2025-02-08
HomeZerbitzu PribatuakMerkataritzaPrekarietatea eta lan-baldintzak okertzea daude El Corte Ingleseko itzelezko irabazien atzean

Prekarietatea eta lan-baldintzak okertzea daude El Corte Ingleseko itzelezko irabazien atzean


Pasa den abuztuan argitaratutako datuen arabera, El Corte Inglés-ek 158 miloi eurotako mozkinak irabazi zituen 2015ean (aurreko urtean baino %34 gehiago). Irabaziok ez datoz zerutik. Izan ere, langileok aspaldi nabaritu dugu mozkinak handitzen direla gure lan-baldintzak kaskartzearen kontura. Egoera gero eta larriagoa da.

Honen adibide argia El Corte Ingles-eko plantilan gero eta langile gutxiago garela da, lan berdina edo gehiago eginez eta soldata eta lan-baldintzak urterik urtera kaskartuz. Lan karga hauek, askotan, goizaldeko 02:00ak arte lanean egotea ekartzen dute. Kasu batzuetan 48 orduren barruan 21 orduz lan egin duten langileen kasuak ditugu, lanaldi luzatzeak eta inbentarioak egin beharra batzen baitira. Horrela, legea urratzen du El Corte Ingles-ek, bete beharreko lanaldien arteko 12 orduko tartea errespetatzen ez delarik. Honek, kalteak eragiten ditu bai osasunean eta langileen poltsikoetan, enpresak ez baitu ordaintzen ordu horietan etxera itzultzeko garraioaren “gain-prezioa”.

Argi dago gainera, langileon lan-baldintzak kaskartzen dituzten neurriak hartzen jarraituko dutela, beraien mozkinak ahalik eta puztuenak izateko helburuarekin. Honen beste adibide argia, Bilboko zentroak udaberrian egin zuen kanpaina da, 1.340 langilek jubilazio planak onar ditzaten konbentzituz. Horren atzean estalitako Enplegu Erregulazio Espediente bat zegoela esan genezake. Honen bidez suntsitu egin du enplegua Bilboko El Corte Inglesek, kontratazio berririk gabe eta plantilan jarraitzen duten langileen lan-karga handituz. Lantaldearen gaztetzea bezala saldu zutena, enpleguaren suntsiketa izatera pasatu da.

El Corte Ingles-en mozkinen atzean dagoena salatu nahi dugu, zifra izugarri hauek langileak esplotatu eta gure lan-baldintzak prekarizatzearen ondorio baitira.
 

 

 

AZKEN ALBISTEAK | ÚLTIMAS NOTICIAS

Gizon batek emakume* bat erail du Irunen

LABetik bat egiten du Euskal Herriko Emakumeen* Mundu Martxak egindako irakurketarekin eta azken honek deitutako mobilizazioetan parte hartzeko deia egiten dugu.

LABek bat egiten du Nafarroako industriaren etorkizuna defendatzeko otsailaren 16rako deitu duten manifestazioarekin

Zortzi mila langile inguru ordezkatzen dituzten Industria arloko zazpi enpresa batzordek, beren lantegietan zein Nafarroa Garaiko ehun industrialean enplegua galtzeko dagoen arriskuaren aitzinean, otsailaren 16an Iruñean nafar industriaren geroaren alde manifestatzera deitu zuten atzo. LAB sindikatuak bat egiten du deialdi horrekin eta, bere aldetik, Nafarroako langileak deitzen ditu mobilizazio horretan masiboki parte har dezaten.

LABek adierazi du aniztasun funtzionaleko langileak langile publikoak direla eta sektorearen publifikazioa eskatu du

3.000 langile ari dira lanean Bizkaiko aniztasun funtzionalaren sektorean, Gorabide, Apnabi, Avifes, Gaude edo Fekoor bezalako enpresentzat. Horiek guztiek zerbitzu publikoa eskaintzen diete aniztasun funtzionala duten pertsonei. Zerbitzu horiek EAEko Gizarte Zerbitzuen Legean jasota daude, eta horien arduraduna Bizkaiko Foru Aldundia da. Gaur egun, zerbitzua erakunde pribatuek kudeatzen dute, Bizkaiko Aldundiarekin egindako hitzarmenen eta diru-laguntzen bidez.