Aurreko astelehenean, urriak 21, J.A.OLABARRI S.L. enpresak Bilboko merkataritza-arloko epaitegiaren aurrean hartzekodunen konkurtsoa egiteko eskaria aurkeztu zuen, enpresaren itxiera eta 120 lagile baino gehiagoren kaleraketa ekar dezakeena..

Prozesu hau oso modu ilunean eramaten dira aurrera, hain zuzen ere langileek ez dute hautatutako ordezkaririk, hori dela eta gaur egun oraindik ere ez dakite enpresaren jokaldi honek ze ondorio izan ditzakeen.

LABek eskura duen informazio eskasaran arabera pentsa dezakegu konkurtso prozedura honen atzean enpresaren likidazioa lortzeko borondatea dagoela, nahiz eta enpresa honek obra ugari ditu kontratupean eta amaitu gabe.

Guzti honegatik LAB sindikatuak enpresaren erabakia salatu nahi du, ulertzen baitugu erabaki gogor honen atzean dagoen benetako arrazoia urteetan enpresak aurrera eramandako gestio oker bati erantzutea dela eta ez enpresaren beharrei erantzutea, hain zuzen ere honen gain eroriko baitira espekulazio politiketan eta arrakastarik gabeko negozioen ondorioz sortutako zorrak.

Honengatik LABek dei egiten die lagilei guztiei antolatu eta borrokari ekin diezaioten lan postuen mantentzeari begira.