2026-11-18
HomeZerbitzu PublikoakIrakaskuntzaNafarrroako Irakaskuntzako LEP iruzurra, aldaketari bai

Nafarrroako Irakaskuntzako LEP iruzurra, aldaketari bai


Nafarroako irakaskuntzako gehiengo sindikala LEParen aurka izanda ere, Geroa Bairen Gobernuak proposamenarekin aurrera jarraitzeko erabakia hanka sartze bat da. Erabakia salatzeko eta aldaketa bidean gaur, bihar eta etzi "LEP iruzurra, aldaketari bai" lelopean mobilizatuko gara Iruñean.

Pasadan ostiralean Nafarroako Irakaskuntzako LEPa tratatzeko Mahai Orokorra burutu zen. LEP honen prozesua luzea eta korapilatsua izan da eta mahai gainean jarri duten proposamena lotsagarritzat jotzen dugu. Geroa Bairen Gobernuak irakaskuntzako gehiengo sindikala LEP honen aurka izanda, proposamen honekin aurrera egiteko sinesgarritasun osoa galdu du.

Haur Hezkuntzako eta Lehen Hezkuntzako euskarazko 120 plaza kendu dituzte ikasturte honetarako. Mahai Orokorrean gehiengo sindikalak (LAB eta ELA) ezetz esan dio LEP honi.

Ostiral arratsaldean, Mahai Sektoriala egin zen eta LABetik adierazi genuen LEP prozesu hau arduragabekeriaz betetakoa izan dela, ondorioz ez dagoela inongo bermerik negoziaketak aurrera egiteko eta ez dugula lan egiteko modurik ikusten. Mahai Sektorialeko gehiengo sindikalak ere, (LAB, Steilas, ELA) ezezkoa eman dio eta AFAPNAk ere bai.

Irakasle lanpostuen zerrenda kudeaketa arautzen duen 60/2009 Agindu Foralaren aldaketa ezinbesteko baldintza izan zen sindikatu guztientzako. Ondorioz koherentziaz ezetz esan beharko liokete sindikatu guztiek LEP honi.

Geroa Bairen Gobernuak irakaskuntzako gehiengo sindikala LEP honen aurka izanda, proposamen honekin aurrera egiteko sinesgarritasun osoa galdu du.

Hortaz LABek, prozesu hau kudeatu duen Hezkuntza Departamentuko lantaldearen dimisioa eskatzen du, baita Mendoza Kontseilariarena ere, prozesu hau bideratzeko ahalmena ez duelako erakutsi, negoziazio faltsuetan aritu delako eta kudeaketa traketsa lideratu duelako.

Datorren astean mobilizazioak egingo ditugu LAB, STEILAS eta ELA sindikatuok. Otsailak 8, 9 eta 10. Nafarroako Jauregiaren aurrean (Carlos III z/g). Eguerdiko 12:00tan izango dira. Kontzentraren leloa “LEP IRUZURRA, ALDAKETARI BAI”.Sindikatu hauek Nafar jendartea mobilizaio hauetan partehartzera gonbidatu nahi dute eta bereziki prozesu honetan kaltetuak izan diren irakasleak.
 

 

 

AZKEN ALBISTEAK | ÚLTIMAS NOTICIAS

LABek eskatzen du BFAko eta GUFEko plantilla handitzea zenbait unitatetan, ez baitago langile kopuru nahikorik

Bizkaiko Foru Aldundiko-GUFEko LABen atal sindikalak proposamen bat aurkeztu zuen joan den astean Batzar Nagusietan, bi erakundeen Lanpostuen Zerrenda (LPZ) handitzeko eskatuz, Bizkaiko aurrekontu-proiektuan bertan 2027an ezartzen diren langile-hazkundearen aurreikuspenetatik harago.

Lan eremuan indarkeria matxistaren aurkako konpromisoak behar direla aldarrikatzera kalera aterako gara azaroaren 25ean

Emakumeen Aurkako Indarkeriaren Kontrako egunaren harira, LABetik mobilizazio bana deitu dugu Gasteizen eta Iruñean.

Salatzen dugu Correoseko bulegoak eta banaketa-unitateak gainezka daudela kontrataziorik egin ez delako

Posta bidezko botoa onartzeko azken eguna bihar izango da, eta LABen atal sindikalak salatu du bulegoak eta banaketa-unitateak gainezka daudela, hauteskunde-kanpainak eragindako jarduera-igoeraren eta kontratazio faltaren ondorioz. Egoera horrek agerian uzten du, beste behin ere, enpresaren aurreikuspen eta plangintza falta.