| Page 1073

LABek inplikazioa exijitzen die instituzioei sektore honetako prekarietatea eragozteko

Ekintza Soziala

admin

-

2015-12-02

LABek inplikazioa exijitzen die instituzioei sektore honetako prekarietatea eragozteko

Gaur, abenduak 3, Desgaitasuna duten Pertsonen Nazioarteko Egunaren harira LABek elkarretaratzea egin du kolektibo honek pairatzen duen prekarietatea salatzeko. Horrez gain baldintza duinetan lan egiteko eskubidea aldarrikatu dugu eta sufritzen dugun egoera ekiditeko neurriak hartzeko exigitu diegu Instituzioei.

Ez da nahikoa Zentro Berezien inaugurazioetara joatea eta adierazpenak egitea, gaitasun desberdinak dituzten pertsonak eta bertan lanean ari direnak prekarietatea eta soldata baxuak jasaten dituztenean. Ordua da instituzioak inplika daitezen, benetan.

Konbentzituta gaude horrela nahi bada eta beharrezkoa ahaleginak egiten badira pertsona hauek duintasunez iris daitezkeela lan-merkatura eta horretarako, instituzioek kontuan izan behar dute, euren obra edo zerbitzu askotarako pleguan ateratzen dituztenean, euretariko batzuk pertsona hauentzako gorde behar dituztela.

Iaz ere LABek mobilizazioak egin behar izan zituen enpresaren batean kolektibo honek zuen egoerarengatik, instituzioen esku-hartzea eskatu genuen eta kontuan dituzten klausula sozialen ezarreraren bidez pausoren bat eman den arren, egun bizi duten prekarietateari ekitea ere falta da.

Gaur abenduaren 3a Nazioarteko Eguna da baina euren lan eta ahaleginak eguneroko inplikazioaren beharra dauka. Eguneroko inplikazioarena gaitasun ezberdinak dituzten pertsonen kolektibo honek lanerako sarbide duina izan dezan, soldata nahikoarekin eta prekarietatearen zamarik gabe.

Jarduera egokien bidezko babesa ez da nahikoa, konpromisoak behar dituzte instituzioen aldetik errealitatea beste bat izan dadin eta errotik alda dadin. Horregatik LABetik lanean ari gara eta jarraituko dugu egunik egun mobilizatzen jarraituz kolektibo honek merezi duen arreta izan dezan.

Horregatik LABetik gaur gaitasun ezberdinak dituzten pertsonek duten enplegu duinerako eskubidea aldarrikatzen dugu, eta egun sektorean bizi duten prekarietatea ekiditekoa. Horregatik dei egiten diegu instituzioei dagokien moduan eskuhar dezatela euren eskariak aintzat hartuz.

Langabeziak behera egiten du prekarietatearen igoeraren kontura

Ekintza Soziala

admin

-

2015-12-02

0

Enplegu Ministerioak zabaldutako informazioaren arabera, azaroan errejistratutako langabezia 193.811 pertsonatakoa izan da Hego Euskal Herrian. Hauetariko erdiak baino gehiago emakumezkoak dira, %54,2 zehazki.

Azaroa beti izan da hilabete ona langabezia murrizteko. Hobetzen ez dena enpleguaren kalitate kezkagarria da. Lan-merkatuaren bilakaera ikuspegi luzeagoarekin aztertuz, konprobatzen du langabeziak erreforma eta prekarietatearen kontura jaisten dela. Ezegonkortasun handiagoa dakar honek, laneko eskubide gutxiago eta soldata baxuagoak, azken batean, esplotazio handiagoa.

Hego Euskal Herriko kontratazioari dagokionez, nabarmendu behar da azaroan sinatutako kontratuen %93,5 aldi baterako izan zela. Baina hau ez da datu koiunturala. Hilabete bat falta da urte bukatzeko, urtarriletik hona sinatutako kontratuen %93,6 aldi baterako izan da eta ia %39 lanaldi partzialekoak.

Gainera, aldi baterako kontratuen erdiak hilabetea baino iraupen apalagoa du, aldi baterako kontratazioaren beste heren batek zehaztu gabeko iraupena duen bitartean. Datu hauek erakusten digute laneko errotazioa hartzen duen eskandaluzko neurria, eta honek lan-baldintza eta istripuetan dakartzaten ondorio garratzak sumatzea ahalbidetzen du.

Zentzu honetan, gure ustez zabor-enplegua sortzea pobreziako soldatekin, ezin da inolaz kontsideratu politika ekonomiko eta egindako erreformen arrakasta.

Azkenik, arreta deitu nahi dugu langabeziagatiko babesaren beherakada larriarengatik. Izan ere, egun langabezian dauden hiru lagunetatik bi ez du langabeziagatiko inolako prestaziorik jasotzen. Prestazioen jasotzaile gehiago dago, baina erregistratutako langabezia kopuruetatik kanpo daude, hortaz, estaldura tasa kalkulatzerakoan ere ez dira “langabezian dauden prestazioen jasotzaileak”.

Hego Euskal Herriko langabeziagatiko prestazioen jasotzaileak
2015eko urria	Gizonak	Emakumeak	Guztira
Jasotzaileak guztira (SEPE)	–	–	80.944
Langabezian dauden jasotzaileak	32.953	32.368	65.321
Jasotako langabezia	89.810	106.785	196.595
Langabeziak eta prestaziorik gabe daudenak	56.857	74.417	131.274
Doitutako estaldura tasa	36,7%	30,3%	33,2%

Iturria: elaborado por LABek egina Lanbide, Nafarroako Enplegu Zerbitzua eta SEPEko informazioen arabera.

Gasteiz, 2015eko abenduak 2

Esplotaziorik gabeko Euskal Herria eraikitzera goaz

Euskal Herria

admin

-

2015-12-02

0

Esplotaziorik gabeko Euskal Herria eraikitzera goaz

ERNAI eta LABen elkarlanaz herriz herri eta lantokiz lantoki borrokak pizteko eta esplotazioarik gabeko Euskal Herriaren erakuntzan aurrera egiteko gazteen prekarietatearekin amaitzeko aldarrikapen taula adostu eta publiko egin dugu gaur Bilbon. Prekarietateari aurre egin behar diogu, eta horretarako denok gara beharrezko. Euskal Herrian lan eta bizi nahi dugulako, etorkizuna irabazteko dugulako, batu borrokara!

Aldarrikapen taula [PDF]
Gazteontzako lan eskubideen gida [PDF]
Guía de derechos laborales para jóvenes [PDF]

Gaur Bilbora Luis de Guindos Espainiako ekonomia ministroa etorri da “hazkundeaz” hitz egitera. Berarekin batera, beste hainbat borrero batuko dira, bapo bazkaldu eta etorkizunean aberastasunak gora egingo duela esanez amaituko dute bilera- antzerkia.

Bai, aberastasunak gora egingo du, baina ez langileon eta herri sektoreon aberastasunak, baizik eta bera eta bera bezalako enparau esplotatzaileena. Gu guztion miseria areagotuz beteko dituzte putre hauek beraien boltsikoak, gu guztion prekarietatean sakonduz handitzen dituzte haien mozkinak.

Gazteon egoera bereziki larria da. Aldi baterako kontratuak, langabezia, kanpora enplegua lortzeko emigrazio behartua, lan praktiketako baldintza eskasak… Gehienetan kontraturik gabe, segurtasun neurririk gabe eta soldata miserableekin.

Baina nazkatu gara! Gazteok ez gaude prest inposatu nahi diguten egoera onartzeko. Esplotaziorik gabeko espazioak irabazteko borrokari ekingo diogu, argi dugulako ezer ez digutela oparituko eta soilik borrokaz eta gure arteko elkartasunez lortuko dugula lapurtu nahi digutena: etorkizun duina izatea.

Etorkizuna da beraz jokoan duguna, eta horretarako ERNAI eta LAB-en elkarlanaz aldarrikapen taula adostu eta publiko egin dugu. Borrokarako tresna izango den taula, esplotaziorik gabeko Euskal Herria lortzeko borroka tresna. Gure eskubideak defendatzeko tresna.

Prekarietateari aurre egin behar diogu, eta horretarako denok gara beharrezko. Euskal Herrian lan eta bizi nahi dugulako, etorkizuna irabazteko dugulako, batu borrokara!

EAEko Hezkuntza Sailak arriskuen prebentzioa murriztu du

Irakaskuntza

admin

-

2015-12-01

0

LABek EAEko Hezkuntza Sailak 2016. urterako egin dituen aurrekontuak aztertu ditu, arriskuen prebentzioari dagokionez. Honen bidez salatzen dugu langileen zaintzara eta laguntza psikologikora xedatzen den partida murriztu dela. LAB kezkatu egiten du, atal honetan, %50eko murrizketa egin izanak.

Gertakari honek baieztatu egiten digu Urkullu buru duen Gobernuaren Hezkuntza Sailak, langileen osasunari dagokionez, zein den egin duen benetako hautua. Behin eta berriz salatu dugu, 27.000 langileez osaturiko talde honetan, arrisku psikosozialen egoerak izugarri kezkatzen gaituen gaia dela, hauetako gehienei ez zaielako arrisku psikosozialen ebaluaziorik egin.

LABek salatu du ez dagoela horretarako baliabiderik: EAE osoan zehar sakabanatuta dauden ehunka ikastetxetan diharduten 27.000 langileez arduratzeko teknikari psikosozial bakarra dago.

Langile hauetako asko prekarietate egoeran diharduten (baliabide eza, denbora eza, ikasleen premia bereziak artatzeko gabezia, etab) behin-behineko irakasleak dira. Askotan, etxetik abiatu eta kilometro asko egin behar izaten dituzte lanaldi murriztuak betetzeko, eta horrela puntuatu ahal izateko.

Beste alorretan, adibidez, sukaldeetako eta garbiketako langileen artean, eginkizunak eta betekizunak zehaztu gabe izateak estres egoerak eragiten ditu, eta horrek hamaika ika-mika dakartza berekin. Sailak eta Mutualia Mutualitateak hauen lan-jatorria ukatzen dute, eta norberaren gatazkatzat edo arazotzat jotzen dituzte.

Ez dezagun ahantz langile-kopurua murrizteak, hezkuntza berezian adibidez, lan-karga fisiko eta mentala handiagoa izatea ekarri duela, eta “burned out” egoerak sortu dituela ere.

Hau guztia arrisku psikosozialen arriskuak, hedabide guztietan, gainditzeke dagoen ikasgai gisa salatzen ari den unean gertatzen da. Frogatu da, medikuaren bajak eragiteaz gain, herri-diruaren xahutze garrantzitsua dakarrela.
Izatez, ekar ditzagun gogora Angel Toña sailburuak, Laneko Segurtasun eta Osasunerako Europako Agentziak egin zuen Goi-bileran esan zuena: “laneko segurtasunak eta osasunak “bere biziko garrantzia du” Eusko Jaurlaritzarentzat”.

Adierazpen hauek eta Lakuako gobernuaren Hezkuntza Sailak darabilen prebentzio dinamikak ez dute zerikusirik, eta izatekotan, zerikusi txikia dute.

Galdetzeke dago adierazpen horiek, prebentzioaren bidez, laguntzak eta subentzioak handi ditzaketen enpresa pribatuei esleitzen zaizkien bakarrik. Esleitu, mutualitateak gehiago finantzatzeko esleitzen dira (adibidez, Mutualia, Fremap, Asepeyo..).

Horren adierazgarri, aurten, 2015. urtean, Hezkuntza Sailak, arriskuen prebentzioari dagokionez, 300.000 eurotako aurrekontutik, guztira, 231.960 euro kanpora bideratu ditu.

LABen ustez, diru hori baliabide, langile eta bitarteko gehiago izango lituzkeen prebentzio zerbitzua handitzeko esleitu behar da, egiazko eta kalitateko prebentzioa gara dadin, eta sortuko diren lanpostuetan lanak inor gaixotu ez dezan. Kalitate txarreko prebentzioa ere prekarietatea da.

Langileen eskubideen alde Bankarako Euskal Hitzarmena orain

Banka

admin

-

2015-12-01

0

Langileen eskubideen alde Bankarako Euskal Hitzarmena orain

CIG, Intersindical CSC, ELA eta LAB kalean izan gara gaur AEBk Bankarako proposatzen duen hitzarmenak murrizketak eta prekarietatea dakartzaka salatu eta langileen eskubideak defentsarako Bankarako Hitzarmen propioak (Euskal Herrirako, Galiziarako eta Kalataluiniarako) exijitzeko.

CIG, Intersindical CSC, ELA eta LABen irakurketa
BANKAKO XXIII. HITZARMEN KOLEKTIBOA

AEB-K NAHI DUEN HITZARMENAK MURRIZKETAK ETA PREKARIETATEA DAKARTZA. EZ DIEGU UTZI BEHAR

BANKA HITZARMENAK EUSKAL HERRIRAKO, GALIZIARAKO ETA KATALUNIARAKO

Sindikatu dei-egileok argi erakusten dugu gure desadostasuna Banka Hitzarmenaren “negoziazioa” eramateko moduarekin.

Izan ere, ez gaude ados HAINBESTE URTEZ ETA HAIN KOSTATA LORTU DITUGUN ESKUBIDEAK EBASTEAREKIN.

EZ DIEGU UTZI BEHAR guri etekin-ordainsariak OSTEN, EZTA ERE ANTZINATASUNA, opor-poltsa, gure herrietako jai nagusiak, zerbitzu-eginkizunetako prestazioak… EZ DIEGU UTZI BEHAR lan- kategoria berriak eta soldata ASKOZ TXIKIAGOEKIN EZARTZEN, MUGIKORTASUN GEOGRAFIKOA ZABALTZEN… besteak beste.

Hori guztia bidegabea eta onartezina da, ETA BANKAKO LANGILEOK AURRRE EGIN BEHAR DIEGU.

Ezin dugu onartu badaukaguna kentzea, edo sektorearen lan-baldintzak zeharo hondatzea datozen lankideentzat. Hurrengo lankideek gureak baino lan-baldintza askoz txarragoak izango badituzte, egungoko gureak ere beherantz joateko mehatxupean geratuko dira, eta gure lanpostuak arriskuan. Ez gaude batere ados estatuko sindikatuekin. CCOO eta UGT hasita daude uko egiten, gure lan- eskubideak defendatzeko borroka bertan behera utziz. Aretoetako eredu sindikal horrek kalte handia egin dio langileriari.

Guk, Euskal Herriko, Galiziako eta Kataluniako sindikatuok, egiaztatu dugu estatu-negoziazioaren bidez eskubideei uko egiten zaiela, eta gure esparruan negoziatzeko eskubidea –guk erabili nahi dugun eskubidea– kentzen zaigula. Gu sinetsita gaude negoziazio hurbilago batek emaitza hobeak emango zituela, eta gainera, subiranotasun-eskubideaz baliatze praktikoa izango zela.

BANKA HITZARMEN KOLEKTIBO ZUZEN BATEN ALDE:MURRIZKETARIK GABE ETA SOLDATA-ESKALA BIKOITZIK GABE.

NEGOZIAZIO-ESPARRU BANA EUSKAL HERRIRAKO, GALIZIARAKO ETA KATALUNIARAKO.

Arabako Gizartegintzako langileek greba egunak egingo dituzte zor zaiena jaso ezean

Zerbitzu Soziokomunitarioa

admin

-

2015-12-01

0

Arabako Gizartegintzako langileek greba egunak egingo dituzte zor zaiena jaso ezean

2014ko abenduan Arabako Gizartegintzaren I hitzarmena sinatu zen. Hilabeteak joan, hilabeteak etorri, eta zerbitzu publikoak behar bezala finantzatzeko eginbeharra ez da oraindik burutu, sindikatuek herri erakundeei behin eta berriz gogoratu arren. Orain dela ia urtebete sinatu bazen ere, angileek ez dute kobratu hitzarmenak aitortzen diena.

Joan de ostegunean langileen sektore batzarra egin zen eta mobilizazo ezberdinak burutuko dituztela erabaki zuten. Aurreko asteartean lehenengoa egin zuten eta gaur, abenduak 1 bigarrena. Datorren abenduaren 15erako beste deialdia egin dute eta Gizartegintza Hitzarmenean aitortzen zaizkigun soldatak kobratzeko finantzaketa adina egon ezean, greba deialdia egingo dutela iragarri dute arazo horren peko zerbitzu publikoetan Gabon gauean, Eguberri egunean, Gabon zaharrean eta Urte berriko egunean.

ARABAKO GIZARTEGINTZA
ELA, CCOO, LAB, ESK eta UGT sindikatuon oharra

2014ko abenduaren 30ean Arabako Gizartegintzaren I. Hitzarmena sinatu zen, eta 2015eko otsailaren 11n argitaratu zen ALHAO/BOTHAn. Diru-ondorioak, aldiz, 2015eko urtarrilaren 1etik izan ditu.

Ordutik hona hitzarmenaren aplikazioa oso mugatua izan da; batez ere, finantzaketa publikoa eskasa izan delako, soldatak eguneratu ahal izateko, eta hitzarmenean jasotako jarduera-plusak ordaindu ahal izateko.

Hitzarmenaren eraginpeko langileen %95etik gora Gasteizko Udalaren, Arabako Aldundiaren eta Eusko Jaurlaritzaren menpeko gizarte-zerbitzu publikoetan lan egiten dugu.

Hilabeteak joan, hilabeteak etorri, eta zerbitzu publikoak behar bezala finantzatzeko eginbeharra ez da oraindik burutu, sindikatuek herri-erakundeei behin eta berriz gogoratu arren. Eta langileok ez dugu kobratu hitzarmenak aitortzen diguna, orain dela ia urtebete sinatu bazen ere.

Joan den astelehenean Gizarte Zerbitzuen ahaldunak esan zigunez, hitzarmen honen eraginpean dauden eta Administrazio horren menpean dauden zerbitzuak egokiro finantzatzeko erabakia harturik dago. Lan-arloko eginbeharrak bete ahal izatearren, zerbitzu publikoak daramatzaten elkarte eta enpresa kudeatzaileen aldeko likidezia-igorpenak berehala gauzatuko zirela adierazi zigun. Baina oraindik ez da gauzatu, eta gogoratzen diogu aldundiari finantzaketa hori PREMIAZKOA dela, eta gainera nahikoa izan behar dela. Ezin zaie profesionalei kategoria jaitsi, kostuak merketzeko asmoz. Finantzaketa berehala iritsi ezean, edo nahikoa izan ezean, orduan guk ondorioz jokatu beharko dugu.

Gainera, Gasteizko Udalaren eta Eusko Jaurlaritzaren aldetik, ezta onartu ere ez dute egin, 2015eko urtarrilaren 1eko hitzarmenaren eraginpeko zerbitzuak finantzatzeko eginbeharra. Bitxia da bahe desberdina erabiltzea, hiru erakundeak alderdi politiko beraren esku daudela.
Udaleko arlo horretako zinegotziarekin izandako bileretan ez dugu konpromisorik lortu, Udalari 2015. urtean dagozkion eginbeharrak betetzeko.

EZ DA ITXURAZKOA beste aldera begiratzea. Horregatik, joan den ostegunean langileen sektore-batzarrrean onartu genuen bezala, mobilizazio-segida bati ekingo diogu, eta gaurko elkarretaratze hau lehena izan da.

Hiru erakundeen aurrean egingo ditugu manifestazioak abenduaren 1ean eta 15ean, eta Gizartegintza Hitzarmenean aitortzen zaizkigun soldatak kobratzeko finantzaketa adina egon ezean, greba-deia egingo dugu arazo horren peko zerbitzu publikoetan Gabon gauean, Eguberri egunean, Gabon zaharrean eta Urte Berriko egunean.

Bankan ere hitzarmen propioaren alde

Banka

admin

-

2015-12-01

0

CIG, Intersindical CSC, ELA eta LAB kalean izango gara gaur AEBk murrizketa gehiago eta prekarietatea dakartzan Bankarako proposatzen duen hitzarmena salatzeko. Banka Hitzarmenaren "negoziazioa" eramateko moduarekin ez gaude ados eta langileen eskubideen alde Banka hitzarmen propioak (Euskal Herrirako, Galiziarako eta Kalataluiniarako) exijitzen ditugu.