2025-12-22
Blog Page 1126

Gipuzkoako anbulantzien herrialdeko hitzarmenean gertatzen ari diren etengabeko ez-aplikatze guztiak salatu ditu LABek

admin
-
0
Gipuzkoako anbulantzien herrialdeko hitzarmenean gertatzen ari diren etengabeko ez-aplikatze guztiak salatu ditu LABek

LAB sindikatuak hasiera-hasieratik salatu zuen Estatutuaren araberako Hitzarmen Kolektiboak ez Aplikatzeko Prozedurak Ebazteko Organoa (ORPRICCE) sortu eta ezarri izana, organo horrek, enpresak proposatu dituen ez aplikatzeko neurrien bidez, sindikatuen ordezkaritzarekiko akordio eza desaktibatu nahi duelako, derrigorrezko arbitrajea ezarriz.

Gure sindikatuak etengabe adierazi du ez dagoela ados organo horrekin; horregatik, ez dugu inor izendatu kontseilu horretarako.

LABek ez du, inondik inora, langileen lan baldintzak, inposizioaren bidez, kaskartu nahi dituzten horiek zuritzeko. Ambuibericaren adibidea organo horren benetako helburuaren isla hutsa da. Oraingoan, enpresak organo horrengana jo du, horrela, enpresa honetako langileen lan baldintzei egindako zuzeneko erasoak zuritzeko. Neurri honekin, enpresak, lotsagabeki, soldatak urritzeko eta lanaldi handitzeko erabateko baimena izan nahi du, langileak guztiz babesgabe utziz.

Tamalez, hau ez da adibide bakarra anbulantzietako sektorean. Gipuzkoako anbulantzien probintzia hitzarmena ez dute betetzen aipatu lurraldean diharduten enpresa guztiek eta bakoitzak. Eta Hitzarmen Kolektiboak ez Aplikatzeko Prozedurak Ebazteko Organoa (ORPRICCE), hain zuzen, zuritzen ari da ez-aplikatze guztiak. Organo hori erabiltzen ari dira, anbulantzietako langileak prekarizatuz, bideratzen ari diren neurri guztiak zuritzeko.

Oraingo honetan, salatu nahi ditugu Gipuzkoako anbulantzien herrialdeko hitzarmenean gertatzen ari diren etengabeko ez-aplikatze guztiak. Hitzarmena ez da inongo enpresan betetzen ari; langileak erabat babes gabe geratzen ari dira. Enpresei irmotasunez eskatzen diegu probintzia hitzarmena bete dezatela, eta batez ere, oraingo honetan, Anbuibéricari, enpresa horrek, 2013. urtean, 5.000.000 €-tako cash flow-a sorrarazi baitzuen.

Datu hau kontuan hartuz, ez dugu ulertzen nolatan eska dezakeen enpresak soldatak %14,875ean murriztu behar direla, urteko lanaldia 58 ordutan handitu behar dela, eta horrez gain, gaueko lanaren plusa %6an urritu behar dela eta jaiegunetan lan egiteagatik, plusak 24 €-tan urritu behar direla. Honekin guztiarekin agerikoa da erreformaren ondorio gaiztoa.

Ez dugu onartuko gure eskubideen aurka egin litekeen eraso berririk. Ez ditugu onartuko derrigorrezko arbitraje organoen erabakiak.
 

 

 

LAB reivindica las luchas del pasado y el cambio de futuro

admin
-
0
LAB reivindica las luchas del pasado y el cambio de futuro

La Secretaria General Ainhoa Etxaide y el portavoz para Navarra Igor Arroyo presentaron ayer los actos del Primero de Mayo en Nafarroa. Al igual que en el resto de Euskal Herria, LAB se movilizará en las cabeceras de comarca: Pamplona, Tudela, Lizarra, Tafalla, Altsasu, Bera y Agoitz (todas a las 12:00 menos Tutera y Agoitz media hora más tarde).

ACTOS DEL PRIMERO DE MAYO EN NAFARROA

Igor Arroyo recordo el encierro que, hace cuarenta años, protagonizaron los mineros de Potasas. "Lucharon en condiciones extremas por sus derechos, fueron despedidos y reprimidos, pero gracias a su lucha y a la de toda una generación el Pueblo trabajador conquistó derechos laborales y libertades sindicales. Sin embargo, una parte del sindicalismo, representada por UGT y CCOO, se subió al carro de una transición amañada. Con la firma del Pacto Intersectorial en 1995 se institucionaliza el Diálogo Social como una de las columnas que sostiene el Régimen navarro". 

Arroyo hizo referencia a la Tabla Reivindicativa aprobada por las comisiones obreras en 1974, donde se plantea 40 horas semanales, 30 días de vacaciones, jubilación a los 60 así como la "libertad para decidir sobre la vinculación del pueblo navarro con el resto de los pueblos del Estado español". Según Arroyo, "UGT y CCOO dejaron a un lado esta tabla reivindicativa y firmaron en 1995 la paz social con la Patronal. La Patronal, con la paz social en una mano, con la otra declaró la guerra a la clase trabajadora: subcontratación, precariedad, dobles escalas, privatizaciones". Sin embargo, las luchas de la última década han logrado minar el Régimen y abrir una oportunidad al cambio. "El cambio se abre paso también en lo sindical", afirma Arroyo, "LAB está en máximos históricos mientras que UGT y CCOO consechan el peor resultado desde los 80: no suman más que el 48% de los votos y en los Comités de Empresa no llegan a la mitad de la representación sindical". 

Por su parte, Ainhoa Etxaide resaltó la necesidad de "reinventar" el sindicalismo. "Partiendo de la tradición de lucha como la de Potasas, necesitamos repensar el sindicato para ser agente determinante en los retos del futuro". Tras cumplir 40 años de recorrido, LAB está realizando una reflexión estratégica para ello. 

Sobre la actualidad, Etxaide denunció que el supuesto crecimiento económico se traduce en crecimiento de beneficios a costa de la clase trabajadora. "Es necesario luchar con cuatro objetivos principales: 1200 euros de salario mínimo, 35 horas de jornada semanal, servicios públicos universales y acceso a la vivienda garantizado. Hay riqueza suficiente para ello, lo que hace falta son decisiones políticas". En este sentido, la Secretaría General de LAB resaltó la importancia de conseguir una mayoría parlamentaria proclive al cambio en las elecciones de mayo. "Es necesario un cambio en las instituciones, pero la garantía del cambio real reside en la movilización sindical y popular".
 

 

Manifestazio nazionala ekainaren 13an AHTren kontra

admin
-
0
Manifestazio nazionala ekainaren 13an AHTren kontra

Eragile sozial eta sindikalek Abiadura Handiko Trenaren proiektua geldi dadin eskatzeko manifestazioa deitu dugu datorren ekainaren 13rako Donostian, "AHT Gelditu Orain! ¡Parad ek TAV ahora!" lelopean arratsaldeko 17:30ean irtengo da Alderdi Ederretik. Deiatzaileek AHTaren kontrako manifestua aurkeztu dute eta bertara atxikitzeko deia luzatu die era guztietako talde eta elkarteei.

AHT GELDITU ORAIN! MANIFESTUA
Xahuketa gehiago ez! Herritarrok erabaki!



«8 urte igaro dira Abiadura Handiko Trena (AHT) egiteko lanak hasi zirenetik. Ordutik hona mito bat erortzen ikusi dugu. Urte hauetan zehar agerian gelditu da AHT ez dela bideragarria eta ez dakarrela inongo onurarik gizartearentzako. Porrot egin du proiektu honek, milioiak xahutzen dituena eta oinarrizko beharrizan sozialetara bideratu beharko liratekeen partidak murriztu beharra dakarrena, kalte itzela eraginez gizarte, ekonomia eta ingurumen arloetan.

Proiektu hau inposatu nahian ari direnek ez digute esaten zenbat diru gastatu duten orain arte eta ez dakite zenbat gehiago beharko den aurrerantzean, ezta noiz amaituko dituzten lanak ere. Gero eta zalantza gehiago Euskal Herrian sekula eginiko inbertsio handienaren gainean, bultzatzaile burugogorrei errealitatea ikusten uzten ez diena: Paris eta Madrilekin loturarik ez dauka eta, gainera, Bilbo, Gasteiz eta Donostia artean aurrikusitako denborak gero eta handiagoak dira, autoen edo autobusen ia parean egoteraino. Maila bereko zentzugabekeria ikusi dezakegu Nafarroan, inondik inora ez doan AHTa eraikitzen ari baitira, Aragoirekin eta EAErekin loturarik ez duena.

Estrategikotzat saldu nahi izan diguten proiektu honi errealitatea gailendu zaio. Eraikuntza lanek ekarri behar omen zuen bultzada ekonomiko handia ez du inork ere ikusi, hango eta hemengo alderdi politikoetako lagun minak diren eraikuntza enpresario handiek izan ezik, poltsikoak ondo bete dituztenak, gero eta maizago azaleratzen diren ustelkeria kasuak lekuko. Prekarietatea eta lan istripuak AHTko lanetan ari diren langileen eguneroko ogia dira, beraietako gehienak azpikontraten eskuetan harrapatuta, lan eta segurtasun baldintza negargarrietan, honez gero 7 hildako eragin dituztenak.

Diru-xahuketa honen erantzuleek, EAJ-PNV, UPN-PP eta PSE-PSN-PSOE, ez daukate inongo arazorik urtero aurrekontuen zati handi bat obra honetara bideratzeko. Badakite diru hori maileguan eskatu behar dela eta gero eta zor handiagoa pilatzen dutela eskuetan dituzten gobernuen gainean. Aldi berean, gainera, esaten digute ez dagoela dirurik gizarte zerbitzuetarako eta kultura edo ekonomiako bestelako arloetarako.

Politika honek oso ondorio larriak dakartza eta are larriagoak izango dira ez badugu erokeria hau geldiarazten: zenbat eta gehiago itxaron proiektu hau geldiarazteko, ezbehar ekologikoa are handiagoa izango da eta galera ekonomikoak eta ondorio sozialak are sakonagoak. Ondorio guzti horiek gure seme-alabek ere ordainduko dituzte, AHT erabiltzeko aukerarik izan gabe gainera. Izan ere, mantenu gastuak ordaindu ahal izateko txartelei jarri beharko zaizkien prezioak oso gutxik ordaindu ahal izango dituzte. Hor daukagu, adibide gisa, Bartzelona eta Paris lotzen dituen AVEa, kiebran dagoena aurrikusitako bidaiari kopurura hurbildu ere ez delako egiten.
Egoera hau ikusita, adierazpen hau sinatzen dugun herritar eta elkarteek ondorengoa exigitzen dugu:

1.- Berehala AHTko lanak geldiarazi ditzatela.

2.- Proiektu arranditsu honi bideratzen zaizkion diru-partidak erabili daitezela une honetan jendarteak dituen benetazko premiei: osasuna, hezkuntza, etxebizitza, gizarte-zerbitzuak… euro bat gehiago ere ez AHTrako!

3.- Ireki dadila eztabaida tekniko, sozial eta politikoa azpiegitura honen inguruan, herritarren partehartze, informazio eta erabakitze prozesu batekin batera, guztion artean erabaki dezagun zer egin proiektu honekin.

Era berean, deia luzatzen diegu herritar eta elkarte guztiei bat egin dezaten ekainaren 13an Donostian helburu honekin egingo dugun nazio-manifestazioarekin.

