LAB eta ERNAIren arteko “ Gazteen lan eskubideen gida” eskualdez eskualde aurkezten ari gara. Atzokoan Lizarran 15 lagun batu ziren aurkezpenera. Konturatuak gaude, horrelakoak antolatzea guztiz beharrezkoa dela eragile bien arteko harremana sendotzeko, antolatzeko eta borrokatzeko beharra ikustarazteko eta gazteak egungo legeen barruan zein eskubide dituzten jakitun izateko, gero eskubide horiek beteak izan daitezen.
Gazteak beste garai batzuetan ere prekarietatea bizi izan badute, egoera hori beste sektore guztietara zabaldu denean, beraien egoera are larriagotu egin da, eta aurretik zail bazuten bizi proiektua aurrera eramatea, orain ezinezko bihurtu da.
Ez ERNAIk ez LABek ez dugu egoera hau inondik inora onartuko, gure eginbeharra hau borrokatu eta iraultzea izango da beste eredu batera bidean. Hori posible izateko, gazteen eta langileon arteko aliantzan sakontzea da bidea, eta horretan pausoak ematen jarraituko dugu.
