2024-09-19
HomeZerbitzu PublikoakZerbitzu SoziokomunitarioaOntzat jo dugu Nafarroako Parlamentuak konpromisoa hartu izana gizarte zerbitzuen ratioak hobetzeko...

Ontzat jo dugu Nafarroako Parlamentuak konpromisoa hartu izana gizarte zerbitzuen ratioak hobetzeko eta aurrekontuetan Esku-Hartze Sozialeko hitzarmenerako diru partida bat gordetzeko

Nafarroako Parlamentuaren aurrean mobilizatu gara, bertan eztabaida zegoen bitartean. Bada, sindikatuak azken urte eta hilabeteetan egin duen ekimen nekaezinaren ondorioz, gaur goizean mozio bat onartu dute, zerbitzu sozialen etoirkizunerako berebiziko garrantzia duten bi gai barnebiltzen dituena.

Lehenengo gaiak "ratioen dekretu" berriaren zirriborroa gizarte eragileekin negoziatzeko eskatu dio Nafarroako Gobernuari. 1991ko dekretu deseguneratua. Lau urte baino gehiago daramatzagu dekretu hori aldatzeko eskatzen. Gaur egun, desgaitasunari, adingabeei, familiari, hirugarren adinekoei eta gizarte-bazterkeriari aurre egiteko gizarte-zerbitzuetako plantillek gehiegizko lan-kargak dituzte, eta horrek haien osasuna kaltetzen du. Errealitate soziala izugarri aldatu da 30 urtean, eta gizarte zerbitzuek gaur egungo beharrei ematen dieten erantzuna eguneratu egin beharko litzateke.

Legebiltzarraren konpromisoa lortu ondoren, LAB sindikatuak Nafarroako Gobernuari eskatzen dio deitzeko, dekretu berria negoziatu ahal izan dezagun. Beharrezkoa da agendan jartzea, egutegia egitea eta lan egitea gizarte zerbitzuetan langile eskasia historia izan dadin. Gizarte-zerbitzuak eta horien kalitatea prekarietatean, langile-gabezian eta langileen osasun-galeran oinarritu ez daitezen.

Mozioan jorratutako gaietako bigarrenean, Parlamentuak Nafarroako Gobernuari eskatzen dio esku-hartze sozialeko sektoreko hitzarmenaren negoziazioan inplika dadila, baita 2020ko aurrekontuetan hori bermatu dezala ere, inplementatu ahal izateko.

Parlamentuko eztabaida baino lehen LABek talde guztiei eskatu zien jatorrizko mozioari bi zuzenketa egitea. Bi zuzenketok sartu zituzten, eta gaur onartu dituzte. Horien bidez Gobernua premiatzen da kontratuak edo itunak ekonomikoki egunera ditzan eta, halaber, baldintza-agiri berriek nahitaez bete beharrekoak jaso ditzaten.

Saioaren ondoren, pozez esan dezakegu gure bi proposamenak Na+, EH Bildu, Podemos eta I-E alderdien babesei esker onartu direla; bestalde, nahiz eta publikoki aldeko iritzia agertu, kezkaz ikusten dugu nola gaur PSN eta Geroa Bai abstenitu diren. Espero dugu Nafarroako Gobernuak gaurko akordioa aintzakotzat hartzea eta bere gain hartzea gaur egun lortu den parlamentu-agintaldi berria.
 

 

 

AZKEN ALBISTEAK | ĂšLTIMAS NOTICIAS

Pentsioen inguruko akordio berriak erretiro adina atzeratzen du eta pauso berri bat suposatzen du gizarte segurantzaren pribatizaziorantz

Gaur, Pedro Sanchez buru dutela, sinatu dute CCOO eta UGT sindikatuek eta CEOE eta Cepyme patronalek pentsioen alorrean adostutako akordio sozial berria. Akordio hori estatu-mailan egin da, eta legezko adina eta kotizazio-urteak igotzen jarraitzea du helburu, erretiro adina atzeratzea sustatuz. LABen uste dugu akordio honek ez diela erantzuten euskal gehiengo sindikalak eta Euskal Herriko Pentsiodunen Mugimenduak aurkeztutako premiazko eskaerei. Aitzitik, Espainiako Gobernuak aurrera egiten du Bruselatik garatutako politika neoliberaletan, betiere patronala babesten duten sindikatuen bermearekin.

Fekoorren mobilizazio zikloa abiatuko dugu datorren astean

Desgaitasun fisikoa edo/eta organikoa duten pertsonen Bizkaiko Federazio Koordinatzaileko beharginek hitzarmen propioa dute aldarri.
01:41:36

[BIDEOA]: “Zerga-sistema aldatu, aberatsek gehiago ordain dezaten” solasaldia Iruñean, Mikel Aranburu eta Carlos Cruzadorekin

Fiskalitatearen inguruan antolatu dugun lehen solasaldietako lehena izaten ari da orain, Iruñeko Txalaparta liburudendan. Ilargi Jaunarena sindikatuko ekonomialariak gidatuta, Carlos Cruzado “Los ricos no pagan IRPF. Claves para afrontar el debate fiscal” (Capìtan Swing, 2024) liburuaren egilea eta Mikel Aranburu Nafarroako Gobernuko Ogasun kontseilari ohia zerga-politikaz ari dira solasten.