2026-01-30
Blog Page 1036

Euskal Herriaren burujabetzaren eta langileon eskubideen kontrako neurririk ez hartzea eskatzen diogu Gipuzkoako Foru Aldundiari

admin
-
0

2010ean Españar Gobernuaren aginduz, administrazio publikoetako langileei %5 murriztu behar zitzaien soldata. Euskal Herriaren burujabetzaren eta langileon eskubideon aurkako neurria zen arren, Gipuzkoako Foru Aldundiak (orduan EAJ eta H1) aginduari men egin, eta txintik esan gabe murrizketa hori aplikatzeari ekin zion. Honen harira Foru Aldundian gaur egun gehiengoa duen LAB Sindikatuak gogor salatu nahi du egun dagoen foru gobernuak epaiari helegiterik jarri ez izana.

Bere garaian LAB Sindikatuak eta Langile Batzordeak ere, aho batez, bere desadostasuna adierazi zuen murrizketarekin berarekin, eta baita hura gauzatzeko moduarekin ere. Agiri baten bidez adierazi zuen bere desadostasuna, eta murrizketa aplikatzeko modu alternatiboa aurkeztu zuen. Foru Gobernuak ez zien jaramonik egin eskaera haiei, eta bere irizpideak aplikatu zituen.

Harrezkero, KPIak gora egiten zuen arren, soldatak izoztuta jarraitu zuten 2014ra arte, Madrilgo Gobernuaren debekuaren ondorioz. Orduan, EH BILDUren foru gobernuak Gipuzkoako Foru Aldundiko langileen soldatak %0,6 igotzea erabaki zuen, eros ahalmenaren galerak eragindako ondorioak arintzeko xedez.

Baina beti bezala, Carlos Urkijok (Espainiako Gobernuak EAEn duen ordezkariak) erabaki horren aurka helegitea jarri zuen, soldata igotzeko debekua hautsi izanagatik. Helegite horren ibilbidea 2015eko irailaren 30ean amaitu zen, Aldundiaren aurkako epaiarekin; haren arabera, langileek jasotako igoera hori itzuli egin behar zuten.

EAJ eta PSE alderdiek osatutako foru gobernua dago orain Gipuzkoako Foru Aldundian, eta epai horri helegiterik ez jartzea, eta bere horretan betetzea erabaki dute, hilabete honetan langileoi jasotako dirua itzularaztea behartuz.

Foru Aldundian gaur egun gehiengoa duen LAB Sindikatuak gogor salatu nahi du egun dagoen foru gobernuak epaiari helegiterik jarri ez izana, eta langileon eta Euskal Herriaren burujabetzaren kontra behin eta berriro erasokor ari den estatu baten aginduei buru makur men egin izana.

LABek egun dagoen foru gobernuari ausardiaz jokatzea eta Euskal Herriaren burujabetzaren eta langileon eskubideen kontrako neurririk ez hartzea eskatzen dio.
 

 

 

LABek bat egiten du Kataluniar herrietako erakunde eta sindikatuek sinatutako Per les llibertarts, avancem! Que cap tribunal ens faci callar manifestuarekin

admin
-
0
LABek bat egiten du Kataluniar herrietako erakunde eta sindikatuek sinatutako Per les llibertarts, avancem! Que cap tribunal ens faci callar manifestuarekin


Kataluniar Herrietako erakunde eta sindikatu ezberdinek sinatutako Per les llibertarts, avancem! Que cap tribunal ens faci callar manifestuarekin bat egiten du LABek. Manifestu honetan kataluniar herrietako jendartea jasaten ari den jazarpena salatzen da. Guzti honen kontra eta kataluniar instituzioak zuzenki interpelatuz maiatzaren 7an, larunbatean, Bartzelonan egingo den manifestaldiarekin bat egiten dugu.

Kataluniar Herrietako erakunde eta sindikatu ezberdinek sinatutako Per les llibertarts, avancem! Que cap tribunal ens faci callar manifestuarekin bat egiten du LABek. Manifestu honetan kataluniar herrietako jendartea jasaten ari den jazarpena salatzen da, bereziki aipatuz zinegotzi eta sindikatuetako kideek pairatzen dutena. Hain zuzen ere, Espainiar Estatuak zinegotzi eta parlamentari independentisten aurka prozesu judizialak zabaldu nahian dabil Kataluniar Herrietako etorkizunari buruzko gustuko ez dituzten eztabaidak bultzatu, iritziak plazaratu eta posizio politikoengatik .

