2024-09-19
HomeIndustriaMetalgintzaLanuzteak Zalain Transformados enpresan zor zaien lansaria eskatuz

Lanuzteak Zalain Transformados enpresan zor zaien lansaria eskatuz

Ordain-sariak eta nominak ordaintzeko orduan egondako atzerapenak salatzeko Zalain Transformadoseko langileek mobilizazioekin jarraitzen dute. Urtarrilaren 25ean hasitako mobilizazio dinamikak atzo jarraipena izan zuen 4 orduko lanuzteekin. 

Lesakako Zalain Transformadosen gertatzen ari denaren inguruko Lantegi Batzordearen irakurketa

Lesakan kokaturik dagoen Zalain Transformados lantegian gertatzen ari denaren inguruan aipamen bat egitea komeni da, bertan lan gatazka batek bizirik dirau eta gaur egun.

Lan gatazka ez da berria 2014ko Martxoan kokatu baititeke bere hasiera. Zalain Transformados lantegia eta bere 350 langileak Condesa taldearen barruan daude kokatuak daude oraingoz Euskal Herriko bertze 3 plantekin eta Nazioartean dituzten bertze 5 lantegirekin batera.

2014ko Martxoan taldeak zeukan finantza arazoak zirela medio Condesa taldea eta ondorioz Zalain Transformados hornidurarik gabe gelditu zen eta lan zama izanik ere lana behar bezala ezin atereaz egon ziren. Taldea aurre konkurtso egoeran sartu zen, eta Konkurtsoan sartzeko epea bukatzeko egun bat falta zenean ArcelorMittalek eta banku kontsortzio batek akordio bat lortu zuten taldeko lantegi batzuen kontrola hartzeko tartean Zalain Transformados. Gelditzen zen azken tramitea Europako konpetentzia batzordearen oniritzia zen eta pasa den Urtarrilaren 29an gauzatu zen.

Tarte honetan eguberri hauetan Condesa Taldeak bere langile guztiei eta noski Zalain Transformadoseko langileei ere eguberrietako eta urtarrileko 2 aparteko soldatak ordainduko ez zizkiela jakin arazi zien eta hori dela eta langileek mobilizazioei ekin diete bere soldata ordaindua izan dadin exijitzeko.

Konkretuki lehenengo mobilizazioa urtarrilaren 18an egin zuten 4 orduko lan uzte batekin txanda bakoitzean, Ondotik ikusita enpresak paga bakoitzaren %25a bakarrik ordainduta zuela Otsailaren 2 eta 4rako txanda bakoitzean bertze lau ordutako lan uzteak egin dituzte. Langileen ordezkariek eta langileek batzarretan argi utzi dutenez soldataren osotasuna kobratu arte ez dituzte mobilizazioak utziko eta beraz ordaindu ezean mobilizazio gehiago aurre ikusten dira.

Horregatik gaur Otsailak 4 eguerdiko 11etan 150 langile Zalain transformadoseko ataritik atera eta Berako herrira joan gara eta bertako Banco Santander parean kontzentratu gara gure egoerari soluzio bat eskatzeko. Egoera konpondu ezean mobilizatzen jarraituko dugu, zor zaiguna ordaindu arte.

 

 

 

AZKEN ALBISTEAK | ÚLTIMAS NOTICIAS

Karrera profesionala guztiontzat exijitu dugu

Sindikatuak Nafarroako Parlamentuaren aurrean elkarretaratzea egin du gaur goizean helburu bikoitz bati jarraiki: batetik, ateez bestaldean izenpetu behar zen akordioa ospatzeko, zeinaren bitartez Osasunbideko 3.000 langile baino gehiagorentzako karrera profesionala onartuko baita; eta bestetik, eskubide hori bera gainerako langileentzat ere zabal dadila aldarrikatzeko. Egun historikoa dela nabarmendu dute, borroka sindikalaren beharra eta garrantzia azpimarratzearekin batera.

Pentsioen inguruko akordio berriak erretiro adina atzeratzen du eta pauso berri bat suposatzen du gizarte segurantzaren pribatizaziorantz

Gaur, Pedro Sanchez buru dutela, sinatu dute CCOO eta UGT sindikatuek eta CEOE eta Cepyme patronalek pentsioen alorrean adostutako akordio sozial berria. Akordio hori estatu-mailan egin da, eta legezko adina eta kotizazio-urteak igotzen jarraitzea du helburu, erretiro adina atzeratzea sustatuz. LABen uste dugu akordio honek ez diela erantzuten euskal gehiengo sindikalak eta Euskal Herriko Pentsiodunen Mugimenduak aurkeztutako premiazko eskaerei. Aitzitik, Espainiako Gobernuak aurrera egiten du Bruselatik garatutako politika neoliberaletan, betiere patronala babesten duten sindikatuen bermearekin.

Fekoorren mobilizazio zikloa abiatuko dugu datorren astean

Desgaitasun fisikoa edo/eta organikoa duten pertsonen Bizkaiko Federazio Koordinatzaileko beharginek hitzarmen propioa dute aldarri.