2025-12-26
Blog Page 1195

LABek aurrea hartzen jarraituko du Bizkaiko metalgintzako enpresa guztietarako hitzarmena lortzeko, patronalaren itxikeria eta txantaiaren aurrean

admin
-
0

Atzo, irailak 18, Bizkaiko metalgintzako mahai negoziatzailea elkartu zen. Beste behin patronalak argi utzi du bere jarrera: ez du negoziatzeko inolako asmorik.

LABek egindako proposamenen aurrean, guztiz onargarriak direnak eta beste sektore batzutan Confebaskek sinatu dituenak (Merkataritza, Grafikagintza, Papergintza…), beti egin dugu topo patronalaren itxikeriarekin, ez baitu ezer negoziatu nahi eta honek ezinezko egiten du ezelango akordiorik lortu ahal izatea. FVEMen asmo bakarra bere neurrira egindako hitzarmena inposatzea dela baiezta dezakegu. Sektoreko langileen lan-baldintzak prekarizatuko dituena eta enpresetan borondatezko aplikazioa izango duena, hitz bitan esanda, lan erreforman oinarritutako akordioa. Gure ekonomiaren motorra den metalgintza desarautu nahi dute.

Gogora arazi nahi dugu maiatzean Eusko Jaurlaritza interpelatu zela, egoera desblokeatzeko asmoarekin eta gure buruei honako hau galdetzen diegu: Zer egin du orain arte? Zer egiteko prest daude lan-baldintzak mantenduko dituen hitzarmen duin bat bermatzeko?

Patronalaren itxikeria eta txantaia hor izan arren, LABek aurrea hartzen jarraituko du enpresa guztietarako hitzarmena lortzeko, sektoreko langile guztien kohesio sozial eta laborala bermatuko duena. Borrokan jarraituko dugu.
 

 

 


LABen elkartasuna adierazi nahi dio Alfonso Fernandez, Alfon-i

admin
-
0
LABen elkartasuna adierazi nahi dio Alfonso Fernandez, Alfon-i


Alfon 22 urtetako Madrilgo Vallecas langile-auzoko bizilaguna da. 2012ko Azaroak 14eko greba zela eta bere etxetik irten eta pikete bateratuetara zihoanena lan erreforma, murrizketak, osasun eta irakaskuntza sistemen pribatizazioen aurka borrokatzera atxilotua izan zen.

Irailak 18an bere aurkako epaiketa hasi da, non 5 urte eta erdiko gartzela zigorra eskatzen zaion.

Aipatu beharra dago Alfon atxilotua izan zenean 56 egun pasa izan zituela kartzelan bereziki gogorra den FIES erregimena aplikatu ziotelarik. Egoera horrek sortu zuen nazioarteko elkartasun garrasiari esker kaleratua izan zen. Alfonek atxiloketa prozesuan eta polizia-etxean pasa zituen orduetan jasotako mehatxu eta koakzioak salatu zituen.

Alfonen kasua kriminalizazio testuinguru baten bakarrik uler daiteke, non Europa guztian baina Espainiar Estatuan batik bat. gizarte borroka eta protestak zigortuak diren.

Euskal Herrian ondo ezagutzen ditugu estrategia hauek. Horrela, beste batzuen artean, bi gazte, Urtzi Martinez eta Jon Telletxea bi urte eta erdiko kartzela zigorrak jaso dituzte 2012ko martxoak 29ko greba orokorrean Bilbon “desordena publikoa” sortzeagaitik. Epaiketa berean epaitu zituzten beste lagun batzuk absolbituak izan ziren. Zigor bidegabeak dira justifikazio moduan poliziaren bertsioa bakarrik jasotzen duten heinean.

Guzti honegatik, gure Alfonsorekiko elkartasuna berretsi nahi dugu eta egunotan sostengu eta kriminalizazioaren aurka egon daitezkeen mobilizazioekin bat egitera deitzen dugu jendartea.
 

 

 

La dimisión de Juan José rubio Vela al frente de la Gerencia del SNS Osasunbidea es “crónica de una dimisión anunciada”

admin
-
0

Decimos esto por que es de sobra conocido que es desde la Consejería desde donde se marcan las directrices de gestión dejando poco margen a la iniciativa propia de los cuadros intermedios de gestión, que se salgan de dicho esquema. Para confirmar lo dicho nos remitimos a la cascada de dimisiones que se han producido en Osasunbidea bajo el mandato de Marta Vera (hasta la fecha no se había producido algo así nunca), de las cuales varios de esos cuadros que han manifestado sus discrepancias con la línea marcada con ella.

