2024-04-15
HomeZerbitzu PribatuakAnbulantziakAuzitegi Gorenak Bizkaiko anbulantzien sektorean indarrean dauden hitzarmenen ultraaktibitea onartu du

Auzitegi Gorenak Bizkaiko anbulantzien sektorean indarrean dauden hitzarmenen ultraaktibitea onartu du

Joan den uztailaren 7an LABek hasitako prozedurari buruzko Epaitegi Gorenaren auto jaso genuen. Bertan, Servicio Asistido Médico Urgente S.L. enpresak aurkeztutako helegitea baztertzen da. Hortaz, finkoa da Bilboko lan epaitegiko epaia, 2014ko otsailaren 17an Bizkaiko anbulantzien sektorean indarrean dauden bi hitzarmenen ultraaktibitatea aitortzen zuena.

Hitzarmenetako bat eragin orokorrekoa da Bizkaiko enpresa guztiei ezarri beharrekoa 2006/2007ko iraunaldiarekin. Bestea, eragin mugatukoa, USOk sinatu zuena eta berari atxiki zitzaizkionei soilik ezartzen zaiena eta soilik UTE Ambulancias Bizkaiako enpresei, 2008tik 2012rako indarraldiarekin.

Horrela, UTE honetakoak ez ziren langileak 2007tik hitzarmena izoztuta geratzen ziren, eta baita ere eragin mugatuko itun honek jasoten zituen atzerakadak dela eta atxiki ez zirenak.

LAB sindikatuak, aurkeztutako demandan hitzarmen bien ultraaktibitatearen aitortza eskatzen zuen. Horrela langile guztiei ematen genien estaldura.

Epai honek suposatzen du Ambulancias Bizkaia UTEan, zeinetan 400 langilek bat egiten duten, enpresak adostasunik gabe ezarri zuen %8ko soldata-jaitsiera berreskuratu ahal izatea. Enpresak suposatutzat jo zuen hitzarmena ez zela indarrean egon 2013ko azaro eta abenduan. Hau izan zen LABek 2014-2016 hitzarmen berrian agertzea eskatu zuen puntuetako bat. Bertan %8aren berreskurapena hitzarmen bien ultraaktibitateari buruzko ebazpenei baldintzatzen genuen. Hori dela eta, oso berri ona da langile askorentzat, bere egunean bidegabeki kendu zietena jasoko baitute.

Epai honek atera irekitzen dio Bizkaiko gainontzeko enpresetan erabaki bera errepikatzeari, arazoak eta planteamendua komunak direlako.

 

 

 

AZKEN ALBISTEAK | ĂšLTIMAS NOTICIAS

Guitrans patronalari exijitu diogu blokeoa eteteko

Gipuzkoako salgaien errepide bidezko garraioaren hitzarmena berritu nahi dugu behingoz. 6.000 langile baino gehiagori eragiten dio hitzarmen horrek.

Mecanerren itxiera ekidin eta Euskal Herrian industriaren eta enpleguaren etorkizuna bermatzeko politikak exijitu dizkiegu instituzioei

Urdulizeko automobilgintza lantokiaren jabe den Stellantisek 2023ko irailean jakinarazi zuen enpresa ixteko erabakia, eta orain Enplegu Erregulazio Espedientearen kontsulta epean murgiduta dago Mecaner. Bada, langileek erakutsi dute enpresaren bideragarritasuna eta jarraikortasuna posible direla, eta une erabakior honetan arduradunek esku hartzea premiazkoa da.

0-3 zikloa babestea eskatzeko manifestazioa egin dugu Iruñean

0-3 urtekoen hezkuntza zikloko sindikatu guztiok manifestazioa egin dugu gaur arratsaldean Iruñean, Carlos Gimenok zuzentzen duen Hezkuntza Departamentuari exijitzeko behingoz har dezala ziklo horren ardura, 0-3 zikloa hezkuntza baita. 300 pertsona elkartu dira mobilizazioan.