2024-02-29
HomeZerbitzu PribatuakSalgaien GarraioaNanuk enpresako langileek zuzendaritzak txantaia egin nahi diela salatu dute

Nanuk enpresako langileek zuzendaritzak txantaia egin nahi diela salatu dute

Transportes Nanukek txantaia berria egin die langileei. Akordioa lortzeko egon diren momentuan, kaleratutako pertsonek beraien aurkako demanda erretiratu behar dutenaren eskaera jarri du mahaiaren gainean. Hau da, pertsona horrek ukaezin eta norberarena den eskubide bati uko egin behar diola edozein akordio egon dadin. Egoera hau salatzeko prentsaurrekoa eman dute langileek.

NANUK enpresako langileen irakurketa

NANUKeko langileok ozen eta publikoki salatu nahi dugu enpresaren zuzendaritzak, EROSKIren laguntzarekin, erabili dituen trikimailuak, adostutako aurreakordioak ezerezean gelditzeko, eta ondorioz, irailaren 2an hasitako grebari amaiera eman ahal izateko.

Gure borrokari esker, eta Eusko Jaurlaritzak egindako bitartekotza dela eta, NANUK berriro negoziaketa mahaian eseraraztea lortu genuen, negoziatzear zeuden gaiak adosteko; Enpresa Hitzarmena eta kaleratutako langilearen berronarpena, hain zuzen ere. Ez baita ahaztu behar langileon borondate ona dela medio, aurreakordioa zegoela zor diren aparteko paga eta soldata jaitsierari dagokionean.

Behin eta berriz azpimarratuko ditugu zeintzuk izan ziren Xabier Gallastegiren kaleratzearen inguruabarrak, aurreabisurik gabe, jakinarazpenik gabe, greba deialdia egin eta bi egunetara, ez kontratu amaiera batengatik, bidegabeko kaleratzea zela onartuz, espediente garbiarekin, laburbilduz, greba deialdiaren aurkako mendeku gisa kaleratua izan zen.

Langileok hainbat proposamen egin ditugu kaleratua berronartua izan dadin, mahai gainean jarri da lankide bolondres bat bere ordez enpresatik alde egingo zuena. Baina enpresak beti EZETZ erantzun digu, kaleratutako langilearen berronarpenak ezin zituela akordio orokorrak baldintzatu argudiatuz.

Egindako azken bileran, Enpresa Hitzarmenari zegokionez, aurreakordioa lortuta, kaleratutako langilearen berronarpena Epaitegietan erabakitzea planteatu genuen, horrela lan gatazkari bukaera eman ahal izateko. Enpresak ordurarte kaleratzea grebarekin inolako harremanik ez zeukala defendatzen zuen, baina azkeneko bileran, aurreakordioak sinatzeko, kaleratutako langileak bere oinarrizko eskubidea den berronarpen demanda atzera botatzearekin baldintzatu dute.

Honek argi eta garbi adierazten du kaleratzea eta greba estuki elkarloturik daudela.

Grebalariok argi daukagu, kaleratutako langilearen alde borrokatzeak langile kolektiboaren alde borrokatzea dela. Errepresalia hauek etorkizunean gutariko edozeinen aurka erabili daitezke eta hori ezin dugu onartu.

Eroskiren jarrera ere, aipatzekoa da, %98an beraientzat lan egiten dugulako. Grebaren hasieratik, behin eta berriro, greba komiteari bere instalazioetan sartzea ukatu digute, hau da, gure lan zentroara, ondorioz, grebarako oinarrizko eskubidea urratu du, lan ikuskaritzak zigor bat ezarri diolarik. Eroskik elkartasuna balore gisa duen Kooperatiba izanik, lan ikuskaritzaren errekerimenduak bete ordez, santzioa errekurrituko duela aitzakiatzat hartuta, sartzea ukatzen jarraitzen digu behin eta berriz.

Hau dela eta, aipaturiko eskubidea urratzeaz gain, ezin dugu egiaztatu greban gauden langileon lan postuak ez direla eskirolen bitartez ordezkatzen.

Eroski bezalako enpresa batek horrelako jarrera bat izateak amorratzen gaitu.

Eroskiren erantzukizuna haratago doa. Nanuk autonomo batzuek sortutako enpresa bat izan zen, Eroskik bere merkantzien garraiorako zuen beharrari erantzuteko. Eroskigaitik eta Eroskirentzat jaio ginen eta horretan mantentzen gara.

Horregatik, legez kontrako langileen lagapenagatik salaketa tarteratu dugu. Ez dugu Eroskiren jarrera oztopatzailea ulertzen, etengabe gatazkan bitartekari lana egitea eskatu zaio, baita eurekin bilera bat burutzea, baina Eroskik ez gaitu kontutan hartu, ez dugu erantzunik jaso. Guztiz konbentzituta gaude Eroskik Nanukengan daukan eraginagatik, euren esku dagoela gatazka honen konponbidea.
Azaldutakoagatik, grebalariok indartsuago, gure borrokan berresten gara, eta gure eskuetan dagoena egingo dugu, Nanuk eta Eroski behingoz erakartzeko gatazka honen konponbiderako borondatearekin negoziatu dezaten, hau da, orainarte egin ez dutena.
 

 

LAB sarean
{module[111]}

       

AZKEN ALBISTEAK | ÚLTIMAS NOTICIAS

Greba egun arrakastatsua Amazonen, enpresak langileen asmoei jaramonik egiten ez dien bitartean

Gaurko greba egunaren balorazioa oso positiboa da, parte-hartzea erabatekoa izan dela esan dezakegu. Plantilla finkotik arduradun gehienak sartu dira, baina kontuan izan behar da arduradunek ez dutela pakete bat bera ere ukitzen, eta, beraz, oinarrizko langileek ez badute lan egiten Amazoneko operatiba guztia ez da ateratzen.

SKOLAEren kontrako azken erasoa salatzen dugu

Administrazioari eskatzen diogu har ditzala beharrezko neurriak ikastetxeetan aniztasunaren aldeko programa hau aurrera eramaten dela bermatzeko. Hezkidetzan eta feminismoan oinarritzen den programaren aurkako enegarren erasoa da hau, eta LAB sindikatuan ez dugu onartuko horrelako eraso gehiagorik!

Envases multinazionalak 68 kontratu iraungitzeko Enplegu Erregulazio Espedientea aurkeztu du

Envases Universal 7 lantoki dituen multinazionala da, horien artean Ugaokoa, 108 langile dituena. 2023ko uztailera arte lantoki hori Domiberiarena izan zen, harik eta Envases Universal enpresak ordura arte Domiberiarenak ziren lantokiak erosi zituen arte, hain zuzen ere. Aste honetan, multinazionalak Enplegua Erregulatzeko Espedientea aurkeztu du, Ugaoko eta Montmeloko zentroen artean 68 lanpostu iraungitzeko ekoizpen- eta antolaketa-arrazoiak argudiatuta.