Ello es síntoma de que nunca una consejería de sanidad había estado tan distanciada, no ya de la plantilla de Osasunbidea, sino de sus cuadros directivos.

El caso de Juan José Rubio es, por la importancia de su cargo y por ser el segundo gerente que dimite, aún más significativo. El mismo alude a esa falta de margen para la iniciativa propia y las desavenencias que de ello se han derivado.

Por nuestra parte recordamos, como en su día ya expusimos ante su nombramiento, que según el currículum divulgado, no tenía experiencia en la gestión de organizaciones sanitarias complejas como los servicios sanitarios públicos. Lo que hacía pensar que su designación podía tener caracter de improvisación ante el vacio dejado por Sanz Barea.

Queda claro que la deriva en la que ha inmerso Marta Vera a la sanidad pública de Nafarroa (recortes de plantilla, listas de espera, privatizaciones escandalosas, centralización de servicios caoticas como Laboratorios, etc), se manifiesta de manera más gráfica cuando un cargo de confianza designado por ella vuelve a dimitir y mostrar sus discrepancias.

Son las formas de funcionar de la casta política de UPN cada vez más distanciada de la ciudadanía, que en su empeño por imponer un proyecto cada vez menos legitimado va dejando incluso a sus colaboradores tirados por el camino.
 

 

 

Osakidetzak negoziazio mahaian hartutako jarrera salatzeko mobilizatzen ari zirenen aurrean oldartu da Polizia

admin
-
0
Osakidetzak negoziazio mahaian hartutako jarrera salatzeko mobilizatzen ari zirenen aurrean oldartu da Polizia

Gaur hilak 18, Donostia,Txagorritxo, Santiago, Basurto, Galdakao eta Gurutzetako Ospitaletan itxialdiak antolatu ditugu irailaren 15eko mahai sektorilean Zuzendaritzak izan zuen jarrera salatzeko. Mobilizazioan aurrean LABek zuzendaritzak hartutako postura salatu nahi du, bereziki Santigo eta Txagorritxo ospitaletan gertatutakoa, non ertzaintzak langileak desalojatu eta identifikatu dituen.

Aurreko Irailaren 15ean mahai sektoriala burutu zen, bertan Zuzendaritzak izan zuen jarrera ikusirik eta negoziatzeko borondaterik azaldu ez zuenez, bertan parte hartzen dugun sindikatuok LAB, ELA , SATSE, SME eta UGT mahaitik altxatzea erabaki genuen.

Egun, Osakidetza enplegu publkoa deusezten ari da, langileoi jardunaldiaren luzapena inposatu, Madriletik egondako murrizketa guztiak aplikatzen dizkigu eta Aurrekontuetan osasun publikorako diru partidak murrizten jarraitzen du, ondorioz langileon lan kargak eta osasun zerbitzuaren kalitatea murriztuz.
 

 

LABek Metro Bilbaon gaztelania hutsean jarri den erakusketa kendu dadin eskatzen du

admin
-
0

35 panelek osatzen dute erakusketa eta gaztelania hutsean daude. Hainbat erakunde publikok babesten dutenez, argi geratzen da ez dutela interes handirik euskararen normalizazioan. Metro Bilbaok ere agerian utzi du kontzientzia urria duela horretan, eta ez diela jarraipen handirik egiten uzten dituen espazio publikoetan erakusten diren edukiei.

“Diálogos: Arquitectura Vizcaína del siglo XXI” erakusketa joan den astelehenean, irailak 8, jarri zuten. 35 panel guztira, Zazpi Kaleak, Abando, Moyua, Indautxu eta San Mameseko gelokietan. Bi hilabete inguru luzatzea aurreikusten du Metro Bilbaok.

LABek eskatzen du berehala kentzeko, panel guztiak gaztelania hutsean daudelako. Sindikatuaren ustez, sinestezina da garraio publikoaren zerbitzuan horren nabarmen urratzea erabiltzaileen hizkuntza eskubideak.

Metro Bilbaok doan utzi ditu instalazioak Euskal Herriko Arkitektoen Elkargoa Ofizialak egindako erakusketa jartzeko, Bilboko Udala, Bizkaiko Foru Aldundia eta Gasteizko Jaurlaritza babesle nagusi dituela.

LAB sindikatuaren iritziz, utzikeria nabarmenez jokatzen ari dira erakunde horiek guztiak, euskaldunen hizkuntza eskubideak zaindu eta leku eta instalazio publikoetan, hala nola, Metro Bilbaoko geltokietan, euskararen presentzia eta erabilera sustatu beharko lituzkeen arren.

LABek salatu du, halaber, Metro Bilbaoko zuzendaritzak ez duela sentsibilitaterik hizkuntza kontuetan, ez baitu inolako hizkuntza eskakizunik ezartzen ez eta inolako jarraipenik egiten diskriminazio horiek saihesteko.

LABen iritziz, horrelako urratzeek argi erakusten dute hitzetatik ekintzetara igaro behar dela, eta Metro Bilbaok baliabideak eta aurrekontua bideratu behar dituela hizkuntzen kudeaketarako arlora, hiriarteko trenean euskararen normalizazioan ganorazko lana egingo bada.

Horregatik guztiarengatik, LAB sindikatuak Metro Bilbaoko zuzendaritzari, eta erakunde publiko laguntzaile guztiei, eskatzen die gaztelaniazko panelak kendu eta erakusketa elebitan jar ditzaten, lehenbailehen, herritar guztion hizkuntza eskubideak bermatzeko.

Amaitzeko, LABek enpresako zuzendaritzari galdegiten dio erakunde eta protokolozko adierazpenez harantzago, urrats sendoak egin ditzala Metro Bilbaoko langileek euskaraz lan egin ahal izan dezaten, barruko eta kanpoko harremanetan.
 

 

 

LABek erabakitzeko eskubidearen aldeko borrokan langileon protagonismoa aldarrikatu du Tuteran

admin
-
0
LABek erabakitzeko eskubidearen aldeko borrokan langileon protagonismoa aldarrikatu du Tuteran

LABek Nafarroako Haueskunde Sindikalen kanpainari hasiera eman dio gaur Tuteran. Ekitaldian Ainhoa Etxaide, LABeko Idazkari Nagusiak, Eskoziako gaurko erreferenduma gogoratu eta babestuarekin batera, herrien erabakitzeko eskubidearen defentsaren beharra aldarrikatu du. Borroka honetan sindikatua buru belarri izango dela adierazi du Etxaidek, eta haueskundeetan sendo egoteak lan horri ekiteko bultzada emango duela gaineratu du.
 

 

 

LABek Hauteskunde Sindikalen kanpainari Tuteran emango dio hasiera gaur

admin
-
0
LABek Hauteskunde Sindikalen kanpainari Tuteran emango dio hasiera gaur

LAB sindikatuak Hauteskunde Sindikalen kanpainari hasiera emango dio gaur Tuteran. Plaza Berrian egingo den ekitaldian Ainhoa Etxaide, LABeko Idazkari Nagusiak eta Ramón Lacalzada, Erriberako koordinatzaileak hartuko dute hitza.

Continue

NAA-k LABi arrazoia eman dio Udalean nahieran egindako kontratazioen harira jarritako salaketan

admin
-
0
NAA-k LABi arrazoia eman dio Udalean nahieran egindako kontratazioen harira jarritako salaketan

Ebazpen gogor batean, Udaletxean nahieran egin diren hainbat postuetarako kontratazioen harira LAB-ek aurkeztutako salaketarekin bat azaldu ostean, NAA-k UPNri koloreak atera dizkio. Auzitegiak, Udalaren jarrera “ilegalaz” eta “legedi funtzionarialaren bortxaketaz” mintzo da eta postu hauek, deialdi berrien bitartez, ateratzera behartzen du, berdintasun, meritu eta gaitasun irizpidei jarraiki.

UPN-k agintea izan duen lekuetan eraikitako kortijoa, ezdeustatzen doa. Bere gobernatzeko eraren nortasun ikur izan dira korrupzioa, adiskidekeria eta bezeroak nahi eran lehenestea. Eguesetik Iruñeraino, CAN ahaztu gabe. Dietak, gainsoldatak, komisioak, ondarearen desagertzea… ustel usaia dakar honek denak.

Nafarroa beraiena zela uste izan dute, Iruñea beraiena balitz jokatu dute, lotsagabekeri osoz. Ardura karguetan beren lagunak kokatu dituzte, horietarako gai ez izanda ere eta beren uran dantzatzen ez zuen oro baztertu egin dute.