Guzti hau salatzeko eta kataluniar instituzioak zuzenki interpelatuz maiatzaren 7an, larunbatean, Bartzelonan egingo den manifestaldiarekin bat egiten dugu Manifestu honetan. Ikararik gabe, pausu sendoak emanez eta bide demokratikoak erabiliz Kataluniar Herriaren subirautza politikoa lortzea aldarrikatzen dugu.

 

 

Maiatzak 28. BIDEAK BATUZ. Euskal Herria contra la precariedad

admin
-
0
Maiatzak 28. BIDEAK BATUZ. Euskal Herria contra la precariedad
 
{module [638]}

 

{module [640]}

IBILBIDEA



 

ZUTABEAK




#bideakBatuz

BIDEOAK


 

DENOK AUTOBUSEAN
Erosoagoa eta jasangarriagoa

Autobusez joango gara Bilbora. Eman izena zure eskualdean.
LABeko egoitzak

 

   

EUSKARRIAK


KARTELA [PDF]    

ESKUORRIA [PDF]

DIPTIKOA [PDF]

{saudioplayer}http://www.lab.eus/materiala/argazkiak/ekintzaSindikala/M28/16_05_10/euskarazM28.mp3{/saudioplayer}

{saudioplayer}http://www.lab.eus/materiala/argazkiak/ekintzaSindikala/M28/16_05_10/elebidunM28.mp3{/saudioplayer}

KUÑAK [.ZIP]

 

 

 
AINHOA ETXAIDE
Azpimarra eta gehiago

 
Maiatzak 28. Mobilizazio Nazionala. Euskal Herria contra la precariedad 

M28an #bideakBatuz. Mobilizazio Nazionala. 4 zutabe, 11 aldarrikapen



MM28an Bilbora euskararen alde!



M28an Bilbora. Zerbitzu publikoetan oro ez da urre



 

 

KNAUF MIRETek ETT bidez kontratatzen du kaleratzeak egiten dituen bitartean

admin
-
0

KNAUF MIRET Eskirotzeko Comarca II Poligonoan dagoen enpresak otsailan kaleratu zituen langileek egiten zuten lanak egiteko ETT bidez ari da langileak kontratatzen. LABek Enpresaren jarrera salatu eta kaleratutako langileak berrartuak izan daitezen eskatzen du.

Joan den apirilak 22 ostirala KNAUF MIRET Eskirotzeko Comarca II Poligonoan dagoen enpresak hiru langile kaleratu zituen. Aldi berean, produkzioan kaleratutako bi langileak ordezkatzeko, ETT-ko bi langile kontratatu ditu kaleratuek egin zituzten lanak egiteko. Hirugarren kaleratuaren kasuan, enkargatu bat, gainerako bi enkargatuek 12 orduko turnoak egiten ari dira hutsunea betetzeko.

Orain hilabete batzuk enpresa Knauf Miret multinazionalak erosi zuenetik desegonkortasuna, inposaketa eta langileen osasunaren okertze bat eman da.

LABtik enpresak burutu dituen kaleratzeak salatu nahi ditugu kontratu mugagabeak ETTgatik ordezkatuz. Langileen lan baldintzak prekarizatzeko helburua duten kaleratzeak dira.Gaur berrartuak izan daitezen aldarrikatu dugu BSH-ko errotondan Eskirotzen.
 

 

 

Bizkaiko eraikuntzako hitzarmenak zehaztutako lanaldia betez gero, 650 lanpostu baino gehiago sortuko lirateke

admin
-
0
Bizkaiko eraikuntzako hitzarmenak zehaztutako lanaldia betez gero, 650 lanpostu baino gehiago sortuko lirateke


LABek kontzentrazioa egin du gaur ASCOBI, Bizkaiko eraikuntzako patronalaren aurrean, Bilboko langabetuen asanbladekin batera. Sektorean bizi den itzelezko prekarietatea salatzea zen helburua. Sindikatua burutzen ari den prekarietatearen kontrako kanpainaren barruan, eraikuntzako langileek jasan behar dituzte lanaldi luzeak salatu dituzte; enpresek, batez ere azpikontratek, egiten dizkieten kaleratze mehatxuen aurrean. Salatu dute eraikuntza dela sektorerik prekarizatuenetako bat.

Adibidez, adierazi dute badirela langileak lan-ordua 4 edo 5 euro kobratzen dutenak. Gainera, Bizkaian sektorean ari diren 27.000 langileetatik, %20k baino gehiagok laneko jarduna egunean ordubete luzatu behar izaten du gutxienez. Egunean 10 eta 12 ordutako lanaldiak ere badaude.

2015ean 1.100.000 ordu estra sartu ziren Bizkaiko eraikuntzan, hauetako asko ez direlarik ez gozatu ez ordaindu. Normalean langileak ez du uko egiteko aukerarik malgutasuna erabatekoa delako. Eta zer esan lanaldi luze eta laneko istripuez. Iaz 1.500 laneko istripu gertatu ziren Bizkaiko eraikuntzan, eta langile bat hil zen ondorioz.

Hitzarmenak zehaztutako lanaldia betez gero, 650 lanpostu baino gehiago sortuko lirateke.

Eraikuntzako langileak enpresen beharren menpe daude.
Lanaren eta aberastasunaren banaketa aldarrikatzen du LABek. Asteko 35 ordutako lanaldiak utopia izateari utzi behar dio errealitate bihurtzeko. 35 ordutako lan-astea eta soldata duinak posible dira eraikuntzan ere. Ez da bidezkoa langileek 10 ordu edo gehiago sartu behar izatea soldata duina lortzeko.

LABek eraikuntza enpresa handiak egiten ditu egoeraren erantzule, inolako araurik gabeko oihan bihurtu dute sektorea, instituzio publikoen aldetik inolako kontrolik ez dagoela baliatuz.

 

 

 

ETBren seinalea Nafarroan oztopatzearen aurka mobilizatu gara

admin
-
0
ETBren seinalea Nafarroan oztopatzearen aurka mobilizatu gara



ETBko Langile Batzordeak deituta, eta EITBko gainontzeko Batzordeek bat eginda, kontzentrazioa egin dugu komunikabide publikoak Bilbon duen egoitzaren aurrean. Izan ere, gobernu espainiarrak erabilitako lege eta mehatxuak direla medio, atzo Euskal Telebistaren seinale digitala eten egin baitzen Nafarroan.

EITBko LABen iritziz, eraso sinple bezain bortitz honekin estatu espainiarrak ETBren “txoriaz” gain, beste hainbat txori akabatu nahi ditu kolpe bakarrez: Nafarroan euskarak eta euskal kulturak (Nafarroako hizkuntzak eta kulturak alegia) duten babesa; Euskal Herria zatikatuta mantentzea; eta “kontakizun bakarraren” estrategiaren ildoa indartzea.

ETBren emanaldiak itunen bidez kontrolatzea edo zuzenean etetea aspaldiko estrategia da, UPNk sutsuki bezain gaixoki bultzatu eta Madrilek lagundutakoa. Halere, aipatzekoa da kolpe bortitza eman denaren unea, hain zuzen ere, Nafarroako hizkuntza eta kulturak babesik handiena izaten ari diren unean, eta herrialdean aldaketa politikoa abiatzen ari denean.

EITBri eta EAEko zein Nafarroako alderdi politikoei eta instituzioei zera eskatzen diegu: ahal duten guztia egiteko egoera larriari buelta emateko eta EITBren emisio guztiak Euskal Herri osoan ikusi ahal izateko, zazpi herrialdeetan hain zuzen ere. UPNri eta espainiar estatuari ez diegu ezer eskatzen. Izan ere, EITBko LABeko kideon iritziz, arrisku eta eraso horiek ekiditeko dugun berme bakarra estatu propioa izatea delako.

Euskal Telebistako Langile Batzordearen oharra

"ETBren emisioa Nafarroan ixteko Espainiako Gobernuak hartutako erabakia Nafarroako gizartearen zati handi baten kontrakoa da dudarik gabe. Herrialde honetan, euskal kultura baztertzea du helburu eta EAE eta Nafarroaren arteko harremanak sakontzeko bidean jarritako harri handi bat da. Hego Euskal Herria deseuztea du xede, Gobernu Espainiarraren benetako eta funtsezko asmoa zentralismoa indartzea baita. Nafarroako emisio digitala eteteak, gainera, hainbat langile utziko ditu lanik gabe. Gobernu Espainiarraren jarrera salatzen dugu, Euskal Telebistaren langile batzordeak “Euskal Telebista Euskal Herri osoan” nahi dugulako."
 

 

 

48 orduko greba orokorraren atarian gure elkartasuna eta sostengua adierazten diogu Greziako langileriari

admin
-
0


LABek elkartasuna eta sostengua adierazi dio Greziako langileriari 48 orduko greba orokorraren atarian. Greba deialdia Greziako langile mugimenduak deitzen du, PAMEk bultzaturik. Grebaren bitartez Enpresarien elkarteak, Europar Batasunak, Nazioarteko diru funtsa eta Greziako gobernuak langileen aurka harturiko neurriak salatzeko deitu dute.

Azken urteotan enpresa transnazionalen eta kapital handiaren irabaziak ziurtatzeko eskubideen aurkako eraso bortitza jasan dute greziar herritarrek. Soldata murrizketak, kaleratzeak, gizarte segurantzaren ahultzea, lan harreman malguak eta langabezia, osasungintza eta hezkuntza sistemen pribatizazioak herriak pairatu dituen bitartean, enpresa transnazional eta konpainia handiek izugarrizko irabaziak izan dituzte. Greziar gobernuak sinatu duen 3. Memorandumaren ondorioz osasun sistemara sarrera garestiegia bihurtu da gazteentzat eta pentsiodunen egoera txarrera egin du berriro. Zerga berriak inposatu diote herriari, enpresa haundieri presio fiskala murrizten den heinean.

 

 

 

1.080 eurotako gutxienezko pentsio duinak bermatzeko aukera galdu da Gasteizko Parlamentuan

admin
-
0

Gaur, Gasteizko Parlamentuak, EAJ, PP eta UPyDren ezezko botoekin eta PSEren abstentzioarekin, ezetz esan dio 1.080 eurotako gutxieneko pentsio duina jaso ahal izateko osagarri proposamenari. Pentsionista ugarik euren bizi baldintzak hobetzeko osagarriaren proposamenari ezezkoa ematea akatsa dela uste dugu. Desberdintasun sozialak areagotzen dituen erabaki politikoa da.

Gure ustez, gure herriak aurrean duen erronketako bat arrakala soziala murriztea izan beharko litzateke, gero eta handiagoa dena, aberastasunaren banaketa gero eta injustuagoaren ondorioz. Hori izan beharko litzateke politika eta instituzioek hartutako neurrien helburua eta ez kontrakoa, egiten ari direna hain zuzen. Politika hauen ondorio kaltegarriek bizitza baldintza duinetan garatzea zailtzen dute.

Ikusten dugun moduan, hau ez da erronka eta helburua EAJ, PP eta UPyDrentzat. EH Bilduk Gasteizko Parlamentuan egin duen proposamena baztertu dute. Eta honekin, berriz ere ezetz esaten diete Hego Euskal Herriko Pentsionisten Plataformei. Hauek duela hilabete batzuk Herri Ekimen Legegile bat aurkeztu zuten eta hauxe zen bertan jasotzen zen aldarrikapenetako bat.

Kontuan izan behar dugu pentsionistak direla Hego Euskal Herriko lau biztanletatik bat, eta portzentaia hau gorantz joango da biztanleria zahartuz doan heinean. EAEko pentsionisten %50ak baino gehiagok 1.080 euroen azpitik dauden pentsioak dituzte. Onartezina da soldata publiko altuak jasotzen dituzten eta etorkizunean pentsio itzelak izango dituzten horiek (lehendakariaren bizitza osorako pentsioa barne) 230.000 pertsonaren pentsioak hobetzeari ezetz esatea, horixe gertatuko bailitzateke proposamenak aurrera egin izan balu.

Pentsionistei bizi-baldintza duinak eskaintzeari ezezkoa ematen dioten bitartean, uko egiten diote enpresa eta aberastasun handien iruzur fiskalaren, paradisu fiskalen kontra egiteari eta egun ez dagoen ekitate fiskala lortzeari. Desberdintasun sozial honi egin behar zaio aurre. Aberastasunaren banaketa bidegabe eta insolidario honek oso pertsona gutxiri egiten dio mesede, eta baldintza oso prekarioetan lan egitera kondenatzen du gehiengoa.

Ez dago aitzakiarik. Beste behin, EAJ, PP eta UPyDren politika zaharkitua, baliabide ekonomiko beharrezko eta nahikoak izatea eskatzen duten milaka pentsiodunen eskubidearen kontra jartzen da. Horregatik, LABetik ezezko hau salatzen dugu, eta ezartzen diren politikak orain artekoen kontrako norabidean joatea eskatzen dugu, hau da, guztion artean sortzen dugun aberastasuna modu bidezkoan banatzea eta pertsona guztien bizitza baldintza duinetan garatu ahal dadin bermatuko duen norabidean.

Amaitzeko, LABetik dei egiten dugu Babes eta Segurantza Sozialeko Sistema Propioaren alde, Pentsionisten Plataformak egiten ari diren eskariak sinatzen jarraitzeko eta 1.080 eurotako Gutxieneko Pentsio Duinaren exijentzia babesteko, politikoek ezetz esan narren. Erakutsiko diegu asko garela bidezko aldarrikapen hauek babesten ditugun eta gaur Gasteizko Parlamentuan ikusi ditugun jarrera negargarriak salatzen ditugun milaka herritarrak.
 

 

 

Ez aldundiak, ez enpresek, ez dute lortuko Bizkaibus zerbitzua prekarizatzea

admin
-
0

Emakidak lortu zituzten enpresak lan-baldintzak prekarizatzeko egiten dituzten saiakeren aurrean Bizkaibus-eko enpresa-batzordeek eta UGT, CCOO, ELA, LAB eta USO sindikatuok lanuzteak egitera deitu dugu Bizkaibusen. Ez plantillek, ez enpresa-batzordeek, ez sindikatuok ez dugu utziko lan-baldintzak eta Bizkaibus zerbitzua prekarizatzen.

UGT, CCOO, ELA, LAB eta USO sindikatuen Oharra:

Bizkaibus-eko enpresa-batzordeek eta UGT, CCOO, ELA, LAB eta USO sindikatuok lanuzteak egitera deitu dugu Bizkaibusen.
Izan ere, emakidak lortu zituzten enpresak lan-baldintzak prekarizatzen saiatzen dira behin eta berriz; lehenengo, hitzarmen desberdinak zituzten plantillak batera bilduz, eta bigarren, negoziazio bidean dauden hitzarmenetan prekarizazio-neurriak sartzen ahaleginduz.

Gainera, Bizkaiko Foru Aldundia beste aldera begiratzen du, eta gure arazoak “lan-arazoak” direla esaten du, gainetik kendu nahian. Baina gogora ekartzekoa da, Aldundiak berak sinatu zuela akordio bat, non 2013ko urrian zeuden lanpostuak amortizatuko ez zirela esaten zen. Puntu hori ez da bete, zeren postu batzuk amortizatu dira, eta beraz 2013 eta 2014an sinaturikoa urratu da.

Egoera den bezalakoa izanik, eta ez plantillek, ez enpresa-batzordeek, ez sindikatuok ez dugunez utziko lan-baldintzak eta Bizkaibus zerbitzua prekarizatzen; lanuzteak egitera deitzen dugu, Bizkaibus zerbitzua hobetzearren, eta herritarren beharrizanekin bat datorren zerbitzua zaintzearren. Ez diegu utziko enpresei zerbitzu publiko baten pribatizaziotik atarramendua eurrez ateratzen.

Horregatik hurrengo lanuzteak antolatu ditugu:

– Maiatzak 4, 9, 12, 16, 18 eta 20. Lanuzteak: 07:30 – 09:30; 18:00 – 20:00; eta gaueko txandaren lehenengo bi orduetan.

– Maiatzak 23, 24, 25 eta 26. Lanuzteak: 07:00 – 10:00; 17:30 – 20:30; eta gaueko txandaren lehenengo hiru orduetan.

– Maiatzak 30 eta 31, eta ekainak 1, 2, 3, 6, 7, 8, 9 eta 10. Lanuzteak: 07:00 – 11:00; 17:00 – 21:00; eta gaueko txandaren lehenengo lau orduetan.

Lanuzte horien ondorioz erabiltzaileei sortuko zaizkien eragozpenak sentitzen ditugu, baina kalitatezko enpleguaren alde egiten duguna kalitatezko zerbitzuaren alde ere izango da.
 

 

 
1...1,0351,0361,037...1,588Page 1,036 of 1,588

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus