2026-07-03
Blog Page 1050

Italian greban zegoen langilearen hilketa salatzen dugu

admin
-
0


LABek Abd Elsalam Ahmed Eldanf grebalariaren eta Italiako Pacienciako GLS/SEAM-eko langilearen hilketa salatzen du. Abd Elsalam Ahmed Eldanf Egiptoarra eta Italiako USB sindikatuko kidea greba egiten ari zen GLS/SEAM enpresan enpresak inposatzen dizkien lan baldintza prekarioengatik protestan. Enpresariek garraiolari bati kamioia piketeen aurka mugitzeko agindu zioten eta hauen kontra talka egitean langilea hil zuten.

LABetik familiari eta Italiako USB sindikatuko burkide guztiei gure dolumina eta elkartasuna adierazi nahi dugu, langileoi inposatzen dizkiguten lan baldintza prekarioak salatu nahi ditugun bitartean.

Prekarietate hau biolentzia modu guztiekin inposatua zaigu, biolentzia fisikoa, mehatxu eta beldur bidezko biolentzia eta bestelako hainbat biolentzia modu. Kasu honetan argi ikusi denez kapitalak ez du inolako arazorik lan eskubide duinen alde borrokan ari den langile bat heriotzaraino kolpatzeko. Kapitalak bere interesak defendatzen ditu kosta ala kosta eta horretarako bere esku dagoen guztia erabiltzen du.

Bukatzeko gure klase elkartasun beroena helarazi nahi diogu Abd Elsalam Ahmed Eldanf lagun eta senitartekoei, eta idatzi honen bitartez gainontzeko sindikatuei deia luzatzen diegu hilketa hau sala dezaten eta beraien elkartasuna adieraz dezaten. Aldi berean hilketa honen errudunak zigortzea eskatu nahi dugu.

 

 

 

ADEGIk negoziatzeari uko egiten jarraitzen badu, konfrontazioa geldiezina izango da

admin
-
0


Gaur, irailak 15, Gipuzkoako grafikagintzako hitzarmenaren negoziazio bilera izan dugu. Guztira, lau hilabete pasa dira negoziazioak hasi zirenetik. Denbora honetan zehar, ADEGIk ez du inongo proposamenik egin, eta, gainera, sindikatuok egindako proposamen guztiak baztertu ditu. ADEGIk sektoreko langile guztien soldatak izoztu nahi ditu.

Badirudi ADEGIk oraindik ez duela ulertu negoziazio mahaia zertarako den, alegia, negoziatzeko. Jarrera immobilista eta arduragabe honen aurrean, negoziazio mahaia osatzen dugun guztiok exijitu diogu hurrengo bilerarako (irailaren 27an) proposamen bat ekar dezala negoziatzeko duen borondatea egiaztatzeko.

Proposamenik aurkezten ez badu, ADEGIk bere jarrera immobilistarekin, ezinbestez, Gipuzkoako grafikagintzako sektorea konfrontaziora eramango du. Bere eskuetan dago.
 

 

 

1.500 pertsona bildu gara Baionan Lan legearen kontra

admin
-
0
1.500 pertsona bildu gara Baionan Lan legearen kontra


Mobilizazio berri bat, 14.na, iragan da ostegun honetan Baionan Parisek inposatutako Lan Legearen kontra.1.500 pertsonek Baionako karrikak zeharkatu ditugu geltokitik abiatuz azpi-prefekturaraino. LABeko kideak "jusqu’au retrait" kolektiboarekin mobilizatu gara eta ondoan izan ditugu ere, CGTeko kide batzuk. Heldu den irailaren 19an Kolektiboa bilduko da mobilizazioaren segidaz eztabaidatzeko.

Continue

Greba Lanbiden Eusko Jaurlaritzaren immobilismoa eta kudeaketa txarragatik

admin
-
0
Greba Lanbiden Eusko Jaurlaritzaren immobilismoa eta kudeaketa txarragatik



LAB eta ELA sindikatuok greba deialdia egin dugu Lanbiden irailaren 21 eta 22 eta urriaren 3, 4 eta 5erako orientazio zerbitzua suntsi dezakeen Eusko Jaurlaritzak egindako kudeaketa negargarria eta gelditasuna salatzeko.

Lanbideko Zuzendaritzak berak defendatu du Orientazioa organismoaren modelo antolatzaile eta funtzionalaren zutabe bezala. Hala ere, errealitateak kanporatutako eta gutxitutako zerbitzu bat erakusten digu. Pertsonal gutxi egoteaz gainera, orientazioko funtzioarekin bat ez datozen betebehar gehiago egiten dituzte eta orientatzaileek haien lanpostua galtzeko arriskua ere badaukate.

Gatazka honek 195 langileen egonkortasunarengan dauka eragina modu zuzenean, bulegoetako %30a. Hala ere, eragina dauka lan-talde osoan eta baita jendarte osoan ere, Lanbidek eskaintzen duen zerbitzu publikoa txarragotzen den heinean.
Akordio batera heltzeko administrazioaren borondate ezaren aurrean, mobilizazio sendoak burutzearen beharra ikusten dugu, eta 5 egunetako lanuztea iragarri dugu organismoaren plantilla osorako.

 

INFO

INFO
 

 

Positiboki baloratzen dugu Baztango Zahar Etxean sinatutako hitzarmen berria

admin
-
0

Elizondon kokatuta dagoen Baztango Joaquin Iriarte Zahar Etxean lan hitzarmen berria sinatu dugu. Baztango 2. enpresa nagusia da, 85 langile eta 150 erabiltzailerekin. Lan hitzarmen berri honek, aurretik sinatu zen lehenengo enpresako lan hitzarmena ordezkatuko du, aurreko lan hitzarmeneko lan baldintzak hobetuz.

LABetik positiboki baloratzen dugu prozesu negoziatzailea nola joan den, eta batez ere, pozgarria iruditzen zaigu aurreko prozesu negoziatzailea hagitz gatazkatsua izan bazen honakoa bertze norabide batetik joan dela. Hori pozgarria da.

Enpresa Batzordeak apustu garrantzitsua egin zuen lan hitzarmen on bat sinatzeko, eta hori dela eta lehenengo egunetik langile guztiekin eskuz-esku lanean aritu gara denon artean markatzen genituen helburuak lortzeko.

Lan hitzarmen ona sinatu dugula erran dezakegu. Pozik erran dezakegu enpresak neurriak inposatu baino negoziatzeo bidea barneratu duela, eta lan erreformak neurriak inposatzeko ematen dion gaitasuna indargabetu da, negoziazioaren bidezko akordioen aldeko apustua eginez. Langileontzat soldata igoera bat egonen da lan hitzarmenak irauten duen 3 urteetarako eta jeitsi egingo da lan ordu kopurua. Langileontzat puntu hau izugarri garrantzitsua zen, lan ordu luzeak eta lan zama pisutsuak jasaten dituen sektore batetaz ari garelako solasean, gero aunitzetan lan baldintza duinekin errekonozituta ez dagoelarik. Gainera, hainbat neurri lortu ditugu kontziliazio laborala, familiarra eta sozialarekin lotuta.

Positiboki baloratzen dugun bertze puntu bat osasun zerbitzu publikoaren alde egindako apustua da, konkretuki, mutualitatearekin indarrean dagoen kontratua bukatzean, kontratua Osasunbidearekin eginen da. Guretzat puntu hau hagitz garrantzitsua zen, erran bezala lan baldintza gogorrak jasaten diren sektore honetan. Baja kopuruak bertze sektoreetan baino handiagoak dira honetan, interes pribatua eta ekonomikoa langilearen osasunaren gainetik jartzen duten mutualitateak alde batera utzi, eta osasun zerbitzu publikoaren aldeko apustua egiten delako.

Beraz, orokorrean akordioa positiboki baloratzen dugu, eta etorkizunera begira lan harremanak hobetzen hasteko oinarriak jartzen ari garela uste dugu. Orain solastutako guztia eta paperean idatzitako guztia egunerokotasunean praktikara eramatea falta zaigu. Hori da erronka.

 

 

 

Eusko Jaurlaritzak herri honen langileen gehiengoa mespretxatzen du

admin
-
0
Eusko Jaurlaritzak herri honen langileen gehiengoa mespretxatzen du



Gaur, irailaren 14an, Eusko Jaurlaritzak, SEA patronalak eta CCOO eta UGT sindikatuek gutxiengoan sinatutako Arabako Metaleko hitzarmena argitaratu du Arabako Aldizkari Ofizialean. Erabaki hau joan den udan Eusko Jaurlaritzak, CONFEBASK eta CCOO eta UGT sindikatuekin adosturiko akordioaren gauzapen praktikoa da, beste urrats bat. Lehen aldia da gobernu batek gutxiengoan sinatutako hitzarmen bat argitaratzen duela aldizkari ofizial batean, erabateko salbuespeneko egoera bati normaltasuna eta babesa eman nahian.

LABen iritziz, Eusko Jaurlaritzaren jokaera hau guztiz antidemokratikoa eta larria da, argi eta garbi patronalaren alde lerrokatzen baita, azken honek duen akordio merkeak lortzeko estrategiarekin bat eginez eta herri honen langileen gehiengoak erabakitakoari muzin eginez. Urkullu jauna: prest al zaude onartzeko eta argitaratzeko Gasteizko Legebiltzarrean gutxiengo batek erabakitzen duena? Hori zilegia eta demokratikoa iruditzen zaizu?

Erabaki honek datorren hilaren 20an Gasteizko kaleetan egingo dugun mobilizazioaren beharrean berresten gaitu. Herri honek lan harremanetarako eredu propioa behar du, langileen ordezkaritzak errespetatua izan behar du eta pobrezia eta prekarietatea hedatuko ez dituen benetako negoziaketa kolektiboa ezinbestekoa da.

 

 

 

Urkulluk eta EAJk prekarietatean sakontzen duten politikak aplikatzen dituzte

admin
-
0
Urkulluk eta EAJk prekarietatean sakontzen duten politikak aplikatzen dituzte



Irailaren 5ean, Bilboko Guggenheim Museoan Manpower Groupek azpikontratatuta dauden Gida eta Hezitzaileek greba mugagabea hasi zuten 18 hezitzaileren kaleratzea salatu eta lan-baldintzak hobetzea eskatuz. Gaur, hilak 14, LAB sindikatuak giza-katea egin du, Eusko Jaurlaritzatik hasita Guggenheim Museora zuzendu gara. Bertan Ainhoa Etxaide, LABeko Idazkari Nagusiak, salatu du “ez dagoela inongo arrazoirik langile hauen prekarietatea eta kaleratzea justifikatzen duenik”.

Guggenheimeko langileen prekarietatea eta kaleratzea justifikatzeko erabili diren argudioak faltsuak dira. Krisian zehar, arrazoi ekonomikoa jarri zituzten mahai gainean, baina Etxaidek azaldu duen bezala “Guggenheim diru iturri itzela da”. Lehiakortasuna ere izan dute hizpide, baina “Guggenheimen ez dago preziotan lehiatzen duen ezer". Azken argudioa eta Etxaideren aburuz salagarriena da “kualifikazioa falta erabiltzen dutela, langile hauek Guggenheim museoko patronatoa osatzen duten pertsonak baino kualifikatuagoak daudenean”. Argudio anker hauen atzean ezkutatu nahi dute arrazoi erreala: “patronatoak erabakitzen du langileek zenbat balio duten, beraien ekarpenek zenbat balio duten eta instituzioek utzi egiten die ezarritako balio hori aplikatzen eta miseriazko soldatak ordaintzen”.

Bestalde, Etxaidek mezu bat bidali nahi izan dio Urkullu jaunari bere alderdiak zuzentzen baititu egoera hau konpon dezaketen hiru instituzioak, bai Udaletxea, Diputazioa zein Jaurlaritza:“Urkulluk eta EAJk ezin dute beste aldera begiratu honelako egoerak ahalbidetzen dituzten politikak aplikatzen dituzten bitartean”. Urkullu iruzur egiten ari da esaten duenean gizartearentzat baduela eskaintza bat patronalari eskatzen duen guztia ematen dion bitartean.

ALBISTE GEHAIGO
{module[648]}

 


 

 

GUGGENHEIM MUSEOKO HEZITZAILEAK GREBAN

admin
-
0
{module[648]}
 

 

 

Giza katea Guggenheim Museoko hezitzaileen kaleratzea salatzeko

admin
-
0
Giza katea Guggenheim Museoko hezitzaileen kaleratzea salatzeko

Irailaren 5ean, Bilboko Guggenheim Museoan Manpower Groupek azpikontratatuta dauden Gida eta Hezitzaileek greba mugagabea hasi zuten. 18 hezitzaileren kaleratzea salatu eta lan-baldintzak hobetzea ari dira eskatzen. Bihar asteazkena, LAB sindikatuak giza-katea egingo du Eusko Jaurlaritzatik hasita.

Bertatik, 10:00etan, Bizkaiko Foru Aldundira (Gran Via, 25), Sabin Etxea EAJren egoitzara eta Bilboko Udalera zuzenduko gara. Instituzio bakoitzari eta EAJri zuzendutako gutun bana erregistratuko ditugu egoitza bakoitzean. Mobilizazioa amaitzeko, Guggenheim Museora zuzenduko gara.

ALBISTE GUZTIAK
{module[648]}
 

 

 
1...1,0491,0501,051...1,632Page 1,050 of 1,632

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus