| Page 1162

LAB exige la readmisión de los dos despedidos de Ormazabal

Energia

admin

-

2014-12-05

LAB exige la readmisión de los dos despedidos de Ormazabal

Ayer se cumplió un año desde que la solvente empresa Ormazabal sita en Igorre y perteneciente al grupo Velatia despidiera a 5 trabajadores y trabajadoras. Según la dirección de la empresa era necesario tomar medidas ante la situación de bajada de pedidos que estaban sufriendo. Esta fue la medida más sangrante, pero también fue acompañada de un ERE de suspensión para el resto de los trabajadores.

Sin embargo, la contratación que ha tenido la empresa este último año ha sido mucho mayor que años anteriores. Esto es más grave aún si tenemos en cuenta que ni la contratación eventual realizada, ni las horas extras impuestas por la empresa han sido suficientes para poder sacar la producción.

Mientras tanto, dos de las personas despedidas ahora hace un año se siguen movilizando en frente de la dirección económica de la empresa, (esta sita en Zamudio). Y ayer todos los delegados de LAB de todo el grupo empresarial nos movilizamos una vez más para mostrarles nuestro apoyo y exigir su readmisión. Readmisión que es necesaria porque tenemos una importante carga de trabajo sin cubrir.

La actitud de la empresa solo responde a la cabezonería de querer demostrar de que ella puede y es capaz de hacer lo que quiera de la vida de las personas, y más cuando el despido está más barato que nunca.

Es por esto que exigimos la inmediata readmisión de las dos personas que un año después siguen peleando en defensa de su trabajo.

Haurreskolak Partzuergoko diru kontuetan azpijokoak, iruzurrik ez!

Haur Eskolak

admin

-

2014-12-05

0

Haurreskolak Partzuergoko diru kontuetan azpijokoak, iruzurrik ez!

LAB sindikatuak Haurreskolak Partzuergoan azkenengo urtetan aurrekontuekin egindako azpijokoa salatu nahi du. Azkenengo auditoria publikoa eta aurten aurkeztutako aurrekontuen zirriborroa aztertu ondoren irregularra den kontzeptu baten berri eman eta salatu nahi dugu.

2012ko aurrekontuetan, diru gastuetan inolako funtziorik izango ez zuen partida bat sortu zuten, hurrengo urtetan partida hori mantendu da eta iazko aurrekontuetan, hau da, 2014an aurkeztu zirenak, 3,8 miloi euroko kantitate bat aurreikusten zen partida horretan bideratuko zena, hau da, Eusko Jaurlaritzak Haurreskolak Partzuergorako bideratutako partida osotik, %8,4a ezin zen gastatu. Partida hau fraudea da, ezin den gastatu diru kopurua da, ez gastatzeko sortuta izan dena. Asmatu izan duten partida hau, ezin izan dena gastatu, zein helburuarekin sortu dute? zer mozorrotzeko?

1.- Aurrekontuak adosteko eta aurrera atera ahal izateko azpijoko politiko bat burutu dute, zenbakiak puztu dituzte, diru hori ez gastatzeko konpromisoarekin. Horrelako aurrekontuak onartu dituzten alderdi politikoen ardura da.

2.- Jendartean eta gure kolektiboan aurrekontuak handitzen zirela irudikatzeko erabili den asmakizun bat da, inongo erabilera praktikoa izan ez duelarik.

LAB sindikatuak, gaur egun ordezkari politikoen arduragabekeria eta utzikeria salatu nahi du.

Haurreskolak Partzuergoak dituen benetako beharrei aurrera egin ordez eta 0-3 zikloan, kalitatean inbertsio errealak egin beharrean, iruzurrak besterik ez dituzte planteatzen. Horiek dira hezkuntzan benetan dituzten nahiak eta interesak?

Aurten, diru partida hori zirriborrotik kendu izan dute, beraz, hurrengo ikasturteari begira Haurreskolak Partzuergoko aurrekontua 41.681.000 eurotan utzi dute. Nola justifikatuko dute murrizketa hau?

Gezurrezko partida honekin argi gelditu da, batetik, diru publikoarekin egiten den erabilera zikina eta, bestetik, gaur egun Eusko Jaurlaritzan dauden arduradun politikoek beraien interesak jendartean dauden beharren gainetik kokatzen dituztela.

Non gehiago egongo ote dira horrelako diru partida tranpak?

Abenduaren 6an esan dezagun ozen INDEPENDENTZIA

admin

-

2014-12-04

0

Abenduaren 6an esan dezagun ozen INDEPENDENTZIA

LAB  sindikatuak  bat  egin  nahi  du  Independentistak  Sareak, independentzia  aldarri,  datorren  abenduaren 6an Durangon deitu duen Martxa Berdearekin. «INDEPENDENTZIA!,  gero eta gehiago, gero eta ozenago» lelopean antolatutako egitarauaren baitan arratsaldeko 18.00etan Landako gunetik abiatuko den  ekimenean parte hartzeko deia egiten diegu LABetik euskal langileei eta herritarrei, orohar.

Independentistak sareak abenduaren 6rako deitu duen independentziaren aldeko egunaren eta Martxa Berdearen aurkezpena egin du gaur goizean Durangon.

Txutxi Ariznabarretak egin du deialdiaren kokapena eta ondoren kultur arloko lagunek hartu dute partea: Itziar Ituño aktoreak kultur sortzaileen ikuspuntutik gaia landuz egin du eszenifikazio bat, ondoren, Paddy Rekalde idazleak Jose Luis Otamediren azken liburuko "Iritsi da eguna" poesia irakurri du, eta Unai Iturriagaren bertsoekin amaitu da aurkezpena.

ABENDUAK 6
INDEPENDENTISTAK SAREAREN DEIALDIA
Independentziaren aldeko eguna eta Martxa Berdea abenduaren 6an Durangon

«Abenduaren 6an gure herriari inposatzen zaion jaiegun espainiar baten aurrean gaude berriro ere. Euskal Herriari bere naziotasuna eta etorkizuna erabakitzeko duen eskubidea ukatzen dion konstituzio arrotza ospatzera behartu nahi gaituzte era iraingarrian. Gure herriaren gehiengoaren borondatearen aurka era antidemokratikoan inposatutako konstituzio espainiarra ospatu arazi nahi digute.

Baina guk abenduaren 6an ez dugu espainiar konstituzioa ospatuko. Guk gure herriaren askatasuna aldarrikatuko dugu. Gure etorkizuna askatasunean eraiki nahi dugula adieraziko dugu. Independentzia aldarrikatuko dugu. Horixe da, gure ustez, inposaketari eta ukazioarai erantzuteko erarik onena.

Abenduaren 6an egun osoko ekimena burutuko dugu Durangon, "Gero eta gehiago, gero eta ozenago, INDEPENDENTZIA!" lemapean. Animazioa eta ikuskizunak izango dira goiz eta eguerdian zehar. Arratsaldeko 18:00etan independentziaren aldeko martxa berdea irtengo da Landako gunetik, berriz toki berera bueltatuko da eta bertan izango da amaiera ekitaldia.

Durangoko Azoka urtero izaten da euskal kulturaren plaza eta, aurten ere, euskal kulturaren erdigunea bilakatuko da azaroaren 5etik 8ra. Duen garrantzia eta esanahia kontutan hartuz, bere filosofia eta ezaugarriekin bat egiten duen ekimena antolatu nahi da. Euskera, kultura eta sormen munduko lagunen eskutik burutuko da eguna, eurak izango dira protagonistak burutuko diren ikuskizun eta animazioetan, eta arratsaldeko martxan.

Kultura gure herriaren etorkizuna eraikitzeko funtsezko zutabeetako bat dela adierazi nahi dute kultur sortzaileak. Euskal Estatuaren eraikuntza materialaren parte direla eta bere ekarpena egiteko nahia eta kompromisoa erakutsi nahi dute abenduaren 6an Durangon.

INDEPENDENTISTAK Sarea
Euskal Herria, 2014ko azaroak 22»

Osakidetzako greba eguna arrakastatsua izaten ari da

Osasungintza

admin

-

2014-12-04

0

Osakidetzako greba eguna arrakastatsua izaten ari da

LABek oso arrakastatsutzat jotzen du Osakidetza osoan gaur burutzen ari den greba. Nahiz eta grebak gaur gaueko 22.00ak arte iraun, ordu hauetan parte hartzearen balorazio oso positiboa egiteko tenorean bagaude. Anbulatorio zein ospitaleetan, erabiltzaile eta langileen erantzuna ezin argiagoa izan da: Osasun publikoa arriskuan dago eta denoi dagokigu bere defentsa.

Gaurko greba, ekaineko manifestazio jendetsuarekin ireki genuen mobilizazio lehenengo fase hau itxi egiten duena, arrakastatsuena izan da, nahiz eta halako mobilizazio eta lanuzte agenda indartsuak dakarren desgastea handia izan.
Bestaldetik, Osakidetzaren jarrera ezin axolagabe eta lotsagabea salatu nahi dugu, berriro ere. Lehenengo eta behin, aurreko lanuzteen minimoen dekretu bera erabiliz, irakurketa maltzurragoa egin dute eta gehiegizkoak ziren minimoak gogortu egin dituzte oraingo honetan. Eta larriena da, Osakidetza populazio gaixoa erabiltzen ari dela greba eskubidea urratzeko eta jendea gure kontrako jartzeko, hain zuzen ere guk osasun arretaren kalitatea defendatzen dugunean. Lan zikin honetan, zuzendaritzak ehunka nagusitxoren laguntza ordainezina dauka, aho eskertuak eta euren postuetan “hatzamarrez” kokatuak, asko eta asko ezta plaza finkorik izan gabeak. Osakidetzaren jarrerak egoera mutur arriskutsuenetara darama eta jakin dezaten gerta litekeen edozein egoeraren gaineko ardura eurena baino ez dela izango.

Osakidetzak negoziazio serio eta osasun sistema bermatzen duten gutxienekoak ezeztatzen jarraitzen badu, urtarriletik aurrera borrokara bueltatuko gara. Eta argi izan dezaten haserre, indar eta jendearen laguntza nahikorik badaukagula osakidetzako gatazka fase gogorrago batera eramateko. Osakidetza ezin da kortijo bat izan, zeinetan ehunka batzuek patrikak betetzen dituzten bitartean, diru eza argudiaturik asistentziaren kalitatea gero eta txarragoa den.

Olentzerok Darpon eta Armentiari ikatza ekarriko diela aurreratu digu. Prest egon daitezela, ez badute jarrera aldatzen, negu benetan gorria izango baitute benetan.

Gaur greba eguna Osakidetzan murrizketen aurka

Donostia

Gaur greba eguna Osakidetzan murrizketen aurka

Osasungintza

admin

-

2014-12-04

0

Gaur greba eguna Osakidetzan murrizketen aurka

Gaur, abenduak 4, Osakidetzako langile guztiak grebara deitu ditugu. Greba honekin ekainean gure osasun zerbitzuetan eman diren murrizketen aurka hasi genuen mobilizazio fase bati bukaera emango diogu. Osakidetzak proposamen errealik egingo ez balu sindikatuok mobilizazioak bultzatzen jarraituko dugu. Gaur hiru hiriburuetan manifestazioak burutuko ditugu eguerdiko 12etan.

Osakidetzako Zuzendaritzak eragindako murrizketa ezberdinek langileak mobilizazio ezberdinak egitera behartu ditu, abenduak 4an mobilizazio fase honi bukaera emango diogu Osakidetza osoko greba orokor batekin.

Sindikatuok galdutako enplegua berreskuratzea eskatzen jarraitzen dugu, lan-kargak murriztea eta soldata eskala bikoitzak desagertzearekin batera. Eskaera hauei Zuzendaritzak mugimendu mediatikoekin bakarrik erantzuten du. 484 plazatako 2014-2105 EPEa hori besterik ez baita, kontuan hartuta enpresa honetan 8.000 behin-behineko langile baino gehiago daudela eta urtero 500etik gora pertsonek hartzen dutela erretiroa. Zuzendaritzak Mahai Sektorialaren bilerarik ere ez du aurreikusten, honek argi erakusten du bere negoziaketa borondate falta.

SATSE, ELA, LAB, SME-FHH, CCOO, UGT eta ESK sindikatuok negoziatzeko borondatea berresten dugu, baita mobilizazioarekiko konpromisoa ere negoziatzeko borondate erreala lortu arte. Horregatik, greba honen ondoren mobilizazioekin jarraituko dugu, beti enplegua lehenesten zerbitzuaren kalitatearekin batera.