DEIALDIAK:
– Maiatzak 30, MENDI MARTXA ATXONDON goizeko 10etan eta ekitaldia arratsaldeko 5etan

– Ekainak 13, MANIFESTAZIO nazionala DONOSTIAN, 5’30ean Alderdi Ederretik abiatuta

MANIFESTUARI ATXIKIMENDU BILKETA. Sostenguak honako helbidera bidaltzea eskatzen da:
ahttavgeldituorain@gmail.com

DEITZAILEAK
AHT Gelditu! Elkarlana, Mugitu!, Fracking EZ, Ekologistak Martxan, Eguzki, LAB, STEE-EILAS, ESK, EHNE, CNT, Euskadiko CGT/LKN, HIRU, Berriotxoak, Duintasuna, Euskal Herriko Bilgune Feminista, Ernai, Ikasle Abertzaleak, Gazte Abertzaleak, Komite Internazionalistak, Askapena, EHE, KEM-MOC, Sare Anti-Faxista, EH Sozialista, Ruti-Distri, ATTAC, Mutriku Kultur Taldea, ETA GEHIAGO…

 

MANIFESTUARI ATXIKIMENDU BILKETA. Sostenguak honako helbidera bidaltzea eskatzen da: 
ahttavgeldituorain@gmail.com
 

 

Bilboko Udaleko lorezaintzaren mantenuaren kontratazio pleguak inpugnatzeko nahikoa arrazoi dagoela deritzo LABek

admin
-
0

EH Bilduko udal taldeak inpugnazioa jarri dio Bilboko Udalaren Lorezaintza eta Lorategien Mantenu-Zerbitzurako kontratazio berriaren pleguari. Horren berri izan ondoren eta inpugnazioa aztertu ondoren, egun esleipena duen enpresako (UTE Bilboko Lorategiak –FCC-Elai Zerbitzuak) LABeko atal sindikalak adierazi nahi du nahikoa datu eta baldintza dagoela aipatu inpugnazioa egiteko.

Egungo esleipenduna sartu zenetik (UTE Bilboko Lorategiak, FCC-Elai Zerbitzuak) elementu gutxienez deigarriak mantendu dira, enpresaren egiturari dagokionez, euren zuzendaritza atalari eta langileen gutxitzea, zuzendarien kontratuak izkutatzea, guztiz ilegala den kontua azken hau, baldintza-pleguak ez betetzea…

Aipatu kontratako langileen ia lanpostu guztiak amortizatu dira (delineatzaile bat eta kaleko 4 langile) arrazoi ezberdinengatik baja eman dutenak enpresan (heriotza, ezintasun oso edo absolututa…). Aldiz lan kontratu berri bi egin zaizkie enpresa bietako zuzendaritzakide-ohiei, urtean 130.000 eurotik gorako kostea dutenak. Guzti hori diru publikoaren kontura hori arrazoitua egon gabe, lanpostu teknikoak duela urte askotatik nahikoa ondo estalita baitaude beharrezko titulazio eta ezagutzak dituzten langileen bidez.

“Zerbitzu-buru” edo “Arduradun orokorraren” kontratazio berri hauek, enpresa-batzrodeari “kontrata-buru” edo “produkzio-buru” bezala aurkezten zaizkigunak, ez datoz bat Hitzarmen Kolektiboko kategoriekin eta beldur gara hauetako inoiz ezin dela “teknikari” moduan kontratatu. Hau da, ematen du FCC eta Elai Zerbitzuak-en enpresa gastuak murriztearen beharra baino ez dagoela bilbotar guztion diruen kaltetan.

Enpresa batzordeari ez zaio aipatu kontratuen oinarrizko kopiarik helarazi lan ikuskaritzak horrela eskatu duen arren, azken aldiz 2014ko uztailean. Honek eskatzen zuen, zigor-mehatzuarekin, berehala kontratuen kopia emateko. Garu da eguna ez zaigula kontratuen kopiarik eman eta Udalak berak baldintzen-pleguan onartzen ditu existitzen ez diren kategoriak eta euren beharra islatzen du. Horrela, FCC eta Elai Zerbitzuak-ek irregulartasun larri hau onartu duela ematen du. Zergatik?

