Pasa den Otsailaren 25ean, LABek delegatuen batzarra burutu zuen Hego Uribe Arratian. Sindikatuaren urteko plangintza aztertu eta eztabadidatzearekin batera Martxoaren 14ko moblizazioaren garrantzia azpimarratu zen. Batzarraren ostean, giza katea egin zuten LABeko delegatuek Basauriko Benta plazatik Udaletxeraino aldaketa sozialaren aldarrikatuz eta Euskal Herriko Karta Sozialaren deialdiarekin bat eginez.
ELA, LAB, CCOO eta UGT sindikatuok deituta greba eguna burutzen ari da gaur Lanbiden. Lanpostu zerrenda eta plazak esleitzeko prozesua bereala erretira dezaten eskatzen dugu eta Toña enplegu sailburu berriari Aburtor utzitako opari pozoitsua alde batera utzi dezala esatzen diogu.
Langile kualifikatuen faltan dagoela Jose Luis Lopez Gil FVEMeko buruak egindako adierazpenak gezurtatzeko eta falta dena lanpostu duinak direla erakusteko, LAB eta Ernaik padadan otsailaren 4an iragarri bezala, eremu ezberdinetako langile kualifikatuen artean bildutako lan eskariak Lan Delegaritzan aurkeztu ditugu.
Asteburu honetan ere, bide berdinetik doazen adierazpenak entzun behar izan ditugu berriz ere patronalaren ahotik. Eta gaur hemen, FVEMen aurrean bildu gara ozen esateko bere burua zuritzen eta gezurretan ari dela.
Ez da egia Bizkaian industrian lan egiteko prestutasuna eta gaitasuna duten pertsonarik ez dagoela. Eta hau egiaztatzen dute aste pare baten bueltan eta Lan Delegaritzan lortutako lan eskariek.
Gazteak, emakumeak zein aurretik industrian aritu eta orain langabezian dauden langileak, industrian lan egiteko prest daudela adierazten dute bildutako lan eskariak. Hori bai, lan hitzarmena bete eta lan baldintza duinak bermatuko dituen lan bat eskaintzekotan.
Hilabeteroko azken ostiralero bezala, LAB sindikatua Euskal Presoen eskubideen alde eta haien etxeratzea eskatzeko elkarretaratzeak burutu ditu. Konpondidearen bidean ezinbestekoa da egungo espetxe politikarekin amaitzea eta dispertsioarekin amaitzea.
LAB sindikatuak bihar, hilak 28, Kontseiluak deitutako “Oztopoen gainetik, euskaraz biziko gara” manifestazioarekin bat egiten du eta euskal langileei bertan parte hartzera deitzen ditu. Oztopoen gainetik, euskaraz lan eta biziko gara.
Euskara ez dago normalizatua euskararen herrian, Euskal Herrian, eta herritar zein langileon hizkuntza eskubideak modu sistematikoan urratzen dira. Ordenamendu juridikoak ez dio euskarari inolako babesik ematen eta, gehienetan, euskararen aurkako erabakiak mozorro juridikoz aurkezten dira.
Euskal herritarrok eta Euskal Herrian gauzatuko den Hizkuntza Politika berri eta eraginkorra erabakitzeko eskubidea dugu! Euskaraz lan eta bizi nahi dugu eta gure bidean urratsak ematen jarraitzea erabaki dugu, oztopoak oztopo.
Hori dela eta, LAB sindikatuak bat egiten du otsailaren 28an, “Oztopoen gainetik, euskaraz biziko gara” lemapean egingo den manifestazioarekin eta euskal langileak bertan parte hartzera deitzen ditu.
Elkarrizketa entzun info7.com-en
Condesako langileak Jaurlaritzan izan dira gaur bizi duten egoerari irtenbidea bilatzeko esku hartu dezala eskatzeko. LAB eta ELA sindikatuok Eusko Jaurlaritzaren jarrera salatu dute, 2 hilabete pasa dira jadanik Industria Sailari bilera eskatu zitzaionetik eta oraindik ez du hitzordurik finkatu.
Ordutik enpresaren aldetik ez dugu inolako erantzunik jaso. Baina zoritxarrez ez da ixilune bakarra. Duela 2 hilabete baino gehiago Eusko Jaurlaritzako Industria Sailari bilera eskatu genion, baita Nafarroako Gobernuari ere, eta zain gaude oraindik. Eusko Jaurlaritzak e-mailez erantzun zigun akordioa ez zutela ezagutzen eta CONDESAren deiaren zain zeudela informazioa jasotzeko. Dirudienez, zain jarraitzen omen dute.
Hori da prozesuaren hasieratik Eusko Jaurlaritzak hartutako jarrera: beraiekin biltzeko trabak jarri, biltzean inolako informaziorik ez eman eta irtenbidea bilatzeko paper aktibo bati muzin egin. Horixe dirudi Eusko Jaurlaritzaren rola, CONDESAko langileon arazoen aurrean, pasibotasuna.
Langileekiko errespetu falta izugarria da, zergen bidez ordaintzen baitiegu. Baina argi utzi digute ez daukatela inolako borondate politikorik herri honetako langileei irtenbideak eskaintzeko. Ez daukate inolako alternatibarik ezta politika industrialik ere. Eta hori, ELA eta LABen ustez benetan larria da.
ELA eta LAB ez gaude prest geldirik egoteko 800 lanpostu baino gehiago eta Euskal Herriko zenbait lantegi garrantzitsu jokoan daudenean. ELAk eta LABek instituzioei, bereziki Eusko Jaurlaritzari, mezu argia helarazi nahi diegu: ez dugu beraien ixiltasuna onartzen. Egoera honi irtenbidea bilatzeko esku hartu behar dute, langileon enplegu eta lan baldintzen defentsa posizio irmoa erakutsiz.
CONDESAko langileok mobilizatzen jarraituko dugu gure lanpostu eta eskubideen bermea lortu arte.
CONDESAko ELA eta LABen Sail sindikalak
Euskal Herrian TTIPari EZ! Kanpainak elkarretaratzea egin du Jyriki Katainen Troikaren kolaboratzailearen bisita salatu eta Euskal Herria politika neoliberalen areagotzea dakarren TTIParen kontra dela azaltzeko.
TTIPak, AEB eta EB arteko itun trasatlantikoak, inongo muga zein kontrolik gabeko merkatu bakarren sorrera helburu du. Honetarako, egun EB zein estatuak neoliberalismoaren aurrekada gelditzeko dauzkaten arau apurrak deuseztuz. Honek, herritarron zein herrion eskubideen murrizketa suposatuko du, ingurugiroan, enpleguan, sektore publikoan, osasungintzan, inbertsioan edo komertzioan are eta egoera larriagoak sortuz, herritarron eskubideen ikuspegitik noski.
TTIPak eskubideen murrizketan oinarritutako politika neoliberalak areagotzea dakar, “austeritatean” ez ezik, EB eta AEBko elite ekonomiko, finantzazio eta politikoen alde egiten duten inbertsioetan oinarritutako politikak hain zuzen ere. TTIPak jasotzen dituen edukiez gain, hitzarmena adosteko erabiltzen ari diren moduak berak ere haren helburua zein den ikusarazten digute: hitzarmena enpresa-jabegoen, transnazional handien eta Troikaren ordezkarien artean ari dira eztabaidatzen. Itzal artean burutzen ari den akordioa, herritarroi bizkarra emanez eta herri-baimenik gabea. Merkatuen eskaerei erantzuteari begira bulego ilunetan sinatutako akordioen bidezko hitzarmena.
TTIPa bera politika antisozial horiek garatzeko tresna den bezalaxe, Juncker Planak, TTIParen aurrekari moduan, aipatu ditugun politika horiei bidea irekiko die. Juncker Planaren oinarri garrantzitsuena sektore pribatua izaki, bertan jasotako neurriak onartu eta aplikatzeak enpleguaren galera, haren prekarizazioa, herri-sektoreen pobretzea eta sektore publikoaren pribatizazio-prozesu handiagoak besterik ez ditu areagotuko. Ingurumenaren babesa jaitsiaraziko du baliabide naturalak inongo kontrolik gabe eta oso teknika arriskutsuekin ustiatzeko aukerari ateak parez pare irekiz. Gainera, osasun- eta elikadura-neurri asko baztertuko ditu elikagaien eta geure osasuna bera ere arriskuan jarriz. Eta zerrenda izugarri luze batekin jarraitu ahal izango genuke.
Troikak, TTIParen zein Juncker Planaren sustatzaile nagusiak, datorren ostegunean Europar Batzordeko gertuko kolaboratzailea, Jyrki Katainen Komisarioa, bidaliko du Bilbora. Katainen Enplegu, Hazkunde, Inbertsio eta Lehiakortasunaren Sustapeneko presidenteordea da, Juncker Plana eta TTIPa oso gertutik jarraitzen duen departamentukoa. Eragile politiko eta instituzioetako ordezkari askok, lehendakaria buru dutela, ongi etorria emango diote presidenteordeari eta haren planari. Gu ordea kalean izango gara, langile eta herri-sektoreek osatzen dugun gehiengoaren eskubideak defendatzen.
Horregatik guztiagatik, “Euskal Herrian TTIPari EZ!” kanpainan parte hartzen dugun eragile sozial, sindikal eta politikoek Katainen presidenteordearen eta hari harrera egingo dioten guztien aurrean elkarretaratzea deitu dugu. Troikaren eta haren inguruan dauden multinazionalek inposatutako politikengatik protestatzen dugu, politika horiek guztiak zentzugabeak baitira, langabezia, pobretzea eta eskubide eta askatasun sozialen zapalkuntza areagotuz. Plan horiek porlana eta adreiluaren alde egiten dute herritarron beharren alde egin beharrean, banku eta konstruktora multimilioidunen alde egiten dute pertsonak eta herriak salbatu beharrean. Plan horiek guztiek gure bizitzak deuseztatu nahi dituzte transnazionalen, politikarien eta bankarien kontu milioidunak are eta aberatsagoak bihurtzeko. Horien guztien aurrean, hemen behean sinatu dugun eragileok inposizio horiek geldiaraztearen beharra aldarrikatzen dugu, gaur zabalduko duten propaganda faltsua erabiliz, gutxi batzuen negozioa gehienon beharren kontura handitu besterik ez baitute bilatzen.
Beraz, herritarrak animatu nahi ditugu protesta honetan parte har dezaten eta martxan jarri dugun dinamikarekin bat egin dezaten. Erabakia gurea da. TTIPik gabeko Euskal Herria askea nahi dugulako. Juncker Planik ez! Troika Kanpora!
Deitzailea: Euskal Herrian TTIPari ez! Kanpaina
EQUO Euskadi, EZKER ANITZA-IU,
EZKERRA, EHBILDU, PM+J, PODEMOS AHAL DUGU, PCE-EPK, Antikapitalistak, Irabazi Bilbao, CCOO Euskadi, CGT Euskadi, CNT Euskadi, EHNE, ELA, ESK, LAB, LSB-USO, STEE-EILAS, UGT Euskadi, Cumbre Social Vasca, Federación Republicanos RPS, Gure Energia, SETEM Hego Haizea, Ekologistak Martxan, AHT Gelditu Elkarlana, Coordinadora ONGD Euskadi, Economistas sin Fronteras, REAS Euskadi, Auditoría de la Deuda Bizkaia, Desazkundea, Askapena, Komite Internazionalistak, Asamblea de Mujeres de Bizkaia, Feministalde, Economía del Bien Común (EBC Euskadi), M15M, Basherriak, Plataforma Afectados por la Hipoteca, Fracking Ez, ATTAC, EKA/OCUV, Ernai, Calcuta Ondoan.
Galder LABeko Zerbitzu Publikoetako Interbentzio arduraduna da. Azken urteotan zerbitzu publikoetako bilakaera gehien baldintzatu duen aldagaia Madriletik inposatutako neurriak izan dira, bertako arduradun politiko gehienek horiek aplikatu dituztelarik. Horren aurrean, bertan erabakitzeko estrategia eraginkorrak adostearen beharra nabarmentzen du, horretarako LAB indartzea premiazkoa delarik.
