Ia urte eta erdiko negoziazioen ondoren, Arabako Esku-hartze Sozialaren sektoreak hitzarmen duin baten alde borrokatzen jarraitzen du. Horrela, LAB, ELA, CCOO, ESK eta UGT sindikatuok kontzentrazioa egin dugu gaur Gasteizko Probintzia plazan, Arabako Foru Aldundiaren egoitzaren aurrean.
Patronala negoziazioa blokeatzen ari dela salatu dugu, erakundeen finantzaketan aitzakipean, eta esanez KPIari lotutako igoera batek elkarte askoren amaiera ekar lezakeela. Esan beharrik ez sindikatuok ez dugula bat egiten patronalaren iritziarekin.
Hain zuzen ere, sindikatuek sektoreko 1.000 langile baino gehiagoren erosahalmena bermatzea eta lan baldintzen duintzea eskatzen dute. Horregatik, sektore osoari dei egiten diogu apirilaren 26an goizeko 10:00etan Eusko Jaurlaritzaren aurrean mobilizatzeko.