nolanaikoak, eta guk ez dugu hori gure biziarekin ordaindu behar.

Guzti honegatik, Azpeitia Bizi eta Lan taldeak, bihar 19:00etan Azpeitiko plazan deitu duen kontzentrazioarekin bat egiten dugu. Bertan izango gara istripu hau salatzeko, lan baldintza duinak eskatzeko eta zaurituari eta bere famili eta laguneri elkartasuna adierazteko.

Denon artean aldaketa eman dezakegulako, lotu borrokara.

Urola-Kostako LAB
 

 

 

AZKEN ALBISTEAK | ÚLTIMAS NOTICIAS

0-3 urtekoen zikloko sindikatuak berriz mobilizatu dira, Hezkuntza Departamentuari eskatzeko behingoz har dezan alor honetako ardura

Nafarroako 0-3 hezkuntza zikloko sindikatu guztiek (LAB, ELA, STEILAS, AFAPNA, UGT eta CCOO) elkarretaratzea egin dute gaur Iruñean, Hezkuntza Departamentuaren egoitza nagusiaren parean, Gobernuak ziklo honi dagokionez erakusten duen jarrera axolagabea salatzeko. Ildo berean, apirilaren 11n manifestazioa eginen dutela iragarri dute, Departamentuaren egoitzatik 17:30ean abiatuko dena.

Grebak Arabako aisialdi hezitzailea eta animazio soziokulturalean apirilaren 2a eta 4an, hitzarmenaren negoziazioan akordiorik ez dagoelako

Agerraldia egin dute gaur Gasteizen sektoreko langileek bi greba egunak iragartzeko. Hitzarmen duinik ez badago, zerbitzurik ez dela egongo adierazi dute.

Iruñeko eremu urdinean jarduera ia geldirik egon da grebaren hiru egunetan

Enpresa Batzordeak (LAB, ELA, UGT eta CCOO) astelehenetik egiten ari den grebaren balorazio positiboa egin du, eta ohartarazi du Dornierrek ez badu aurrerapausorik ematen lan baldintzak hobetuko dituen hitzarmenaren negoziazioan, mobilizazioekin jarraituko dutela.