2025-12-24
Blog Page 1152

Josu Uribetxebarria euskal preso politikoa hil da

admin
-
0
Josu Uribetxebarria euskal preso politikoa hil da

LAB sindikatuak dei egiten du espainiar gobernuaren espetxe politika ankerra salatu eta euskal presoen etxeratzearen alde deitutako mobilizazioetan parte hartzera.

Josu Uribetxebarria euskal preso politikoaren heriotzaren aurrean LAB sindikatuak ezer baino lehen besarkada beroa helarazi nahi die Josuren senide eta lagunei.

Euskal presoen eskubideen defentsaren kontrako operazio politiko-poliziala salatuz hasi genuen astea, eta gaur, Uribetxebarriaren heriotzarekin, espainiar zein frantziar Gobernuen espetxe politika ankerra salatuz amaitu behar dugu, euskal presoen giza eskubideak eta bizi baldintzak zuzenki erasotzen jarraitzen baitu.

Euskal presoek pairatzen duten egoera larria are zitalagoa bihurtzen da preso gaixoen kasuan. Gaur bereziki gogoan ditugu guztiak. Dispertsioaren ondorioez gain gaixotasuna behar bezala artatzeko baldintzarik eza pairatzen dute, muturrekoa da haien egoera, eta atzera bueltarik gabeak, egoeraren ondorioak.

LABen irudiko egunotako gertakari guztien atzean arrazoi nagusi bat dago: gatazkaren konponbidea zapuzteko espainiar Gobernuaren seta. Bere zigor eta mendeku grinak ez du mugarik. Normalkuntza politikoko aukera orori atea ixteko eginahalean erabaki politikoak daude, espetxe politika kriminala mantentzearena kasu. Euskal presoak konponbide prozesuaren kontra erabili nahi dituzte. Ez dago herri normalizaturik 500 preso politiko espetxean mantentzen diren bitartean.

Ez dago itxaroterik. Espainiar zein frantziar Gobernuen espetxe politika ankerraren amaiera behartzeko elkartasunetik konpromisoetara pasatu behar dugu. Lehenbailehen preso gaixoak aske eta presoak guztiak etxera bueltan behar ditugu.

LAB sindikatutik dei egiten dugu Uribetxeberria heriotzera eraman duen egoera salatu eta dispertsioarekin amaituz, euskal presoen eskubideen alde antolatuak diren mobilizazioetan parte hartzera.

Eskubide guztien jabe, euskal presoak etxean nahi ditugu eta horren alde lanean jarraituko dugu.
 

 

 

ETBn LABek Miramonen ordekaritza igo eta zentroarteko batzordean gehiengo osoa eskuratu du, lehen aldiz

admin
-
0
ETBn LABek Miramonen ordekaritza igo eta zentroarteko batzordean gehiengo osoa eskuratu du, lehen aldiz

Urtarrilaren 15ean hauteskunde sindikalak egin ziren Euskal Telebistan eta Euskadi Irratian (Radio Euskadin duela bi urte, eta Gasteiz Irratian abenduan izan ziren). Miramonen ordekaritza igo eta zentroarteko batzordean gehiengo osoa eskuratu du, lehen aldiz LABek eta Euskadi Irratian babestuta eta indartuta ateratzen da sindikatuaren proiektua eta jokabide koherentea.

Euskal Telebista

Zentroarteko langile batzordea:

Bilboko eta Miramongo batzordeetako 13 ordezkarik osatuta. Negoziazio kolektiboan eta Telebistari eragiten dioten bestelako negoziazio estrategikoak kudeatzen dituen batzordean LABek gehiengo osoa eskuratu du.

Bilbo:
LABek aurreko ordezkaritza mantentzen du (6), eta ELAk gehiengo osoa lortu du (7), portzentualki %11 eta %19a igoz.

Halere balorazio sendo bat egiteko aldagai ugari dago eta denbora beharko dugu: Ordezkaritza 17tik 13ra, ebentualitatearen jaitsiera, KLB eta CCOO aurkeztu ez izana…

Miramon:
LABek ordezkari bat irabazten du (6), eta ELAk bat jaitsi (3), portzentualki botoen %4a igoz eta %7a jaitsiz hurrenez hurren. Duela zortzi urteko zentsoarekin alderatuta, berdintsuagoa zela (156) LABek irabazten duen aldea 19 botokoa da.

LABen lau urte hauetako lana argi nabaritu da Miramonen, eta indarrak berrituz hartutako konpromisoei eutsiko dion zerrendari babes handia eman diote langileek.

Euskadi Irratian
LABek ordezkari bat gehiago lortzen du (5), eta ELAk bat jaitsi (4), portzentualki botoen %5 igoz eta %26a jaitsiz. Eusko Irratiko hauteskunde sindikaletan plantillaren erregularizazioan LABek eta ELAk egindako apustuak markatuko zituela argi genuen guztiok. Kontutan eduki beharra dago Lanpostuen Deialdi Publikoaren prozesua amaitu gabe dagoela oraindik. Argi gelditu da langileek LABen jokabide zintzo eta koherentea babesten jarraitu dutela, eta ELAren bestelako jokabidea dela zigortu dutena.

LAB beraz oso pozik dago jasotako emaitza guztiekin, eta oso indarberritua eta babestuta sentitzen duela bere burua kanpainan aurkeztutako konpromisoak betetze aldera. Horietako bat gogoratzearren, eta kontutan edukita ETBn gehiengoa dugula, langile batzordeen eta langile batzarren eta borrokak baliatzen jarraituko dugula, inori inongo karnetik eskatu gabe.

Zorionak LAB, zorionak Euskal Telebista eta Euskadi Irratiko langileok!

(*) EITB taldean hauteskunde prozesu gehiago daude:

EITB ente publikoa: LAB ez da aurkezten.
Gasteiz irratia: Abenduan izan ziren.
Radio Euskadi: Duela bi urte egin ziren.
EITBNET: Duela bi urte egin ziren.
 



Iosu: “LABek nigandik proiektu baten parte aktiboa izatea bilatzen du”

Iosu Nafarroako Gobernuko langilea da. Langile publikoen izaera pasiboa irudikatzen dutenen aurrean, zerbitzu publikoen defentsan langileek jokatu beharreko papera aldarrikatzen du. Zerbitzu publikoak guztionak diren heinean, guztion parte hartzea eskatzen dutelarik.

Lourdes: “LAB feminismoaren aldeko lana egiten duen sindikatua da”

Lourdesek zortzi urte daramatza Osakidetzan lanean era behineko batean. Denbora honetan bertako langileek era askotako murrizketak jaso dituztela argi ikusi du; ez hori bakarrik, honek osasun zerbitzuaren eskaintzan izan duen eragina. Egoera honi buelta emateko erreferentzia nagusia LABengan aurkitu du.


Isabel: “Praktika da pertsona bezala definitzen gaituena, eta hortan LAB altxorra da”

Isabel LABeko Nafarroako Administrazioko arduraduna da. Sindikalismoaren inguruan entzun ohi diren topikoak salatu nahi ditu, LABen dihardugun delegatuon lana eta konpromisoa nabarmenduz. Horren erakusgarri nagusia LABeko kideok egunerokoan egiten dugu lana azpimarratu nahi du.

Galder: “Zerbitzu publikoetan ere bertan erabakitzeko eskubidearen alde egiten du LABek”

Galder LABeko Zerbitzu Publikoetako Interbentzio arduraduna da. Azken urteotan zerbitzu publikoetako bilakaera gehien baldintzatu duen aldagaia Madriletik inposatutako neurriak izan dira, bertako arduradun politiko gehienek horiek aplikatu dituztelarik. Horren aurrean, bertan erabakitzeko estrategia eraginkorrak adostearen beharra nabarmentzen du, horretarako LAB indartzea premiazkoa delarik.

 

 

Hepatitis C duten gaixoen itxiladiak LABen lokal sindikaletan jarraitzen du

admin
-
0


 Ahotsa.info

UPNren nahiz oro har Erregimenaren gizatasun eta sentsibilitate sozial falta izugarria erakutsiz, Foruzaingoak Bideko Ama Ospitalean itxitako HepatitisC-dun gaixoak kaleratu egin ditu. Goizean Parlamentuan Gobernuko bozeramaile Sanchez de Muniáinek esan du Ospital batek "segurtasuna, lasaitasuna, isiltasuna eta sosegua" behar duela, arratsaldeko lehen orduan bere Gobernuak itxitakoak kaleratzeko asmoa zuela ezkutatuz.

Lehenik eta behin, deigarria da Gobernua orain Ospitaleko gaixoek behar dituzten baldintza egokiez mintzatzea, hilabetetan zehar gaixo horiei zabor-janaria eman dienean. Ospitaleko Sukaleen aferarekin, Gobernuak entzungor egin zuen gaixoen ehunka erreklamazioen aurrean; itxialdi honekin, aldiz, desalojoa agintzen du, gaixoen inongo kexuren berri eman gabe.

Bigarrenik, Gobernuak jakin beharko luke desalojo bat ez dela bateragarria "segurtasuna, lasaitasuna, isiltasuna eta sosegua" delakoekin. Kontrakoa sortzen du: segurtasun eza, urduritasuna, zarata eta desosegua. Oroitarazi behar zaie Gobernuko arduradunei Pariserako eskatzen den adierazpen askatasun bera bermatu beharra dagoela Iruñean ere.

Hirugarrenik, eta hauxe da garrantzitsuena, Gobernuak ez ditu HepatitisC-dun gaixoen aldarrikapen zilegiak aintzat hartu. Erabat lotsagarria da: Navarra Arena, Nafarroako Ubidea, Urantziako Zirkuitoa eta AHT bezalako burugabekerietan diru publikoa xahutu duen Gobernu berak ez omen du dirurik pertsonen bizitza eta segurtasuna bermatzeko. UPN behingoz Gobernutik kaleratu eta aldaketa sozial nahiz politikoari bidea irekitzea premiazkoa da.

Azkenik, zera jakinarazi nahi dugu: LABek Ospitaleko lokal sindikalak jarri ditu Hepatitis C-dun gaixoen esku utzi du protestarekin aurrera jarrai ahal izan dezaten. Horrela egitea erabaki dute eta jadanik lokal sindikaletan dira, Foruzaingoa kanpoan geratu den bitartean. Osasunbideako langileei nahiz oro har langileriari dei egiten diogu HepatitisC-dun pertsonekiko elkartasun keinuak biderkatzera.

 

 

 

LAB hazten darrai, UGT eta CCOOen gainbeheraren aurrean

admin
-
0
LAB hazten darrai, UGT eta CCOOen gainbeheraren aurrean

Lan Sailak azaroaren 30eko erreferentziarekin argitaratu berri dituen datuek LAB sindikatuaren suspertzea baieztatu dute: berriro ere LABek bere gailur historikoa gainditu du. 2014ko urtarriletik azarora bitartean gainontzeko sindikatuek (ELA, UGT eta CCOO) ordezkariak galdu dituzten bitartean, LABek 21 ordezkari gehiago ditu.

Aipagarria da, bereziki, UGT eta CCOOen gainbehera, hurrenez hurren 83 eta 82 ordezkari galdu baitituzte, 165 osotara. Era honetan, Patronalak era artifizialean elikatutako “gehiengo” sindikala urtzen ari da unetik unera: urtarrilaren 1etik zuten ordezkaritza sindikalaren %54,01tik %52,74ra igaro dira hamaika hilabetetan. Patronalarekin batera egin dituzten hamaika presio, esku hartze eta putxerazoak ez dira nahikoak izan LABi bidea ixteko. Zorionez, gero eta langile gehiagok argi dute klientelismo eta morroitza sindikalarekin apurtzeko garaia dela. Gero eta langile gehiago ari dira bat egiten Nafarroako lantokietan aldaketa sustatzen ari den LAB klase sindikatuarekin. 

Langileen eskubideentzat bermerik onena
Nafarroako langile mugimenduan erreferentziazko lantegia izan den Irunberriko Argalen, LABek jokoan zeuden 8 ordezkariak lortu ditu (bulegoetako 1 bakante geratu da). Duela urte bete, LABek enpresa itunaren aldeko borroka gidatu zuen, honakoak lortuz: lan erreformarekiko blindajea, kontratazio berrien lan baldintzen ekiparazioa eta 34 kontratu mugagabe. Lan baldintzen aldaketa unilateralaren aurrean borroka eredugarria egin zuen beste lantoki bat Mondelez izan zen, Bianako galletera; tailerrean LAB indar bozkatuena bilakatu da. LABen aldeko apustua egin dute masiboki beste enpresa historiko batzuk, esaterako Sarrió Papel (13tik 9) eta Lacteos de Navarra (9tik 7), biak ala biak inguruetako lan baldintza hoberenekin. 

UGT-CCOOren Putxerazoak: Melidako Avícolaren kasua
Nafarroako erdialdeko industria nagusietako batean, Melidako Avícolan, LABek hautagaitza aurkeztu zuen lehen aldiz bai tailerrean baita bulegoetan ere. “Elkarrizketa Soziala”ren holdingak putxerazoa antolatu zuen: enpresak LABeko hautagaiak presionatu eta mehatxatu zituen, UGT eta CCOO hautagai horien errenuntziak eskuratu eta Hauteskunde Mahaian aurkezten zituen bitartean. Putxerazo honek eragin kaltegarria izango du langileon baldintzetan, Enpresak UGT eta CCOOi emandako babesak trukea baitauka: aurrean paratzen dieten edozer sinatzea. Horixe bera gertatu zen Koxkan, non UGT eta CCOOek 191 kaleratuen zerrenda beltza egin eta sinatu ostean, %20ko soldata jaitsiera sinatu eta azkenik enpresa beraren itxiera sinatzen amaitu duten.

https://www.flickr.com/photos/lab-sindikatua/sets/72157649909674630/

 

 

 

 

LABek elkartasuna adierazi die Alemaniako Bremen hirian dagoen Mercedes Benz eko langileei

admin
-
0

Idatzi baten bitartez LABek elkartasuna adierazi die Alemaniako Bremen hiriko Mercedes Benz eko langileei. Langile hauek 2014 urteko bukaeran 4 greba egin zituzten enpresak duen azpikontratazio eta langileen kontratazio ereduaren aurka.

Egun zuzendaritzak langile hauen aurka jazarpena egiten ari da. Itaunketa eta azterketak egiten ari dira greba bultzatu zutenak zeintzu izan ziren jasateko.

Egoera honen haurrean sindikatu desberdinek elkartasun idatziak bidali dituzte, eta bide batez enpresa zuzendaritzari langileen eskubideen aurkako jokabideari amaiera eman diezaien eta IG metall sindikatua alemaniarri langile hauen alde ere egin dezan eskatuz.

 

 

 


HUMAN RIGHTS, PEACE AND RESOLUTION

admin
-
0
HUMAN RIGHTS, PEACE AND RESOLUTION

Yesterday another police operation has meant the detention of 16 people, among them numerous lawyers who exercise their profession representing and defending Basque prisoners, has forced us to go back in time as if everything that has happened in the past years in the Basque Country has been in vain. Yesterday’s raid was totally without cause if we take into account that these were people easily located, that they had put themselves at the disposition of the judge who ordered their arrests and that they carried out their work in the Spanish National Court, in prisons and in offices publicly known. 

Once again, after this police operation we come again to perceive circumstances and elements that give us a glimpse of reasons of a political nature and that make us suspect that the true objective has little or nothing to do with that stated by the Spanish government.

Apart from the direct consequences for those detained, these actions in their reiteration, have trampled once again the fundamental rights and guarantees which must protect all citizens and that, in an authentic democracy, must be assured above interests of another kind. 

The arrests took place at a moment in which the penitentiary policy of the government of Spain is being strongly questioned by ever more extensive political, legal and social spheres. In the measure that the gestures of solidarity are increasing, the state criminalizes them and converts them into a crime. They are generating a growing deslegitimasation for the measures of exception that the government of the PP is insisting on applying against the Basque prisoners suffering dispersion. 

It also took place after this Saturday when tens of thousands of people mobilized against the penitentiary policy. Today the Spanish Supreme Court will decide about the release of numerous persons who have already completed sentences in the French state, and the same day in which the trial began in the Spanish National Court against 35 activists of the Abertzale Left, who, among other things, have been left without lawyers after the arrests. 

These operations directly attack a new political and social situation in which important efforts are being taken to promote and make a reality of peace, freedom and democracy. 

Facing that, we confront a state insisting on the contrary, a government that reinforces strategies that in themselves suppose a violation of human, civil and political rights instead of contributing and assuming responsibilities to clear and consolidate a path that leads to overcoming the conflict and its consequences.

It’s time for this Country to get out of the spiral that pretends to have it tied to the Spanish state, it’s time to look ahead, to commit and take steps to advance towards a future in peace, freedom and democracy. Not everything is right and we are not ready to give away our future to the irresponsible politicians of the Spanish government. The citizens of the Basque Country have already decided that we want to live in peace, democracy and freedom. We’ll make it a reality. We’ll get out of the spiral.

For that the political, social and trade union agents present in this press conference call for a mobilization that next Saturday will take place in Donostia at 5pm from the tunnel of the Antiguo. 

04/08 EPAIKETAREN KIDEOK • ABOKATUAK • AHT ELKARLANA • ALTERNATIBA • ARALAR • BILGUNE FEMINISTA • CGT-LKN EUSKAL HERRIA • CNT • EA •EGIARI ZOR • EHE •EHNE • ELA •ERAIKI ARALAR • ERNAI • ESAIT • ESK • STEILAS • ETXERAT • EZKER GOGOA • GAZTE ABERTZALEAK • GITE-IPES • GOLDATU • HIRU • IKASLE ABERTZALEAK • LAB • LOKARRI • SORTU
 

 

 

Operazio politiko-polizialari operazio sozial baten bidez eman behar diogu erantzuna

admin
-
0
Operazio politiko-polizialari operazio sozial baten bidez eman behar diogu erantzuna

LABek dei egiten die euskal langile eta herritarrei ostiral zein larunbateko mobilizazioetan parte hartzera, asteleheneko operazio poliziala eta haren ondorioak salatzeko.

Ostiralean, elkarretaratzeak egingo dira Euskal Herriko hiriburuetan, 12.00etan Langileok konponbidearen alde lemapean. Bilbon, Udaletxea aurrean, Gasteizen Andre Mari Zuriaren plazan, Donostian Alderdi Ederren, Iruñean Udal plazan eta Baionan Udaletxe aurrean.

Larunbatean, manifestazio nazionala egingo da Donostian Antiguoko tuneletik, 17etan abiatuta Gizaeskubideak, bakea eta konponbidea lemapean.

MOBILIZAZIOAK
Ostirala urtarrilak 16, 12etan
LANGILEOK KONPONBIDEAREN ALDE
ELA, LAB, ESK, STEE-EILAS, EHNE, Hiru, CGT eta CNT
BILBO (Udaletxea), GASTEIZ (VIrgen Blanca), DONOSTIA (Alderdi Eder), IRUÑEA (Udaletxea), BAIONA (Herriko Etxea)

Sábado 17 de enero, 17h
GIZA ESKUBIDEAK, BAKEA eta KONPONBIDEA
Eragilesozial, politiko eta sindikalak
DONOSTIA (Antiguako tunela)

Polizia operazio honekin larunbateko manifestazioari erantzun nahi izan zioten gure ustez. Euskal Preso Politikoak bakarrik, isolaturik eta babesik gabe nahi dituzte. Ez dute lortzen. Berriro ere, milaka euskal herritarren babesa jaso zuten. Iazko gidoi bereko eraso berri batez erantzun dio Estatuak: konponbidea ukatzea eta errepresioa areagotuz auzia oraindik eta gehiago katrapilatzea.

Elkartasuna berriro kriminalizatu nahi izan dute. Presoen eskubideen aldeko borrokarekin konprometitzea gogor zigortzen dute, lagun asko atxilotuz eta borroka honetan inplikatzeko prest gauden guztiak mehatxatuz. Bere harrapakerian ez dute mugarik: Herriak eman duen dirua eraman dute. Giza eskubideen alde borrokatzeko izan behar dena euren gerra estrategia elikatzeko baliatuko dute. Ez da zilegia, konponbideak eraikitzeko aukerak lapurtu nahi dizkigute.

Guk oso argi dugu: Euskal Herriaren kontrako erasoa izan da. Normalkuntza politiko eskenatokia ekidin nahi du Estatuak kosta ahala kosta, badakielako Euskal Herriak bere bidea egingo duela egoera demokratiko batean gure etorkizunaz libre erabaki badezakegu.

Estatu espainolak Euskal Herriaren bake nahiak ito nahi ditu, gure Herriak konponbideruntz egin duen pauso oro blokeatuz eta errepresioaren bidez zapuztuz. Ez dute lortu, sarekada berriari mobilizazio berriekin erantzungo diegu. Eraso antidemokratiko hauek euskal demokrazia eraikitzeko konpromiso eta ekimen politiko gehiago ekarriko dituzte. Hori da gure nahia eta gure konpromisoa.

Guardia Zibilak gure egoitzan ikusi behar izan ditugu berriro ere. Sindikatu batera horrela sartzea, bulegoak eta materiala arakatzea eta altzariak apurtzea erregimen zeharo faxistetako jokabidea da. Ezinezkoa da diru horretan deliturik egotea, larunbatean jaso zen. Zeharka ikutu gaitu operazio honek, baina zuzen zuzenean erasotu gaituztela sentitzen dugu, presoen eskubideekin inplikatu garelako sartu zaizkigulako Guardia Zibilak etxean.

LAB beti egon da euskal preso politikoen ondoan, konpromisoak bereganatzen eta elkartasuna lan munduan zabaltzen. Orain, gaur arte bezala eta inoiz baino gehiago, prestutasun osoa dugu euskal presoak etxeratzeko borrokan laguntzeko. Jasotako elkartasun mezuak, bai Euskal Herritik bertatik, bai eta nazioartetik ere, eskertu nahi ditugu.

Azkenik, ezin gelditu batzuen jarrera arbuiagarria seinalatu barik: Eusko Jaurlaritzak eskandaluzko gertakari honen aurrean emandako erantzuna penagarri da guztiz. Tamaina honetako eraso baten inguruan Gasteizko Gobernuak nahiago du Madrileko gobernuaren leialtasun instituzionalari begiratu, eskubideen urraketari begiratu beharrean; bertako eragileak interpelatu ditu Madrileko gobernuaren jarrera salatu beharrean. Euren bulegoetan itxi dira herritarrekin kalera atera beharrean, eraso hau azkena izan dadin.

Euskal Herriak bere bidea egin behar du, gure etorkizunak libre eta demokratikoki erabaki dezagun. Ez da posible izango ehunka preso politiko espetxeetan sakabanatuak ditugun bitartean. Posible egingo dugu Estatu arrazoiaren gainetik Herriak aurrera egiten badu.

Euskal preso politikoak etxeratzeko ordua da. Lantokietan borrokatzeko ordua da. Eta kaleak hartzeko ordua da. Dei egiten dugu egingo diren mobilizazio ezberdinetan parte hartzera.
 

 

 

LABek ez du Gipuzkoako Garbikuntzako hitzarmenaren aurreakordioa sinatu

admin
-
0

KPIri lotutako soldata igoerarik jasotzen ez duen Gipuzkoako Garbikuntza hitzarmenaren aurreakordioa sinatu da. ELA, UGT, CCOO eta ESK sindikatuek lotu dute aurreakordioa ASPEL patronalarekin. LABek ez du sinatu aipatu aurreakordioa, honetan jasotzen diren soldata igoerek ez dutelako inolako loturarik KPIarekin; horixe izan da patronalaren asmoa negoziazio honi ekin zitzaionetik.

Gipuzkoako Garbikuntza Hitzarmenaren negoziazio mahaian, ELA, UGT, CCOO eta ESK sindikatuek lotu dute aurreakordioa ASPEL patronalarekin.

Aipatu aurreakordioan agertzen diren puntu nagusiak aldez aurretik hitzartu zituzten patronalak eta aipatu sindikatuek: adibidez, bost urteko ultraktibitatea eta soldata erregimena ez aplikatzeko klausula erabiliko balitz, Orpriccera jotzeko, enpresa eta langileen arteko akordioa bete beharko da. Aipatu edukiak LABek eta ELAk deitutako 10 egunetako lanuztearekin bat egin zuten langileek burutu zuten borrokari esker lortu ziren. LAB guztiz bat dator aipatu puntuekin, eta hauetan lortutakoa, LABek lortu du.

Gaurko egunez egin dugun bileran, soldata igoeraz bakarrik eztabaidatu dugu. Sindikatu guztiok egin dugun proposamenean, soldata-igoeren harira, KPIari eutsi behar zaiola aurreikusten da. Patronala gertu zegoen soldata igoerak adosteko, baina beti ere, KPIrekiko loturarik ez balute.

LABek ez du onartu aipatu ezarpena, bai ordea gainerako sindikatuek.

LAB bat dator aurreakordioan hitzartu diren soldata-igoeren zenbatekoarekin (%1ekoa 2015. urterako, %1,2a 2016rako eta %1,4a 2017rako), baina beti ere, hauek KPI-rekiko loturari eutsiko baliote. Helburu horretan hainbat formula proposatu ditu, ASPELek onartu ez dituenak.

LABek irizten du patronala baliatzen ari dela KPIren maila txikiez honen gaineko soldata-proposamenak egiteko, aipatu KPIrekiko edozein lotura etetearen truke. Epe erdiko estrategia hau oso kontuan eduki beharko dugu, etorkizunean egingo diren negoziazioetan oso ondorio kaltegarriak ekarriko dizkigulako KPIren maila handiagoa izango denean eta patronalak esango digunean soldata igoerak KPIrekin duen lotura hautsi zela aurreko hitzarmenetan eta honen eskaintzak oso azpitik egongo direnean. Horrela arituz, soldatak murrizteko oinarriak ezarri nahi ditu bakarrik patronalak.

Lan erreforma abiatu zenetik, LABek esan du gaur egun negoziatzen ari diren hitzarmenetan itunduko denak etorkizunean negoziatuko dena markatuko duela, batik bat, ultraktibitateari, ez-lotzeko klausulari eta soldata igoerei dagokienez. Hori dela eta oso garrantzitsua deritzagu tinko eusteari eta gure hitzarmenak blindatzearen alde borrokatzeari. Bada, ELAk, CCOOk, UGTk eta ESKek sinatu duten aurreakordioak ez du bermatzen soldata igoerek eta KPIak izan behar duten lotura.

Espero, espero genuen CCOOren eta UGTren jarrera, aspaldi patronalaren esaneko direlako, baina harritzen gaitu ELAren jokaerak, nagusiki arrazoi hori erabili dutelako CCOOk eta UGTk sinatu dituzten hitzarmenak kritikatzeko.

Aurreakordioa sinatu ez dugun arren, LABek zoriondu nahi ditu langileak egin duten borrokarengatik, borroka horri esker hitzarmen hau lortu delako. Bide batez, gainontzeko sindikatuak deitzen ditugu hurrengo negoziazioetan borroka gaitezen KPIari lotutako soldata igoerak berreskura ditzagun, patronalak duen asmo nagusienetako bat geraraziz.

 

 

 

LABek Osakidetzan pribatizazioaren aurkako kanpaina abian du

admin
-
0
LABek Osakidetzan pribatizazioaren aurkako kanpaina abian du

“PRIBATIZAZIOAK OSAKIDETZA GAIXOTZEN DU” lemapean eta martxora bitartean, LAB sindikatuak Osakidetzan zabaltzen ari den pribatizazioa eta beronen ondorio larriak salatuko ditu. Kanpaina hiru ataletan oinarrituko da batez ere: aparteko orduak (peonadak) eta itxaron-zerrenden negozioa; azpikontraten erabilera; eta osasun pribatuarekiko akordioak.

Pribatizazioa gutxi batzuen poltsikoentzat da soilik onuragarri diru publikoaren kontura. Baina kontatzen digutenaren aurrean, ez da merkeagorik ezta hoberik ere, kontrakoa baizik. Izan ere, ekimen honen bitartez langile zein erabiltzaileok pribatizazioaren kontra lerrokatu nahi ditugu, osasun sistema publikoa akabatzen ari delako. Ezin ahaztu kudeatzaile on itxuraz mozorrotutako PNV-k berak martxan ipini eta bultzatu egiten duela.
 

 

 
1...1,1511,1521,153...1,583Page 1,152 of 1,583

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus