Joan den ostiralean herritar bat hil zen Laudioko anbulategian bihotzekoak jota, bertan medikurik ez zegoenean. Gaur, mobilizazioa egin dugu bertan, Osakidetzaren kudeaketak arriskuan jartzen gaituela salatzeko.
Era berean, datorren ostiralean, hilaren 19an, Aiaraldean egingo den eskualdeko mobilizazioan parte hartzeko deia egin dugu. 18:30ean izango da, Laudioko Herriko Plazatik, osasun sistema publiko eta duin baten alde.