Instituzioetan ordezkatzen gaituzten alderdi politikoen egitekoetako bat da, zalantzarik gabe, kontratu publiko eta esleipenen kontrola… are gehiago bizi garen momentu honetan, diru asmoa duten erabilera okerren erabilera pertsonalen adibidez beteak, diru publikoaren desbideratzeak…murrizketa eta sozial eta laboralak eguneko ogia direnean. Hortaz, Udalean dauden alderdiei eskertzen diegu euren kontrol-lana kontratu publiko, esleipen, etab.etan.

Espero dugun ekimen hau baliagarria izatea esleipen publikoak hobetzen laguntzeko, esleipen berrirako baldintzen pleguari dagozkionen antzerako irregulartasunen inguruan arreta deituz. Era berean, espero dugu Bilboko Udalak jarduera hauei buruzko erantzun azkar, argi eta zehatza ematea eta anomalía larri hauek konpontzea.
 

 

 

LAB eta ELAk Condesaren bideragarritasunaz jakitun langileen enpleguen defentsan jarraituko dute

admin
-
0
LAB eta ELAk Condesaren bideragarritasunaz jakitun langileen enpleguen defentsan jarraituko dute

Arabako Condesa Taldeko bi lantokiak lanik gabe eta EREan daude. Urtarrilaren 15erako hartzekodunen konkurtsoa ekidin zezakeen akordioa sinatuta egon behar zuen enpresaren arabera, eta egun oraindik ez dago berririk. Condesa Taldeko LAB eta ELAk informazio falta salatu dute eta gaurtik, hilak 30, akordio sinatu ahal izateko azken eguna, berririk jaso ezean instituzioetara joko dutela iragarri dute.

CONDESA TALDEKO LAB eta ELAren PRENTSAURREKOAREN EDUKIAK
2015/04/29

«Gaur, berriro ere, Condesa Taldeko ELA eta LAB sindikatuak zuengana jotzen dugu, egun, ze egoeratan aurkitzen garen jakinarazteko nahiz datozen asteetarako antolatu diren ekimen berriak iragartzeko. Gogorarazi nahi dugu Condesa Taldeak lau lan zentro dauzkala Euskal Herrian, 2 Legution, bat Lesakan eta beste bat Berriobeitin. Orotara, 800 langile baino gehiagok lan egiten dugu.

Ondo dakizuen bezala, Condesa Taldeak pasa den azaroan iragarri zuen akordioa erdietsia zuela hartzekodun nagusiekin, alegia, Bankarekin eta Arcelo Mittal enpresarekin. Akordio honi esker, hartzekodunen konkurtsoa ekiditen zen. Akordio honek Taldeari beharrezko finantziazioa eta lehen gaia bermatzen zituen. Beraz, Taldeari egonkortasuna eta bideragarritasuna emango zion. Enpresaren arabera, akordioak joan den urtarrilaren 15erako iada sinatuta egon behar zuen.

Dagoeneko, hilabete batzuk pasa dira akordioa sinatu gabe, eta CONDESAren esanetan, bihar, apirilak 30, sinatu ahal izateko, azkeneko eguna izango da.

Bada, gaur, apirilak 29, akordio hau sinatu gabe jarraitzen dugu. Akordiaren edukia ezagutu gabe jarraitzen dugu. Condesako langileok dakigun gauza bakarra da, duela hilabete dezentetik, Arabako bi lantokiak lanik gabe eta EREan gaudela. Ez dago plan industrialik. Ez digu inork enpresaren etorkizunaz informatzen. Ez da igartzen zuzendaritza dagoenik, ezta estrategiarik ere. Eta egoera honetan daramagu urtebete baino gehiago. Bai, oso kezkatuta gaude Condesako etorkizunaz eta, ulertuko duzuenez, kezkatuta egoteko arrazoiak soberan ditugu.

Condesak ez digu inongo informaziorik ematen, ezta EAEko eta Nafarroako gobernuek ere. Eskatutako bilerak ukatzen dizkigute eta euren ixiltasuna eta mespretxua besterik ez ditugu jasotzen. 800 langile baino gehiagoko lantokiaren etorkizuna axola ez zaiela dirudi. Enpresaren jarrera hau, Eusko Jaurlaritza zein Nafarroako gobernuaren babesak ahalbidetzen du. Azken batean, hauek gauza bera egiten dutelako. Guztiz onartezina da. Langileok ez ditugu holako erakundeak merezi.

