2024-04-16
HomeIndustriaMetalgintzaLangileek aurreardioa lortu dute CEMOSAn, borrokak merezi du!

Langileek aurreardioa lortu dute CEMOSAn, borrokak merezi du!


Atxondoko CEMOSA (Celulosas Moldeadas) enpresako langileek aurreakordioa lortu dute enpresarekin. LABek gehiengoa duen CEMOSA enpresako langileak (LAB-4, CSIF-3, ELA-1, UGT-1) greba mugagabean zeuden pasa den azaroaren 23tik. CEMOSAN greba Lan Hitzarmenaren negoziazioaren baitan hasi zuten langileek, hitzarmen duin bat eskatzeko. Aldarrikapen nagusia prekarietatearen kontrako neurriak hartzea izan izan zen eta lortutako aurreakordioan hainbat konpromiso jasotzea lortu dute. 

Pasa den ostiral gauerdian, langile ordezkariek eta enpresako zuzendaritzak hitzezko aurreakordio bat erdietsi zuten. Aurreakordio horretan, prekarietatearekin kontrako eta enpleguaren aldeko hainbat konpromiso jaso dira:

• ABLE eta azpikontratazioak mugatzea. 

• Lan-poltsa bat eratzea.

• Baja luzeak, eszedentziak etab.en ordezkapena CEMOSAko kontratuekin egitea.

• 20 langile baino gehiagori kontratu finkoa egitea. 

• Amiantoarekin, hipoakusia aukerekin, eta baldintza termo-higieniko kaxkarretan lan egin izan duten langileekiko Osalanen protokoloak beteko dira. 

• Langile kategoriak eratzea, langileen arteko bidegabeko ezberdintasunak kentzeko.

• Soldata igoerak KPIarekin lotura dutenak. 

Aurreakordioa oso ona dela iruditzen zaigu, baina erredakzioa ez dago guztiz itxita. 

Hortaz, larunbateko batzarrean langileek adostu dutena da, greba momentuz bertan behera uztea, akordioaren erredakzio definitiboa adosten den arte. Hortaz, langileak lanean hasi dira jadanik. Idatzitakoan hitzez adostutakoa jasotzen bada, greba behin betiko utzi eta akordioa sinatuko dugu. Planteamendu honek 118 langileren baiezko bozka jaso zituen, eta 8 langileren kontrakoa. 

LABentzat, borroka eredugarria eraman dute aurrera CEMOSAko langileek. Sekulako elkartasuna erakutsi dute, prekarietate egoeran zeuden langileekiko elkartasun greba izan delako. 

Guretzat, CEMOSAkoa bezalako adibideek, prekarietatea enpresetan borrokatzeko aukera badagoela erakusten dute, eta langileen batasuna eta konpromisoa lortzen denean, helburuak lor daitezkeela. 

  

 

 

AZKEN ALBISTEAK | ÚLTIMAS NOTICIAS

Mobilizazioekin hasi gara Aulasa enpresan, hitzarmen duin baten alde

Oletako metalgintza lantegiko beharginek duela ia urte erdi abiatu zituzten negoziazioak erabat blokeatuta dauzka enpresak.

Correos kondenatu dute langile bati kalte moralak egiteagatik #LortuDugu

Gasteizko Lan Arloko 3. zenbakiko Epaitegiak 1.500 euro ordaintzera kondenatu du Sociedad Estatal Correos y Telégrafos SA. Lehen aldiz kondenatu dute enpresa hau kalte moralengatik, langile bati ospitaleratzerik gabeko ebakuntza kirurgikoagatiko baimena ukatzeagatik.

Gautenaren Urdinduz Martxa Solidarioarekin bat egin genuen atzo, hitzarmen duinaren garrantzia nabarmenduz

Apirilaren 14an, Gautenako komunitateak Autismoaren Espektroaren Nahasmendua (TEA) kontzientziatzeko eta ikusarazteko martxa solidarioa egin zuen, Urdinduz. Jai giroan, Gautenako langileen batzordeak bat egin zuen ekimen horrekin.