Badira hiru urte Euskal Autonomia Erkidegoko Auzitegi Nagusiak zuzendaritza postu jakin batzuk “izendapen librea”-ren bidez aukeratzea legez kontrakotzat jo zuela eta Gizarte Urgazpenerako Foru Erakundea (GUFE-a) “meritu leihaketa” bidez betetzea behartu zuela. Auzitegi honek beraz, LAB-ek aurkeztutako bi helegiteak onartu zituen, hauetan GUFEn dauden zenbait zuzendari postu nahierara egindako izendapen libreen aurka egin genuen.
Gaur egun erakunde hau izendapen librez irregularki egindako beste zuzendari postuak mantentzen ari da. Eta gutxi balitz bezala, batzuek bertan lan egiteko behar beharrezkoak diren baldintzak ez dituzte betetzen (erizain laguntzaile bi eta ordenantza plazadunak, zuzendaritza postuetan). Guzti hau bi sententzia tartean izanda. Lotsagarria!!
2015. urterako lanpostu-hornikuntza deialdia aurreikusita dago, lbi fasetan egingo da eta lanpostu hauek sartuko dira… baina berriz azpijokoz. Hasierako fasean lau buruzagitzarako deialdia izango da, justu lanpostu hauetan lanean eta baldintza guztiak betetzen dituztenak, eta berriz bere neurrira egindako prozesu batez beraien besaulkietan mantentzeko asmoz. Bigarren faserako buruzagitza postu “problematikoak”utzi dituzte: hiru zentru-zuzendari eta hautaketa eta hornikuntza eta administrativo kudeaketarako buruzagitzak.
Egoera honen arduradunak Gerentea eta Pertsonen Saileko Zuzendaritzaren Burua dira, biak EAJ-ko (Getxo eta Durango) estrukturetan kargudunak. Haiek dira beraz, beraien alderdiaren babesarekin, egoera ilegal hau zegoela jakinda mantendu izan dutenak. Eta orain, prozesu garbia egiteko aukera dagoenean, zalantzarik sortu ez dezakeena, larderia beraz jarraitzen dute GUFEa beraien txokoa balitz jokatzen inpunitate osoz.
LAB-ek egoera hau behinbetiko erregularizatzea eta Bizkaiko Foru Aldundiko erakunde honek nepotismoa laguntzen duten eta berdinatasun, meritu eta gaitasun printzipioak bermatzen ez dituen praktika hauek babesteari utz diezaion exigitu egiten du.