Lantokietan bizi den giroak argi erakusten du mobilizazio guztietan hau izango dela arrakastatsuena eta jarraipen honek gure osasun publikoaren balioa aldarrikatzeko indarra ematen digu.

Horregatik guztiarengatik gaurko greban parte-hartzeko deia luzatzen dugu. Greba abenduak 3an hasiko da gaueko 22:00etan eta abenduak 4ko 22:00etan bukatuko da. Hiru hiriburuetan manifestazioak burutuko ditugu eguerdiko 12etan.

LABek Gipuzkoako Foru Aldundiko hauteskunde sindikalak irabazi ditu, ordezkaritza handituz

Uncategorized

admin

-

2014-12-04

0

Atzo, abenduak 3, Gipuzkoa Foru Aldundiko hauteskunde sindikalak ospatu ziren eta LABek lehenengo indarra izateari eutsi ezezik, ordezkaritza handitu du langile laboraletan delegatu bat gehiago lortuz. Bozka kopuruetan ere hazkunde handiena izan duen sindikatua izan gara.

Emaitza hauek lau urteetan egindako lan handiaren emaitza dira. Gure ustez, zerbitzu publikoen eta langileen lan baldintzen alde egindako lana saritu nahi izan dute Aldundiko langileek. Zentzu horretan, gure esker ona adierazi nahi diegu beraien konfidantza guregan jarri dutenei, eta adierazi bertako langile guztien lan eskubideen alde eta gipuzkoarrok kalitateko zerbitzu publiko batzuk izatearen aldeko konpromisoa berresten dugula hemendik aurrera ere.

SINDIKATUA	2010 BOZKAK	2010 ORDEZKARIAK	2014 BOZKAK	2014 ORDEZKARIAK	ALDEA
LAB	312	9	325	10	1
ELA	215	8	222	7	-1
CCOO	195	6	197	6	0
BAZKUNA	152	5	136	5	0
GUZTIRA	874	28	880	28	0

Gipuzkoako metalgintzako hitzarmenen alde Azpeitian izango da bihar LAB

Metalgintza

admin

-

2014-12-03

0

Gipuzkoako metalgintzako hitzarmenen alde Azpeitian izango da bihar LAB

Bihar, hilak 4, LAB sindikatua Azpeitian izango da metalgintzako herrialdeko hitzarmenen defentsan. "Prekarietateari STOP! ADEGI lapurrak, hitzarmenak orain!" lelopean, elkarretaratzea egingo dute sindikatuko herriko plazan arratsaldeko 18:30etan.

Abenduak 10: Euskal Herrian pairatzen ditugun giza eskubide urraketak salatzeko eguna

admin

-

2014-12-03

0

Abenduak 10: Euskal Herrian pairatzen ditugun giza eskubide urraketak salatzeko eguna

Giza Eskubideen Nazioarteko Egunean, abenduak 10, Etxerat elkarteak Zapi Kateak osatuko ditu Baiona, Iruñea eta Gasteizezen. Herri honetan ematen diren Giza Eskubideen urraketak salatzeko, ezagutarazteko, kalean islatzeko. Etxeratek bereizgarri duten zapia heltzera gonbidatu ditu euskal herritarrak eta LABek gonbitea jasoz, bat eginez, euskal langilegoari bertan parte hartzeko deia luzatu nahi dio.

Etxerat elkartearen deialdia
ABENDUAREN 10EAean DISPERTSIOAREN AURKAKO ZAPI KATEAK DEITU DITU ETXERAT ELKARTEAK

«Abenduaren 10ean Giza Eskubideen Nazioarteko Eguna ospatuko da. Indiatik, Irakera, Saharatik Palestinara, Giza Eskubideen Eguna. Egun berezia da Giza Eskubideen eguna hemen gauden guztiontzat. Bereziak, astebururo, uneoro, gure eskubideak eta hainbeste maite ditugun senide eta lagunena, urratuak direlako, sistematikoki. Euskal Herrian, testuinguru politiko berri honetan, oraindik ere, eskubide urraketa sistematikoak ematen ari direlako.

Urte luzeak dirauen gatazka honen zuzeneko biolentzia eta erasoa pairatzen ari garen bakarrak egun gu gara;euskal preso politikoen lagun eta senideentzako ez da garai berririk oraindik. Gure senideak lehen bezain urrun ala lehen baino urrunago daude kasu askotan. Ezagutu berri dugun Alicia Sáenz de Lacuesta presoaren Logroñotik Castellorako trasladoa bezalako mendekuaz ari baikara. Urruntze argi eta garbia.

Guri, astebururo, milaka eta milaka kilometro egitera behartzen gaituzte. Urduritasuna, nekea eta tentsioa dira, horren ondorioz, gure eguneroko ogia. Baina ez hori bakarrik. Larriki eri dauden presoen aurkako espetxe politika krudela eta basatia da, erabateko isolamendu egoerak bere horretan jarraitzen dute, presoen aurkako eraso fisikoak, edota katxeo eta jazarpenak guretzako. Dispertsioaz gain, beste hamaika mendeku. Giza Eskubideen aurkako erasoak; astero, uneoro, sistematikoki. 25 urte hauetan, 16 hildako eragin ditu dispertsioak. Ehunka zauritu, jazotako istripuetan. Aitortzarik inoiz izan ez duten biktimak. Aurten bakarrik, hamar izan dira dispertsioak eragin dituen istripuak. Zein helbururekin? Noren mesedetan? dispertsio politikaren beste biktimarik egongo ez denik, inork ezin ziurta dakiguke… hori da gure errealitate gordina.

Horregatik, hau guztia salatzeko, Giza Eskubideen Nazioarteko Egunean ekimen berri bat abiatuko dugu Abenduaren 10-ean Zapi Kateak osatuko ditugu Baionan, Iruñean eta Gasteizen. Herri honetan ematen diren Giza Eskubideen urraketak salatzeko, ezagutarazteko, kalean islatzeko. Etxeraten bereizgarria den zapia heltzera gonbidatu nahi ditugu euskal herritar oro. Giza eskubideen urraketen aurka dagoen orok zita bat du Gasteizen, Iruñean edo Baionan egingo diren Zapi Kate berezi hauetan.

Senideak, lagunak, ezagunak eta ezezagunak; sortu ditzagun, guztion artean, giza eskubide guztien aldeko zapi kateak. Elkartasunaren kateak. Salaketa eta konpromisoaren kateak. DISPERTSIOAREN AURKAKO ZAPI-KATEAK.

Esan bezala, hiru deialdi luzatu nahi ditugu. Baionan, Renne Cassin, Giza Eskubideen Aldarrikapen Unibertsalaren karta-ren egilea jaio zen etxetik, Baionako Herriko Etxera osatuko dugu zapi katea, arratsaldeko 18.30-etan.

Iruñean, Legebiltzarrean, goizeko 12.00etan.

Gasteizkoa izango da zapi katerik luzeena. Fray Francisco de Vitoria pasealekuan dagoen Espainiako Gobernuko Delegaritzaren aurretik hasi, Ajuria Enea aurretik igaro eta EAEko Legebiltzarreraino iritsiko baita zapi katea.

Hauetan parte hartzera deitzen dugu euskal gizartea. Parte hartu giza eskubideen urraketa etengabekoa dela plazaratzeko. Horregatik, deialdi berezia luzatu nahi diogu euskal gizarteari ekimen berri honetan parte hartzeko. Dispertsioarekin amaitu behar dugulako. Dispertsioa salatu egin behar dugulako. Giza Eskubideen aurkako erasoei amaiera jarri behar diegulako.

Hartu zapiaren beste aldea. Baionan, Iruñean edo Gasteizen.

Ekimen nazional honetan parte hartzera gonbidatu nahi ditugu euskal herritar guztiak.

Eskerrik asko,
Etxerat elkartea»

LABeko delegatuekin solasean

Uncategorized

admin

-

2014-12-03

0

Hauteskunde sindikaletan murgilduta gauden honetan zer hobe delegatuei hitza ematea baino. Silvia Martinez, Diego Roca, Koldo Fernandez de Pinedo, Edurne Lekunberri, jabi Arriola eta Luz Ibañezek delegatuekin izan gara 170. zenbakian.

Silvia Martinez, delegada de LAB en la empresa Ercoreca