ASOCIACIÓN URIBE COSTAko langileak Algortako Telletxe plazan kontzentratu ziren atzo langileen erregularizazioaren alde martxan jarritako kanpainaren baitan. Zuzendaritzaren jarrera salatu nahi izan zuten, negoziaketak apurtzeaz gain, ez baitu enpresa komitea hartzen Urtarriletik.

Langileek askotan aldarrikatu bezala, "asko dira konpontu beharreko arazoak". Elkarte honetako zuzendaritzak, ohiko komunikazioari uko egiteaz gain, langilego osoari muzin egin dio, zilegitasun falta egotziz.

Langileek gaurdaino egindako lanarekin gustora azaldu dira, jendearen parte hartzea eta langileen erantzuna azpimarratuz. Izan ere, borrokaldia hasi zirenetik, ia plantila osoak hartu du parte ekimenetan: asanblada ugari, egunero txartel erreibindikatiboa jantziz (baita gerentziarekin batzen direnean ere), INFOak erabiltzaileen familien artean banatuz, eta deituriko bi mobilizazioetan aktiboki parte hartuz.

{linkr:related;keywords:uribe+costa;limit:5;title:Albiste+gehiago}