2024-05-22
HomeIdazkaritzakEuskara IdazkaritzaNafarroako Euskara Legea: aldaketa positiboa baina ez nahikoa

Nafarroako Euskara Legea: aldaketa positiboa baina ez nahikoa

Atzo, hilak 19, Nafarroako Parlamentuan, D eredua herrialde osoan zabaltzeko lege proposamena onartu zen. LAB sindikatutik, urrats positibo gisa baloratzen dugu lege proposamen hau onartu izana. Urrats positiboa bai, baina ez nahikoa. Urrats hau, nafar guztion hizkuntza eskubideak bermatzetik urrun dagoela uste dugu.

Batetik, lege honek euskaraz ikasteko eskaerari ez dio osoki erantzuten, ondorioz euskaraz ikasteko eskubidea ez du bermatzen. Edozein hizkuntza normalizatzeko, eta kasu honetan euskara, euskararen ezagutzatik eta euskaraz ikastetik abiatzen da.

Bestetik, Nafarroan nafar guztiok euskaraz bizitzeko eta ikasteko eskubidea garatu ahal izateko “Ley del Vascuence” bertan behera uztea da berme bakarra, lege diskriminatzailea da nafarrak bizitokiaren arabera bereizten gaitu eta bizi diren tokiaren arabera eskubide batzuk aitortzen edo ukatzen zaizkigu herritarrei. Euskara ezagutzea nafar eskubidea da, ez da aukera bat, eta eskubidea denez, instituzioei dagokie hori bermatzea. 

Azkenik, euskararen normalizazio eta ezagutzan Administrazioak erantzunkizun handia du eta bide horretan behar diren baliabide eta politikak garatu beharko lituzke, administrazioa, hedabideak, lan mundua eta irakaskuntza bermatzeko alegia edozein hizkuntzaren lau funtzioak.

LABetik euskararen ofizialtasuna aldarrikatzen dugu eta bide horretan lanean jarraituko dugu.

  

 

 

AZKEN ALBISTEAK | ÚLTIMAS NOTICIAS

Euskal hitzarmenen lehentasuna bermatuta, esparru propioaren eraikuntzan urrats gehiago eskatu ditugu

Aurreko erredakzioa hobetzeko LABetik egin genituen eskarietako batzuk aintzat hartu dira; ondorioz, Euskal Herriko langileek bertako hitzarmenen lehentasuna bermatu ahal izango dute.

Osakidetzako zuzendaritzak eta Osasun Sailak ikuztegiak publifikatzeari ekin behar diote, LABek lortutako EAEko Justizia Auzitegi Nagusiaren epaiaren ondoren

Eskaera formal bat aurkeztu dugu Osasun Sailean, Osakidetzan ikuztegi lanak publifikatzeko behar diren elkarrizketei ekiteko asmoz.

Gasteizko Francisco Vitoria institutuan lan-osasun arloko prebentzioa bermatzeko exijitu dugu

Ikastetxeko langileek eta sindikatuok elkarretaratzea egin dugu Gasteizko Hezkuntza Ordezkaritzaren aurrean. Hezkuntza Sailak eta ikastetxeko zuzendaritzak uko egin diote arrisku psikosozialen ebaluazioa egiteari.