2025-12-23
Blog Page 1062

Udalak interpelatzen jarraituko dugu Etxez Etxeko Laguntza Zerbitzuan hobekuntzak lortzeko

admin
-
0

Atzo, hilak 28, bigarrenez elkartu da Bizkaiko etxez-etxeko laguntza zerbitzuaren hitzarmen kolektiboa negoziatzen ari den mahaia. Zerbitzu hau udalen eskuduntza da eta ekimen pribatuak kudeatzen du. Aldez aurretik patronalari bi proposamen igorri bazaizkio ere ez ditu haintzat hartu. LAB ez da geldirik egongo eta zerbitzuaren titularrak direnak, udalak alegia, interpelatuz jarraituko du.

Aldez aurretik, sindikatuek bi plataforma igorri zizkioten patronalari. Horietako bat CCOOena, eta bestea ELA, LAB eta UGT sindikatuena. Bigarren hauek osatzen dute mahaiaren gehiengoa.

Patronalaren bozeramaile batek ez ditu plataformak aintzat hartu eta Bizkaian ematen den etxez-etxeko laguntza zerbitzuaaren sektorea aztertzera mugatu da. Hark esan duenez, udalek azken 5 urteotan eskaini dituzten orduak, %20an baino gehiagotan urritu dira. LAB bat dator azterketarekin eta %25ean kokatzen du murrizketa. Honez gain, ordu bakoitzari dagokion tarifa izoztu egin da, edo gutxitu. Enpresek argudiatzen dute zailtasunak dituztela zerbitzuak eragin kostuak estaltzeko.

LAB sindikatuaren ustez, erabateko arduragabetasunez jokatzen ari dira zaintzaren krisialdiko egoera honetan. Ohiko oinarrizko jarduerei aurre egiteko zailtasunez diharduten pertsonen eskaria gero eta handiagoa da orain. Horrela soilik uler daiteke egoera, biztanleriak dituen premien aurkako jendarteko politikak babesten eta ezartzen dituztenen logika erabiliz.

Honek elkar loturik dauden bi egoera sortzen ditu. Arretari dagokionez, gero eta jende gehiagori urritu zaio babes maila. Lanorduak berriz, urritu egiten dira, eta zerbitzuaren kalitatea ere bai. Lanorduak urritu arren, eginkizun gehiago betetzen dira lanaldian. Horren ondorioz, herritarren babesgabetasuna handitu egiten da, langile kopuruari eta kalitateari dagokionez.

Lan arloari dagokionez, aspalditik oinarrizko zerbitzua betetzen ari direnak, etxeko laguntzaileak, ia guztiak emakumeak dira eta, urtez urte, enplegua eta lan eskubideak galdu dituzte, behin-behinekotasuna jasan dute, kaleratzeak bizi izan dituzte, lanaldi partzialetan lan egin behar izan dute, soldatak izoztu zaizkie eta zerbitzuaren prestazioa erabat desarautu dela nozitu dute.

LAB sindikatua egoeraz egiten duen analisian berresten da eta sektoreko langileekin batera, sindikatu legez egiten ari den dinamikan zerbitzuaren titularrak direnak, udalak alegia, interpelatuz jarraituko du. Batetik, sinadurak bilduz eta bestetik udaletan mozioak aurkeztuz, lan egindako orduak berma daitezen eta lan baldintzak hobetu. Horrela, funtsezko zerbitzu hau behar dutenei eskaini behar zaien laguntza hobetzea nahiko genuke.
 

 

 


Arcelor Mittalen 1.000 langile baino gehiagoren etorkizuna dago jokoan

admin
-
0

LABek larunbat honetarako Sestaon Arcelor Mittal Sestao enpresako langile batzordeak deitutako manifestaziora joateko deialdia egiten die langileei. Manifestazioa 12:00etan abiatuko da, Kasko plazatik. 

Lantokiaren etorkizuna jokoan dagoen honetan, gogoratu nahi dugu zuzeneko langileez gain, askoz gehiago direla kaltetuak, bai azpikontratatutako langileak, bai Arcelor Mittal Sestaorentzat lana egiten duten hornitzaileetako langileak. Guztira, 1.000 langile baino gehiagoren etorkizuna dago jokoan. Kolpe latza krisiak gogor zigortutako Ezkerraldearentzat.

Txantaia eta mehatxua erabiltzen duten multinazionalen aurrean, ezin gara haien menpean dauden instituzioen zain gelditu. Soilik herritarren mobilizazio eta borrokak lor dezake multinazionalaren txantaia ez gailentzea, herritarrak, gizarte osoa delako kaltetua.

Sestaon bizi den egoera, altzairugintza sektorean bizi den egoera larriaren adibide bat gehiago da. Herritarrak mobilizatzeko garaia da Euskal Herriko altzairugintza baitago jokoan.
 

 

 

Gurutzetako ospitaleko langileen borrokak ospitaleko sukaldearen pribatizazioa geldiarazi du

admin
-
0
Gurutzetako ospitaleko langileen borrokak ospitaleko sukaldearen pribatizazioa geldiarazi du


Gurutzetako ospitaleko sukaldeko langileen borrokak, ospitaleko gainontzeko langileek lagunduta, Ezkerraldea-Enkarterri-Gurutzeta ESIko gerentziak sukalderako “hornitzaile bakarra” izeneko sistema kontratatzeko zeukan asmoa bertan behera uztera behartu du. Aipaturiko sistema hau, bertan behera geratu dena, gaur gaurkoz primeran funtzionatzen duen sukalde erabat publikoa pribatizatzeko lehenengo urrats bezala ulertu behar dugu.

LABek, beste sindikatu batzuekin batera hartu du parte borrokan eta langileen gaitasuna, grina eta iniziatiba txalotu nahi ditu. Izan ere, Osakidetzan gero eta azkarrago zabaltzen ari den pribatizazioaren kontrako garaipen garbia da Gurutzetan gertatu dena, batez ere lentzeria, sukaldeak, garbiketa eta mantentze zerbitzuetan. Gurutzetako sukaldeko garaipenak argi adierazten du mobilizazioa eta borrokak soilik berma dezaketela kalitatezko osasun publikoa.

Gurutzetako Ospitaleko ESK, ELA, UGT, CCOO eta LABen oharra

Gurutzetako Ospitaleko zuzendaritzak bertan behera utzi du sukaldeko elikagaien horniketaren pribatizazioa

2016ko urtarrilaren 26an Gurutzetako Ospitaleko Zuzendaritzak atzera egin du ospitalearen sukaldearen zati bat pribatizatzeko bere asmoan. Zuzendaritzak bere webgunean ebazpen bat argitaratu du, bertan, elikagaien horniketan hornitzaile bakarra zehazteko prozesuan atzera egiten du.

Bi aste intentsotan zehar sukaldeko langileak eta ESK, ELA, UGT, CCOO eta LAB sindikatuek presio neurriak erabili ditugu sukaldearen etorkizuna eta hospital honetako janariaren kalitatea bermatzeko.

Konbentzituta gaude ez zegoela pribatizatzeko arrazoirik, hainbat esparrutatik onartu baita Gurutzetako ospitaleko sukaldearen kalitate altua eta koste apala. Eredu honek asebetetze-maila handia dauka erabiltzaileen artean eta ikerketa batek ere babesten du. Azken honek ondorioztatzen du Osakidetzako ospitalerik garestienak pribatizatuta daudenak direla eta honezkero hornitzaile bakarraren sistema hartu dutenak.

Gure borrokaren helburua zen irabazi asmoak baino mugitzen ez duen enpresa pribatu bat sartzea galeraztea. Eredu honekin lan egiten duten Osakidetzako beste zentru batzuetan dugun esperientzaren arabera, modu bakarra dago aipatutako irabazia lortzeko, kalitate txarragoko produktuak erosiz eta menu txikiagoak jarriz.

Honen adibide bat Nafarroako ospitaleetako sukaldeen pribatizazioan dugu. Meditarrenea de Catering enpresari azpikontratatu zitzaion bertan. Nafarroako Comptos Ganberak, Nafarraoko sektore publikoa fiskalizatzen duen organoa, egindako txostenaren arabera, 670.000 euro garestiagoa izan da azpikontratazioa. Zerbitzu berriak kalitate neurgailurik ez izatea larria dela adierazi zuen. Zentro horretako erabiltzaileek asko kritikatu zuten neurria eta euren salaketak egunkarietako orri asko bete zituen.

Langileak eta ESK, ELA, UGT, CCOO eta LAB sindikatuak poztu egiten gara gure borrokak fruituak eman dituelako. Zuzendaritzak atzera egin du bere asmoetan eta pertsonal propioa eta kalitatea izango dituen sukaldea mantentzea ahalbideratu da.
Sortu ahal izan dizkiegun eragozpenengatik barkamena eskatu nahi diegu gaixo eta euren senideei eta bihotzez eskertu nahi dizkiegu helarazi dizkiguten babes eta elkartasun keinuak, gure borroka aurrera eramateko lagungarri izan direnak.

Barakaldon, 2016ko urtarrilaren 27an

  

 

 

ZF-TRWko EEEk enpresaren etekinen handitzeko estrategiari erantzuten dio

admin
-
0
ZF-TRWko EEEk enpresaren etekinen handitzeko estrategiari erantzuten dio


ZF-TRW enpresak egindako Enplegu Erregulazio Espedientea zuzendaritzak etekinak handitzeko eta lan baldintzen murrizketa ahalbideratzeko estrategiaren barruan kokatzen da. LABetik 250 langileren lanpostuak jokoan jartzen dituen erregulazio espedientea erretira dadin exijitu eta gatazkari irtenbidea emateko instituzio guztien inplikazioa eskatzen dugu. Aldarrikapen hauen gainean Enpresa Batzordeak larunbat honetarako, hilak 30, manifestazioa deitu du Iruñean eta LABek manifestazioa bat eginik, langile guztioi bertan parte hartzeko deia luzatzen die.

ZF- TRW enpresak 250 langile kaleratzeko egin duen Enplegu Erregulazio Espedientearen aurrean eta zuzendaritzak inposatu nahi dituen lan baldintzen murrizketaren aurrean, LABen adierazpena

1. Enpresa Batzordeak larunbat honetarako, hilak 30, autobus geltoki zaharretik deituriko manifestazioarekin bat egiten dugu baita lanpostuen eta lan baldintzen defentsa helburu duen gainerako ekintza eta mobilizazioekin ere. 

2. Aurkeztutako erregulazio espedientea erretira dadin exijitzen diogu.

3. Kaleratzeek, soilik enpresak bere etekinak haunditzeko darabilen estrategiari erantzun diotela salatzen dugu, enpleguaren eta lan baldintzeen bizkarretik.

4. Gatazkari irtenbidea emateko instituzio guztien, Nafarroako Gobernua barne, inplikazioa eskatzen dugu. 

5. LAB sindikatuko delegatu, afiliatu eta langile osoari deia luzatzen diogu larunbateko manifestaldian parte har dezan. 
 

 

 

Prekarietaterik gabeko Bizkaiko Metalgintzako hitzarmen bat posible da!

admin
-
0
Prekarietaterik gabeko Bizkaiko Metalgintzako hitzarmen bat posible da!


"Murrizketarik gabeko Bizkaiko Metalgintzako hitzarmena lortu ahal da!" lelopean metalgintzako langileei inposatu nahi zaien prekarietatearen aurrean alternatibak badirala aldarrikatzera irten gara gaur kalera. Inoiz baino beharrezkoagoa da langileon borroka eta LABetik, metalgintzako hitzarmenak berritzeko borrokan jarraitzeko konpromezuari eutsiz, langile nahiz gainerako sindikatuei prekarietaterik gabeko Metalgintzako hitzarmenen alde mobilizatzeko deia luzatzen diegu.

MURRIZKETARIK GABEKO BIZKAIKO METALEKO HITZARMENA LORTU AHAL DA!

Laister 2 urte beteko dira Bizkaiko metalgintzako negoziazio mahaia bildu ez dela eta 13 urte sektoreko eragin orokorreko azkeneko hitzarmena sinatu zenetik. ASKI DA! PATRONALAREN PREKARIETATEARI STOP!

LABek metaleko hitzarmena berritzeko borrokatuko du. ZERTARAKO?:

1.- Sektoreko langile guztiak, baita langile berriak ere, lan baldintza duinak izateko. Hau, legez, SOILIK ERAGIN OROKORREKO HITZARMENAren bidez lor daiteke, hau da, sektoreko langileen ordezkaritzaren gehiengoarekin adostuta.

2.- Urte hauetan asko sufritu dugu eta eros ahalmen handia galdu dugu. Hori dela eta, hitzarmenak SOLDATA IGOERA DUINAK jaso behar ditu.

3.- Enpresarien etekina handitzen ari da gero eta prekarietate gehiago jasaten ari garelako. Horregatik, hain zuzen ere, inoiz baino beharrezkoagoa da egungo eskubideak defendatzea. MURRIZKETARIK GABEKO HITZARMENA BEHAR DUGU.

4.- Aurrekoa bete ahal izateko, enpresariak ezin du aldebakarrez hitzarmena bertan behera utzi. Beti, langileekin AKORDIOAREN bidez izango da.

LABek Bizkaiko metalgintzako langile guztiei zein gainerako sindikatuei mobilizatzera dei egiten die, denon artean 4 puntu hauek jasoko dituen Bizkaiko metaleko hitzarmen berri bat lortzeko! 

Aipatutako 4 puntu hauek, beharrezkoak eta gutxienekoak izateaz gain, LORGARRIAK DIRA!.

ESAN EZETZ PREKARIETATEARI! MURRIZKETARIK GABEKO BIZKAIKO METALEKO HITZARMENAREN ALDE!
 

LABeko BIZKAIKO DELEGATUEN BATZARRA

Mobilizazioan aurretik LABeko Bizkaiko Metalgintzako delegatuek asanblada egin dute Bilboko Arrupe Etxean. Murrizketak eta prekarietaterik gabeko hitzarmena lortzeko LABen proposamena eta berau aurrera eramateko eman beharreko pausoak aztertu dituzte.
 

 

Jaurlaritzak hezkuntza politika murriztatzailea aldatu ezean mobilizazio fase bati ekingo diogu

admin
-
0
Jaurlaritzak hezkuntza politika murriztatzailea aldatu ezean mobilizazio fase bati ekingo diogu




LAB, STEILAS eta ELA sindikatuok Eusko Jaurlaritzari bere hezkuntza politika murriztatzailea errotik aldatzea eskatzen diogu. Orain arteko negoziazio mahaietan murrizketak inposatzen jarraitzeko asmoa besterik ez du agertu. Bere jarrera aldatu ezean otsailaren 16an hiru sindikatuok mobilizazio fase bati ekitea erabaki dugu.

Steilas, LAB eta ELA sindikatuon oharra
Irakaskuntza publikoko irakasleen aurkako murrizketa politikak aldarazteko mobilizaziora deitzen dugu Steilas, LAB eta ELA sindikatuok

Eusko Jaurlaritzak eta Hezkuntza Sailak hezkuntza sistemaren kalitatea eta lan baldintzen duintasuna ez du lehentasunen artean.

Irakaskuntza publikoko irakasleen mahai sektorialean azaldu ziguten moduan, hezkuntza sistemak behar duen inbertsioari heldu ordez, bankuekin duen zorra kitatzeak lehentasuna izango du, langile, ikasle eta familiekin duen ardurari muzin eginez.

Eusko Jaurlaritzak gure aberastasunaren %3,6 besterik ez du bideratzen hezkuntzara (EB28k %5). 2009tik 222 milioi euro murriztu duelarik aurrekontua, inbertsioaren %4,3tik %3,6ra pasa da. Zorraren ordainketa aldiz %0,8tik %11,1era pasa da, 1.086€ gehiago, alegia.

Urtez urte, Madrilgo eta Gasteiz gobernuak murrizketak bata bestearen gainean ezarri dizkigute hezkuntza sisteman eta irakasleon lan baldintzetan egoera jasan ezina bilakatu arte.

Honen ondorioz,hezkuntzako gainontzeko eremuetan bezala, Irakaskuntza Publikoko irakasleon lan baldintzek okerrera egin dute nabarmen azken urte hauetan.

Azken urteetako matrikulazioak nabarmen gora egin duen arren plantilak ez dira neurri berean hazi. Ikasle gehiago geletan sartzearen ondorioz, hezkuntza sistemak behar dituen baino 1.800 irakasle gutxiago ditu.

Irakasleen artean %31koa behin-behinekotasuna, horrek hezkuntzaren kalitatean, ikastetxeen antolakuntzan eta langileen lan-baldintzetan dituen ondorio larriekin. Jaurlaritzak, ordea, ez du inolako asmorik agertu arazo hau behin betiko konpontzeko.

Plantila beharrak asetzeko eta behin-behinekotasuna nabarmen gutxitzeko 6.000tik gora lanpostu behin-betiko egonkortu beharko lituzke jaurlaritzak.

Honi lotuta, ordezkapenik ez da egiten edo kasu askotan astebeteko atzerapenez egiten dira. Ondorioz, milaka irakastordu galtzen dira urtero, gainerako irakasleen lan-kargak handitzen dira eta ehunka ordezko geratzen dira lanik gabe.

Erretiro aurreratua edota 58 urtetik aurrera irakastorduen gutxitzea ezinezko bihutu du Hezkuntza Sailak. Horrek, irakasle lanetan ari direnen bataz-besteko adina izugarri handitzea ekarri du eta plantilen berritzea eragozten du. Kontutan izan behar dugu irakasle finkoen bataz-besteko adina 50 urtetik nabarmen gora kokatzen dela.

Hezkuntza Sailak gaixotzea zigortzen jarraitzen du, sarritan gaixorik ere lan egitera bultzatuz soldata murrizketarik ez jasateko.

2010az geroztik soldatak murrizteaz gain eroste-ahalmen galera izugarria inposatu digute hezkuntzako langileoi. %13tik gorako eroste-ahalmena galdu dugu, hau da 2010etik 24.000€tik 40.000€ra bitarteko galera kidego eta talde ezberdinen baitan. Oraindik 2012an kenduriko abenduko ordainsariaren %75 bueltatzeke du gobernuak. Eta hau horrela izanik, %1eko soldata igoera lotsagarria besterik ez digu eskaini. 

Hezkuntza Sailak gai hauen guztien inguruan ez du inolako elkarrizketa eta negoziaziorik buru nahi. Orain arteko negoziazio mahaietan aipaturiko murrizketak inposatzen jarraitzeko asmoa besterik ez du agertzen.

Are eta gehiago, murrizketei bide eman zien gutxiengo sindikalarekin sinaturiko 2010-12 akordioa bera aldebakarrez aldatzen ari da murrizketak areagotzeko ikastetxeetako lanpostuak murriztuz, lan baldintzak okertuz eta irakasleon lan zama handituz.

STEILAS, LAB eta ELA sindikatuok Eusko Jaurlaritzari bere hezkuntza politika errotik aldatzea eskatzen diogu, hezkuntza inbertsioa igoz, plantilak handituz, lanpostuak egonkortuz, ordezkapenak lehen egunetik eginez, 58 urtetik aurrera irakastorduak murriztuz eta erretiroa erraztuz, gaixotasun bajak ez zigortuz eta galduriko eroste-ahalmena berreskuratuz.

Hezkuntza Sailak bide honetan pausorik ematen ez duen heinean, sindikatuok mobilizazio fase bati hasiera emango diogu datorren otsailaren 16tik aurrera.

  

 

 

Buruzagitzen inpunitatearen kontrako kanpaina abian Osakidetzan

admin
-
0
Buruzagitzen inpunitatearen kontrako kanpaina abian Osakidetzan


LABek “Eskubideak ezagutu, eskubideak defendatu” lan-eskubideen defentsan eta buruzagi ezberdinen zigorgabetasunaren kontrako kanpaina abiatu berri du Osakidetzan. Agerikoa da azken urteotan Osakidetzako langileon lan-eskubideen urraketak biderkatu egin direla. Gero eta maizago gertatzen dira eta gero eta langile gehiagori eragiten diete. Esan dezakegu nagusien aldetik, zigorgabetasuna erabatekoa dela.

Krisi ekonomikoaren aitzakiapean, azken urteotan ezarritako murrizketek halabeharrez lan-eskubideen murrizketak ekarri dituzte. Eskubide batzuk legez kendu dizkigute eta beste batzuk murriztu egin nahi dizkigute egunerokoan, gurea dena ezeztatuz, beste barik, de facto, murrizketa horiek “lege” bihurtu nahian. 