Beren lotsagabekeria, Iruñeko Udaleko hainbat lanpostu, Administrazio Publikoetan sartzeko ezinbestekoa den prozedimendua errespetatu gabe betetzeraino iritsi da, UPN, “zerbitzu eginkizun”en bitartez hauek estaltzen saiatu delarik.

Iruñeko Udaleko LABek, hainbat kasu antzemanak zituen Ongizate Sozial eta Berdintasun arloan eta Udalari, postu hauei zegokien meritu lehiaketarako deialdia egin zezan eskaera egina zuen, langile guztiek, era ilegalean beteak zeuden lanpostu hauek eskuratzeko aukera izan zezaten. Udalak ez zion ezta gure eskaerari erantzun ere egin eta NAA-ra jotzea erabaki genuen orduan, honek, gure argudio guztietan arrazoia eman digularik.

LABen interbentzioa, ez da ebazpen judizial honen objetu diren postuetara mugatuko, aurki beste hainbat lanpostuen inguruko bestelako proposamenak aurkeztuko ditugu.

Datozen egunetan udaletxeak epaia bete dezan espero dugu, inolako helegiterik jarri gabe. Alabaina, zuzenketa ez da aipatutako Ongizate Sozial eta Berdintasun arloko lanpostuetara, antzeko irregulartasunak ematen baitira beste arlo batzuetan ere. Udaletxeak bere kabuz neurriak hartzen ez baditu, LABek ekimen berriak irgarriko ditu epe motzean.
 

 

 

Nanuk enpresako langileek 24 orduko lanuztea egingo dute gaur LABeko hiru afiliaturen inputazioa salatzeko

admin
-
0

LAB eta ELA sindikatuek Tranportes NANUKeko beharginak 24 ordutako lanuztea egitera deitu dituzte, Iñaki Errasti Araña enpresako gerenteak LABeko hiru afiliatu inputatu dituela salatzeko.

Salaketa duela urtebete aurkeztu zen, NANUK-eko beharginek berezkoa eta duina izan behar duen hitzarmena lortzearren eta lan erreformaren aurka egin zuten greba mugagabean. Hura egiten ari zela eta bilkura batean, Transportes NANUK-eko gerenteak (ASETRAVI-ren buru dena) eta hura ordezkatuz, LABeko hiru afiliatuen aurkako salaketa jarri zuen.

Jarrera hori erakutsiz, enpresak, beldurraren bidez eta indarrez, behargin guztiak kikildu gura ditu, hiru behargin horiei gerta dakiekeena adibidetzat jarriz.

Enpresa azaltzen ari den jarrera ere salatzen dugu, negoziatu baino, haren irizpideak ezarri gura dituelako. Negoziatzen saiatu gara eta ezagutarazi diegu zertan den konponbidea; hark, ordea, “zer ematen didazue horren truke? (Iñaki Errasti Araña)” harrokeriaz erantzun du. Bultzatzen ari den jarrerak beharrezkoa ez den tirabira-girora garamatza.

Gaur egun eta enpresako gerenteak sustatuta (Iñaki Errasti Araña), Transportes NANUKen ohi baino tirabira-giro handiagoa bizi da. Zuzendaritzak, azkenaldi honetan, azken hogei urtean baino gehiago zigortu du, eta zigortu, jakina, grebalariak bakarrik zigortu ditu; Transportes NANUK-eko zuzendaritzak eta Enpresa Batzordeak hitzartu eta sinatu zutena (greba amaitzean lotu akordioa eta hitzarmenak ezarri orduak) sistematikoki ez du betetzen; salaketa aurkeztu du eta LABeko hiru afiliatuen aurkako epaiketa egin dadin bultzatzen du, eta enpresan, sistematikoki, sindikatuak jazartzen ditu.

Transportes NANUK-eko beharginek ez dute langileen eskubideak urra ditzakeen xantaiarik ez eta ezarpenik onartuko.

Hori dela eta LAB eta ELA sindikatuek 24 orduko lanuztea deitu dute gaur, hilak 18. Epaiketa egunean ere mobilizatzeko deia luzatu dute: ELORRIOKO udaletxearen aurrean (BAKE epaitegia) goizeko 09:00etatik 10:30-ak arte eta ELORRRIKO plazan, arratsaldeko 19:00-etatik 19:30-ak arte.

 

 

 
1...1,1941,1951,196...1,583Page 1,195 of 1,583

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus