2024-04-17
HomeLan Osasuna IdazkaritzaApirilak 28Apirilak 28. Gure apustua osasungintza publiko eta unibertsala

Apirilak 28. Gure apustua osasungintza publiko eta unibertsala

Aurtengo Apirilaren 28an, Lan Osasun eta Lan Segurtasunaren Nazioarteko egunean, langile klasearen lan baldintzak okertu egin direla salatzen jarraitu behar dugu. Aurtengoan, MUTUALITATEETAN zentratuko du LABek bere salaketa. Interes pribatuen mesedetan mutuen boterea handitzen ari direla salatuko du sindikatuak. "Badugu alternatiba, pribatuaren aurrean gure apustua osasungintza publiko eta unibertsala" lemapean hiriburuetan mobilizazioak egingo ditu LABek. Gasteizko mobilizazioa pasadan ostiralera aurrera zen.

MUTUALITATEEI BOTEREA KENDU!

Mutualitateak irabazi asmorik gabeko enpresari elkarteak dira legearen definizioaren arabera, elkarte hauek Gizarte Segurantzako diru publikoaren kudeaketan laguntzen dute eta botere osoa dute laneko gertakizunetan. Baina PPren azken erreformarekin, PNVren laguntzaz, boterea handitzea lortu dute: gertakizun arruntetan, langile klaseaganako diskriminaziorik gabeko eta horien osasunarekiko gehiegizko kontrola erabiltzen dutelarik.

Baina guzti hau eredu zehatz bati lotuta dago: publikoa denaren deskapitalizazioa interes pribatuaren mesedetan, oinarrizkoa den osasun arloan bada ere. Sistema publikoaren suntsiketa dakarren eredua inposatu nahi digute. Osasunaren eredu pribatua eta ekonomizistarantz garamatzate; eredu honek mutualitateei eman die botere osoa, inolako kontrolik gabe, laneko gaixotasunen erregistroan dagoen iruzurra zigortu gabe. Kudeaketa pribatua, publikoarena baino hobea delakoaren aitzakian; baina, alta goiztiarrek edo eta gaixo diren pertsonen kaleratzeek dakarten kostu soziala ezkutatuz.

Horregatik, gaur, udalaren aurrean eta kontratatu duen Mutuaren aurrean bildu gara. PP eta enpresari elkarte mafioso hauek gauza bera direlako. Baina zoritxarrez, ezinbesteko laguntzak dituzte, EAJ kasu, Madrilen erreformaren aldeko botua emanez.

Orain gutxi sinadura bilketa masibo bat eginez, eta mozio bat aurkeztuz, (EHBILDU eta PSOEk alde bozkatu zuten, PP eta PNV kontran) Gasteizko udaleko langileek adierazi zuten beraien erabateko gaitzespena beraien osasuna enpresa pribatuen negozio bihurtzeari eta beraien desadostasuna aldi baterako ezintasunaren prestazioak kudeatzean, osasunari begiratu baino, mutualitate baten interesei begiratzearekin.

Baina berriro ere, mutuen legearen erreforma inposatu duen Rajoyren agindua betez, Marotoren udal taldeak mespretxatu egin du langileriaren gehiengoaren nahia eta berriro ere langileen osasunaren kudeaketa Mutualiarekin kontratatu du.

LABek eredu publikoaren defentsa egiten du.

Eredu bat berdintzailea, unibertsala, bakarra, erabiltzaileen arretarako oinarrizko eskubideen karta garatuko lukeena, Euskal Herrikoa, prebentzioari begirakoa, parte-hartzailea eta ikerketa bultzatu duena.
Langile klasearen osasuna berezko eskubidetzat onartuko duen eredua, faktore ekonomikoen baldintzetatik libre, eta osasun irizpideak soilik gidatuta.

Zentzu horretan, Gasteizko udalean egin dugun moduan, enpresetan ez dadila mutualitateekin kontratatuko mutuekin gertakizun arrunten kontrola, laneko gertakizunak GSINekin kontratatu daitezen, eta osasun arreta Osasunbidea-Osakidetzak eman dezan eskatuko dugu.

OSASUN SISTEMA PUBLIKO BATEN ALDE
MUTUALITATERIK EZ

 

APIRILAK 28
Apirilak 28 Laneko Segurtasun eta Osasunaren Nazioarteko Eguna

Debemos potenciar la sanidad pública frente a la privada 

ESKUORRIA [EUS] [ES]

 

 
 

 

 

AZKEN ALBISTEAK | ƚLTIMAS NOTICIAS

Oso positiboki baloratzen ditugu baraualdiko hiru egunak eta gaurko greba eguna, eta seriotasuna eskatzen diogu Gizardatzi

Bizkaiko Esku-hartze Sozialeko langileok prest gaude egiten dugun lan publikoaren aitortzaren alde borrokatzeko. Orain arte eginiko baraua eta gaurko greba adibide garbiak dira. Bada, Gizardatzi eta Geroani seriotasuna eskatzen diegu.

Ernaik gazte blokea osatuko du Maiatzaren Leheneko IruƱeko manifestazioan

Ernai gazte antolakundeak gazteentzat bizi baldintza duinak aldarrikatuko ditu Maiatzaren Lehenean, eta bat egingo du LABek deitu duen mobilizazio nazionalarekin. 11:00etan Trinitarios plazatik abiatuko den gazte blokean parte hartzera dei egin diete gazteei. Gazteen mobilizazioak Sarasate pasealekuan egingo du bat LABen manifestazioarekin.

Envases Metalurgicos de Ɓlava enpresan bi langile kaleratu dituzte azken 6 hilabeteetan

Pasa den martxoaren 27an egin zuen Laudioko enpresak azken kaleratzea.