2024-04-15
HomeZerbitzu PublikoakNafarroako AdministrazioaNafarroa galbidean jarri duten neurrietan sakontzea proposatu du UPNk

Nafarroa galbidean jarri duten neurrietan sakontzea proposatu du UPNk

Gaur Nafarroako Parlamentuan izandako eztabaidan Yolanda Barcinak Nafarroak pairatzen duen krisia areagotuko luketen neurri berriak proposatu ditu. Lehenik, erreforma fiskal sakona egiteari uko egin dio eta Nafarroako diru-kutxa hustu duen politika txikitzaileari eutsi dio (Nafarroako Ubidea, Abiadura Handiko Trena).

Era berean, Opus Dei-aren holdinga bultzatzearren diru publikoa desbideratzen jarraitu nahi du, CIMAko operazio lotsagarria bi ikerkuntza gune berrietan errepikatuz eta Donapea emanez herritarren gehiengoaren nahiaren aurka.

Bestalde, Barcina gezurretan ari da oinarrizko zerbitzu publikoak sostengatzen jarraituko dutela esaten duenean: urte honetan mila lanpostutik gora galduko dira Osasunbidean eta 350 Hezkuntzan Gobernuak ezarritako neurrien erruz, operazio medikoak zentro pribatuetara eraman eta ikasleak sexuaren arabera banatzen dituzten Opusen ikastetxeei diru-laguntza mantentzen dien bitartean. Nola hitz egin dezake Barcina andereak enpleguaren sorreraz, bere Gobernua denean lanpostu gehien suntsitzen ari den patronala?

UPN gehiengo langilearen kontra gobernatzen ari da eta horregatik eskatzen dugu, berriro ere, Gobernuaren dimisioa, hauteskundeak deitzea eta Nafarroaren etorkizun ekonomiko eta politikoaren inguruko eztabaida soziala irekitzea, non herritargoak izango duen hitza eta erabakia.

AZKEN ALBISTEAK | ÚLTIMAS NOTICIAS

Amazonen borrokan jarraitzen dugu

Enpresaren jarrerak ezin itxiagoa izaten jarraitzen du, langileon beharrizanei entzungor egiten jarraitzen duelarik. Hala ere, borrokan, lanuzteak egiten eta kalera ateratzen segitzen dugu. Atzo, igandea, hilaren 20ra arte luzatuko den lanuzte-aldia abiatu genuen Trapagarango lantokian, eta gaur goizean goiz manifestazioan atera dira langileak Bilboko kaleetan barrena.

Guitrans patronalari exijitu diogu blokeoa eteteko

Gipuzkoako salgaien errepide bidezko garraioaren hitzarmena berritu nahi dugu behingoz. 6.000 langile baino gehiagori eragiten dio hitzarmen horrek.

Mecanerren itxiera ekidin eta Euskal Herrian industriaren eta enpleguaren etorkizuna bermatzeko politikak exijitu dizkiegu instituzioei

Urdulizeko automobilgintza lantokiaren jabe den Stellantisek 2023ko irailean jakinarazi zuen enpresa ixteko erabakia, eta orain Enplegu Erregulazio Espedientearen kontsulta epean murgiduta dago Mecaner. Bada, langileek erakutsi dute enpresaren bideragarritasuna eta jarraikortasuna posible direla, eta une erabakior honetan arduradunek esku hartzea premiazkoa da.