Eskubide urraketa honetan zuzendaritza maila guztiek hartzen dute parte, nork bere mailan. Goitik, osasun politika murriztaileak ezarriz eta lortu beharreko “helburuak” seinalatuz (kontratazioa murriztu, adibidez); hori bai, osasun sistema publikoaren “eraginkortasun” eta “jasangarritasunaren” diskurtso ideologikoaren barruan. Euren ustez, murrizketa “horiek” (ez beste batzuk, hala nola peonadak, guardiak, pribatura deribazioak…) ezartzen ez badira Osasun publikoa porrotera doa. Datu objektiboek hori guztia gezurra dela frogatzen dute. Euren interes pribatuak soilik defendatzen dituzte.

Bestaldetik, behe-buruzagiek zein gainbegiraleek “lan zikina” burutzen dute, mota guztietako murrizketak eta urraketak langileei sufriaraziz, goikoek babestu egingo dituztela jakinda. 

Ondorioz, LABen kanpainak bi fase izango ditu:

• Lehenengo fasea, dagozkigun eskubideen gaineko informazioa langileen artean zabaldu. Zerbitzuz zerbitzu arituko gara, langileoi kontratazio-akordioan, lan baldintzen-akordioan eta lan-osasuneko protokoloetan jasotzen diren eskubideen berri emanez, formatu ezberdineko materialen bitartez.

• Bigarren faseari dagokionez, urraketa bakoitza gertatzen denean, honi aurre egiteko jardunbidea abiatuko dugu. Argi eta garbi geratuko da nor den urraketaren arduraduna, dagokion zuzendaritzaren onespenarekin egin dela eta, konpondu ezean, salaketa mota ezberdinak aktibatuko ditugu.

 

 

 

Bertan behera Gastronomia Baskako sukalde zentraleko langileen greba

admin
-
0
Bertan behera Gastronomia Baskako sukalde zentraleko langileen greba


Bi eguneko greba eta mobilizazioen ostean sindikatuok egindako proposamerari erantzunez lortu dugu Jaurlaritzaren konpromisoa EEEak eragiten dien langileentzako lan-poltsaren eraketaren aukera aztertzeko. Atzo Olatz Garamendi Hezkuntzako Sailburuodearekin batzartu ondoren eta instituzio honek sindikatuon planteamenduarekiko erakutsitako jarrera baikorraren aurrean, Gastronomia Baskako sukalde zentraleko langileen asanbladak bihar eta etzirako aurreikusita zeuden grebak bertan behera utzi ditu.

Langileek modu positiboan baloratu dute Eusko Jaurlaritzak erakutsitako jarrera eta konfidantza keinu batean, greba bertan behera uztea erabaki dute.

Sindikatuen aldetik, mezua esleipendun enpresa guztietara eramateko konpromezua hartzen dugu, kontratazio berrietan Gastronomia Baskako espedienteak  eragindako pertsonak izenda ditzaten kontratazio berrietarako.

{linkr:related;keywords:gastronomia;limit:5;title:Albiste+gehiago}

 

 

 

Murrizketarik gabeko Bizkaiko Metalgintzako hitzarmena lortu ahal da!

admin
-
0
Murrizketarik gabeko Bizkaiko Metalgintzako hitzarmena lortu ahal da!


LABeko kideok manifestazioa egingo dugu bihar Bilbon “Murrizketarik gabeko Bizkaiko metalgintzako hitzarmenaren alde” lemapean. Arrupe Etxean delegatuen asanblada egingo dugu eta ostean, 11:30ean, FVEMen egoitzaraino joango gara.

Laster bi urteko beteko dira Bizkaiko metalgintzako negoziazio mahaia bildu gabe eta 13 urte dira sektoreko eragine orokorreko azkeneko hitzarmena sinatu zenetik. Testuinguru honetan, LABek metalgintzako hitzarmena berritzeko borrokan jarraituko duela adierazi nahi du.
 

 

 

1...1,0611,0621,063...1,582Page 1,062 of 1,582

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus