Beste eskualde batzutan egiten ari garen moduan, martxoaren 8rako Greba Feministarako deia egin dugu gaur Bilbon. “Kapitala hautsi, bizitzari eutsi” lemarekin, protesta ikusgarria egin dugu Bilbon. “Neskamearen ipuina” irudkikatuz, sektore feminizatuen gatazkak eta lan egoera salatu ditugu LABeko emakumeok.
Eusko Jaurlaritzaren egoitza parean hasi dugu protesta. Bertan, berdintasun-planen porrota salatu dugu. Aldundian, garbiketa eta soziokomunitarioko langileek gatazkak ikusarazi ditugu. Zaran, ekoizpenaren esplotazioa eta lan baldintzen galerak salatu ditugu eta El Corte Ingles-en, bertako soldata-soldata, langile gehienak emakumeak izan arren buruak gizonezkoak baitira.
Epaitegien aurrean amaitu dugu protesta. Emakumeontzako juztizia eskatu dugu eta bertako lan baldintzak salatu ditugu.
Greba feministari begira, Mugimendu Feministak Bilbon egin dituen deialdiak gogoratu ditugu amaieran, hauetan parte hartzeko deia eginez. Martxoaren 5ean Azaroaren 25eko plazan egingo den Besarkada feminista. Martxoaren 6an 18:30ean Bilboko Gran Viatik egingo den kalejira aldarrikatzailea eta martxoaren 8ko 24 ordutako Greba Feminista.