Baina ELA eta LABek ez dugu etsiko, gure etorkizuna defendatzeko prest gaude. Gure enpresaren egoera ezagutzea gure eskubidea da, kosta ala kosta. Berriro diogu: gure enpresaren egoera ezagutzea ESKUBIDE bat da, ez ordea luxu bat. Argi izan, bai Condesa zein EAEko eta Nafarroako gobernuak.

Honengatik guztiarengatik, hilabete hauetan zehar mobilizatu gara eta hainbat erakundeetan mozioak aurkeztu ditugu, gure egoeraren inguruan zenbait konpromiso har ditzaten, tartean Condesak egungo egoeraren berri eman dezan eta gure etorkizuna argitzeko. Honakoa da mozioek eduki duten erantzuna:

– Gasteizko Udalean: udalbatzan onartu zen BILDUren aldeko bozkekin. PP, PNV eta PSE abstenitu egin ziren. Azken bi alderdi hauek emendakin bat aurkeztu zuten, gurekin adostu gabe, baina ez zen aurrera atera.
– Legutioko Udalean: mozioa erabateko adostasunez onartu zen, PNVren aldeko bozkak barne.
– Lesaka eta Arantzako udaletan: erabateko adostasunez onartu dira.
– Etxalarko udalean: gehiengoz onartua.

Honek eman digun indarrarekin, Condesako bideragarritasuna, nahiz langile guztien enplegua eta lan baldintzak defendatzeko mobilizazioekin jarraituko dugu.

Hori dela eta, bihar, apirilak 30, CONDESAk berririk emango ez balu:

– Eusko Jaurlaritzari zein Nafarroako gobernuari bilera bana eskatuko diegu. Eta hauen aurrean mobilizatuko gara kasu egin arte.

– Mozioak aurrera atera diren udal eta erakundeekin harremanetan jarriko gara, enpresarekin egindako gestioak eta emaitzak ezagutzeko.

– EAEko eta Nafarroako parlamentuetara eramango dugu gure aldarria. Gure egoera herritarron ordezkariei helarazteko, konpromisoak bere gain hartzeko eta Condesako zuzendaritzak egungo egoeraz eta enpresaren etorkizuna bermatzeko ematen ari den urratsez bertan informa dezan.

– Ez ditugu bestelako mobilizazioak baztertzen.

Hau guztia lortzeko, langileen babesa eta laguntza bilatuko dugu. DENON ARTEAN LORTUKO DUGU!!!»

 

 

 

Sukalde eta garbitzaileen kolektiboan sistematikoki ordezkapenak ez direla betetzen salatu du LABek

admin
-
0
Sukalde eta garbitzaileen kolektiboan sistematikoki ordezkapenak ez direla betetzen salatu du LABek

LAB Jaurlaritzaren aurrean izan da Sukalde eta garbitzaileen kolektiboan sistematikoki ordezkapenak ez direla betetzen salatzeko eta zerbitzu publikoen garapena exijituz. 
 

 

 

6 kaleratze Arriaundi enpresan, horietako 5 LABeko afiliatuak

admin
-
0
6 kaleratze Arriaundi enpresan, horietako 5 LABeko afiliatuak

Aste bete igaro da 6 langile kaleratu zituztenetik, horietatik 5 LABeko afiliatuak dira, eta ARRAUNDIko enpresaren albisterik ez dugu. LABen kontrako jazarpen sindikala denbora asko daramagu salatzen Arriaundi enpresan; soldaten jaitsierari ezetz esan genion momentutik (eta enpresak CCOO eta ELAkin batera onartutakoa), jazarpen hori bortitzagoa bihurtu da LABeko afiliatuekiko Javier Urrutia gerentea eta bazkideen partetik.

Jazarpen horren ondorio larriena, kaleratzeetan, lanpostu suntsiketan bihurtu da. LABek lan postuak mantentzeko alternatibak aurkezteko gaitasuna eduki arren, ez digute utzi. Enpresak ez digu utzi ezer planteatzen. Eta bertan ordezkaritza duten gainerako sindikatuek ez dute ezer planteatu, ez dira saiatu ere egin lanpostuen defentsan zer edo zer egiten.

Langileak beraien soldatak eskatzeagatik, beraien oporrak eskatzeagatik, enpresaren mehatxu eta inposaketa bortitzaren aurrean, bakarrik beraien eskubideak defendatzeagatik zuzendaritzak kaleratu egin ditu LABeko afiliatuak.

Mehatxuak, irainak edota “hemen dago eskubideak eskatzen dituen potro jotzailea” bezalako esaldiak ez gaituzte kokilduko langileen lanpostu eta eskubideen defentsan borroka egiteko.

Maiatzaren bat gertu dagoelarik, LABek kalera irtengo dau orain arte urten dan bezala eta egunero Andra Mari portikoan elkarretaratzeak egongo dira 12,30tatik 13,00ak arte eta maiatzaren 1ean gure berronarpenaren aldarrikatzea Durangoko kaleetara eramango dogu.

Ez gaituzue ikusi gure eta aurrean eukiko gaituzue.
 

 

 

#RanaPlaza gogoan Emakumeen Mundu Martxako ekintza Bilbon

admin
-
0
#RanaPlaza gogoan Emakumeen Mundu Martxako ekintza Bilbon

Euskal Herriko Emakumeen Mundu Martxak deituta kalera atera dira Bilbon, 2013an Bangladeshko ehungintza fabrika batean gertatu zen sarraskia gogora ekartzeko. 1.000 emakumetik gora hil ziren Rana plazan zegoen lantegian eraikina langileen gainera jausi ostean. Emakumeen Mundu Martxak salatu du “prekarietatea eta esplotazioa” direla heriotza hauen eragileak eta sistema kapitalista eta heteropatriarkala sustengatzen duten estatu eta botere guneak, berriz, erantzule zuzenak.
 

 

 

Maiatzaren Lehenean langileok kalera!

admin
-
0
Maiatzaren Lehenean langileok kalera!
Lerro hauen bidez LAB sindikatutik Maiatzaren Lehenean kalera irteteko gonbitea luzatu nahi dizuegu. "LANGILEOK BORROKAN, Euskal Herria aldaketa bidean" lelopean aurtengoan borrokan diren langileen protagonismoa eta ekarpena aitortu eta aldarrikatuko dugu. 

Euskal Herria aldaketa bidean da langileon borrokari esker.  Munduko militantziarik onenarekin, eta milaka euskal langile borrokalariren indarrarekin, lortuko dugu.

MAIATZAREN LEHENEAN DENOK KALERA!


MAIATZAREN LEHENEKO EKIMENEN AGENDA

LAB sindikatuak Maiatzaren Leheneko mobilizazioak eskualdeka egingo ditu aurtengoan ere. "LANGILEOK BORROKAN, Euskal Herria aldaketa bidean" lelopean 25 mobilizazio ezberdin burutuko dira Euskal Herriko zazpi herrialdeetan.
 

ENTZUN GAITZATELA OZEN!  #M1LangileokBorrokan
Entzun gaitzatela argi eta garbi Maiatzaren Lehenean. Lagundu gaitzazu egunak emango duenaren jarraipena egiten zuen aportazioen bitartez.

Bidali zuen argazki, bideo, kronikak… LAB sindikatuaren webgunera eta txertatu #M1LangileokBorrokan "hashtag"a sare sozialetan.
Nora eta nola bidali

 
MAIATZAREN LEHENEAN LANGILEOK KALERA!
Langileok erabaki Euskal Herriak erabaki dezan 

 
1...1,1251,1261,127...1,582Page 1,126 of 1,582

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus